BBC News, Кыргыз КызMATы - Башталгыч бет
Башкы кабарлар
Киевге массалык сокку урулду: Ондон ашуун адам каза болду
Бейшембиге караган түнү орус аскерлери Киев шаарына жана облусуна ракеталар, дрондор менен массалык сокку урду. 12 адам набыт болду. Алардын жарымынан көбү Украинанын борборунун Соломенский районунда каза болду. Бул райондо сокку тогуз кабаттуу турак үйгө тийген. Киев шаарында 21-август, жума күнү аза күтүү күнү деп жарыяланды. Орусиянын Коргоо министрлиги "аскердик өнөр жай ишканаларына, транспорттук-логистикалык борборго жана кампаларга" биргелешкен сокку урулганын билдирди.
Атамбаев менен Султанбеков баш болгон саясатчылардын камактагы мөөнөтү узартылды
Мурдагы президенттин уулу Кадырбек Атамбаев жана "Социал-демократтар" партиясынын лидери Темирлан Султанбеков баштаган ондой адамдын камактагы мөөнөтү дагы эки айга узартылды. Бул тууралуу Бишкектин Биринчи май райондук сотунун басма сөз кызматы билдирди.
"Станцияңды алып кет деп жатышат". Электромобиль станцияларын орноткон ишкерлер мэрияга нааразы
Бишкекте электромобилдерди кубаттоочу станцияларды орноткон ишкерлер президентке кайрылышты. Алар мэрия станциялар жайгашкан муниципалдык жерлердин ижара келишимдерин узартпай жаткандыктан, бизнестери коркунучка кептелгенин билдиришүүдө.
Казакстандагы жол кырсыгынан эки кыргызстандык каза болду
Казакстандын Караганда облусунда катталган жол кырсыгынан Кыргызстандын эки жараны каза болуп, дагы бир жаран жабыркады. Бул тууралуу Кыргызстандын Тышкы иштер министрлиги билдирди.
Израил Сирияга сокку урду. Түркияны Идлибдеги базага аскер жайгаштырат деп айыптады
Израил шейшемби күнү Сириянын Идлиб провинциясындагы авиабазага сокку урду. Бул тууралуу сириялык маалымат каражаттары кабарлады. Израил өкмөтү да чабуул болгонун иш жүзүндө ырастады. Чабуул Түркиянын жана аймактагы АКШнын атайын өкүлүнүн кескин сынына кабылды. Америкалык дипломат бул аракетти "керексиз эскалация" деп атады.
Би-Би-Синин WhatsApp каналына катталыңыз
Биздин каналдан дүйнөдөгү жана Кыргызстандагы күндүн башкы жаңылыктарын жана Би-Би-Синин эксклюзивдүү баяндарын биринчилерден болуп окуңуз
Редактордун тандоосу
Бишкекте расмий иш-чараларга байланыштуу айрым соода борборлору убактылуу жабылат
31-август жана 1-сентябрда Бишкектеги айрым соода борборлору ишин убактылуу токтотот. Бул тууралуу мэрияда Шанхай Кызматташтык Уюмунун саммитине жана VI Дүйнөлүк көчмөндөр оюндарына даярдык көрүү боюнча Координациялык комиссиянын жыйынында белгилүү болду.
Кыргызстан Кытай менен мунай заттарын импорттоо боюнча макулдашты
Кыргызстан Кытайдан күйүүчү-майлоочу материалдарды ташып келүү боюнча жаңы келишимдерди түздү. Бул тууралуу Министрлер Кабинети билдирди.
"Түрмөдө жыйырма чакты адамга комуз үйрөттүм". Аскат Жетиген абактан чыкты
Чүйдүн Молдовановка айылындагы №27 түзөтүү мекемесинде отурган Аскат Жетиген бүгүн, 19-августта эркиндикке чыкты. Ал Кылмыш-жаза кодексинин "Бийликти басып алууга чакырык жасоо" беренеси боюнча айыптуу деп табылып үч жылга соттолгон. Акын айыптоолорду четке кагып, ырайым сураган эмес. Ал жаза мөөнөтүн толук өтөп бүттү.
Казакстандагы шайлоо: Жаңы Курултай эски парламенттен эмнеси менен айырмаланат?
Казакстанда 23-августта жаңы парламент - Курултайдын депутаттарын шайлоо өтөт. Бул өлкөнүн саясий тарыхындагы өзгөчө шайлоо болот. Анткени казакстандыктар бул жолу Мажилиске же Сенатка эмес, жаңыдан түзүлгөн бир палаталуу парламентке депутаттарды шайлашат.
Кыргызстанда санкциялык тобокелдиги бар 19 компания жабылат
Кыргызстанда санкциялык тобокелдиктерге байланыштуу 19 компаниянын ишин токтотуу чечими кабыл алынды. Бул тууралуу эл аралык санкцияларды сактоо маселеси боюнча өткөн жумушчу кеңешмеде айтылды.
Би-Би-Си ТВ жаңылыктары
Би-Би-Си Кыргыз кызматынын эл аралык жаңылыктарын көрүңүз.
