Ka chi bọọ
I meela wee nọnyere anyị taa.
Ka chi bọọ.
Anthony Joshua vs Pulev: Anthony Joshua akụpụla Kubrat Pulev ọkwụrụ n'anya
Ọkụọkpọ Anthony Joshua akpọrọ Unified world heavyweight champion ji ike na ndịdị kụpụ Kubrat Pulev ọkpụ n’anya nke mere na olileanya dị na ya na Tyson Fury nwerike ịlụ ọgụ ụwa na-eche kamgbe.
Mkpuchi Na Eme Ozugbo
Ndị kpuruisi mere ngagharịiwe n'Enugwu steeti
Ndị kpuruisi emeela ngagharịiwe n’Enugwu steeti iji gwa gọọmentị na obi adịghị ha mma etu ha si gbaghapụ ha n'ihe gbasara ọdịmma ha na steeti ahụ.
Ha mere emume taa bụ ụbọchị e ji echeta mkparaọcha nke na-eme ka ije dịrị ndị kpuru isi mfe.
Naịjirịa bụ sọsọ mba n'Afrịka Amerịka gụpụrụ n'atụmatụ 'visa lottery nke 2022
Ebe foto si, Getty Images
Mba Amerịka amachiela ndị Naịjirịa isonye n'atụmatu eji anabata ndị mmadụ na mba ahụ a kpọrọ 'visa lottery nke 2022.
Ọ bụ na webụsaịtị gọọmentị Amerịka ka e tinyere ya na Tọzde.
Akwụkwọ ahụ dị peeji 19 Bekee kpọrọ "2022 diversity immigrant visa program (dv-2022)".
Ọ sị: “N'Afrịka, ndị Naịjirịa etozughị insonye mee ịgba chaa chaa visa nke afọ a."
Mana, ndị si mba Afrịka ndị ọzọ tozuru isonye n'atụmatụ a.
Gọọmentị Donald Trump na-agbasi mbọ ike ịkwụsịtụ ndị mmadụ isi ofesi bata Naịjirịa.
Gọvanọ Obiano achụọla James Nwafor n'ọrụ
Ebe foto si, Facebook/ABS
Gọvanọ Willie Obiano bụ aka na-achị Anambara steeti achụọla James Nwafor bụbu onyeisi otu Special Anti-Robbery Squad (SARS) Awkwuzu n'ọrụ dịka onye enyemaka pụrụiche ya.
Don Adinuba bụ kọmishọna mgbasaozi nke Anambara steeti gwara BBC Igbo nke a n'ekwentị.
Nke a na-eso okwu Gọvanọ Obiano gwara ndị bu ngagharịiwe maka nkwụsị SARS garuo n'obi gọọmentị n'ụtụtụ Tọzde bụ Ọktoba 15, na a ga-anapụ Nwafor ọrụ ya ma kwuo ka a gbaa ya akwụkwọ n'ụlọikpe.
Obiano kwuru na ọ na-anụ maka mmegbu ndị SARS na-eme ndị ntorobịa na Naịjirịa, ma too Onyeisiala Muhammadu Buhari ike maka ikposa SARS dịka ndị ntorobịa si chọọ ma gee atụmatụ anọ ha wepụtara maka imezi ngalaba ndị uweojii.
Obiano gara n'ihu kwuo na ọ ga-ehibe otu ga-elebanye anya n'ihe banyere akụkọ mmegide ndị SARS a megidere ndị mmadụ n'afọ ole na ole gara aga.
Ọ họpụtara otu nke Ọkaikpe V.N Umeh nọ n'isi ya bụ ndị ọ sị ga-ekpokọta ihe ha chọpụtara n'afọ 30 na-abịa.
Ndị ga-esonye na ya bụ ọgbakọ gụnyere:
- Ndị na-anọchite anya otu ụmụakwụkwọ Anambara steeti
- Ndị isi na-anọchite anya ndị ntorobia si na Sinetorial Zoonu atọ dị na steeti ahụ
- Otu onye na-efe ala nna ya na steeti ahụ
- Onye ga-anọchite anya ndị ntorobia nke Ohaneze Ndigbo
- Onyeisioche ndị ụka Kraịst na steeti ahụ
- Onye na-anọchite anya Achibishọpụ nke Katọlik Dayọsis Ọnịcha
- Onye na-anọchite anya ndị ichie n'Anambara steeti
WDGZ.
O kwuru na otu a ga-enyocha ebubo oke ogbugbu a na-ebo James Nwafor oge ọ bụ onyeisi SARS n'Awkwuzu.
O kwuru na ọ bụrụ na a chọpụta na ikpe mara ya, na a ga-akpụpụ ya ụlọikpe.
Gọvanọ Obiano gakwara n'ihu gwa Kọmishọna uweojii steeti ahụ na ya nyochagharịa ndị niile ndị uweojii ji eji na steeti ahụ, iji hụ na ikike dịịrị onye ọbụla rutere ha oge ọbụla.
Gịnị bụ Anonymous?
Ndị otu na-awakpo ọdọ ịntaneti a kpọrọ Anonymous ekwuola na ha awakpoola ọtụtụ website gọọmentị Naịjirịa iji kwado ndị na-eme ngagharịiwe na mba ahụ.
N'ozi ha tinyere n'akara Twitter ha, otu eji ụdịrị agwa mara n'ụwa dum si na ha na-akwado ngagharịiwe na Naịjirịa.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Kedụ ndị bụ Anonymous
Ndị otu a enweghi ihe maọbụ onyeisi.
Mkpụru okwu ha ji aga bụ "anyị dị igwe", nke ha ji atụ aka na ọtụtụ mmadụ so n'otu ha.
Dịka ha enweghị ndị ọchịchị, onye ọbụla nwereike sio na ya so n'otu a.
Nke mekwara ka ndị so otu a nwee ebumnuche dị iche iche, nke mere ha enweghị olileanya otu.
Mana, ha bụ ndị na-agba mbọ maka ndị ji aka ike achịgbụ ndị mmadụ.
Ha na-eji ịnara ndị mmadụ ogige ịntanetị ha eme ihe a.
Ọ bụ ihu nwoke a kpọrọ Guy Fawkes, bụ onye wuru ewu maka akwụkwọ Alan Moore dere a kpọrọ V for Ventetta.
N'akwụkwọ ahụ, otu nwoke na-eyi ihu ahụ dịka ọ na-agba mbọ ịkwatu gọọmenti nrụrụaka karịrị na ya.
Ndị agha etinyela ọnụ n'okwu ngagharịiwe END SARS
Ndị agha Naịjirịa adọọla ndị na-eme ngagharịiwe aka na ntị ma kwuo ha kwụsị ịme ngagharịiwe.
Ha kwukwara na ha aghaghị ịchekwa ọchịchị onyekwuoucheya ma o rue na ya.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Unu abọọla chi?
Nnọọ nụ, soro anyị na peeji anyị taa maka akụkọ ndị dị mkpa n'ụwa niile.
Ka chi foonụ
Mmadụ itoolu anwụọla ka helịkọpta abụọ takọtara isi
Ebe foto si, EPA
Ihe ruru mmadụ itoolu anwụọla dịka helịkọpta abụọ bu ndịagha mba Afganịstan merụrụ ahụ, takọtara isi n’obodo Southern Helmandn'ụtụtụ Wenezde.
Ụfọdụ n'ime ndị nwụrụ bụ ndị a zụrụ azụ n'agha ụgbọelu.
Ka akụkọ si na mba ahụ si kwuo, ọ bụ nsogbu mmebi injin butere ihe mberede a.
Mara na ọgụ na-ada aghara aghara n'etiti ndị Taliban na ndịagha gọọmentị na mpaghara ahụ kemgbe ụbọchị ole na ole.
I meela wee bịakwute anyị taa
Nọnyere anyị dịka anyị na-ewetara gị akụkọ ndị ga-amasị gị ịkọ taa niile.
Tụọ ute gị.
Ndeewo.
Ihe i kwesịrị ịma maka otu SWAT ga-anọchi anya SARS
Ebe foto si, NPF
Onyeisi ndị uweojii na Naịjirịa bụ Muhammed Adamu ehiwela ngalaba uweojii ohụrụ ga-anọchi anya SARS e kposara ekposa.
Otu a kpọrọ 'Special Weapons and Tactics' (SWAT) ga na-arụ ọrụ ndị SARS e kposara ekposa na-arụ.
N'ozi ọnụ na-ekwuru ndị uweojii bụ Frank Mba wepụtara, ọ sị na a ga-eme ndị otu ọhụrụ a nyocha ụbụrụ nakwa ahụike iji mara ma tozuru ịrụ ọrụ ọhụrụ a.
Ha ga-amalite ọzụzụ n'ụlọ ọzụzụ ndị uweojii niile dị na Naịjịrịa ebe ndị nke si na mpaghara ọwụwanyanwụ na Ndịda ga-eme nke ha na Rivers Steetị.
E be ndị uweojii si na mpaghara Ọdịdanyanwụ na ugwu ga-enwe ọzụzụ na Nasarawa nakwa Ila-Orangun.
Gịnị ga-emezi ndị uweojii SARS ugbua?
Ebe foto si, NPF
What about di disbanded SARS?
Onyeisi ndị uweojii bụ Muhammed Adamu enyela iwu ka ndị ọrụ SARS niile e kposara ekposa wuchie n'isi ụlọọrụ ndị uweojii n'Abuja maka ajụjụ, nyocha ụbụrụ nakwa nke ahụike.
Ha ga-agabiga nyocha a tupu a zụgharịa ha ma nabatakwa ha n'ọrụ ndị uweojii.
Adamu sị na nke a dị n'usoro iwu na-achịkwa ndị uwojii na Naịjirịa, isi 18 amokwu nke 10 nke afọ 2020.
Ọ sị na ndị ngalaba uwojii a kpọrọ 'Couselling and Support Unit (PCSU) bụ ndị ahazi ọzụzụ ha a.
E zipula ndịagha n'ebe e nwere ọgbaghaara na Tunisia
E zipụla ndịagha mba Tunisia n’ọgbọ ebe ndị uweojii na ndị ngagharịiwe sọkatara isi na mpaghara ugwu mba ahụ.
Ọgbaghara a malitere mgbe gọọmentị kuturu ụlọ ebe a na-ere anwụrụ sịga ma gbuo onye nwe ya.
Praịm mịnịsta mba Tunisia bụ Hichem Mechichi achụọla gọvanọ na-achị nwaobere oge iji belata iwe na-ewe ndị obodo.
Akeredolu enwetela asambodo mmeri ya n'aka Inec
Ebe foto si, TWITTER/AKEREDOLU
Gọvanọ Ondo Steetị bụ Rotimi Akeredolu na osote ya a họpụtara bụ Lucky Ayedatiwa anatala asambodo mmeri ha na ntuliaka ọkwa gọvanọ Steetị ahụ site n'aka ụlọọrụ Inec.
Akeredolu natara nke a n'aka kọmishọna Inec n'Ondo Steetị bụ Rufus Akeju n'idi ụlọọrụ a dị n'Akure, isi obodo Ondo.
Gọvanọ kelere ụlọọrụ INEC maka ịhazi ntuliaka a n'ụdọ nakwa n'ụzọ dị mma n'ụbọchị Satọde.
O kelekwara ndị ọrụ nchekwa maka ọrụ ọma niile ha rụrụ ịhụ na ntuliaka a gara n'udo.
Etu e si gbuo Alexander Nwogu na mba Amerịka
Ebe foto si, Instagram/ Alexander Nwogu
Dịka o ji ọkara gafee elekere mbụ nke isi ụtụtụ n'ụbọchị ise nke ọnwa Ọktoba ka ndị uweojii mba Amerịka gbatara inyere Alexander Nwogu aka, mana isi ya apụtaghị.
Ndị uweojii obodo Washington DC bụ ebe nwaamadi a zutere ọnwụ ya, kọwara na ha hụrụ Nwogu ka ọ tọgbọrọ ka a gbachara ya egbe n'otu ọdọ mmanụ-ụgbọala, mgbe ha rutere.
Dịka ha si kwuo, ndị ọrụ gbatagbata chọpụtara na ndụ apụọla ya n'ahụ.
Ka ọ dị ugbua, ndị uweojii obodo ahụ ewepụtala puku dọla iri abụọ na ise ($25,000) ha ga-akwụ onye ọbụla nwere ozi ga-enyere ha aka ịchọta ma nwụchie onye maọbụ ndị kpara arụ a.
Nwogu dị afọ 23 mgbe ọ nwụrụ, ka nwetara ọrụ n'ụlọọrụ Ernst & Young, ebe o kwesịrị ibido ọrụ n'izu a.
Ọ bụ onye Mbaise dị n'Imo steeti.
Ndị mahadum ebe Nwogu ka gụchara akwụkwọ n'ọnwa Mee nke afọ 2020 a bụ Virginia Tech, dere ozi iti aka n'obi n'ihi ọnwụ ya n'elu Twitter ha.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Buhari ahọpụtala Lauretta Onochie dịka kọmishọna INEC
Ebe foto si, Twitter/Laurestar
Onyeisiala Muhammadu Buhari ezigala aha Lauretta Onochie bụ onye enyemaka ya pụrụ iche n'ihe gbasara soshal midia, n'aha ndị ọ chọrọ ka e mee kọmishọna ndị Independent National Electoral Commission (Inec).
Onyeisi ụlọomeiwu ukwu bụ Sinetọ Ahmad Lawan gụpụtara aha Onochie na mmadụ atọ ndị ọzọ dịka ndị onyeisiala Buhari denyere aha ha n'ozi o ziputara.
O wepụtara aha Onochie dịka onye ọ chọrọ ka ọ na-achịkọta Inec na Delta steeti.
Ndị ụlọomeiwu ukwu ga-enyocha ha mara ma ha etozuru ya bụ ọkwa.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Super Eagles na Carthage Eagles ga-akwata ya taa
Ndị otu Super Eagles nke Naịjirịa na Carthage Eagles nke Tunisia ga-ezute n’asọmpi enyi na enyi taa.
Egwuregwu a a ga-agba na mba Austria ga-amalite dịka o ji ọkara gafee elekere asaa nke abalị.
Cheta na Ọljiria ji otu goolu asaghị asa merie Naịjirịa n'ụbọchị itoolu nke ọnwa Nọvemba a.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Ị bọọla chi?
Ọfọ anyị na-agọrọ gị n'ụtụtụ a bụ na ị ga-ebi ogologo ndụ n'ahụ isi ike.
Iseee!
Nọnyere anyị dịka anyị na-ewetara gị akụkọ ndị ga-amasị gị ịkọ taa niile.
Amalitela ime Ọkaikpe Amy Coney Barrett nnyocha n'ulọomeiwu Amerịka
Ebe foto si, Reuters
Onye Onyeisiala Donald Trump họpụtara ịnọchịte anya Ruth Bader Ginsburg bụ Amy Coney Barrett si na obi di ya mma etu e si họpụta ya maka ọrụ a.
O kwuru nke a dịka a malitere ikwu okwu banyere ọkwa ahụ onyeisiala Trump sị na ọ ga-arịgoro n'ụlọ Omeiwu ukwu nke Amerịka.
Ndị Omeiwu nọ patị Demokrat achọghị ikwu okwu itinye mmadu n'oche ahụ dịka ha sị na ọ na-abịa n'oge ntuliaka iji họpụta onye ga-achị mba ahụ.
Barrett dị afọ 48 si na ya ga-akwụwa aka ya ọtọ ma ya na-ekpe ikpe ya.
O buru na Barrett rigoro n'oche ahụ dịka a na-atụ anya, ọ ga-eme ya onye nke isii bụ onye pati Repọblịkan nọ n'ụlọikpe kachasị n'Amerịka.
Ndị pati Demokrat di mmadu atọ.
'Biko ụnụ ekwela ka ndị ajọ mmadụ were ohere ngagharịiwe a mebie ihe' - Sanwo-Olu
Ebe foto si, @jidesanwoolu
Gọvanọ Legọs steeti bụ Babajide Sanwo-Olu arịọla ndị na-eme ngagharịiwe na Steeti ahụ ka iwe ha dị ọkụ dajụọ dịka ọ mere njem itiaka n'obi ebe ahụ. Sanwo-Olu sị na ọnwụ nwaamadị ahụ na Surulere ha ya bụ Ikechukwu Ilohamauzo gbara afọ iri ise na ise metutere ya ma na-arịọ igwemmadụ nọ ebe ahụ ka ha ghara ịpụta ngagharịiwe echi maka na Gọọmentị na-elebe anya n'iwe ha.
Ọ gwara ha nwee ndịdị maka na ya na onyeisiala Muhammadu Buhari ga-ahụ echi itinye ọnụ n'okwu maka iwe ha.
Ọ kwekwara ha nkwa na ndị ọrụ SARS niile gburu mmadụ maọbụ taa ndị mmadụ ahụhụ n'efu ga-anata ụgwọ ọrụ ha n'ụlọikpe.
O kwuru na ọ kwụ ndị na-eme ngagharịiwe n'azụ maka na iwe ha ziiri ha mana ha biko doo doo doo kwusilata ya bụ ngagharịiwe echi dịka ana elebe anya ịma ụzọ ka mma iji gboo ya bụ ọgụ.
Sanwo-Olu kwekere nkwa na-aga atọhapụ ndị niile ndị uweojii ji eji maka ngagharịiwe a n'abalị a.
'Onyeisi ndị uweojii enyela m ikike ihibe kọmiti ga-elebe anya na nhazi ọhụrụ ndị uweojii' - Davido
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Otiegwu bụ Davido na ndịisi ndị uweojii zutere na mkparịta ụka taa bụ ebe ha kwuru maka ngagharịiwe na-akpọtụ na Naịjirịa kemgbe abalị ise.
Davido sị na ihe ha kpatara na ya bụ nzụkọ bụ na onyeisi ndị uweojii nyere ya ikike ka ọ ga hibe kọmiti nke ya iji nyochaa ma ya bụ nhazi ọhụrụ ha sị na ha ga-eme n'ọrụ ndị uweojii ọ dịka ka ha kwuru.
Ụmụntorobịa Naịjirịa na-eme ngagharịiwe iji gosi obi ọjọọ ha nwere be ndị ọrụ uweojii, ọkachasị ndị otu SARS bụ ndị ha na-ebo na ha na-agbagbu ndị mmadụ aghara aghara, eleghị anya n'azụ.
Onyeisiala Muhammadu Buhari apụtakwala kwuo na-ekposaala ndị otu ahụ ma kwekwa nkwa ịhazigharị ya bụ otu mgbe na-abịa n'ihu.
Mana nke ahụ emeghị ka ya bụ ngagharịiwe beleta.
Kama agbagburu otu onye na Surulere, Legọs, gbajie onye ọzọ ukwu ka ya bụ ngagharịiwe na-aga n'ihu na mpaghara ahụ.