Anthony Joshua vs Pulev: Anthony Joshua akụpụla Kubrat Pulev ọkwụrụ n'anya

Ọkụọkpọ Anthony Joshua akpọrọ Unified world heavyweight champion ji ike na ndịdị kụpụ Kubrat Pulev ọkpụ n’anya nke mere na olileanya dị na ya na Tyson Fury nwerike ịlụ ọgụ ụwa na-eche kamgbe.

Mkpuchi Na Eme Ozugbo

23 Nọvemba 2020Ụlọikpe na Pọtakọt atụọla ndị ofesi isii nga afọ asaa maka ohi mmanụ agbịdị
Ngalaba na-ahụ maka mpụ na nrụrụaka bụ Economic and Financial Crimes Commission (EFCC) ekwuola na ọkaikpe J.K. Omotosho atụọla mmadụ asaa bụ ndị mba ofesi nga afọ asaa maka ori mmanụ agbịdị.
N'ime ndị a: mmadụ abụọ - Mohammed Ejaz, Nasser Khan - bu ndị Pakistan; Abuọ bu ndị Yụkraịn -Oleksandr Nazarenko na Oleksandr Kashernvi.
Otu onye Gana, aha ya bụ Romeo Annang sokwa n'ime ha.
Onye ọzọ bụ Fredrik Fatin Omenu bụ inye Indonesia.
Otu onye Naịjirịa aha ya bụ David Otuohi sowka rite nga afọ asaa.
Ụlọ ikpe ahụ tụghapụrụ mmadụ atọ ọzọ si ofesi Victor Mikpayi (onye Bini), Francis Ahorlu na Kwesi Attah (bụ ndị Gana), nakwa Victor Azebiri (Onye Naịjirịa).
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
23 Nọvemba 2020Mba Saudi Arebiya agọọla na Onyeisiala Izrel zutere Nwa Eze ha
Ebe foto si, Reuters
N'agbanyeghị na ọtụtụ ụlọ ntaakụkọ na Izrel na-ekwu na onyeisiala mba ahụ bụ Benjamin Netanyahu gara mba Saudi Arebiya izute Nwa Eze Mohammed Bin Salman, ndị Saudi sị na ọ bụghị eziokwu.
Nwa Eze Faisal bin Faisal Al Saud dere n'akara Twitter ya na "onweghe nzute di etu a mere."
Maazị Netanyahu ekweghi ikwu okwu banyere ihe a oge a jụrụ ya.
Ya bụru na ha zutere n'eziokwu, ọ ga-abụ mbụ aka na-achị mba abụọ ga-ezute.
Onyeisiala Amerịka bụ Donald Trump na-akwaisi ike ka mba abụọ a kpezie dị ka ọ hazichara mkpezi Izrel na mba Unted Arab Emirates, Bahrain na Sudan na nso nso a.
23 Nọvemba 2020Ọgbwụ mgbochi covid-19 nke mahadum Oxford egosila na ọ dị ire
Ebe foto si, OXFORD UNIVERSITY/JOHN CAIRNS
Otu ọgwụ mgbochi emepụtara maka nje covid-19 mahadum Oxford dị na mba Briten na-arụpụta egosila ama na ọ ga-ere ruo pacenti 70 na nyocha mbụ mana ndị ọkachamara na-ekwu na o nwereike ruo pacenti 90 ma ya bụrụ na a rụtụ ya aka.
A na-ahụ mpụtara ndị a dịka nnukwu ihe na agbanyeghị na ọ pụtara n'azụ Pfizer na Mordena wepụtara nke ha a sị na-ere ruo pacenti 95.
Mana, ọgwụ mgbochi Oxford adaghi ọnụ ruo nke ndị ọzọ. Ọzọkwa bụ na ibugharị ya di mfe karịa ndị ọzọ.
Ọgwụ a ga-arụ ezigbote ọrụ n'ịhụ na agha a na-egbuso coronavirus ma ya bụrụ na e nyere ikike iji ya.
Ọkamụta Sarah Gilbert sị: "Akụkọ maka ọgwụ a na-akpọta anyị nso oge anyị ga-ejiri ọgwụ mgbochi kwụsị mkpa mkpa coronavirus na-akpa."
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
23 Nọvemba 2020Ụlọikpe sị ka akpọchie Sinetọ Ndume na nga maka akaebe ọ narala Maina
Ebe foto si, Ali Ndume/Twitter
Ụlọikpe dị n'Abuja ekwuola ka akpọrọ Sinetọ si Borno steeti bụ Ali Ndume na nga maka akaebe ọ natara Abdulrasheed Maina bụ onye a na-acho achọ ugbua.
N'ụlọikpe na Mọnde, Ọkaikpe nyere iwu ka akpụrụ Ndume gawa mkpọrọ maka na ọ kpọtaghị onye ọ narala akaebe.
Gọọmentị Naịjirịa na-ekpe Maina ikpe maka ebubo mpụ na nrụrụaka mere oge ọ nọ n'ishi ngalaba na-ahụ maka ego ezumike na Naịjirịa.
23 Nọvemba 2020FIFA amachiela onyeisioche CAF ruo afọ ise
Ebe foto si, FADEL SENNA
International Federation of Association Football FIFA amachiela onyeisioche CAF bụ Ahmad ruo afọ ise maka nrụrụaka na mpụ.
A dakwuru ya nha ruru dọla puku narị abụọ($200,000). Ahmad ekweteghị na o nwere njọ o mere .
Akụkọ ka na-abịa
23 Nọvemba 2020Atọghapụla ụmụakwụkwọ 9 si ABU a tọọrọ na Kaduna.
Atọghapụla ụmụ akwụkwọ itoolu nke Mahadum Ahmadu Bello dị na Zaria na Kaduna steeti n’ụbọchị Satọde.
Ọnụ na-ekwuchitere ụlọakwụkwọ ahụ bụ Mallam Auwal Umar bụ onye gbara ama mana o kweghi ekwu ma ezinaụlọ ụmụ akwụkwọ ahụ akwụrụ ụgwọ tupu atọghapụ ha.
Mana dịka ụlọ ntaakụkọ Punch si kwuo, otu nna atọọrọ nwa ya sị na ọ kwụrụ ego karịrị naira puku narị ise.
O kwukwara na o rere ụfọdụ akụnaụba ya tupu o nweike mezuo ego ahụ a gwara ya kwụọ.
23 Nọvemba 2020Gọvanọ Nyesom Nwike etinyela mmachi ngaghari ọzọ na steeti ya
Ebe foto si, Nyesom Wike
Gọvanọ Rivers steeti bụ Myeson Wike etinyela mmachị ngagharị na steeti ya ruo awa iri abụọ na anọ n’ụfọdụ akụkụ steeti ahụ dịka emume ndị omekome na-arị elu nakwa mwakpo.
Ọ kpọpụtara ebe ahụ mmachị a ga-adị kpọmkwem dịka okpuru akwammiri Okoro-Nu-Odu dị na Rumuokoro ruo izụ ụka abụọ.
Mana otu ụlọọrụ na-arụ ọrụ n’okpuru akwammiri ahụ agaghị esonye na mmachị ahụ ka ọrụ wee na-aga n’iru.
Gọvanọ Wike dọkwara aka na ntị ịta ntoroọbịa ọbụla gara n’ihu mebie udo na ezi nchekwa dị na steeti ahụ.
23 Nọvemba 2020Ụnụ asaala chi?
Nke onye chiri ya zere.
Soro anyị taa ka ịmata akụkọ kpụ ọkụ ọnụ na Naịjirịa na mba ụwa niile.
22 Nọvemba 2020Welite ụtụisi maka ndị ọgaranya - Atiku gwara Buhari
Ebe foto si, Twitter/Abubakar Atiku
Nkọwa foto, Abubakar Atiku
Osote onyeisiala Naịjirịa n'oge gara aga bụ Atiku Abubakar ekwuola ihe Naịjirịa nwere ike ime iji si n'ọtanisi (recession) pụta.
O kwuru na otu n'ime ha bụ iwelite ụtụisi maka ihe ndị galara ọnụ nke ọ bụ naanị ndị ọgaranya na-azụ ha.
Atiku depụtara nke a n'akara Twitter ya ma kwuo na ihe kpatara Naịjirịa ji banyekwa n'ọnọdụ ọtanisi ọzọ bụ maka na ọchịchị Buhari egeghị ntị na ndụmọdụ ndị ọkachamarta na-enye gbasara ibelata ego a na-emefu na gọọmentị.
Skip X post, 1
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 1
Lee ihe Atiku kwuru ka e mee iji si n'ọtanisi pụta:
- Megharịa bọjeetị 2021 maka na nke e meburu eme agaghị enwezi isi
- Tinye ụtụisi poasentị iri n'ise na ngwa ahịa galara ọnụ (luxury goods)
- Wepụ ọtụtụ mmefu dị na gọọmentị
- Tinye ego na mwulite ndị mmadụ (human development)
- Mee ka ndị ogbenye nwee ego ha ga-eji egbo mkpa
- Kee ndị onweghị ka ọ ha ha ego site n'akara ọbaego ha
Skip X post, 2
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 2
- Tinyekwuoro ụlọorụ mmanụ agbidi nakwa ụlọọrụ ụgbọelu ndị mba ofesi ụtụisi otu pasentị
- Wetuo ego ihe oriri na ihe ụmụ ogbenye na-egokarị
- Gọọmentị kwụsi ibi ego aghara aghara
22 Nọvemba 2020Ndị omekome egbuola onyeisi pati PDP na Katsina steeti
Ebe foto si, Ndị uweojii
Ndị otu Peoples Democratic Party (PDP) akwaala arịrị maka ọnwụ onye otu ha bụ onyeisi pati ha n'okpuru ọchịchị Sabuwa dị na Katsina Steeti bụ Alhaji Lawal Dako.
Dako nwụrụ n'aka ndị omekome ụbọchị Frịade ka ha gbachara ọnụ egbe ise.
Nke a bụ onye ndọrọndọrọ ọchị abụọ ndị ajọ mmadụ a na-egbu n'ọnọdụ dị otu a n'abalị atọ.
N'ụtụtụ taa ka anyị nwetere akukọ maka onyeisioche ndị APC na Nasarawa steeti bụ Phillip Shekwo bụ onye ndị ntọ tọorọ gbuo.
Dako n'onwe ya ka akụkọ na-ekwu na ọ nwụrụ ụbọchị Fraịde maka egbe ndị omekome ahụ gbara ya.
Ọ nwụrụ n'ụlọọgwụ nkuzi nke Mahadum Ahmadu Bellow dị na Zarịa.
Onyeisi PDP na steeti ahụ, bụ Salisu Majigiri, bụ onye kwuputara nke ahụ sị na "ọnọdụ nchekwa na-akawanye njọ ebe ahụ" .
Akụkọ na-ekwu na ndị ahụ gbagbukwara nwa nwa Dako n'otu mgbe ahụ.
E lielarị Lawal Dako gbara afọ iri isii (60) n'ụzọ okpukpere chi ndị Alakụba.
Ọnwebeghị ihe ndị uweojii kwuru maka ọnwụ ya bụ nwaamadị.
22 Nọvemba 2020Gọvanọ Nasarawa aṅụọla iyi ịchọta ndị gburu onyeisi pati APC steeti ahụ
Nkọwa foto, Gọvanọ Abdullahi Sule nke Nasarawa steeti
Gọvanọ Nasarawa Steeti bụ Abdullahi Sule ekwuola na ha ga-anwụchirịrị ndị ekperima gburu onyeisi pati APC nke steeti ahụ bụ Phillip Shekwo.
Sule kwuru nke a dịka ndị uweojii kwupụtara na ha ahụla ozu Shekwo, bụ onye ndị ntọ tọọrọ n’abalị Satọde.
Kọmishọna ndị uweojii steeti ahụ bụ Bola Longe kwuru na ha hụrụ ozu nwoke ahụ n’akụkụ ọhịa dị nso na be ya.
Ebe foto si, Facebook/Phillip Shekwo
Nkọwa foto, Phillip Shekwo
Gọvanọ Sule kọwara Shekwo dịka nwoke anaghị achọ nsogbu, ma bụrụkwa ezigbo onye otu APC.
O kwuru na ọnwụ Shekwo gbawara ya obi, ma bụrụkwa nnukwu ihe ọdachi nye ezinụlọ ya nakwa ndị steeti ahụ niile.
Ọ gara n'ihu kwuo sị: "Ọchịchị anyị ga-eme ihe niile anyị nwere ike ma tinye ihe niile anyị nwere ike iji hụ na ndị kpara arụ a alaghị n'ụkpọrọ."
"Anyị ga-agbakwa mbọ ole ike kwere anyị ichekwa ndụ na akụnụba ndị mmadụ na steeti anyị."
22 Nọvemba 2020Ihe mere '9ice' na-agụ egwu ji arịọ nwunye ya mgbaghara
Skip Instagram post
Hapụ Instagram ihe dị na ya?
Edemede a nwere ihe ndị si na Instagram. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ Instagram iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of Instagram post
Abolore Adegbola Akande bụ otiegwu ama ama dịka 9ice anọrọla n'elu intanet rịọ ụmụ Naịjirịa ka ha rịọ nwunye ya arịrịọ maka agwa ọjọ ọ kpara gbara n'elu intanet.
N'ime onyonyo ahụ na-efegharị n'elu intanet, Nice kwuru na ọ na-rịọ nwunye ya mgbaghara maka ihe ọjọ o mere ma na-ekwu ka ụmụ Naịjirịa soro ya rịọ nwunye ya mgbaghara.
Gịnị bụ ihe ọjọ ahụ ọ sị o mere?Ihe anyị ma
O nweghị ihe Nice tụrụ aka bụ ihe ọjọ o kwuru o mere mana ihe nkiri ebe ya na nwaanyị ọzọ ọ kpọrọ nwunye ya na-efegharị n'elu intaneti.
9ice alụọla nwaanyị ugboro atọ. Ọ bụzo lụọ Toni Payne mgbe ọ ka na-amalite iti egwu ọhụrụ n'afọ 2008. Ha nwere otu nwa tupu ha agbasaa maka ebubo ịgba n'ezi.
N'afọ 2018, ọ lụrụ Adetola Anifalaje, onye na-arụ n'Amerka. Ha mụrụ otu nwa nwaanyị tupu ha agbasaa.
Aha nwunye ya ọ na-alụ ugbua bụ Olasunkanmi Ajala Akande bụ nke ọ na-arịọ ka ndị nso nso ya rịọ mgbaghara maka ihe ọjọ o mesoro ya.
Ihe ọ bara onyonyo mgbaghara ahụ o wepụtara n'elu instagram bụ Ụgbọ na-emi emi.
Ihe ndị mmadụ sara arịọrịọ ya n'elu soshal midia
Ebe foto si, 9ice Instagram
Skip X post, 1
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 1
Skip X post, 2
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 2
22 Nọvemba 2020Ndị ntọ atọrọla onyeisioche APC na Nasarawa Steetị
Ebe foto si, Philips Shekwo/Facebook
Ndị uweojii Nasarawa Steeti kwuru na ndị ntọ atọrọla onyisioche pati APC na steetị ahụ bụ Philip Shekwo.
Komishọna uweojii bụ Bola Longe sị na a tọọrọ Shekwo n’ụlọ ya n’elekere iri na otu nke abalị Satọde.
Longe sị na a matabeghi ndị tọọrọ ya kama na o zipu ndị uweojii ka ha sie imi n'ala chọpụta ebe ndị ntọrị a nọ.
Ka ọ dị ugbua ntọrị, ohi na mwakpo na-arị ibe ya elu, ọkachasị na mpaghara ugwu nke Naịjirịa.
22 Nọvemba 2020Ọkaikpe awụọla Trump n'ala na mkpesa o mere na Pennsylvania
Ọkaikpe na Pennsylvania akachapụla akwụkwọ Trump gbara sị ka akagbuo ọtụtụ nde vootu e zitere n’ozi na Steetị ahụ n’oge ntuliaka.
Ọkaikpe a bụ Mathew Brann sị na mkpesa a Trump nyere gbakwasịrị ụkwụ n’ebubo achịtaghị aja.
Nke a ga-eme ka nkwupụta mmeri Biden meriri Trump na Steetị ahụ gbaa mgbọrọgwụ n'izuụka na-abịa dịka o ji ihe karịrị vootu puku iri asatọ akarị Trump.
Ọ bụ ezigbo nsogbu nye Donald Trump, bụ onye na-achọ ịgbanwe mmeri e meriri ya na ntuliaka onyeisiala e mere n'ụbọchị atọ nke ọnwa Nọvemba.
Ọ jụla ịnabata mmeri ma bo ọtụtụ ebubo metụtara nrụrụaka na ntuliaka, na-enweghi ihe akaebe.
Isi akwara ọ na-agba ịnabata mmeri e meriri ya emetụtala usoro ihe na-eso ntuliaka mba Amerịka.
22 Nọvemba 2020Mmadụ 246 ọhụrụ butere coronavirus na Naịjirịa n'ụbọchị Satọde
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
Coronavirus ka dịkwa ire dịka ọnụọgụgụ ndị butere ya na Naịjirịa n’ụbọchị Satọde dị narị abụọ iri anọ na isii site n’ozi ụlọọrụ mgbochi ọrịa bụ NCDC wepụtara.
Ọnụọgụgụ ndị buterela ọrịa a kamgbe ọ batara Naịjirịa ji karịa puku iri isii na puku isii, ebe ndị nwụrụ dị otu puku na otu narị na iri isii na isii.
Ndị gbakwara akarịala puku iri isii na otu puku.
22 Nọvemba 2020Igbo ndị ọma anyị ekele ooo
Obi sara mbara ka anyị ji asị unu nnọọ n'isonyere anyị taa.
21 Nọvemba 2020Olileanya Trump amawala afọ n'ala ka Biden merikwara na Michigan ọzọ
Donald Trump enweela ndọghachị azụ ọhụrụ na mbọ ọ na-agba ịgbanwe mmeri e meriri ya na ntuliaka Amerịka dịka ndị omeiwu Michigan jụrụ ịkatọ mmeri Joe Biden.
Ndị omeiwu abụọ si na pati Repọblikan kwuru na ha ga-eso usoro kwesiri ekwesị iji hụ na vootu ndị a bụ ezi dịka ha.
N'ụbọchị Fraịde ka steetị Georgia wụrụ onyeisiala mba Amerịka n'ala site n'ịkwado obere ihe Joe Biden ji merie Trump.
A na-atụ anya na Biden bụ onye Demokrat ga-ewere ọchịchị n'ụbọchị 20 Jenụwarị, dịka onyeisiala nke 46.
Ndị 'electoral college' na-ekpebi onye meriri nyere Biden na Trump vootu dị 306 na 232 - Nke Biden karịrị vootu ole a chọrọ iji merie nke bụ 270. Ebe vootu o nwetere n'ọha karịrị nde 5.9.
Trump bụ onye na-apụtachabeghi ezi kamgbe e mere ntuliaka na Nọvemba a, pụtara na Fraịde ọzọ kwuo na o meriri. "E meriri m", o kwuru, dịka ọ na-agbasaozi maka ọnụego ọgwụ.
O bola ọtụtụ ebubo maka nrụrụaka na ntuliaka mana o gosibeghi akaebe.
Onye odeakwụkwọ mgbasaozi ya bụ Kayleigh McEnany boro ndị ntaakụkọ na ndị Demokratz ebubo inwe ihu abụọ.
21 Nọvemba 2020Naịjirịa abanyela n'ọnọdụ ọtanisi
Ngalaba na-ahụ maka mgbakọ na Naịjirịa bụ nke Bekee kpọrọ National Bureau of Statistics (NBC) ekwuola na mba ahụ abnyela n'ọnọdụ ọtanisi Bekee kpọrọ "recession'.
NBC kwuru nke a taa dịka akụnaụba ya bụ mba gbadara ruo pacenti 3.62 n'agba nke atọ nke afọ 2020 n'ọnọdụ Bekee kpọrọ "contraction".
Nke a bụ ugboro abụọ n'ime afọ ise.
Kedụ etu recession si abịa?
Recession na-eme oge akụnụba a kpọrọ "Gross Domestic Product" (GDP) gbara ọnnọdụ negative na-agba nke agba abụọ.
NBS kwuputere ọnọdụ a Naịjirịa nọ n'akwụkwo ozi ha wepụtara n'akara Twitter ha taa.
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
21 Nọvemba 2020Ọtụtụ ogbunigwe agbaala na Kabul, isiobodo Afghanistan
Ebe foto si, Reuters
Ọtụtụ ogbunigwe agbaala na n'etiti obodo Kabul, Afghanistan gụnyere nke metụtara n'akụkụ ebe ọtụtụ isiụlọọrụ mba ndị ọzọ dị a kpọrọ Green Zone ka ndị ọrụ mere ka a mata
A mabeghi ndị merụrụ ahụ maọbụ nwụrụ anwụ mana ogbunigwe a gbara ọtụtụ mmadụ na-ejukarị n'Afghan.
Ọnụ na-ekwuru ndị uweojii Ferdawz Faramarz kwuru na a gbara ọtụtụ ogbunigwe ebe foto si na soshal midia na-egosi ọtụtụ ihe ogbunigwe a mebiri.
Mịnịsta na-ahụ maka ihe na-eme n'ime obodo sị obere ogbunigwe abụọ gbara n'isi ụtụtụ Satọde nke otu gbara ụgbọala ndị uweojii gbuo otu onye uweojii ma merụọ atọ ahụ.
O nwebeghi ndị pụtarala kwuo na aka ha dị n'ogbunigwe a nke na-abịa dịka ọgụ na ọgbaghara na-eme n'Aghanistan na nso nso a.
21 Nọvemba 2020Ndị ọgba ọsọ na-achịpụ ya na Kaduna ugbua
Ndị ọgba ọsọ no Kaduna steeti ugbua dịka asọmụpị ọsọ a kpọrọ Kaduna Marathon malitere n'ụtụtụ Satọde.
Ndị ọgba ọsọ si mba 23 sọ achụ ọla na ya bu emume nke na-abịa dịka ndi ntọrị na ndị na-emekpa obodo ahụ na-enye nsogbu na ya bụ steeti.
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post