Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 11 Agoosto 2026Faahfaahin laga helay kulan dhexmaray madaxweynaha Iran iyo hoggaamiyaha dalkaas

   

   Xigashada Sawirka, Getty Images

   Afhayeenka dowladda Iran, Fatemeh Mohajerani, ayaa sheegtay in kulankii ay la yeesheen Madaxweynaha dalka, Masoud Pezeshkian, uu ahaa astaan muujinaysa taageerada joogtada ah ee dalka uu u hayo dowladda.

   Mohajerani waxay sharraxday in kulanku uusan ahayn oo keliya jawaab laga bixiyay wararka xanta ah ee la faafiyay, balse uu ahaa caddeyn ku saabsan xiriir ku dhisan kalsooni, iskaashi iyo taageero.

   Waxay tilmaantay wararka beenta ah ee baahay ee ku saabsanaa suurtagalnimada in madaxweynuhu iscasilo, iyo falcelintii Mojtaba Khamenei, oo markii dambe Pezeshkian iyo hoggaamiyaha Iran ay beeniyeen, kuna tilmaamay been iyo warra aan wax ka jirin.

   Arrintan ayaa timid xilli la ogaaday in madaxweynuhu uu hoggaamiyaha Iran la yeeshay kulan socday toddobo saacadood, iyadoo qaybo ka mid ah dalka ay dhaliilayeen sida dowladda Pezeshkian u maareysay dagaalka iyo wada-hadallada diblomaasiyadeed.

   Mohajerani waxay sidoo kale sheegtay in hoggaamiyaha diinta ee dalka uu marar badan muujiyay taageeradiisa madaxweynaha iyo dowladda, xilliyo kala duwan.

   Waxay intaas ku dartay in loo baahan yahay in la kala saaro dadka mucaaradka ah iyo tallaabooyinka sababa kalsooni-darrada isla markaana kordhiya kala qaybsanaanta siyaasadda dalka.

   Waxaad sidoo kale akhrisan kartaa:

   Calaamado muujinaya iskaashi u dhexeeya Xuutiyiinta iyo al-Shabaab si ay ula wareegaan Marinka Bab al-Mandab — The Telegraph

   Xuutiyiinta Yemen oo ku dhawaaqay 'go'doomin dhanka badda ah' oo lagu soo rogay Sacuudi Carabiya

2. 11 Agoosto 2026War deg deg ah, Bishaar al Assad oo lala xukumay nin ay qaraabo yihiin

   

   Xigashada Sawirka, Getty Images

   Maxkamad ku taalla Suuriya ayaa madaxweynihii hore ee dalkaas, Bishar al-Assad, ku xukuntay dil, kadib markii lagu helay dambiyo ka dhan ah aadanaha oo la xiriira dagaalkii sokeeye ee Suuriya.

   Bishar al-Assad, oo isaga iyo qoyskiisu u baxsadeen Ruushka sannadkii 2024, ayaa sidoo kale maxkamaddan lagu helay inuu galay dil.

   Atef Najib, oo qaraabo la ah Mr. al-Assad, isla markaana madax ka ahaa amniga siyaasadda ee gobolka Daraa, ayaa sidoo kale lagu xukumay dil.

   Gobolka Daraa ayaa ahaa halkii ay ka bilaabatay kacdoonkii dibadbaxayaasha ee ka dhanka ahaa taliskii Bishaar al-Assad.

   Atef Najib, oo la xiray sannadkii hore, ayaa lagu helay dambiyo ay ka mid yihiin dilka carruur iyo jirdil sababay dhimasho.

   Mas’uuliyiinta dowladda ku-meelgaarka ah ee Suuriya ayaa isku dayaya inay maxkamadeeyaan xubno ka tirsanaa dowladdii hore, qaar iyagoo maxkamadda hortooda jooga, qaarna iyagoo maqan.

3. 11 Agoosto 2026War deg deg ah, Degdeg: Qiimaha saliidda dunida oo sare u kacay mar kale

   Saliidda cayriin ee Brent, oo ah cabbirka caalamiga ah ee qiimaha saliidda, ayaa dhaaftay $90 halkii foosto, kaddib markii ay yaraatay rajadii laga qabay in Maraykanka iyo Iran ay heshiis gaaraan.

   Qiimaha saliidda ayaa maanta oo Talaadada ah sii wada kororkiisii, iyadoo rajadii laga qabay in dib loo furo Marinka Hormuz ay sii yaraanayso. Arrintan ayaa dhalisay walaac ku saabsan in sicir-bararku mar kale sare u kaco.

   Qiimaha saliidda cayriin ayaa toddobaadkii la soo dhaafay kor u kacay qiyaastii 10%. Inkastoo Aqalka Cad uu horraantii bishan soo saaray hadallo rajo-gelin leh, haddana Maraykanka iyo Iran ayaa u muuqda inay weli ka fog yihiin inay heshiis ka gaaraan mustaqbalka marin-biyoodkan muhiimka ah.

   Waxaad sidoo kale akhrisan kartaa:

   Calaamado muujinaya iskaashi u dhexeeya Xuutiyiinta iyo al-Shabaab si ay ula wareegaan Marinka Bab al-Mandab — The Telegraph

   Xuutiyiinta Yemen oo ku dhawaaqay 'go'doomin dhanka badda ah' oo lagu soo rogay Sacuudi Carabiya

4. 11 Agoosto 2026War deg deg ah, Ra'iisul Israa'iil oo diiday qorshe Trump wado

   

   Xigashada Sawirka, EPA/Shutterstock

   In kasta oo Ra’iisul Wasaaraha Israa’iil Benjamin Netanyahu uu si cad u diiday qorshe cusub oo ka kooban 15 qodob oo ay soo jeediyay “guddiga nabadda” kaas oo looga gol leeyahay in Xamaas hubka looga dhigo gudaha Gaza, haddana arrintani uma muuqato inay tahay dhammaadka doodda ama mowqifka kama dambaysta ah ee qorshaha.

   Aqalka Cad weli si rasmi ah ugama uusan hadlin arrintan. Si kastaba ha ahaatee, wararku waxay tilmaamayaan in Aqalka Cad uusan si weyn uga walaacsanayn hadallada Netanyahu, isla markaana uu hadalladaas u arko kuwo ku saabsan hal-ku-dhigyada ololaha iyo mowqifyada siyaasadeed ee xilli doorashooyinka guud ee xasaasiga ahi ay soo dhow yihiin.

   “Waxaan fahamsanahay baahiyaha siyaasadeed ee Bibi,” ayuu weriyaha reer Israa’iil Barak Ravid ka soo xigtay sarkaal sare oo Mareykan ah. Sarkaalka ayaa intaas ku daray: “Ilaa iyo inta uu sameynayo waxa aan ka codsanno inuu sameeyo, wax dhib ah kuma qabno mowqifyadan, gaar ahaan marka ay timaaddo xakamaynta weerarrada Qasa.”

   Maalmihii u dambeeyay, weerarrada Israa’iil ee Qasa ayaa u muuqda inay istaageen ama si weyn hoos ugu dhaceen. Tani waxay ahayd mid ka mid ah shuruudihii Xamaas ku xirtay ku biirista qorshaha 15-ka qodob ah ee uu taageerayo Maraykanku.

   Waxaa jira calaamad kale oo muujinaysa in Israa’iil ay diyaar u tahay inay horumariso qorshaha nabadeed ee Madaxweynaha Maraykanka Donald Trump ee Qasa, iyadoo la diyaarinayo in la geeyo Ciidanka Caalamiga ah ee Xasilinta.

   Waxaad sidoo kale akhrisan kartaa:

   Calaamado muujinaya iskaashi u dhexeeya Xuutiyiinta iyo al-Shabaab si ay ula wareegaan Marinka Bab al-Mandab — The Telegraph

   Xuutiyiinta Yemen oo ku dhawaaqay 'go'doomin dhanka badda ah' oo lagu soo rogay Sacuudi Carabiya

5. 11 Agoosto 2026Warar sheegaya in Trump uu ku dhex dhuuntay gaariga cuntada ee gudaha diyaarad sir ah cabsi laga qabay hanjabaadda Iiraan

6. 11 Agoosto 2026War deg deg ah, Madaxweynihii hore ee Suuriya oo dil lagu xukumay

   

   Xigashada Sawirka, Getty Images

   Maanta garsoorka Suuriya ayaa madaxweynihii hore ee Bashar al-Assad ku xukumay dil isagoo maqan, iyagoo ku eedeeyay inuu galay dambiyo u dhigma "dambiyo dagaal" iyo "dambiyo ka dhan ah aadanaha" ka dib markii uu qarxay iskahorimaadkii uu dalku soo maray tan iyo 2011.

   Xukunkan ka dhanka ah Assad, oo isaga iyo qoyskiisa iyo saaxiibbadiis dhow u cararay Moscow ka dib markii xukunkiisii ​​la riday bishii Diseembar 2024, waa kii ugu horreeyay ee ay soo saaraan mas'uuliyiinta ku-meel-gaarka ah ka dib markii ay bilaabeen sannadkan inay maxkamadeeyaan mas'uuliyiin ka tirsan nidaamkii hore iyagoo maqan iyo shaqsi ahaanba.

   Warkan degdegga ah ayaa hadda soo baxay.

   Faahfaahin dheeraad ah la soco dhawaan.

   Waxaad sidoo kale akhrisan kartaa:

   Calaamado muujinaya iskaashi u dhexeeya Xuutiyiinta iyo al-Shabaab si ay ula wareegaan Marinka Bab al-Mandab — The Telegraph

   Xuutiyiinta Yemen oo ku dhawaaqay 'go'doomin dhanka badda ah' oo lagu soo rogay Sacuudi Carabiya

7. 11 Agoosto 2026Washington Post: Trump ayaa si qarsoodi ah uga soo laabtay Turkiga isagoo diyaarad kale raacay, sababo la xiriira walaaca laga qabo khatarta Iran

   

   Xigashada Sawirka, Getty Images

   Wargeyska Washington Post ayaa sheegay in madaxweynaha Mareykanka Donald Trump uu si qarsoodi ah uga baxay Turkiga isagoo raacay diyaarad milatari, markii uu ka soo laabanayay shirkii u dambeeyay ee NATO ee lagu qabtay Ankara, iyadoo sababta lagu sheegay walaac laga qabo khatarta Iran ay ku hayso madaxweynaha Mareykanka.

   Sida uu sheegay Washington Post, wariyayaal iyo qaar ka mid ah shaqaalaha Aqalka Cad waxay u maleynayeen in Trump uu ku safrayay isla diyaaraddii hore ee Air Force One ee uu hortooda ka raacay kamaradaha telefishinnada magaalada Ankara. Hase yeeshee, daqiiqado yar kaddib markii uu diyaaradda fuulay, ayaa Trump waxaa lagu wareejiyay gaari xamuul ah oo garoonka diyaaradaha loogu adeego cuntada, waxaana lagu qaaday diyaarad yar oo nooca C-32A ah, taas oo u duushay saldhigga ciidamada cirka ee Mareykanka ee ku yaalla Boqortooyada Midowday.

   Sida warbixintu sheegtay, Aqalka Cad wuxuu iska dhigay in Trump uu Mareykanka ugu laabanayay diyaaradda Air Force One.

   Trump ayaa Turkiga u tegay inuu ka qeybgalo shir madaxeedka NATO, isagoo raacay diyaarad cusub oo kuwa raaxada ah oo Qadar ay ugu deeqday Mareykanka, taas oo loo diyaariyey in loo adeegsado safarrada madaxweynaha.

   Ka hor inta uusan Ankara ka bixin, Trump wuxuu sheegay in diyaaradda cusub loo diri doono Mareykanka xilli hore, si ciidamada Mareykanka ee ku sugan bariga England ay u soo kormeeraan. Wuxuu sidoo kale sheegay inuu qayb ka mid ah safarka dib ugu laaban doono diyaaraddii hore ee Air Force One.

   Aqalka Cad ayaan weli wax war ah ka soo saarin warbixinta Washington Post.

   Waxaad sidoo kale akhrisan kartaa:

   Calaamado muujinaya iskaashi u dhexeeya Xuutiyiinta iyo al-Shabaab si ay ula wareegaan Marinka Bab al-Mandab — The Telegraph

   Xuutiyiinta Yemen oo ku dhawaaqay 'go'doomin dhanka badda ah' oo lagu soo rogay Sacuudi Carabiya

8. 11 Agoosto 2026War deg deg ah, Qiimaha shidaalka oo kor usii kacaya iyadoo xaaladda Marin-biyoodka Hormuz ay weli taagan tahay

   Qiimaha saliidda cayriin ayaa kor u kacay ku dhowaad 10 boqolkiiba toddobaadkii la soo dhaafay. Inkastoo Aqalka Cad uu horraantii bishan soo saaray hadallo rajo leh, haddana waxaa muuqata in Maraykanka iyo Iiraan ay weli aad uga fog yihiin in ay heshiis ka gaaraan marin-biyoodkan muhiimka ah.

   Qiimaha shidaalka ayaa Talaadadii sare u kacay kadib markii Trump uu diiday shuruudaha Iiraan ee dib loogu furayo Marin-biyoodka Hormuz, isagoo Tehran ka dalbaday magdhow.

   Qiimaha saliidda cayriin ee Brent ayaa gaaray 88 doollar halkii foosto, halka qiimaha saliidda cayriin ee Maraykanka uu gaaray 82.45 doollar, kadib markii uu Isniintii kordhay 5 boqolkiiba. Tani waxay ahayd heerkii ugu sarreeyay ee labada qiimeba 11 maalmood gudahood.

   Waxaad sidoo kale akhrisan kartaa:

   Calaamado muujinaya iskaashi u dhexeeya Xuutiyiinta iyo al-Shabaab si ay ula wareegaan Marinka Bab al-Mandab — The Telegraph

   Xuutiyiinta Yemen oo ku dhawaaqay 'go'doomin dhanka badda ah' oo lagu soo rogay Sacuudi Carabiya

9. 11 Agoosto 2026Cumar Cartan oo noqday qofkii ugu horreeyay ee aan Yurubiyaan ahayn ee garsoore ka noqda fiinalka Super Cup

10. 11 Agoosto 2026Duulimaad Canada laga leeyahay oo loo baajiyay ilma yar oo diiday inuu fariisto

    

    Xigashada Sawirka, Getty Images

    Duulimaad ka ambabaxi lahaa Canada ayaa la baajiyay kaddib markii ilmo uu diiday inuu xirto suunka badbaadada. Arrintan ayaa mar kale dhalisay dood ku saabsan hab-dhaqanka iyo xeerarka badbaadada ee khuseeya carruurta ku safra diyaaradaha.

    Duulimaadka shirkadda diyaaradaha ee Porter Airlines, oo 6-dii Agoosto isu diyaarinayay inuu Victoria ka soo duulo una soo duulo Toronto, ayaa dib loogu celiyay goobta rakaabku ka raaco diyaaradda, kaddib markii, sida shirkaddu sheegtay, "ilmo yar uu kursigiisa ku taagnaa oo uu diiday inuu suunka badbaadada xirto."

    Dib-u-dhacaasi wuxuu sababay in diyaaraddii aysan ka duuli karin garoonka. Sidaas darteed, rakaabkii waxaa loo sameeyay ballan-qaadyo cusub oo ay maalintii xigtay ku raacaan duulimaad kale.

    Dhacdadan ayaa aragtiyo kala duwan ka dhalisay sida carruurta loola dhaqmo xaaladaha noocan oo kale ah iyo sida ay shirkadaha diyaaradaha uga jawaabi lahaayeen.

    Marka laga hadlayo hab-dhaqanka ilmaha, shirkadda Porter Airlines waxay sheegtay in "isku dayadii waalidkii la socday iyo shaqaalihii diyaaradda ee lagu doonayay in arrinta lagu xalliyo ay fashilmeen."

    Shirkaddu waxay intaas ku dartay: "Diyaaraddu ma kici karin iyadoo xaaladdan aan ammaan ahayn ay jirto. Sidaas darteed, shaqaalihii diyaaradda waxay go'aansadeen inay diyaaradda dib ugu celiyaan goobtii laga raacay, ayna labada rakaabba ka dejiyaan."

11. 11 Agoosto 2026Maxay qabtaan gabdhaha madaxweyneyaasha Afrikaanka ah ay dhaleen

    

    Xigashada Sawirka, X

    Waxay ka soo jeedaan qoysas caan ah iyo deegaan hodan ah, qaar ka mid ah gabdhahan ay dhaleen waalidiinta ugu awoodda badan Afrika ayaa loo arkay inay saameyn ku leeyihiin bulshooyinkooda sababo la xiriira shaqooyinkooda, guulaha ay ka gaareen bulshada, ama xitaa qaab nololeedkooda.

    Qaarkood waxaa lagu ammaanaa waxqabadkooda oo ay ka dambeeyaan magaca waalidkood, halka qaar kalena ay ku dhex jiraan muran iyo dhaleecayn.

    Waa kuwan 7-da gabdhood ee Afrikaan ah ee aan maqaalkan ku iftiimineyno:

    Uganda: Natasha Karugire Museveni

    Inkastoo lagu soo koriyey nolol wanaagsan madaxtooyada gudaheeda, Natasha riyadeeda ugu weyn waxay ahayd inay heer sare ka gaarto xayeysiinta dharka iyo waxyaabaha la isku qurxiyo, ayadoo ujeedadeeda ugu weyn ay ahayd inay dhiirri geliso dank aiyo dhaqanka Uganda.

    Waxay noqotay naqshadeeye hibo leh, iyada oo adeegsanaysa summada Natasha, J&N Couture, waxay isku daraysaa dhaqanka Ugaandha iyo bilicda casriga ah, iyada oo heleysa aqoonsi maxalli ah iyo mid caalami ah.

    Sababo la xiriira kartida ay u leedahay iyo tababar ay ku qaadatay Koonfur Afrika, waxa ay caan ku tahay ka qayb qaadashada hal-abuurka, ayadoo iyo sida uu ugu heelan yahay horumarinta fanka iyo dhaqanka Uganda.

    Marka laga soo tago dareenkeeda hal-abuurnimo iyo moodada, Natasha waxa ay caan ka tahay shirkadaha Filimada kadib markii ay ku guulaysatay filimkeedii qaab riwaayadeedka ahaa ee taariikhiga ahaa ee "27 Guns," kaas oo ay qortay oo ay agaasimaysay.

    Habibat, oo 32 jir ah, waa gabadha uu dhalay madaxweynaha Nigeria Bola Tinubu.

    Marka laga reebo in ay tahay gabadha hogaamiyaha qaranka Nigeria, Habibat Oyindamola Tinubu waa moodal, heesaa iyo muusikiiste ku nool Mareykanka.

    Sii akhri

12. 11 Agoosto 2026Xuutiyiinta oo weeraray magaalada Mukha ee Yemen

    

    Xigashada Sawirka, EPA

    Ciidamada taageerada ka hela dowladda Yemen ayaa sheegay in dagaalyahannada Xuutiyiintu ay weerar ku qaadeen magaalada dekedda ah ee Mukha.

    Bayaan lagu daabacay bogga ciidamada Yemen ee barta X ayaa lagu sheegay, in Xuutiyiintu ay gantaallo ballistic ah ku rideen magaaladaas oo ku taalla xeebta Badda Cas.

    Ciidamada ayaa sidoo kale sheegay, in weerarrada lagu bartilmaameedsaday goobo iyo xarumo dhowr ah oo ku yaalla dekedda leh ee Mukha.

    Waxaad sidoo kale akhrisan kartaa:

    Calaamado muujinaya iskaashi u dhexeeya Xuutiyiinta iyo al-Shabaab si ay ula wareegaan Marinka Bab al-Mandab — The Telegraph

    Xuutiyiinta Yemen oo ku dhawaaqay 'go'doomin dhanka badda ah' oo lagu soo rogay Sacuudi Carabiya

13. 11 Agoosto 2026Trump oo saxiixay amar lagu yareynayo laguna kala saarayo tallaallada carruurta

14. 11 Agoosto 2026Waa sidee xaaladda kadib dhulgariirkii xoogganaa ee ku dhuftay Colombia?

15. 11 Agoosto 2026Qorrax madoobaad la filayo isbuucan gudihiis iyo meelaa uu ka dhici doono

    

    Xigashada Sawirka, Getty Images

    Waxaa Arbacada, 12-ka Agoosto la filayaa inuu ka dhaco qaybo kala duwan oo dunida ah qorrax madoobaad. Meelaha qaar ayaa laga arki doonaa madoobaad buuxa, halka meelo kalana laga arki doono madoobaad qayb ah.

    Haddii aadan si toos ah xitaa u arki karin, waxaa jiri doono muuqaallo cajiib ah oo ay suurtagal tahay in laga baahiyo meelo kala duwan oo dunida ah.

    Madoobaadka qorraxda ayaa dhaca marka dayaxu u dhaxeeyo dhulka iyo qorraxda, taas oo xannibaysa qayb ama dhammaan iftiinka qorraxda ee ina soo gaara.

    Noocyo kala duwan ayaa jira oo madoobaadka qorraxda ah. Nooca aad arki doonto wuxuu ku xiran yahay meesha aad ka joogto Dhulka iyo masaafada u dhexeysa Dayaxa iyo Dhulka.

    Madoobaadka qorraxda ee xiga ayaa la filayaa inuu dhico Arbacada, 12-ka Agoosto.

    Madoobaadka buuxa ayaa la filayaa in laga arki doonaa: Waqooyiga Ruushka, Greenland, Iceland, Isbayn iyo Boortaqiiska.

    Madoobaadkan lagama arki doono Turkiga. Madoobaadka qorraxda ee xiga ee laga daawan karo Turkiga wuxuu noqon doonaa madoobaad qayb ahaan ah, kaas oo dhici doona 2-da Agoosto, 2027.

    Sida ay sheegtay NASA, madoobaadka buuxa wuxuu ka bilaaban doonaa duhurnimada meel yar oo fog oo ku taalla waqooyiga Ruushka. Kadibna iyadoo Dhulku wareegayo, madoobaadku wuxuu u gudbi doonaa dhinaca Isbayn, halkaas oo laga arki doono fiidkii wax yar ka hor qorrax-dhaca.

    Muddada madoobaadka buuxu waxay noqon doontaa mid aad u gaaban, wax ka yar laba daqiiqo iyo bar.

    Qaybo ka mid ah waqooyiga Maraykanka, Kanada, waqooyi-galbeed Afrika, iyo meelo badan oo Yurub ah waxay arki doonaan madoobaad qayb ahaan ah, iyadoo meelo qaarkood in ka badan 90% Qorraxda la dabooli doono.

    Dhacdadan waxay sii noqon doontaa mid gaar ah, maadaama qaybo ka mid ah Afrika iyo qaaradda Yurub ay arki doonaan madoobaad ku beegan qorrax-dhac, taas oo macnaheedu yahay in Qorraxdu qayb ahaan madoobaan doonto iyadoo dhacaysa.

    Waxaad sidoo kale akhrisan kartaa:

    Goormuu dhacayaa qorrax madoobaadka, sideese uga gaashaman kartaa?

    Muxuu yahay qorrax madoobaadku? Imisa nooc ayuuse u qaybsamaa?

16. 11 Agoosto 2026Trump oo sheegay inuu u jawaabi doono Netanyahu

    

    Xigashada Sawirka, GE

    Madaxweynaha Maraykanka Donald Trump ayaa sheegay inuu dhawaan jawaab ka bixin doono hadalkii Ra’iisul Wasaaraha Israa’iil Benjamin Netanyahu ee uu ku diiday qorshaha 15-ka qodob ka kooban ee Golaha Nabadda.

    Trump oo su’aalo uga jawaabayay wariyeyaasha gudaha Xafiiska Madaxweynaha ee Aqalka Cad ayaa sheegay inuu jawaabtiisa ku daabici doono barta bulshada ee Truth Social.

    Wuxuu yiri: “Jawaabtayda halkaas ayaan ku daabici doonaa. Waxaan hayaa jawaab; waa jawaab wanaagsan, halkaas ayaanan ku daabici doonaa.”

    Wuxuu sidoo kale sheegay in xiriirka labadooda uu weli yahay “mid aad u wanaagsan.”

17. 11 Agoosto 2026War deg deg ah, Xuutiyiinta ayaa gantaallo ku weeraray magaalada Mukha ee Yeman

    Ciidamo taabacsan dowladda Yeman ayaa sheegay in xoogagga Xuutiyiintu ay weerareen magaalada dekedda ah ee Mukha.

    Qoraal lagu daabacay barta X ee ciidamada Yeman ayaa lagu sheegay in Xuutiyiintu ay “gantaallo ballistic ah ku rideen” magaalada ku taalla xeebta Badda Cas. Ciidamadu waxay sidoo kale sheegeen in la weeraray xarumaha iyo goobaha dekedda magaalada.

    Warar dheeraad ah sii akhri :

    Sidee BBC-du ugu suurtagashay inay dabagal ku hesho madaxii sirdoonka Bashar al-Assad ee is qarinayay?

    "Eritrea waxay ciidan u dirtay Tigray ayadoo ku xadgudubtay madaxbanaanida Itoobiya" Safiirka Itoobiya u fadhiya Soomaaliya

    Maxaad ka taqaan guddoomiyeyaashii soo maray baarlamaanka Soomaaliya wixii ka dambeeyey xilligii KMG

18. 11 Agoosto 2026Cabbas araghchi : "Sugidda amniga Marin-biyoodka Hormuz waxay u baahan tahay in la joojiyo weerarrada Maraykanka iyo go’doominta badda"

    

    Xigashada Sawirka, Getty Images

    Wasiirka Arrimaha Dibadda Jamhuuriyadda Islaamiga ah ee Iiraan, Cabbaas Caraqji ayaa kulan taleefan ah oo uu la yeeshay Wasiirka Arrimaha Dibadda Jarmalka Johann Wadephul ku sheegay in “sugidda amniga Marin-biyoodka Hormuz ay u baahan tahay in la joojiyo weerarrada Maraykanka iyo go’doominta badda.”

    Intii uu socday wada-hadalkooda, Caraqji wuxuu Wasiirka Arrimaha Dibadda Jarmalka uga warbixiyay wada-tashiyada socda ee Iiraan ay la leedahay Cumaan, kuwaas oo looga gol leeyahay in lagu go’aamiyo waddo ammaan ah oo maraakiibtu isticmaalaan.

    Sida uu sheegay Wasiirka Arrimaha Dibadda Iiraan, “amni-darrada ka jirta Marin-biyoodka Hormuz waxaa gebi ahaanba sabab u ah duullaanka militari ee Maraykanka” iyo Israa’iil ay ku qaadeen Iiraan.

    Wuxuu intaas ku daray in “beesha caalamku ay tahay inay la xisaabtanto madaxda Maraykanka ee talada haysa, kuna saabsan mas’uuliyadda amni iyo dhaqaale ee ka dhalan karta xannibaadda Marin-biyoodka Hormuz.”

    Sida ay ku warrameen warbaahinta Iiraan, Caraqji wuxuu sidoo kale sheegay in “sugidda amniga Marin-biyoodka Hormuz ay u baahan tahay in la joojiyo tallaabooyinka gardarrada ah iyo faragelinta sharci-darrada ah ee Maraykanka, kuwaas oo ay ku jiraan go’doominta badda iyo xadgudubyo kale oo ka dhan ah waajibaadka uu Maraykanku saaran yahay.”

19. 11 Agoosto 2026Maraykanka oo Xisbullah ku eedeeyey in ay “carqaladeeneyso” wada-hadallada Lubnaan iyo Israa’iil

    Mas’uul ka tirsan Wasaaradda Arrimaha Dibadda Maraykanka ayaa Al Jazeera u sheegay in Xisbullah ay “isku dayayso in ay carqaladeeyso wada-hadallada u dhexeeya Lubnaan iyo Israa’iil.”

    Mas’uulkan oo Al Jazeera aysan shaacin magaciisa ayaa sidoo kale sheegay in “labada dhinacba ay wajahaan cadaadisyo siyaasadeed oo gudaha ah.”

    Mas’uulku wuxuu ka digay in “adeegsiga waddooyin gaagaaban uu keeni doono isla natiijooyinkii fashilmay ee aan tobannaan sano aragnay,” isaga oo carrabka ku adkeeyay in Washington ay weli rajo wanaagsan ka qabto “jidka hadda socda.”

    Wuxuu sidoo kale ka dhawaajiyey in wada-hadallada u dhexeeya Lubnaan iyo Israa’iil dib looga bilaabi doono magaalada Rome bisha soo socota.

    Warar dheeraad ah sii akhri :

    Sidee BBC-du ugu suurtagashay inay dabagal ku hesho madaxii sirdoonka Bashar al-Assad ee is qarinayay?

    "Eritrea waxay ciidan u dirtay Tigray ayadoo ku xadgudubtay madaxbanaanida Itoobiya" Safiirka Itoobiya u fadhiya Soomaaliya

    Maxaad ka taqaan guddoomiyeyaashii soo maray baarlamaanka Soomaaliya wixii ka dambeeyey xilligii KMG

20. 11 Agoosto 2026Trump- "Ciidanka Badda Maraykanka ayaa “miinooyinka ka saaray dhammaan marin-biyoodka Hormuz”.

    

    Xigashada Sawirka, Getty Images

    Madaxweynaha Maraykanka Donald Trump ayaa sheegay in ciidamada Maraykanku ay miinooyinka ka saareen Marin-biyoodka Hormuz.

    “Bal eeg, ciidanka keliya ee hadda gacanta ku haya Marin-biyoodka Hormuz waa Ciidanka Badda Maraykanka,” ayuu u ku yiri wariyeyaasha gudaha Xafiiska Madaxweynaha ee Aqalka Cad.

    Trump waxa uu sidoo kale yiri “Waxaan hirgelinnay go’doomin si buuxda u shaqaynaysa oo aan la jebin karin, oo la mid ah gidaar bir ah.”

    Wuxuu intaas ku daray: “Waxaan u oggolaanaynaa oo keliya kuwa aan doonayno inay soo galaan.”

    “Arrintu xoogaa way adag tahay, dabcan, sababtoo ah mararka qaarkood waxay dhigaan miinooyin, laakiin annagu waan helnaa miinooyinka. Waad ogtihiin, inta miinooyin ee aan ka saarnay marin-biyoodkan oo dhan,” ayuu yiri Trump.