Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 17 Sebtembar 2026Kooxda Ansar Allah ee Xuutiyiinta Yemen oo eedeyn u jeediyey Sacuudiga, Maxayse tahay

   Warbaahinta xiriirka la leh dhaqdhaqaaqa Ansar Allah ee Xuutiyiinta Yemen ayaa sheegtay in duqeymo cirka ah oo Sacuudigu qaaday ay Khamiistii beegsadeen munaaradaha isgaarsiinta, halkaas oo uu ku dhintay hal qof.

   Tani waxay ahayd weerarradii ugu dambeeyay ee ka dhacay tan iyo markii kooxda ay taageerto Iiraan ay la wareegtay gacan-ku-haynta dhammaan xeebaha Badda Cas.

   Telefishinka Al-Masirah ayaa sheegay in diyaaradaha dagaalku ay beegsadeen saddex munaaradood oo isgaarsiineed oo ku yaalla gobolka Taiz, halka “qof rayid ah uu ku dhintay, mid kalena uu ku dhaawacmay duqeymo ka dhacay magaalada Abs.”

   Horumarradan ayaa yimid maalin ka dib markii Riyadh ay Arbacadii Xuutiyiinta ku eedeysay inay weerar ku qaadeen magaalada Makkah, eeddaas oo ay kooxda Xuutiyiintu beenisay.

   Wararka Xuutiyiinta ayaa sheegaya in duqeymo badan oo Sacuudi ah ay maalin kasta beegsadaan deegaannadooda, tan iyo markii ay la wareegeen dhulal xeebeed istaraatiiji ah oo ku teedsan Marinka Bab al-Mandab. Deegaannadaas ayaa horey gacanta ugu jiray ciidamada dowladda Yemen ee taageerada ka hela Sacuudiga.

   Sheekooyinka kale ee aad sii akhrisan karto:

   Maskax qayb bini'aadam ah qaybna jiir ah oo lagu sameeyay horumar sayniseed oo cusub

   Trump: "Waxaan rajaynayaa inaan ku sii dhawaanayno dhammaadka" dagaalka Iran

2. 17 Sebtembar 2026Xarumo ay alshabaab ku leeyihiin gobolka Sanaag oo la sheegay in la weerraray iyo war laga soo saaray

   Maamulka Puntland aya soo saaray war-saxaafadeed ay ku xaqiijiyee holwgal ka dhacay buuraha Cal-Madow ee gobolka Sanaag.

   “Dowladda Puntland iyo Dowladda Mareykanka ayaa xaqiijiyey guusha hawlgalka la-dagaallanka argagixisada oo ka dhacay buuraha Golis ee deegaanka Cal-Madow, kaas oo lagu beegsaday goob lagu magacaabo Markad,halkaas oo kooxda u ahayd kaydka hubka iyo rasaasta ee ururka Al-Shabaab.”ayaa lagu qoraalka.

   Hawlgalka,ayaa warka lagu sheegay in “lagu fuliyey iskaashi iyo isku-duwid lala yeeshay hay’adaha Dowladda Puntland, ayaa lagu beegsaday xarun lagu kaydinayey hub iyo saanad ciidan oo Al-Shabaab u adeegsanaysay taageeridda hawlgalladeeda iyo khatar-gelinta amniga shacabka Puntland iyo guud ahaan Soomaaliya.”

   Puntland, waxay sheegtay in “howlgalkan uu qayb ka yahay dadaallada joogtada ah ee lagu wiiqayo awoodda kooxda Al-Shabaab ee waqooyiga Soomaaliya. Beegsiga goobaha iyo xarumaha ay kooxdu u adeegsato taageeridda hawlgalladeeda ayaa ah mid lagu saarayo cadaadis laguna, laguna burburinayo awooddeeda ay ku qorshayso inay fuliso weeraro.“ayaa lagu yiri qoraalka ka soo baxay Puntland.

   War-saaxafadeedka ayaa intaas ku daray “Puntland iyo Dowladda Mareykanka waxay mar kale xaqiijinayaan in hawlgalkaan uu qayb ka yahay dadaallada joogtada ah ee lagu wiiqayo awoodda Al-Shabaab, loogana hortagaayo inay hesho goobo ammaan ah oo ay ku dhuumato ama ka abaabusho weerarro, isla markaana lagu taageerayo nabadda, amniga iyo xasilloonida Puntland iyo guud ahaan waqooyiga Soomaaliya.”

   Sheekooyinka kale ee aad sii akhrisan karto:

   Maskax qayb bini'aadam ah qaybna jiir ah oo lagu sameeyay horumar sayniseed oo cusub

   Trump: "Waxaan rajaynayaa inaan ku sii dhawaanayno dhammaadka" dagaalka Iran

3. 17 Sebtembar 2026Raysal Wasaaraha Kanada oo si adag uga jawaabay hanjabaad uu jeediyey Trump

   

   Xigashada Sawirka, EBU

   Ra’iisul Wasaaraha Kanada Carney ayaa mar kale wax laga weydiiyay hanjabaaddii ugu dambeysay ee Trump ee ku saabsan canshuuraha.

   Carney aya yiri “Qofna ma go’aamin doono cidda aan heshiisyo caalami ah la geli karno,”

   “Isbahaysigan waa hannaan wanaagsan, taasina waa jawaabtayda aan siinayo madaxweynaha Mareykanka,” ayuu yiri.

   Ra’iisul wasaaraha Kanada ayaa intaas ku daray: “Kanada oo xooggan, adkaysi badan, isla markaana leh madax-bannaani dheeraad ah waxay noqon lahayd saaxiib iyo la howlgale wax-ku-ool ah uleh Mareykanka , sidaas oo kale ayay ahaan lahayd Midowga Yurub.”

   Hannaankan, ayuu yiri, wuxuu “xoojin lahaa” madax-bannaanida Kanada iyo Mareykanka labadaba.

   “Kanadiyaanku way isku raacsan yihiin in qofna uusan noo sheegi doonin luqadda aan ku hadalno, qofna uusan go’aamin doonin dhaqankeenna, ama cidda aan heshiisyo caalami ah la geli karno,” ayuu yiri.

4. 17 Sebtembar 2026Maxay ka dhigan tahay in muuqaalka cusub ee dacaayadda Al-Qaacida uu ka soo muuqdo Xamza bin Laden?

5. 17 Sebtembar 2026Duuliyihii meydka Siyaad Barre sida qarsoodiga ku keenay Soomaaliya oo markii ugu horreysay hadlay

   Xuseen Maxamed Canshuur iyo Maxamed Aadan (Maxamed Dheere) oo ah laba duuliye oo Kenyaan ah waxaa xafiiskooda ku yaallay garoonka diyaaradaha ee Wilson oo ku dhow caasimadda Nairobi, soo gaartay shaqo aan la filayn, taas oo xasaasi ahayd, halis waynna ay ku hoos duugneyd.

   Xuseen iyo Maxamed oo shaqo maalmeedkooda ku jira waxaa u yimid diblomaasi u dhashay dalka Nayjeeriya, kaas oo ka codsaday in meydka hoggaamiyihii hore ee Soomaaliya, Maxamed Siyaad Barre ay diyaaradooda u soo qaado dalkiisa hooyo si loogu aaso, kaddib markii uu ku geeriyooday Lagos oo uu magangalyo siyaasadeed ku joogay Nayjeeriya isagoo 80 jir ah.

   Maxamed Canshuur oo hore u ahaan jiray Kabtan ka tirsan Ciidamada cirka dalka Kenya, waxa ay Maxamed Aadan wada lahaayeen shirkadda duulimaadka Bluebird oo ka mid ah shirkadaha duulimaadyada gaarka loo leeyahay ee ugu waaweyn Kenya, isla markaana ay aasaaseen dhowr sano ka hor waqtigaas.

   Isaga oo markii ugu horreysay warbaahinta kala hadlay hawlgalkan, Canshuur waxa uu BBC-da u sheegay in diblomaasigii Nayjeeriyaanka ahaa uu si toos ah isku dul-taagay arrinta uu doonayay, kana codsaday isaga iyo Maxamed in ay " ka kireeyaan diyaaraddooda oo si qarsoodi ah ugu qaadaan meydka marxuumka laga soo qaadayo magaalada Lagos ee Nayjeeriya, lana geeyo magaalada Garbahaarrey ee koonfurta Soomaaliya si halkaas loogu aaso Siyaad Barre.

   Waxa uu sheegay in codsigaas uu ahaa mid aad loola yaabo "Isla markiiba waan garannay in safarkaan uusan ahayn duulimaad caadi ah."

   Halkan ka sii akhri sheekada

6. 17 Sebtembar 2026Duuliyihii meydka Siyaad Barre sida qarsoodiga ku keenay Soomaaliya oo markii ugu horreysay hadlay

   Xuseen Maxamed Canshuur iyo Maxamed Aadan (Maxamed Dheere) oo ah laba duuliye oo Kenyaan ah waxaa xafiiskooda ku yaallay garoonka diyaaradaha ee Wilson oo ku dhow caasimadda Nairobi, soo gaartay shaqo aan la filayn, taas oo xasaasi ahayd, halis waynna ay ku hoos duugneyd.

   Xuseen iyo Maxamed oo shaqo maalmeedkooda ku jira waxaa u yimid diblomaasi u dhashay dalka Nayjeeriya, kaas oo ka codsaday in meydka hoggaamiyihii hore ee Soomaaliya, Maxamed Siyaad Barre ay diyaaradooda u soo qaado dalkiisa hooyo si loogu aaso, kaddib markii uu ku geeriyooday Lagos oo uu magangalyo siyaasadeed ku joogay Nayjeeriya isagoo 80 jir ah.

   Maxamed Canshuur oo hore u ahaan jiray Kabtan ka tirsan Ciidamada cirka dalka Kenya, waxa ay Maxamed Aadan wada lahaayeen shirkadda duulimaadka Bluebird oo ka mid ah shirkadaha duulimaadyada gaarka loo leeyahay ee ugu waaweyn Kenya, isla markaana ay aasaaseen dhowr sano ka hor waqtigaas.

   Isaga oo markii ugu horreysay warbaahinta kala hadlay hawlgalkan, Canshuur waxa uu BBC-da u sheegay in diblomaasigii Nayjeeriyaanka ahaa uu si toos ah isku dul-taagay arrinta uu doonayay, kana codsaday isaga iyo Maxamed in ay " ka kireeyaan diyaaraddooda oo si qarsoodi ah ugu qaadaan meydka marxuumka laga soo qaadayo magaalada Lagos ee Nayjeeriya, lana geeyo magaalada Garbahaarrey ee koonfurta Soomaaliya si halkaas loogu aaso Siyaad Barre.

   Waxa uu sheegay in codsigaas uu ahaa mid aad loola yaabo "Isla markiiba waan garannay in safarkaan uusan ahayn duulimaad caadi ah."

   Halkan ka sii akhri sheekada

7. 17 Sebtembar 2026Maskax qayb bini'aadam ah qaybna jiir ah oo lagu sameeyay horumar sayniseed oo cusub

8. 17 Sebtembar 2026Albaabka uu Midowga Yurub u furayo Canada

   

   Xigashada Sawirka, NurPhoto via Getty Images

   Madaxda Midowga Yurub Ursula von der Leyen ayaa Arbacadii u sheegtay Baarlamaanka Yurub inay doonayso inay Mark Carney kala shaqeyso “furitaanka albaabka si Kanada ay u noqoto dalkii ugu horreeyay ee xubin ka noqota Midowga Yurub oo bannaanka ka ah Qaaradda Yurub”.

   Hase yeeshee, xaaladda “xubin isbahaysi ah” oo Midowga Yurub leeyahay hadda ma jirto, haddii la isku raacana, geeddi-socodku wuxuu qaadan karaa sannado.

   Ilaa hadda ma cadda qaabka saxda ah ee xubinnimadan ay yeelan doonto, balse von der Leyen waxay tilmaantay dhowr dhinac oo ay Kanada iyo Midowga Yurub ku yeelan karaan xiriir dhow.

   Fikraddan hore ayaa loo soo jeediyay. Tusaale ahaan, Chancellor-ka Jarmalka Friedrich Merz ayaa horraantii sanadkan soo jeediyay in Ukraine la siiyo xaalad la mid ah tan, balse arrintaas waxaa ka horyimid qaar ka mid ah dalalka xubnaha ka ah Midowga Yurub.

   Midowga Yurub wuxuu hadda ka kooban yahay 27 dal, halka sagaal dal oo kale ay yihiin musharraxiin rasmi ah oo doonaya inay xubin buuxda ka noqdaan Midowga Yurub. Hase yeeshee, geeddi-socodka loogu biirayo Midowga Yurub wuxuu qaadan karaa sannado.

   Ku dhowaad toban sano ka hor ayaa Midowga Yurub iyo Kanada ay kala saxiixdeen heshiis ganacsi oo xor ah, balse 10 dal oo xubno ka ah Midowga Yurub ayaan weli ansixin heshiiskaas.

   Qaar ka mid ah dalalka ayaa sidoo kale doorbidaya in la xoojiyo heshiisyada iskaashiga difaaca iyo ganacsiga ee hore u jiray, halkii Kanada loo abuuri lahaa nooc cusub oo xubinnimo.

   Waraar Dheeraad ah:

   Sawirro muujinaya khasaaro baahsan oo soo gaaray goobo ay Maraykanku ku leeyihiin dalalka Carabta kaddib weerarro ay Iiraan qaadday

   Dal Muslim ah iyo Israa'iil oo safaarado is dhaafsanaya, kadib heshiis ay gaareen

9. 17 Sebtembar 2026Canada oo sheegtay inay qaadayso taalabo kasta oo u dhiganta tan Maraykanka kaddib hadal ka soo baxay Raysal Wasaaraha dalkaas

   Mowjad cusub oo canshuuro ah oo Maraykanku ku soo rogay badeecooyin badan oo Kanada laga keeno ayaa dhaqan galay saqdii dhexe ee Sabtidii, kadib markii wadahadalladii ganacsi ay burbureen daqiiqadihii ugu dambeeyay.

   Ra'iisul Wasaaraha Canada, Mark Carney, ayaa ku dhawaaqay in wadahadalladii la hakiyay wax yar ka hor waqtigii kama dambaysta ahaa ee Jimcaha, wuxuuna sheegay in Kanada ay Maraykanka ku soo rogi doonto canshuuro is-dhaafsi ah, "doollar kasta doollar la mid ah."

   Carney wuxuu sheegay in "isbeddelladii daqiiqaddii ugu dambeysay ee shuruudihii uu Maraykanku soo jeediyay ay ahaayeen kuwo aan caddaalad ahayn, aan dhaqaale ahaan macquul ahayn, isla markaana shaki geliyay kalsoonida heshiis kasta."

   Wada-xaajoodyada ganacsiga ayaa si xooggan u socday tan iyo bishii Luulyo, kadib markii Madaxweyne Donald Trump uu ku hanjabay inuu 19-ka Agoosto canshuur dhan 50% ku soo rogi doono ku dhowaad $20 bilyan oo badeecooyin ah oo Canada laga soo dejiyo.

   Trump ayaa horaantii toddobaadka si ku-meel-gaar ah u hakiyay canshuurahaas, isagoo sheegay in labada dhinac ay ku dhow yihiin inay saxiixaan heshiis ganacsi oo "aad u wanaagsan" labada dal.

   SHEEKADA OO DHAMMEYSTIRAN

10. 17 Sebtembar 2026Trump: "Waxaan rajaynayaa inaan ku sii dhawaanayno dhammaadka" dagaalka Iran

11. 17 Sebtembar 2026Sidee ayey u burbureen wada-hadalladii ganacsi ee Mareykanka iyo Kanada?

    

    Xigashada Sawirka, Reuters

    Kanada iyo Mareykanka ayaa ku jira dagaal ganacsi oo sii xoogeysanaya, kaddib markii ay burbureen wada-hadalladii ganacsi ee dhammaadkii bishii Agoosto.

    Wada-xaajoodyadu waxay si adag u socdeen tan iyo bishii Luulyo, balse waayadii dambe waxa ay ahayeen kuwa burburay. Labada dhinac ayaa midba midka kale ku eedeeyay inuu fashiliyay heshiiskii hordhaca ahaa.

    Ra’iisul Wasaaraha Kanada, Mark Carney, ayaa sheegay in “isbeddelladii ugu dambeeyay ee Mareykanku ku sameeyay qodobbada uu soo jeediyay ay ahaayeen kuwo aan caddaalad ahayn, aan dhaqaale ahaan macquul ahayn, isla markaana shaki geliyay kalsoonida heshiis kasta oo la gaari karo.”

    Wakiilka ganacsiga Mareykanka, Jamieson Greer, ayaa sheegay in Kanada ay “diiday inay dhaqan geliso” qodobbadii la isku afgartay, inkastoo Mareykanku u soo bandhigay Kanada inay hesho “lula dhaqanka ugu wanaagsan marka loo eego dal kasta oo weyn oo badeecado u dhoofiya suuqayaga.”

    Intaas kaddib, Mareykanku wuxuu canshuuro dheeraad ah kusoo rogay qaybo muhiim ah oo ka mid ah wax-soo-saarka Kanada, oo ay ka mid yihiin birta, aluminiumka iyo alwaaxda. Waxa kale oo uu canshuur dheeraad ah oo dhan 50% ku soo rogay badeecooyin Canadian ah oo qiimahoodu gaarayo ku dhowaad 28 bilyan oo doollar oo Canadian ah ($20 bilyan; £15 bilyan).

    Jawaab ahaan, dowladda Ottawa waxay canshuuro gaaraya 50% ku soo rogtay badeecooyin Mareykan ah oo qiimahoodu yahay 28 bilyan oo doollar oo Canadian ah, kuwaas oo ay ka mid yihiin bir, alaabta guriga iyo funaanadaha suufka ah.

    Carney ayaa sheegay in Mareykanku “dalbaday wax badan, halka uu isaguna bixiyay wax aad u yar,” isagoo intaas ku daray in Kanada ay si “aan raalli ka ahayn” ugu jawaabayso canshuuraha si ay u ilaaliso danaha dalkeeda.

    Dhanka kale, Trump ayaa sheegay in Kanada ay rabto “faa’iidooyinka ay leedahay inay noqoto gobol ka tirsan Mareykanka, iyadoo aan dhab ahaantii gobol noqon,” taas oo ka tarjumaysa hadalladiisii soo noqnoqday ee ahaa in Kanada laga dhigo gobolka 51-aad ee Mareykanka.

    Waraar Dheeraad ah:

    Sawirro muujinaya khasaaro baahsan oo soo gaaray goobo ay Maraykanku ku leeyihiin dalalka Carabta kaddib weerarro ay Iiraan qaadday

    Dal Muslim ah iyo Israa'iil oo safaarado is dhaafsanaya, kadib heshiis ay gaareen

12. 17 Sebtembar 2026Beerka xoolaha oo la cuno ma daweyn karaa cudurada beerka ee ku dhaca bini'aadamka?

    

    Xigashada Sawirka, Getty Images

    Inta badan dadka waxay maqlaan talo ah: "cun beer si dhiiggaagu u fiicnaado," waxaana si gaar ah loogu sheegaa haweenka uurka leh ama dadka daciifka ah.

    Taasi waa sababta ay dad badani u jecel yihiin cunista beerka ari ama digaag, balse su'aashu waxay tahay: ma run baa arrintaas? Ma caawin kartaa cunista beerka digaag ama ari in ay yarayso dhaawaca ee bini'aadamka?

    Arrintan la xiriirta, Machadka Qaranka ee Caafimaadka ee Maraykanka (NIH) wuxuu sheegay in fitamiinno, bir (iron), borotiin iyo nafaqooyin kale oo badan laga helo beerka digaagga iyo ariga, sidoo kale waxaa laga helaa beerka lo'da iyo doofaarka.

    Dhanka kale, fitamiin A badan looma tixgeliyo mid u wanaagsan haweenka uurka leh.

    Hay'adda Caafimaadka Qaranka ee UK (NHS) ayaa sheegtay in haweenka uurka leh ay ka fogaadaan cunista beer badan, sababtoo ah heerarka sare ee fitamiin A ee ku jira waxay waxyeello u geysan karaan uurjiifka.

    Halkaan sii akhriso

13. 17 Sebtembar 2026War deg deg ah, Soomaaliya oo cambaareysay weerarrada Xuutiyiinta ku qaadayn deegaanno Sacuudiga ah

    

    Xigashada Sawirka, Getty Images

    War qoraal oo ay soo saartay wasaaradda arrimaha dibadda Soomaaliya ayaa lagu sheegay in "Jamhuuriyadda Federaalka Soomaaliya si adag u cambaaraynayso isku daygii lagu doonayay in diyaaradaha aan duuliyaha lahayn lagu bartilmaameedsado magaalada barakeysan ee Makkah iyo weerarradii u dambeeyay ee lagu qaaday deegaanno rayid ah oo ka tirsan Boqortooyada Sacuudiga".

    Wasaaradda ayaa intaas ku dartay in Soomaaliya si buuxda u garab taagan tahay Boqortooyada Sacuudiga oo uu "hogaamiya khaadimka Labada Masjid ee Barakaysan", lagu sheegay warsaxaafadeedka.

    Shalay ayey ahayd markii ay Dowladda Sacuudigu ay ku eedeesay in dagaallayannada Xuutiyiinta ee Yeman ka dagaallama ay isku dayeen in ay weeraraan magaalooyinka Makka iyo Madiina, taas oo ay in ay soo rideyn diyaarad aan duuliye ahayn oo ku socotay dhankaas.

    Dhanka, Xuutiyiinta ayaa iska beeniyey, kuna tilmaamay in ay tahay arrin been abuur ah.

    Sheekada qodobkaas oo faah faahsan

    Waraar Dheeraad ah:

    Sawirro muujinaya khasaaro baahsan oo soo gaaray goobo ay Maraykanku ku leeyihiin dalalka Carabta kaddib weerarro ay Iiraan qaadday

    Dal Muslim ah iyo Israa'iil oo safaarado is dhaafsanaya, kadib heshiis ay gaareen

14. 17 Sebtembar 2026Trump oo olalahiisa ku galaya soo afjaridda dagaalka Iiraan

    

    Xigashada Sawirka, Reuters

    Madaxweynaha Maraykanka Donald Trump ayaa mar kale Arbacadii fiidkii, intii uu ka qaybgalayay munaasabad ololaha doorashada xilliga dhexe ee gobolka North Carolina, sheegay in Iraan ay doonayso heshiis.

    Mr Trump ayaa sidaas ka sheegay isu-soo-bax uu taageerayay musharraxa Jamhuuriga ee Senate-ka, Michael Wheatley, oo ka dhacay magaalada Gastonia:

    “Waxaan rajaynayaa in aan ku dhow nahay dhammaadka dagaalka. Waxay doonayaan inay heshiis gaaraan. Waan arki doonaa sida ay wax u socdaan.”

    Donald Trump ayaa marar badan ku cel celiyey in Iraan ay doonayso heshiis; hase yeeshee, wadaxaajoodyadii u dhexeeyay Maraykanka iyo Iraan bilihii u dambeeyay ma aysan horseedin heshiis waara, waxaana labada dal ay dhowr jeer qaadayeen tallaabooyin milatari oo ay ku beegsanayaan goobaha midba midka kale.

    Welwelka sii kordhaya ee cod-bixiyayaasha ee ku saabsan kor u kaca qiimaha, canshuuraha badeecadaha iyo qiimaha shidaalka, ee uu sababay dagaalka iyo xirnaanshaha marinka Hormuz, ayaa caqabad ku noqday musharraxiin badan oo Jamhuuri ah ka hor doorashada bisha November. Arrintan ayaa laga yaabaa inay ku dhiirrigelisay Donald Trump, ugu yaraan hadalladiisa dadweynaha, inuu kusoo daro inuu Iraan kala xaajoonayo arrimaha taagan oo uu soo afjaro dagaalka.

15. 17 Sebtembar 2026War deg deg ah, Congress-ka Maraykanka oo ansixiyay sharci cunaqabateyn cusub ku soo rogaya Iraan iyo Ruushka.

    

    Xigashada Sawirka, EPA/Shutterstock

    Aqalka Wakiillada Maraykanka ayaa meel mariyay sharci hor leh oo ballaarinaya cunaqabateynta ka dhanka ah Ruushka iyo Iraan, tallaabadaas oo lagu doonayo in cadaadis dheeraad ah lagu saaro dalalkaas sababo la xiriira dhaqdhaqaaqyadooda dhaqaale iyo milatari.

    Sharcigan oo loo yaqaan Lindsay O. Graham Russia and Iran Sanctions Act, ayaa Arbacadii lagu ansixiyay codad gaaraya 262 oo oggol ah iyo 159 oo diiday, kaddib markii uu Aqalka Senate-ka bishii Agoosto ku ansixiyay codad 86 oo oggol ah iyo 11 oo diiday. Hadda waxa uu sugayaa saxiixa Madaxweynaha Maraykanka Donald Trump si uu noqdo sharci dhaqan gal ah.

    Sida uu dhigayo sharcigan, Maraykanku wuxuu cunaqabateyn ku soo rogi karaa saraakiisha Ruushka, hay’adaha maaliyadeed, bangiyada, iyo sidoo kale waaxyaha tamarta iyo difaaca ee dalalkaas.

    Intaa waxaa dheer, sharcigu wuxuu bartilmaameedsanayaa waxa loogu yeero “shadow fleet”, oo ah maraakiibta loo adeegsado daabulka saliidda Ruushka si looga baxsado cunaqabateynta caalamiga ah.

    Sharcigu wuxuu sidoo kale Madaxweynaha Maraykanka siinayaa awood uu canshuuraha badeecadaha ugu kordhin karo ilaa boqolkiiba boqol dalalka loo aqoonsado inay yihiin iibsadayaasha waaweyn ee saliidda iyo gaaska Ruushka.

    Dhanka Iran, sharcigu wuxuu kordhinayaa cunaqabateynta la xiriirta iskaashiga ay la leedahay Ruushka, gaar ahaan dhinaca milatariga.

    Sharcigu wuxuu sidoo kale muddo shan sano ah kordhinayaa ansaxnimada Iraan Sanctions Act ee la soo saaray 1996, laga bilaabo 2026 ilaa 2031. Tallaabadan ayaa looga gol leeyahay in la sii wado qaab-dhismeedka sharci ee hadda jira ee cunaqabateynta.

    Si kastaba ha ahaatee, sharcigu laguma sheegin liis cusub oo shaqsiyaad ama shirkado lagu soo rogayo cunaqabateyn. Taa beddelkeeda, wuxuu saldhig u noqonayaa in tallaabo laga qaado hay’adaha iyo shirkadaha Iran ee lagu ogaado inay ku lug leeyihiin iskaashi milatari oo ay la leeyihiin Ruushka.

16. 17 Sebtembar 2026Muxuu u kala duwan yahay qiimaha shidaalka dalalka kale ee Afrika?

    

    Xigashada Sawirka, Getty Images

    Dhammaan dalalka qaaradda Afrika ma aha kuwo hodan ku ah saliidda, waxa ay kasoo dhoofsadaan qaaradaha kale. Qaar ka mid ah dalalka ayaa ku tiirsan inay shidaalka la sifeeyey ka soo dhoofiyaan dalal kale, halka qaar kalena ay haystaan kayd badan oo saliid ceeriin ah, aysan lahayn warshado sifeeya oo ku filan baahida gudaha.

    Dalalka ay ka mid yihiin Nigeria, Koonfur Afrika, Liibiya iyo Suudaan ayaa hodan ku ah saliidda, inkastoo qaar ka mid ah ay wajahaan caqabado waaweyn oo dhanka shidaalka ah.

    Haysashada khayraadka saliidda macnaheedu ma aha in muwaadiniinta dalkaasi ay heli doonaan shidaal jaban.

    Inkasta oo saliidda ceeriin lagu kala iibsado doollarka Maraykanka suuqyada caalamka, haddana qiimaha shidaalka laga iibiyo dadweynaha aad ayuu ugu kala duwan yahay dalalka. Arrintan waxaa la xiriiriyaa dhowr arrimood, oo ay ka mid yihiin kabista dowladda, canshuuraha, awoodda lacagta dalka, kharashka shidaalka la soo dhoofiyo iyo wax-soo-saarka gudaha.

    Hadda, qiimaha saliidda ceeriin ee suuqyada caalamka ayaa ka sarreeya 100 doollar foostadii, taas oo ay sabab u tahay colaadda Bariga Dhexe iyo caqabadaha ku yimid marinnada badda ee fududeyn jiray dhoofinta shidaalka, waana sababta ugu weyn ee keenta kala duwanaanta qiimaha shidaalka waddamada Afrika.

17. 17 Sebtembar 2026Sawirro muujinaya khasaaro baahsan oo soo gaaray goobo ay Maraykanku ku leeyihiin dalalka Carabta kaddib weerarro ay Iiraan qaadday

18. 17 Sebtembar 2026Dhiigga dahabka ah: Haddii aad leedahay dhiigga noocan ah waxaad leedahay dhiig qiimo badan

    

    Xigashada Sawirka, Getty Images

    Dhiigga la yidhaahdo Rh null oo mararka qaarkood loogu yeedho "dhiigga dahabka ah," waa nooca dhiigga ugu naadirsan adduunyada, iyadoo kaliya 50 qof ay haystaan.

    Dhiig-shubistu waa hannaan beddelay sidii la isku daawayn jiray wakhtiyadii hore. Marka uu qofku la kulmodhaawac culus, waxa lagu shubaa dhiig qof kale oo ay isku nooc yihiin si naftiisa loo badbaadiyo.

    Sii akhri: Dhiigga dahabka ah: Haddii aad leedahay dhiigga noocan ah waxaad leedahay dhiig qiimo badan

19. 17 Sebtembar 2026Dal Muslim ah iyo Israa'iil oo safaarado is dhaafsanaya, kadib heshiis ay gaareen

20. 17 Sebtembar 2026War deg deg ah, Wadahadallo dhexmaray Shiinaha iyo Iran oo la sheegay in ay guul ku soo dhamaaden

    

    Xigashada Sawirka, @araghchi

    Wasiirka Arrimaha Dibadda Iran, Cabbaas Caraqji, ayaa sheegay in wada-hadalladii uu Shiinaha kula yeeshay mas’uuliyiinta iyo dhinacyada kale ay si wanaagsan ku soo dhammaadeen.

    Caraqji ayaa sheegay in go’aannada hadda la gaaro ay saameyn weyn ku yeelan doonaan isu-dheellitirka istiraatiijiyadeed ee gobolka mustaqbalka.

    Qoraal uu ku baahiyay baraha bulshada ayuu ku sheegay in Iran ay si weyn u qiimeyso iskaashiga istiraatiijiyadeed ee muddada dheer kala dhexeeya Shiinaha.

    Wuxuu sheegay in afar mabda’ oo uu soo jeediyay Madaxweynaha Shiinaha, Xi Jinping, ay muhiim u yihiin nabadda gobolka, ayna lagama maarmaan tahay in si dhab ah loo dhaqan-geliyo.