ټرمپ: له ایران سره خبرې روانې دي او له سخت اقدام مخکې وروستی فرصت ورکوو

عباس عراقچي، چې د اربعین مراسمو ته د نژدې کېدو په درشل کې نجف او کربلا ته سفر کړی، ویلي چې د تهران او بغداد اړیکې اوس مهال په خپل تر ټولو ښه حالت کې دي. له ښاغلي عراقچي د سفر سره هممهاله، د عراق لومړي وزیر علي زیدي هم کربلا ته تللی دی. بل لور ته، ډونلډ ټرمپ ویلي چې له تهران سره خبرې روانې دي او دا به د ایران لپاره "وروستی فرصت" وي چې له امریکا د امریکا ولسمشر ډونلډ ټرمپ ویلي چې له ایران سره خبرې روانې دي او غواړي له هر ډول ویجاړوونکي اقدام مخکې تهران ته یو وروستی فرصت ورکړي. ټرمپ په سپینه ماڼۍ کې خبریالانو ته وویل چې په لومړي پړاو کې به د هرمز تنګی پرانیستل کېږي او په دویم پړاو کې به د ایران د اټومي پروګرام په اړه خبرې وشي. هغه زیاته کړه: "زموږ دریځ ډېر روښانه دی؛ ایران ته د اټومي وسلو د لرلو اجازه نه شي ورکول کېدای." سره د "یوه هوکړه لیک د لاسلیکولو" په اړه تفاهم ته ورسېږي.

لنډیز

نړیوالو بازارونو کې د تېلو بیې لوړې شوې
ټرمپ: له ایران سره خبرې روانې دي او له سخت اقدام مخکې وروستی فرصت ورکوو
راپورونه: هرمز تنګي ته نږدې پر یوې سوداګریزې بېړۍ برید شوی
د یوې څېړنې پایلې: ایرانیان هره ورځ څلور ساعته په انټرنېټ کې تېروي
سپاه پاسداران: "هرمز تنګي کې مو د امریکا یوه بې‌پیلوټه الوتکه ویشتې ده"
د ایران په لرستان کې "په وروستۍ جګړه کې ۱۱ ښوونځي سخت زیانمن شوي"

ژوندی پوښښ

۲۷ چنګاښ ۱۴۰۵ - ۱۸ جولای ۲۰۲۶سېنټکام: د ایران د سمندري کلابندۍ اډانه کې مو تر اوسه د ۵ بېړیو لوري بدل کړي دي
د امریکا د پوځ مرکزي‌ قومندانۍ یا سېنټکام په عرب سمندرګي کې د خپلې "یواېس‌اېس ډونلډ کوک" جنګي بېړۍ د یوه عکس له خپرولو سره ویلي، چې امریکايي ځواکونه په ټینګه "د ایران سمندري کلابندۍ" ته دوام ورکوي.
د سېنټکام لخوا په خپاره شوي عکس کې له دې سترې الوتکې لېږدونکې بېړۍ سره نږدې په اسمان کې یوه "اېم‌اېچ-۶۰ اېس سي‌هاک" چورلکه هم ښکاري.
د امریکا پوځ مرکزي‌ قومندانۍ پر خپله اېکس پاڼه خپاره کړي بیان کې زیاته کړې، چې د جولای تر ۱۸مې یې د پېنځو بېړیو لوری بدل کړی او یوه کښتۍ یې له کاره غورځولې ده.
۲۷ چنګاښ ۱۴۰۵ - ۱۸ جولای ۲۰۲۶د امریکا پوځ: پر اردن د ایران بریدونو کې دوه امریکايي سرتېري وژل شوي
د امریکا د پوځ مرکزي قومندانۍ (سېنټکام) وايي‌ د دغه هېواد دوه سرتېري چې په اردن کې یې له خپلو شریکانو سره یو ځای د ایران لخوا د توغول شویو توغندیو او ډرونونو دفاع کوله، وژل شوي دي.
په دې تړاو خپره شوې اعلامیه کې راغلي چې یو بل امریکایي سرتېری بې‌درکه دی.
سېنټکام په دغو بریدونو کې د خپلو یو شمېر سرتېرو د ټپي کېدو خبر هم ورکړی دی.
تر دې ورمخکې ایران اعلان کړی و چې په اردن کې یې د امریکا پر پوځي اډي برید کړی دی.‌
بل خوا د فارس خلیج د همکاریو شورا سرمنشي جاسم محمد بدیوي، هغه څه چې ده په لوی لاس په بحرین، کویت او اردن کې د غیر پوځي زېربناوو او تاسیساتو هدف ګرځول بللي، غندلي دي.
۲۷ چنګاښ ۱۴۰۵ - ۱۸ جولای ۲۰۲۶وروستی, د ایران روغتیا وزارت: د امریکا نویو بریدونو کې ۵۰ کسان وژل شوي او تر ۵۰۰ ډېر ټپیان دي
د ایران د روغتیا وزارت ویاند ویلي، د چنګاښ له ۶مې تر ۲۷مې نېټې پورې په هوايي بریدونو کې ۵۰ کسان وژل شوي او له ۵۰۰ ډېر نور ټپیان شوي دي.
حسین کرمانپور ویلي، په وژل شویو کسانو کې ښځې او ۲ ماشومان او تر ۱۸ کلونو کم‌عمره تنکي ځوانان هم دي.
هغه زیاته کړه، په ټپیانو کې ۳۲ ښځې او ۱۸ تنکي ځوانان هم شامل دي.
د روغتیا وزارت د ویاند په وینا، ۳۷ ټپیان لا هم په روغتونونو کې تر درملنې لاندې دي.
۲۷ چنګاښ ۱۴۰۵ - ۱۸ جولای ۲۰۲۶وروستی, د ایران د بهرنیو چارو وزارت مرستیال: د اسلام‌آباد د تفاهم‌لیک د ټولو ژمنو عملي کول مو درولي
د ایران د بهرنیو چارو وزارت مرستیال ویلي، ایران "د اسلام‌اباد د تفاهم‌لیک په چوکاټ کې د خپلو ټولو ژمنو عملي کول درولي دي."
کاظم غریب‌آبادي ټینګار کړی: "امریکا د خپلو تېریزو اقداماتو له لارې د اسلام‌اباد د تفاهم‌لیک له مخې خپلې ټولې ژمنې ماتې کړې دي." هغه وویل، د ایران دا اقدام د امریکا د چلن په غبرګون کې شوی دی.
غریب‌آبادي، چې له امریکا سره د ایران د مذاکره کوونکې ډلې غړی هم دی، زیاته کړه: "په اوسنیو شرایطو کې د هېواد لومړیتوب د ایران پرېکنده دفاع او یرغلګرو ته ځواب ورکول دي. "
د اسلام‌اباد تفاهم‌لیک، چې د پاکستان په منځګړیتوب د ایران او امریکا ترمنځ شوی و، ټاکل شوې وه د دواړو هېوادونو ترمنځ د تلپاتې سولې د تړون لپاره د خبرو اترو زمینه برابره کړي.
خو له تېرې اونۍ راهیسې، پر بېړیو له بریدونو، د هرمز تنګي له بیا تړل کېدو او پر ایران د سمندري محاصرې له بیا پیلېدو وروسته، د ایران او امریکا ترمنځ د متقابلو بریدونو لړۍ یو ځل بیا پیل شوې ده.
۲۷ چنګاښ ۱۴۰۵ - ۱۸ جولای ۲۰۲۶وروستی, جرمني د بهرنیو سرچینو له لوري د امنیتي ګواښونو د زیاتېدو خبر ورکړ
د جرمني د کورنیو چارو وزیر د امنیتي ګواښونو د زیاتېدو په اړه خبرداری ورکړی او ویلي یې دي چې د هېواد امنیتي خبرداری یې تر "لوړې کچې" لوړ کړی؛ داسې وضعیت چې د هر وخت د برید شونتیا پکې ده.
الکساندر دوبرینت له "وېلت ام زونټاګ" ورځپاڼې سره په مرکه کې ویلي، داسې "روښانه شواهد" شته چې په جرمني کې پر خلکو، بنسټیزو زېربناوو او دولتي ادارو د بریدونو پلانونه شته.
هغه زیاته کړه چې د دغو ګواښونو سرچینه له جرمني بهر ده، خو په دې اړه یې نور جزییات ورنه کړل.
۲۷ چنګاښ ۱۴۰۵ - ۱۸ جولای ۲۰۲۶وروستی, محسن رضايي: د "هم جګړه او هم خبرې اترې" سیاست پای ته رسېدلی
د ایران د اسلامي جمهوریت د مشر پوځي سلاکار محسن رضايي ویلي، د "هم خبرې اترې او هم جګړه" سیاست پای ته رسېدلی دی.
هغه ویلي: "که امریکایان په راتلونکو دوو یا درېیو ورځو کې جګړه روانه وساتي، موږ به د بشپړو یرغلیزو او ویجاړونکو عملیاتو پړاو ته داخل شو."
دا په داسې حال کې ده چې تېره شپه، د ایران او امریکا ترمنځ د نښتو په اوومه شپه، د ایران په سوېلي برخو کې نورې سیمې هم د امریکا له بریدونو سره مخ شوې. ایران اعلان کړی چې کویټ، بحرین، اردن او سعودي عربستان پرې برید کړی دی.
له بلې خوا، د لبنان د ولسمشرۍ دفتر اعلان کړی چې د دغه هېواد ولسمشر جوزف عون نن بیروت پرېښی او واشنګټن ته روان شوی دی.
تمه ده چې هغه په دغه سفر کې له ډونلډ ټرمپ سره وګوري او د "له هغو سیمو څخه د اسرائیلو د وتلو" په اړه خبرې وکړي چې اوس مهال د اسرائیلو تر اشغال لاندې دي.
په ایران کې، د قضائیه قوې ویاند اعلان کړی چې د رضا پهلوي پر ضد قضیه جوړه شوې ده.
۲۷ چنګاښ ۱۴۰۵ - ۱۸ جولای ۲۰۲۶وروستی, عراق وايي د تېلو او برېښنا په برخو کې له امریکايي شرکتونو سره ۴۸ هوکړې لاسلیک کړې دي
د عراق د لومړي وزیر دفتر د شنبې په ورځ اعلان وکړ چې دغه هېواد امریکا ته د لومړي وزیر علي زیدي د سفر پر مهال له امریکايي شرکتونو سره ۴۸ هوکړې او مشارکتونه لاسلیک کړي، چې ډېری یې د تېلو له برخې سره تړاو لري.
دغه هوکړې د عراق د تېلو او برېښنا وزارتونو او د اکسون موبیل، کې‌بي‌ار، جي‌اي ورنووا، شېل او هالیبرټن په څېر شرکتونو ترمنځ "همکارۍ او مشارکتونه" رانغاړي. همداراز، د عراق او سوریې ترمنځ د خام تېلو د لېږد لپاره د یوې سترې نل‌لیکې د جوړولو په تړاو څو قراردادونه هم لاسلیک شوي دي.
عراق له سټارلنک شرکت سره هم یوه هوکړه لاسلیک کړې، چې د نړۍ په کچه د سپوږمکۍ له لارې د مخابراتي خدمتونو په برخه کې مخکښ شرکت دی، څو په دغه هېواد کې خپل خدمات وړاندې کړي.
د سې شنبې په ورځ د امریکا ولسمشر ډونالډ ټرمپ په سپینه ماڼۍ کې له علي زیدي سره د لیدنې پر مهال هغه "اتل" وباله.
علي زیدي، چې یو سوداګر دی، سږ کال وروسته له هغې واک ته ورسېد چې ټرمپ د لومړي وزیرۍ د بل نوماند پر وړاندې له خپل ویټو حقه کار واخیست او د امریکا په ملاتړ یې د زیدي د واک ته رسېدو زمینه برابره شوه.
زیدي ژمنه کړې چې د عراق کمزورې اقتصاد پیاوړی کړي او په دغه هېواد کې له ایران سره نژدې وسله والې ډلې، چې پر امریکايي تاسیساتو یې بریدونه کړي، بې وسلې کړي.
۲۷ چنګاښ ۱۴۰۵ - ۱۸ جولای ۲۰۲۶وروستی, د هرمزګان د اوبو شرکت: د اوبو خوږولو تأسیسات په بشپړه توګه ویجاړ شوي
د هرمزګان ولایت د اوبو او فاضلابو شرکت اجرائیه رئیس عبدالحمید حمزه‌پور، ویلي چې د امریکا له لوري د جاسک ولسوالۍ په لوېدیځ کې د بونجي د اوبو خوږولو پر تأسیساتو د برید له امله، د شاوخوا ۲۰ کلیو د نژدې ۱۰ زره اوسېدونکو د څښاک اوبو رسونه په بشپړه توګه ګډوډ شوې او د دغو کلیو خلک له اوبو د بې‌برخېتوب سره مخ شوي دي.
د خبري سرچینو د راپورونو له مخې، په دغو بریدونو کې له سمندر څخه د خامو اوبو د پمپ کولو سټېشن او همدارنګه د بونجي د اوبو خوږولو فابریکې اړوند برېښنايي ټرانسفارمر، چې په شپه او ورځ کې یې د ۳۱۵۰ مکعب مترو اوبو د تولید ظرفیت درلود، په بشپړه توګه ویجاړ شوي دي.
۲۷ چنګاښ ۱۴۰۵ - ۱۸ جولای ۲۰۲۶وروستی, د کویت هوايي شرکت د خپلو ډېرو الوتنو مهالوېش بدل کړ
د کویت هوايي شرکت د شنبې په ورځ اعلان وکړ چې د ایران له خوا د توغندیو او بې‌پیلوټه الوتکو (ډرونونو) د بریدونو وروسته، د کویټ نړیوال هوايي ډګر د فعالیتونو د لنډمهاله ځنډېدو له امله یې د ډېرو الوتنو مهالوېش بدل کړی دی.
دغه هوايي شرکت مخکې ویلي وو چې د الوتنو د مهالوېش بدلون د کویت د هوايي حریم د تړل کېدو له امله ترسره شوی دی.
کویت څو ساعته مخکې اعلان کړی و چې په خپل هوايي حریم کې یې بالستیک توغندي او بې‌پیلوټه الوتکې کشف او شنډې کړې دي.
۲۷ چنګاښ ۱۴۰۵ - ۱۸ جولای ۲۰۲۶وروستی, ملګرو ملتونو کې د ایران استازی: د ملکي زیربناوو په نښه کول جنګي جنایت دی
په ملګرو ملتونو کې د ایران استازي په یوه لیک کې د امنیت شورا ته د ایران پر ملکي زیربناوو د امریکا بریدونه "په کلکه وغندل".
امیر سعید ایرواني وویل چې پر ملکي ځایونو، په ځانګړې توګه د سړکونو او اورګاډي د حیاتي ترانسپورتي شبکو، پرله‌پسې بریدونه "جنګي جنایت" ګڼل کېږي.
د ایران استازي همدارنګه خبرداری ورکړ چې که ملګري ملتونه او د امنیت شورا اغېزمن اقدام ونه کړي، "د ایران اسلامي جمهوریت د نړیوالو حقوقو له مخې خپل حق خوندي ساتي چې د خپل حاکمیت، ځمکنۍ بشپړتیا، خلکو او مهمو ملي ګټو د دفاع لپاره ټول اړین اقدامات ترسره کړي."
۲۷ چنګاښ ۱۴۰۵ - ۱۸ جولای ۲۰۲۶د ایران پوځ: په بحرین کې مو امریکايي اډه او څو پلونه په نښه کړي
د ایران پوځ وايي، د ''صاعقه'' عملیاتو په پنځلسم پړاو کې یې د انتحاري ډرونونو په کارولو سره په بحرین کې د شیخ عیسی هوايي اډې د الوتکو د ځای پر ځای کېدو ساحې، د الوتکو هنګرونه او د سون‌ توکو زېرمې په نښه کړې دي.
د پوځ په اعلامیه کې ادعا شوې چې په بحرین کې څو ارتباطي پلونه د ډرون بریدونو هدف ګرځېدلي دي.
تر اوسه د بحرین یا متحده ایالاتو چارواکو د دغو ادعاوو او د احتمالي زیانونو یا مرګ ژوبلې په اړه کوم رسمي غبرګون نه دی څرګند کړی.
۲۷ چنګاښ ۱۴۰۵ - ۱۸ جولای ۲۰۲۶د اردن پوځ: لس ایراني توغندي مو شنډ او راوغورځول
د اردن پوځ وايي،وروسته له هغه چې د اردن هوايي حریم ته داخل شوي وو او د هېواد خاوره یې په نښه کوله، د دغه هېواد د هوايي دفاع سیستمونو لس ایراني توغندي شنډ او راوغورځول.
د اردن د پوځ په اعلامیه کې ویل شوي چې د دغو بریدونو له امله هیڅ انساني تلفات یا مالي زیان نه دی رامنځته شوی.
۲۷ چنګاښ ۱۴۰۵ - ۱۸ جولای ۲۰۲۶وروستی, سينټکام پر ایران د اوومې پرلپسې شپې د بریدونو پای ته د رسېدو اعلان وکړ
د امریکا مرکزي قوماندانۍ (سينټکام) پر اېکس ټولنیزه شبکه د یوې ویډیو په خپرولو سره اعلان کړی چې پر ایران د بریدونو اوومه پرلپسې شپه د تهران پر وخت د شنبې ورځې د سهار په پنځو بجو پای ته ورسېده.
د سينټکام په وینا، په دې پړاو بریدونو کې د ایران د څارنې مرکزونه، پوځي لوژستیکي زیربناوې، د وسلو تر ځمکې لاندې زېرمتونونه او سمندري پوځي وړتیاوې په نښه شوي دي.
سینټکام ویلي، په دې عملیاتو کې جنګي الوتکې، ډرونونه او جنګي بېړۍ کارول شوې دي.
دغه راز، سينټکام ټینګار کړی چې د ایران د بندرونو پر ضد سمندري محاصره لا هم دوام لري او دا مهال له ۵۰ زرو ډېر امریکايي پوځیان په منځني ختیځ کې ځای پر ځای شوي دي.
۲۷ چنګاښ ۱۴۰۵ - ۱۸ جولای ۲۰۲۶د بندرعباس – رودان پر لویه لاره دوه پلونه د امریکا په برید کې په نښه شوي
تسنیم خبري اژانس د پېښې له سیمې د یوې ویډیو په خپرولو سره راپور ورکړی چې د بندرعباس – رودان لویې لارې په اوږدو کې دوه پلونه د امریکا د برید هدف ګرځېدلي او دغه مسیر ته زیان اوښتی دی.
د دې رسنۍ د راپور له مخې، په دغه برید کې یو شمېر کسان وژل شوي او یو شمېر نور ټپیان شوي دي، خو د مړو او ټپیانو کره شمېر او د اوښتو زیانونو دقیق معلومات لا تر اوسه نه دي اعلان شوي.
۲۶ چنګاښ ۱۴۰۵ - ۱۷ جولای ۲۰۲۶امریکا: د عراق – سوریې د نفتو پایپ‌لاین به د ورځې د دوو میلیونو بېرلو په ظرفیت ورغول شي
د امریکا بهرنیو چارو وزارت وايي، د عراق او سوریې حکومتونه غواړي د دواړو هېوادونو ترمنځ د اومو تېلو د پایپ‌ لاین بیارغونه د یوې ستراتیژیکې بنسټیزې پروژې په توګه په لومړیتوب کې شامله کړي.
د دې اعلان له مخې، د امریکا په مشرۍ به یو نړیوال کنسرسیوم د دې پروژې تخنیکي او مالي چارې پر مخ وړي. ویل شوي چې د بیارغاونې له بشپړېدو وروسته به د پایپ‌ لاین لومړنی ظرفیت هره ورځ دوه میلیونه بېرله نفت لېږدول وي.
ټاکل شوې چې دغه پایپ‌ لاین د عراق نفت د سوریې له لارې د مدیترانې سمندر صادراتي بازارونو ته ولېږدوي.
د پروژې موخه د عراق لپاره د نفتو د صادراتو بدیلې لارې پراخول او د سیمه‌ ییزو انرژۍ زیربناوو پیاوړتیا بلل شوې ده.
۲۶ چنګاښ ۱۴۰۵ - ۱۷ جولای ۲۰۲۶لوېدیځو انرژۍ شرکتونو له عراق سره له ۶۰ میلیاردو ډالرو د زیات ارزښت پروژو تړونونه لاسلیک کړل
د رویټرز خبري اژانس د راپور له مخې، سترو لوېدیځو انرژۍ شرکتونو له عراقي چارواکو سره د نفتو، طبیعي ګاز او پایپ‌لاینونو په برخه کې له ۶۰ میلیاردو ډالرو څخه د زیات ارزښت لرونکو تړونونه لاسلیک کړی دی.
د امریکا د انرژۍ شرکت شورون (Chevron) اعلان کړی چې د هغه پایپ‌ لاین په جوړولو کې به پانګونه وکړي چې د عراق نفت د مدیترانې سمندر ساحل ته لېږدوي. د دې پروژې موخه دا ده چې د نفتو د صادراتو لپاره د هرمز تنګي پر مسیر د عراق تکیه کمه شي.
دغه راز، د امریکا بل انرژۍ شرکت کونوکو فلیپس (ConocoPhillips) د بي پي (BP) اړوند یوې پروژې ۴۲ سلنه ونډه اخیستې او د عراق په شمال کې د نفتو د څلورو ساحو د بیارغونې او پراختیا له پروګرام سره یوځای شوی دی.
د بي پي اجرایوي رئیس د عراق د انرژۍ سرچینې ''فوق‌العاده'' بللي او ویلي یې دي چې دغه هېواد د نفتو او ګازو د پراخو زېرمو له امله د انرژۍ په نړیوال بازار کې ستر ظرفیت لري.
۲۶ چنګاښ ۱۴۰۵ - ۱۷ جولای ۲۰۲۶سپاه پاسداران په بحرین کې د امریکا اړوند تاسیساتو په نښه کولو ادعا کړې
د ایران سپاه پاسداران ځواک ویلي چې د ''نصر ۲'' عملیاتو په وروستي پړاو کې یې په بحرین کې د امریکايي ډرون کښتیو د ساتنې یو مرکز او دغه راز د مصنوعي ځیرکتیا اړوند یو مرکز د توغندیو او ډرونونو په وسیله په نښه کړی دی.
سپاه پاسداران ادعا کړې چې دغه بریدونه د امریکا لخوا د ایران پر پلونو او ترانسپورټي اډانې د بریدونو په ځواب کې ترسره شوي دي.
سپاه پاسداران دغه راز خبرداری ورکړی چې که ورته بریدونه بیا تکرار شي، په هغو هېوادونو کې به امریکايي شرکتونه، صنعتي او ټکنالوژیکي شتمنۍ په نښه کړي چې د امریکا پوځي اډې پکې شتون لري.
تر اوسه د بحرین او متحده ایالاتو چارواکو د دغو ادعاوو په اړه کوم رسمي غبرګون نه دی ښودلی. دغه راز، د دې بریدونو د پایلو او احتمالي زیانونو په اړه خپلواکه سرچینو لا تر اوسه معلومات نه دي خپاره کړي.
۲۶ چنګاښ ۱۴۰۵ - ۱۷ جولای ۲۰۲۶راپورونه: په بوشهر، قشم او سیریک کې د چاودنو غږونه اورېدل شوي
د ایران په سويل کې له بوشهر، قشم او سیریک سیمو داسې راپورونه خپاره شوي چې د څو چاودنو غږونه پکې اورېدل شوي دي.
لږ وړاندې، د امریکا مرکزي قوماندانۍ (سینټکام) اعلان وکړ چې امریکايي ځواکونو د پرلپسې اوومې شپې لپاره پر ایران د بریدونو نوې لړۍ پیل کړې ده.
تر اوسه د دغو چاودنو د کره ځایونو، احتمالي هدفونو او یا د اوښتو زیانونو په اړه نور جزئیات نه دي خپاره شوي. چارواکو هم لا تراوسه په دې اړه بشپړ معلومات نه دي وړاندې کړي.
۲۶ چنګاښ ۱۴۰۵ - ۱۷ جولای ۲۰۲۶د ایران پوځ وايي، په شمالي هند سمندر کې یې یوه امریکاي‍ۍ بېړۍ په نښه کړې ده
د ایران پوځ وايي چې د دغه هېواد سمندري ځواکونو د «صاعقه» عملیاتو په دیارلسم پړاو کې، د هند سمندر په شمالي برخه کې یوه امریکايۍ بېړۍ له ساحله سمندر ته د کروز توغندي په وسیله په نښه کړې ده.
د ایران د پوځ عامه اړیکو څانګې ادعا کړې چې د دې برید پایله کې یاده بېړۍ د ایراني ځواکونو له عملیاتي ساحې څخه لېرې شوې ده.
تر اوسه امریکايي چارواکو د دغې ادعا په اړه څه نه دي ویلي، او د احتمالي زیانونو یا د بېړۍ د وضعیت په اړه هم کوم خپلواک او تائید شوی راپور نه دی خپور شوی.
۲۶ چنګاښ ۱۴۰۵ - ۱۷ جولای ۲۰۲۶وروستی, د ایران هرمزګان والي: د امریکا د تېرې شپې په بریدونو کې ۸ تنه وژل شوي
د ایران هرمزګان ولایت د والي دفتر یوه چارواکي ویلي چې د امریکا د تېرې شپې په بریدونو کې اته تنه وژل شوي او ۱۹ نور ژوبل دي.
تر دې وړاندې د ایران د عامه روغتیا وزارت ویلي وو چې په روانه جولای میاشت کې د امریکا په بریدونو کې ټولټال ۳۸ ته وژل شوي.
دې ادارې پر خپله اېکس‌پاڼه لیکلي وو چې تر پرون (جولای ۱۶) سهار شپږو بجو د امریکا په بریدونو کې د وژل شوو شمېر ۳۸ او د ټپيانو بیا تر ۴۰۰ اوښتی دی.
د دغه وزارت د شمېرو له مخې، په ټپيانو کې ۲۲ ښځې او نهه تر ۱۸ کلنۍ کم عمره ماشومان دي او په وژل شوو کې هم تر ۱۸ کلنو ټيټ کسان شته.
پر ایران د امریکا د بریدونو دا نوې څپه د روانې جولای میاشتې پر شپږمه نېټه وروسته له هغه پيل کړه چې هرمز تنګي ته څېرمه پر ځينو بېړیو برید وشو.
امریکا وویل چې د هماغو بریدونو په ځواب کې یې د حملو دا نوی پړاو پيل کړی.
ایران هم له هماغې راهیسې وايي چې په سیمه کې د امریکا پر پوځي اډو او تاسیساتو ځوابي بریدونه کوي.

ټرمپ: له ایران سره خبرې روانې دي او له سخت اقدام مخکې وروستی فرصت ورکوو

لنډیز

ژوندی پوښښ

۲۷ چنګاښ ۱۴۰۵ - ۱۸ جولای ۲۰۲۶سېنټکام: د ایران د سمندري کلابندۍ اډانه کې مو تر اوسه د ۵ بېړیو لوري بدل کړي دي

۲۷ چنګاښ ۱۴۰۵ - ۱۸ جولای ۲۰۲۶د امریکا پوځ: پر اردن د ایران بریدونو کې دوه امریکايي سرتېري وژل شوي

۲۷ چنګاښ ۱۴۰۵ - ۱۸ جولای ۲۰۲۶وروستی, د ایران روغتیا وزارت: د امریکا نویو بریدونو کې ۵۰ کسان وژل شوي او تر ۵۰۰ ډېر ټپیان دي

۲۷ چنګاښ ۱۴۰۵ - ۱۸ جولای ۲۰۲۶وروستی, د ایران د بهرنیو چارو وزارت مرستیال: د اسلام‌آباد د تفاهم‌لیک د ټولو ژمنو عملي کول مو درولي

۲۷ چنګاښ ۱۴۰۵ - ۱۸ جولای ۲۰۲۶وروستی, جرمني د بهرنیو سرچینو له لوري د امنیتي ګواښونو د زیاتېدو خبر ورکړ

۲۷ چنګاښ ۱۴۰۵ - ۱۸ جولای ۲۰۲۶وروستی, محسن رضايي: د "هم جګړه او هم خبرې اترې" سیاست پای ته رسېدلی

۲۷ چنګاښ ۱۴۰۵ - ۱۸ جولای ۲۰۲۶وروستی, عراق وايي د تېلو او برېښنا په برخو کې له امریکايي شرکتونو سره ۴۸ هوکړې لاسلیک کړې دي

۲۷ چنګاښ ۱۴۰۵ - ۱۸ جولای ۲۰۲۶وروستی, د هرمزګان د اوبو شرکت: د اوبو خوږولو تأسیسات په بشپړه توګه ویجاړ شوي

۲۷ چنګاښ ۱۴۰۵ - ۱۸ جولای ۲۰۲۶وروستی, د کویت هوايي شرکت د خپلو ډېرو الوتنو مهالوېش بدل کړ

۲۷ چنګاښ ۱۴۰۵ - ۱۸ جولای ۲۰۲۶وروستی, ملګرو ملتونو کې د ایران استازی: د ملکي زیربناوو په نښه کول جنګي جنایت دی

۲۷ چنګاښ ۱۴۰۵ - ۱۸ جولای ۲۰۲۶د ایران پوځ: په بحرین کې مو امریکايي اډه او څو پلونه په نښه کړي

۲۷ چنګاښ ۱۴۰۵ - ۱۸ جولای ۲۰۲۶د اردن پوځ: لس ایراني توغندي مو شنډ او راوغورځول

۲۷ چنګاښ ۱۴۰۵ - ۱۸ جولای ۲۰۲۶وروستی, سينټکام پر ایران د اوومې پرلپسې شپې د بریدونو پای ته د رسېدو اعلان وکړ

۲۷ چنګاښ ۱۴۰۵ - ۱۸ جولای ۲۰۲۶د بندرعباس – رودان پر لویه لاره دوه پلونه د امریکا په برید کې په نښه شوي

۲۶ چنګاښ ۱۴۰۵ - ۱۷ جولای ۲۰۲۶امریکا: د عراق – سوریې د نفتو پایپ‌لاین به د ورځې د دوو میلیونو بېرلو په ظرفیت ورغول شي

۲۶ چنګاښ ۱۴۰۵ - ۱۷ جولای ۲۰۲۶لوېدیځو انرژۍ شرکتونو له عراق سره له ۶۰ میلیاردو ډالرو د زیات ارزښت پروژو تړونونه لاسلیک کړل

۲۶ چنګاښ ۱۴۰۵ - ۱۷ جولای ۲۰۲۶سپاه پاسداران په بحرین کې د امریکا اړوند تاسیساتو په نښه کولو ادعا کړې

۲۶ چنګاښ ۱۴۰۵ - ۱۷ جولای ۲۰۲۶راپورونه: په بوشهر، قشم او سیریک کې د چاودنو غږونه اورېدل شوي

۲۶ چنګاښ ۱۴۰۵ - ۱۷ جولای ۲۰۲۶د ایران پوځ وايي، په شمالي هند سمندر کې یې یوه امریکاي‍ۍ بېړۍ په نښه کړې ده

۲۶ چنګاښ ۱۴۰۵ - ۱۷ جولای ۲۰۲۶وروستی, د ایران هرمزګان والي: د امریکا د تېرې شپې په بریدونو کې ۸ تنه وژل شوي