Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 18 Sebtembar 2026Macron: Qiima shidaalka ayaa noqday wax aan la xamilikarin

   

   Xigashada Sawirka, Getty Images

   Madaxweynaha Faransiiska, Emmanuel Macron, ayaa sheegay in marinka Hormuz uu xiran yahay mana jiro heshiis dib loogu furayo.

   Macron ayaa shirka looga hadlayo dhibaatada tamarta ka sheegay in wasiirrada tamarta ee siddeedda dal ee aadka u horumaray ay kulmi doonaan toddobaadyada soo socda si ay uga wada hadlaan dhibaatada tamarta ee ka dhalatay dagaalka u dhexeeya Mareykanka iyo Iran. Wuxuu sheegay in mowduuca ugu weyn ee kulanka uu yahay in la fasaxo keydka.

   Mr. Macron ayaa sidoo kale farriin uu soo dhigay Facebook kaga hadlay muhiimadda ay leeyihiin marinada Hormuz, Bab al-Mandab iyo Badda Cas.

   Wuxuu kaloo ka hadlay in xayiraadda dhanka badda ay saameyn ku yeelatay nolosha dadka Faransiiska, taas oo laga dareemayo xarumaha shidaalka, isla markaana qiimaha shidaalku uu gaaray heer "aan la qaadan karin."

   Dhanka kale, maraakiibta shidaalka ayaa weli lagu beegsanayaa marinka Hormuz, iyadoo sida ay sheegayaan xogta shirkadaha la socda dhaqdhaqaaqa maraakiibta, isu-socodka marinkaas uu shalay gaaray heerkiisii ​​ugu hooseeyay.

   Sheekooyinka kale ee aad sii akhrisan karo:

   Jabuuti: 'Ma oggolaan doonno in dhulkeenna loo adeegsado weerarro ka dhan ah Xuutiyiinta Yemen'

   Sababta uu muranka u dhaliyay qorshaha Mareykanka ee ah inuu Sacuudi Carabiya ka iibiyo diyaaradaha dagaalka ee F-35

   Dood ka taagan Israel iyo Netanyahu oo hanjabay

2. 18 Sebtembar 2026Milateriga Pakistan ayaa sheegay in ay difaacayaan Sacuudiga

   

   Xigashada Sawirka, AFP via Getty Images

   Afhayeen u hadlay milateriga Pakistan ayaa sheegay in dalkiisa uusan “waxba la hari doonin” sidii uu u difaaci lahaa Sacuudiga.

   Ahmed Sharif Chaudhry ayaa u sheegay wargeyska Arab News khamiistii in Pakistan ay ka taageereyso Sacuudiga dhanka diblomaasiyadda iyo milatariga.

   “Waxaan qaadi doonnaa tallaabo kasta oo lagama maarmaan ah si loo xaqiijiyo amniga labada Masjid ee Barakaysan iyo Boqortooyada Sacuudi Carabiya”.

   Weerarka lagu qaaday dhuunta shidaalka ee tagta dekadda Yanbu ayaa hakisay shidaalka uu Sacuudiga dhoofiyo.

   Xuutiyiintu waxay sheegeen in Sacuudiga uu joogto cirka uga duqeeyay. Riyad waxay sidoo kale ku eedeysay Xuutiyiintu in ay weerar “fulaynimo ah” ku qaadeen Makah balse Xuutiyiintu way beeniyeen.

   Weerarka Sacuudigu sheegay in Makah lagu qaaday ayaa keenay jawaab ka timaada dalalka Islaamka.

   Pakistan, Sacuudi iyo Turkiga ayaa 6-dii Agoosto kala saxiixday "Heshiiska Difaaca Makah," iyagoo caddeeyay in weerar lagu qaado midkooda loo arki doono weerar lagu qaaday saddexda waddan.

   Sheekooyinka kale ee aad sii akhrisan karo:

   Jabuuti: 'Ma oggolaan doonno in dhulkeenna loo adeegsado weerarro ka dhan ah Xuutiyiinta Yemen'

   Sababta uu muranka u dhaliyay qorshaha Mareykanka ee ah inuu Sacuudi Carabiya ka iibiyo diyaaradaha dagaalka ee F-35

   Dood ka taagan Israel iyo Netanyahu oo hanjabay

3. 18 Sebtembar 2026Maxay horumarka degdegga ah iyo awoodda militari ee sii kordhaysa ee Xuutiyiintu "madax-xanuun" ugu tahay Sucuudiga?

4. 18 Sebtembar 2026La-taliyaha Mojtaba Khamenei ayaa sheegay in marinka Hormuz aan la furi doonin ilaa inta Trump uu xukunka hayo

   

   Xigashada Sawirka, Reuters

   Mohammad Baqer Zolghadr oo ah la-taliyaha dhanka siyaasadda hoggaamiyaha cusub ee Iran, Mojtaba Khamenei, ayaa sheegay in dalkiisu aanu doonayn in uu furo marinka Hormuz inta uu Donald Trump xukunka hayo.

   Bayaan ay Khamiistii daabacday wakaaladda wararka Iran, ayuu Mr. Zolghadr ku sheegay sidan, “Ummaddani waxay go’aansatay in ay jabiso geeska cadowga gardarrada wada oo ay dhabarka ka jabiso kuwa kibirka badan.”

   Wuxuu intaas ku daray in marinka Hormuz aan la furi doonin ilaa Donald Trump iyo Benjamin Netanyahu laga “tuurayo” “kursiga,” isagoo sheegay in tani ay tahay “marxaladda koowaad ee aargoosiga Iran.”

   Donald Trump ayaa sii wada hadallada is-khilaafsan ee ku saabsan dagaalka Iran halka gudaha Iran lagu kala qeybsan yahay in dagaalka la sii wado ama wadaxaajood lala galo Mareykanka.

   Qaar ka mid ah saraakiisha sare ee siyaasadda dalka, sida Massoud Pezhikian iyo Mohammad Bagher Qalibaf, ayaa ku baaqaya in Maraykanku dib ugu laabto qodobbadii Is-afgaradka Islamabad, ayna taas u arkaan shuruud hordhac ah oo lagu joojin karo dagaalka, xubno ku adag mowqifkooda, oo ay ku jiraan taliyeyaasha Ilaalada Kacaanka, ayaa ka hadlay sii wadidda dagaalka iyo in marinka Hormuz sii xirnaado, iyagoo taas u arka hab wax-ku-ool ah oo looga hortagi karo Maraykanka iyo Israel.

   Dhanka kale, sicir-bararka, cunaqabateynta dhaqaale, iyo go’doominta badda ee lagu hayo dakadaha koonfurta Iran ayaa xaaladaha nololeed ee muwaadiniinta dalka sii adkeeyay. Hoos u dhaca qiimaha Rial-ka Iran marka loo eego lacagaha caalamka ayaa sidoo kale cadaadis dheeraad ah saaray xaaladaha nololeed ee reer Iran.

   Sheekooyinka kale ee aad sii akhrisan karo:

   Qoys walaalkood dilay kadibna godka suuliga ku tuuray oo la qabtay 11 sano kaddib

   Sababta uu muranka u dhaliyay qorshaha Mareykanka ee ah inuu Sacuudi Carabiya ka iibiyo diyaaradaha dagaalka ee F-35

   Dood ka taagan Israel iyo Netanyahu oo hanjabay

5. 18 Sebtembar 2026Xaggee ayay ku dambeeyeen saaxiibbadii halganka ee madaxweynaha Eritrea uu 25 sano xabsiga ku hayay? Muxuuse ahaa dalabkoodu?

6. 18 Sebtembar 2026Ugu yaraan 16 qof ayaa ku dhimatay qarax ka dhacay Pakistan

   

   Xigashada Sawirka, Getty Images

   Ugu yaraan 16 qof ayaa ku dhimatay qaraxa, waxaana ka mid ah dadka dhintay saraakiil boolis ah. Gaari walxaha qarxa lagu soo xiray ayaa loo adeegsaday weerarka oo ka dhacay magaalada Kohat oo ku taal Waqooyi Bari Pakistan.

   Gaariga qarxay ayaa lagu weeraray masjid maanta xiligii lagu jiray saaladda Jimcaha. Markaas kaddib dagaal ayaa bilowday oo u dhexeeyay kuwa weerarka soo qaaday iyo boolilska.

   Sida ay sheegeen warbaahinta gudaha, waxaa weli socda howlaha gargaarka, waxaana suuragal ah in tirada wax ku noqotay weerarka ay sii kororto.

   Wasaaradda arrimaha gudaha Pakistan ayaa barteeda X ku sheegtay in qaraxa uu ka dhacay meel u dhow saldhigga booliska magaalada Kohat. Wasaaradda oo aan cadeyn tirada dhibanayaasha ayaa tacsi u dirtay dadkii wax ku noqday weerarkaas.

   Sheekooyinka kale ee aad sii akhrisan karo:

   Jabuuti: 'Ma oggolaan doonno in dhulkeenna loo adeegsado weerarro ka dhan ah Xuutiyiinta Yemen'

   Sababta uu muranka u dhaliyay qorshaha Mareykanka ee ah inuu Sacuudi Carabiya ka iibiyo diyaaradaha dagaalka ee F-35

   Dood ka taagan Israel iyo Netanyahu oo hanjabay

7. 18 Sebtembar 2026Madaxweynaha Koonfur Afrika oo tallaaabo qaaday ka dib dilal naxdin leh oo dhacay

   

   Xigashada Sawirka, Getty Images

   Madaxweynaha Koonfur Afrika, Cyril Ramaphosa, ayaa dhisay koox gaar ah oo gacan ka geysanaysa baaritaanka dilal isdaba-joog ah oo dhawaan dhacay.

   Meydadka sagaal haween ah ayaa labadii bilood ee la soo dhaafay laga helay bariga Johannesburg.

   Booliisku waxay xaqiijiyeen inay jiraan waxyaabo ay isku mid yihiin oo laga dhex arkay qaar ka mid ah dhimashooyinka, balse waxay sheegeen in ay weli tahay goor hore in wax gunaanad ah laga gaaro, iyadoo ay jiraan cabsi laga qabo in dilalka ay ka dambeeyaan gacan-ku-dhiigle dila dad isdaba-joog ah (serial killer).

   Dilalkan ayaa sababay cabsi iyo walaac baahsan. Haweenka waxaa lagu boorriyay inay ka fogaadaan meelaha cidla ah, isla markaana ay koox-koox u socdaan mar kasta oo ay suurtagal tahay.

   Koonfur Afrika waxay ka mid tahay dalalka dunida ee leh heerarka ugu sarreeya ee rabshadaha ku salaysan jinsiga (gender-based violence). Dacwadaha noocan ah ee lagu guuleysto in eedaysanayaasha lagu soo oogo dacwad waa yar yihiin, halka maxkamadeyntuna ay marar badan qaadato sannado.

   Sheekooyinka kale ee aad sii akhrisan karo:

   Qoys walaalkood dilay kadibna godka suuliga ku tuuray oo la qabtay 11 sano kaddib

   Sababta uu muranka u dhaliyay qorshaha Mareykanka ee ah inuu Sacuudi Carabiya ka iibiyo diyaaradaha dagaalka ee F-35

   Dood ka taagan Israel iyo Netanyahu oo hanjabay

8. 18 Sebtembar 2026Afhayenka Militariga Pakistan oo shaaciyey hadal weyn oo ku saabsan Sacuudiga

   Afhayeen ka tirsan milatariga Pakistan ayaa sheegay in dalkiisu “uusan dadaalna ka hagran doonin” difaaca Sacuudi Carabiya.

   Ahmed Sharif Chaudhry ayaa Khamiistii u sheegay wargeyska Arab News in Pakistan ay Sacuudi Carabiya ku taageeri doonto “dhinacyada diblomaasiyadda iyo milatarigaba”:

   “Waxaan gaari doonnaa tallaabo kasta oo lagama maarmaan ah si loo xaqiijiyo amniga Labada Masjid ee Barakaysan iyo Boqortooyada Sacuudi Carabiya.”

   Weerarka lagu qaaday dhuumaha shidaalka ee Bariga-galbeed iyo dekedda Yanbu ayaa si wax-ku-ool ah u hakiyay dhoofinta shidaalka Sacuudi Carabiya.

   Xuutiyiintu waxay sheegeen in marar badan ay bartilmaameed u noqdeen duqeymaha cirka ee Sacuudi Carabiya.

   Riyaad, ayaa sidoo kale Xuutiyiinta ku eedaysay weerar “fulaynimo” ah oo lagu qaaday Maka, balse Xuutiyiintu way beeniyeen eeddaas.

   Sheegashada Sacuudi Carabiya waxay si weyn uga falcelin ka dhalisay dalalka Islaamka.

   Pakistan, Sacuudi Carabiya iyo Türkiye ayaa 6-dii Agoosto kala saxiixday “Heshiiska Difaaca Wadajirka ah ee Maka”, kaas oo dhigaya in weerar lagu qaado mid ka mid ah saddexda dal loo aqoonsan doono weerar lagu qaaday dhammaantood.

   Sheekooyinka kale ee aad sii akhrisan karo:

   Qoys walaalkood dilay kadibna godka suuliga ku tuuray oo la qabtay 11 sano kaddib

   Sababta uu muranka u dhaliyay qorshaha Mareykanka ee ah inuu Sacuudi Carabiya ka iibiyo diyaaradaha dagaalka ee F-35

   Dood ka taagan Israel iyo Netanyahu oo hanjabay

9. 18 Sebtembar 2026Maxay tahay sababta uusan 100 sano ka dib isku beddelin maydka hoggaamiyahan mar laga yaqaanay Soomaaliya

   

   Xigashada Sawirka, Getty Images

   Xusuusta Vladimir Ilyich Lenin, hoggaamiyihii Kacaankii weynaa ee Ruushka, ayaa loogu dabaaldegay sannad-guuradii 100-aad ee ka soo wareegtay markii la aasaasay.

   Waxaa jira munaasabo lagu maamuuso oo la qabto kuwaas oo ay ku jiraan xus ciidan, ayadoo lagu qabto goobtiisa xasuusta.

   Mararkan oo kale waxaa meydka Lenin la soo saaraa goobta lagu ilaaliyo isaga iyo Joseph Stalin si loo maamuuso.

   Maydkiisa ayaa sanadkii 1970-kii lagu dahaaray goobta uu yaallo muraayado an xabadu karin. Halka maydkiisu yaallo ayaa mararka qaar la furaa si loogu ogolaado dadweynaha inay daawadaan.

   Markii dalkii hantiwadaaga ahaa ee Midowga Soofiyeeti uu burburay sagaashamaadkii, waxaa la codsaday in la soo saaro meydka Lenin oo la aaso.

   Halkan ka sii akhri

10. 18 Sebtembar 2026Fanaanad caan ah oo ka falcelisay tallaabo ay qaadeen Aqalka Cad

    

    Fanaanadda reer Sweden Zara Larsson ayaa noqotay xiddigtii ugu dambaysay ee maamulka Trump ka codsata inay joojiyaan isticmaalka muusigeeda ee fiidyowyadooda.

    Fiidiyowga lagu daabacay akoonka TikTok ee Aqalka Cad ayaa heesta Larsson ee “Midnight Sun” la saaray muuqaallo muujinayay howlgallo lagu raadinayay laguna xirayay dadka socdaalka la xiriira.

    Heesta ayaa tan iyo markaas laga saaray fiidiyowga.

    Larsson waxay fiidiyowga ku tilmaantay mid dadka bani’aadamnimadooda ka qaadaya, iyadoo sheegtay in dadka lagu xirayay muuqaalka ay yihiin “dad dhab ah.”

    Waxay sidoo kale sheegtay inay waali tahay sida wax walba loogu beddelay “meme” ama wax lagu kaftamo oo baraha bulshada lagu faafiyo, iyadoo Aqalka Cad ku eedaysay inuu muusigeeda u adeegsanayo in lagu abuuro kala qaybsanaan bulshada dhexdeeda ah.

    Sheekooyinka kale ee aad sii akhrisan karo:

    Qoys walaalkood dilay kadibna godka suuliga ku tuuray oo la qabtay 11 sano kaddib

    Sababta uu muranka u dhaliyay qorshaha Mareykanka ee ah inuu Sacuudi Carabiya ka iibiyo diyaaradaha dagaalka ee F-35

    Dood ka taagan Israel iyo Netanyahu oo hanjabay

11. 18 Sebtembar 2026Qoys walaalkood dilay kadibna godka suuliga ku tuuray oo la qabtay 11 sano kaddib

12. 18 Sebtembar 2026Muxuu yahay 'cudurka halista ah' ee raggu ka qaadaan cabidda caanaha?

    Ragga sida joogtada ah u isticmaala manaafacaadka xoolaha, gaar ahaanna caanaha, ayaa marka la barbardhigo kuwa aan isticmaalin, waxay boqolkiiba 60 halis weyn ugu jiraan inuu ku dhaco xanuunka kansarka ku dhaca kaadi-heysta, sida lagu xusay daraasad cusub.

    Daraasaddan oo lagu daabacay joornaalka Mareykanka ka soo baxa ee nafaqada ka faallooda, ayaa waxaa sameeyay baarayaal ka tirsan Jaamacadda Loma Linda, kuwaas oo daneynayay baaritaanka xiriirka ka dhaxeeya cuntada iyo kansarka kaadi-heysta.

    Tan iyo sanadkii 2001, baarayaasha ayaa la socday caafimaadka rag ku sugan Mareykanka iyo Canada. Waxay daraasaddan eegeysay cuntada raggan muddo shan sano ah.

    Halkan ka sii akhri sheekada

13. 18 Sebtembar 2026Geeri argagax leh oo ka dhacday dal Afrikan ah iyo warbixin sirdoon oo laga helay

    

    Xigashada Sawirka, AFP via Getty Images

    37 qof oo lagu eedeeyay macdan-qodis sharci-darro ah oo ka dhacaysay waqooyi-dhexe ee Nigeria ayaa ku dhintay xabsi, sida ay sheegeen mas’uuliyiinta deegaanka.

    Booliisku waxay bilaabeen baaritaan ku saabsan dhimashada dadkaas. Hay’adda Nigerian Security and Civil Defence Corps (NSCDC) ayaa sheegtay in dhimashadu u muuqato inay ka dhalatay cudur si lama filaan ah uga dillaacay goobta.

    Hase yeeshee, warbixin sirdoon oo lala wadaagay wakaaladda wararka AFP ayaa soo jeedisay in kooxdan ay u dhinteen ciriiri xad-dhaaf ah iyo hawo-qaadasho liidata oo ka jirtay gudaha xarunta lagu hayay ee gobolka Niger.

    Guddoomiyaha gobolka, Mohammed Umaru Bago, ayaa dhimashada ku tilmaamay “murugo iyo masiibo” intii lagu jiray shir jaraa’id oo uu qabtay Khamiistii.

    Bago wuxuu intaas ku daray in taliye ka tirsan NSCDC la xiray kadib dhimashada dadkaas.

    Wuxuu sidoo kale ku dhawaaqay saddex maalmood oo baroordiiq ah, wuxuuna dib u dhigay bilowgii ololaha doorashooyinka loo qorsheeyay bisha Janaayo.

    Mas’uuliyiintu waxay kooxda dhalinyarada ah xireen Talaadadii, iyagoo looga shakiyay macdan-qodis sharci-darro ah oo ka dhacaysay meel u dhow Borgu, oo ku taalla gobolka Niger oo hodan ku ah macdanta. Gobolkaasi wuxuu caan ku yahay qodista dahabka ee heerka yar-yar.

    Laba maalmood kadib, 37 qof oo loo xiray hawshaas looga shakiyay inay sharci-darro tahay ayaa meydkooda laga helay gudaha xarunta lagu hayo ee ay maamusho NSCDC.

    Sheekooyinka kale ee aad sii akhrisan karo:

    Sababta uu muranka u dhaliyay qorshaha Mareykanka ee ah inuu Sacuudi Carabiya ka iibiyo diyaaradaha dagaalka ee F-35

    Dood ka taagan Israel iyo Netanyahu oo hanjabay

14. 18 Sebtembar 2026Sida xanuunkan halista ah ay u soo dadajiyaan waxyaabo ay Soomaalidu isticmaasho

    Xanuunka Istarooga ama dhan qalalku waa natiijo ka timaada waxyeelo maxkasda ah, kaas oo ku dhaci kara waqti kooban gudahiis. Waxaa suura gal ah in qofku dareeemo kabuubyo gacmaha iyo lugaha ah, iyo hadalka oo googa’aya taas oo u baahan inaa dhaqtar la xiriirto.

    Xanuunkan ayaa ka dhex dhacaa maskaxda iyo xididida waraabiya, kuwaas sababa in xididadu xirmaan ama dilaacaan. Inta badan 85% waxaa keena xididada xirma oo ah kuwa ugu saamaynta xun, sida ay qabaan dhaqaatiirtu.

    "Maskaxda waxay leedhaay unugyo yar yar oo nool oo loo yaqaano Neurons kuwaas waxaa loogu yeeraa askarta shaqaynaysa, waxaana lagu qiyaaso boqol bilyan oo unug balse waxaa ka badan kuwa iyaga ilaaliya ee ka shaqeeya ilaalinta kuwa shaqayna si ay u helaan daryeel," ayuu yiri Dr. Maxamed Cabdi Gabboose oo ka mid ah dhaqaatirta Soomaalida.

    DHaqtar Gaboose ayaa sharraxay in guud ahaan unugyada maskaxda ay u sameysan yihiin qaab ay isku caawin karaan.

    "Maskaxdu waxay ledahay kayd ka yar kuwa murqaha jirka oo haddii ay waydo dhiiga waxaa durba bilowda dhimashada xididada," ayuu yiri Dr Gabboose.

    Halkan ka sii akhri sheekada

15. 18 Sebtembar 2026Musiibo dunida ku soo wajahan oo laga digayo iyo meelaha cabsida ugu badan ay ka jirto

    

    Xigashada Sawirka, Getty Images

    Qaramada Midoobay ayaa ka digtay in biyaha macaan ee dunida si xawli ah u sii yaraanayaan.

    Warbixin ay soo saartay QM ayaa sheegtay in wabiyada iyo harooyinka ay sii qallalayaan, halka barafka buuraha iyo dhulalka qabow uu sii dhalaalayo.

    Warbixintu waxay sidoo kale sheegtay in isbeddelka cimiladu uu keenayo isbeddello daran oo aan la saadaalin karin, taasoo kordhin karta fatahaadaha iyo abaaraha.

    Qaaradda Aasiya iyo Afrika ayaa la filayaa inay si gaar ah u saameeyaan, iyadoo ku dhowaad 80% masiibooyinkii biyaha la xiriiray ee dhowaan dhacay ay ka dhaceen labada qaaradood.

    Sheekooyinka kale ee aad sii akhrisan karo:

    Sababta uu muranka u dhaliyay qorshaha Mareykanka ee ah inuu Sacuudi Carabiya ka iibiyo diyaaradaha dagaalka ee F-35

    Dood ka taagan Israel iyo Netanyahu oo hanjabay

16. 18 Sebtembar 2026Maxay ka dhigan tahay in muuqaalka cusub ee dacaayadda Al-Qaacida uu ka soo muuqdo Xamza bin Laden?

    

    Xigashada Sawirka, CIA

    Al-Qaacida ayaa soo saartay muuqaal u eg dokumentari oo soconaya 52 daqiiqo iyo 36 ilbiriqsi, kaas oo lagu xusayo sannad-guuradii 25-aad ee weerarradii 11-kii Sebtembar 2001 ka dhacay dalka Mareykanka.

    Muuqaalka ayaa sidoo kale waxaa ka muuqda wiilka Cusama bin Laden, Hamza bin Laden, iyadoo muuqaalka laga yaabo inuu yahay mid aan hore loo arag.

    Madaxweynaha Mareykanka Donald Trump ayaa xilligii uu madaxweyne ahaa muddo-xileedkiisii koowaad, sannadkii 2019, ku dhawaaqay in Xamza bin Laden, oo ahaa wiilka hoggaamiyihii hore ee Al-Qaacida Osama bin Laden, lagu dilay weerar Mareykanku qaaday.

    Si kastaba ha ahaatee, Washington weligeed si faahfaahsan uma aysan sheegin goorta, goobta iyo duruufihii uu Xamza bin Laden ku dhintay.

    Hadda, muuqaal cusub oo dacaayad ah oo ay Al-Qaacida soo saartay ayaa muujinaya Hamza bin Laden oo farriimo si toos ah ugu jeedinaya kamaradda.

    Halkan ka sii akhri sheekada

17. 18 Sebtembar 2026Maraykanka oo jawaab ka bixiyey warbixin eedeyn culus loogu jeediyey

    

    Xigashada Sawirka, WANA via Reuters

    Wasaaradda rrimaha dibadda ee Maraykanka ayaa sheegtay inaysan wax kalsooni ah ku qabin warbixin Qaramada Midoobay soo saartay oo ku eedaynaysa in ciidamada Maraykanku ay dambiyo dagaal galeen marxaladihii hore ee dagaalka ay kula jiraan Iran.

    Guddiga xaqiiqo-raadin ah ayaa sheegay in duqeymo gantaallo ah oo dhimasho sababay, kuwaas oo lagu qaaday dugsi ku yaalla Minab iyo xarun isboorti oo ku taalla Lamerd, ay ahaayeen weerarro aan kala sooc lahayn, kuwaas oo sababay dhimashada dad rayid ah iyo burbur loo geystay kaabayaasha rayidka.

    Wasaaradda Arrimaha Dibadda ee Maraykanka ayaa ku adkaysatay in ilaalinta dadka rayidka ah ay tahay mudnaanta ugu weyn ee Washington, balse ma aysan ka hadlin nuxurka ama faahfaahinta natiijooyinka warbixinta.

    Maraykanku hore ayuu u beeniyay inuu duqeeyay Lamerd, wuxuuna sheegay inuu baarayo waxa ka dhacay Minab.

    Warbixintu waxay sidoo kale ku eedaysay mas’uuliyiinta Iran inay galeen dambiyo ka dhan ah aadanaha, oo ay caburinayeen dibadbaxyadii dowladda looga soo horjeeday ee dhacay bishii Janaayo.

    Washington ayaa hore u sheegtay in hawlgalladeeda ay u fuliso si waafaqsan shuruucda khuseeya colaadaha hubaysan. Tehran-na waxay beenisay inay ku kacday xadgudubyo ka dhan ah xuquuqda aadanaha.

    Sheekooyinka kale ee aad sii akhrisan karo:

    Sababta uu muranka u dhaliyay qorshaha Mareykanka ee ah inuu Sacuudi Carabiya ka iibiyo diyaaradaha dagaalka ee F-35

    Dood ka taagan Israel iyo Netanyahu oo hanjabay

18. 18 Sebtembar 2026Wadaad Muslim ah oo lagala noqday abaalmarin horrey loo siiyey ka dib sababtan

    Hoggaamiyaha Kaniisadda Anglican, Archbishop of Canterbury, yaa kala noqday abaalmarin toddobaadkii hore la siiyay wadaad Muslim ah oo u dhashay Pakistan.

    Waxaa jiray dhaleeceyn ku saabsan aqoonsiga Hafiz Tahir Ashrafi, kadib markii la ogaaday inuu horey u ammaanay hoggaamiyihii Al-Qaacida, Osama Bin Laden, isla markaana uu taageeray shuruucda Pakistan ee ku saabsan takoorta diimaha kuwaas oo kooxaha xuquuqda aadanuhu ay sheegaan inay sii xoojiyaan takoorka diimeed.

    Baadari Sarah Mullally ayaa abaalmarinta siisay Jimcihii, oo ku beegnayd sannad-guuradii weerarradii 11-ka Sebtembar.

    Hase yeeshee, Lambeth Palace ayaa sheegtay in abaalmarinta lagala noqday kadib markii ay ogaatay hadalladii uu hore u jeediyay.

    Hafiz Tahir Ashrafi ayaa BBC u sheegay in hadalladaas macnahooda laga saaray oo aan si buuxda loo tixgelin macnaha guud ee uu ku sheegay.

19. 18 Sebtembar 2026Kuuriyada Koonfureed oo jawaab ka bixisay warar la faafiyey oo ku saabsan dalkaas

    

    Xigashada Sawirka, Getty Images

    Madaxweynaha Kuuriyada Koonfureed, Lee Jae-myung, ayaa sheegay inuusan waligiis amri doonin in ciidamada dalkiisa loo diro si ay uga qayb qaataan dagaal ama colaado ka socda dal shisheeye.

    Seoul ayaa toddobaadkii hore beenisay warar sheegayay in ciidamadeeda badda ay isu diyaarinayaan inay ka qayb qaataan hawlgallo lagu ilaalinayo xorriyadda maraakiibta ganacsiga ay ugu kala gooshaan Gacanka Faaris iyo marin-biyoodka Hormuz.

    Hadalka madaxweynaha ayaa sidoo kale laga yaabaa in lagu sheegay iyadoo laga duulayo mowqifkiisa ku saabsan suurtagalnimada isku dhac dhex mara Shiinaha iyo Taiwan, iyo doorka ay Kuuriyada Koonfureed ka ciyaari karto haddii xaaladdaasi dhacdo.

    Sheekooyinka kale ee aad sii akhrisan karo:

    Sababta uu muranka u dhaliyay qorshaha Mareykanka ee ah inuu Sacuudi Carabiya ka iibiyo diyaaradaha dagaalka ee F-35

    Dood ka taagan Israel iyo Netanyahu oo hanjabay

20. 18 Sebtembar 2026Sababta uu muranka u dhaliyay qorshaha Mareykanka ee ah inuu Sacuudi Carabiya ka iibiyo diyaaradaha dagaalka ee F-35