Anthony Joshua vs Pulev: Anthony Joshua akụpụla Kubrat Pulev ọkwụrụ n'anya

Ọkụọkpọ Anthony Joshua akpọrọ Unified world heavyweight champion ji ike na ndịdị kụpụ Kubrat Pulev ọkpụ n’anya nke mere na olileanya dị na ya na Tyson Fury nwerike ịlụ ọgụ ụwa na-eche kamgbe.

Mkpuchi Na Eme Ozugbo

20 Ọktọba 2020Kedụ otu Mbappe ga-ahọrọ n’afọ ọzọ na-abịa?
Ebe foto si, Getty Images
Ọgba boolu ndị otu Paris Saint Germain bụ Kylian Mbappe dịka ọ chọzighị ịnọ n’otu ahụ ma nkwekọrịta ya na ha bịa na njedebe.
Mbappe, onye dị afọ iri abụọ na otu na-agbara mba Fransị bọọlụ, sonyere otu PSG kemgbe afọ 2017.
Mana dịka ọ dị ugbua, kepukepu na-ekwu na ọ bụ otu Liverpool na Real Madrid ka anya ha dị n’ahụ ya ịnwale ma ha a ga-azụta ya.
Amabeghị otu Mbappe ga-ahọrọ n’ime otu abụọ ndị a.
Ebe foto si, Getty Images
N’aka nke ọzọ otu Tottenham na-akwado ịtinyeso ego n’ụgwọ ọnwa ọgba bọọlụ ha bụ Son Heung-min iji me ka ọ dọtịkwuo oge ya n’otu ahu.
19 Ọktọba 2020Ka ọ dị nụ echi!
Daalụ bụ maka isonye anyị.
Echi ga-aka mma!
19 Ọktọba 2020Virgil van Dijk: Liverpool ha alaala na mgbuka?
Skip X post, 1
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 1
Ụfọdụ na-ekwu na egwu ejidela ndị otu Liverpool dịka onye ndu ha na onye na-agba azụ bụ Virgil van Dijik merụrụ ahụ n'ikpere ya dịka ha zutere ndị otu Everton nsonso a.
Dijik na-ekwu na ọ ga-anwa ike ya iji hụna ọgbakere ma bido asọmpị n'oge na-adịghị anya.
A ga-awa ya ụkwụ nke mere na amabeghị mgbe ọzọ ọ ga-enweike ịgba bọọlụ ọzọ.
Lee ihe ndị mmadụ na-ekwu maka ọnọdụ a
Skip X post, 2
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 2
Skip X post, 3
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 3
Skip X post, 4
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 4
Skip X post, 5
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 5
19 Ọktọba 2020A nwụchiela mmadụ 25 maka igosi asambodo covid-19 adịgboroja
Ebe foto si, AFP
N’afrịka, ndị uweojii mba Uganda anwụchiela ndị njem iri abụọ na ise a na-enyo maka igosi asambodo nnyocha covid-19 adịgboroja.
E jidere iri abụọ na atọ n’ime ha ka ha na-akwado ime njem n’ọdọụgbọelu Entebbe dị nso isiobodo Kampala, ebe a nwụchiri abụọ ndị ka batara abata.
Mara na mba Uganda ka mepere okeala ha na mba ndị ọzọ n'ụbọchị mbụ nke ọnwa Ọktoba, ka ọnwa isii ha ji buso mfesa ọrịa coronavirus agha gachara.
Ugbua, ha na-ana ndị njem akwụkwọ gosiri na ha ebughi ọrịa covid-19, site na nnyocha e mere na-akarịghị ụbọchị ise tupu onye ahụ emee njem.
Ndị njem na-abata n'ime mba ahụ kwesịkwara iweta akwụkwọ gosiri na ha ebughi ya bụ ọrịa n'ime ụbọchị atọ tupu ha abanye ụgbọelu ga-ebulata ha.
Ka ọ dị ugbua, mmadụ 10,590 ebutela ọrịa coronavirus na mba ahụ, ebe mmadụ 97 nwụrụla n'ime ha.
18 Ọktọba 2020Igbo ndị ọma ka ọ dị nụ echi
Hie nụ ụra n'udo ma chete soro anyị echi.
18 Ọktọba 2020Igbo ndị ọma anyị ji eme ọnụ
Nnọọnụ na peeji anyị taa!
Anyị amalitela iwetere unu akụkọ dị iche iche na-ekpo ọkụ n'ala Igbo nakwa mba ụwa niile.
17 Ọktọba 2020Igbo ndị ọma ebe a ka anyị ga-awụsa ọwa nke taa
I meela n'isonye anyị taa, ka ọ dị echi.
17 Ọktọba 2020Manchester City ewerela Arsenal gụrụ akara atọ dị ọkụ
Ebe foto si, Premier League/Twitter
Manchester City gosiri Arsenala ihe nwoke ji kara ibe ya dịka ha ji oru ọkpụ goolu a na-asataghị otu merie ha n'asọmpi Premier League.
Goolu a si n'aka Raheem Sterling na nkeji 23' n'ọkara nke mbụ n'asọmpi.
Arsenal nwara ike ha dịka dimkpa ha bụ mana Manchester City ekweghi ha nyeta goolu.
N'otu ahụ Manchester City gbalịkwara inye Arsenal goolu ọzọ mana ha jụwara isi ruo mgbe asọmpi a gwụrụ na nkeji 90'.
Ugbua Arsenal bụ ndị ise ebe Manchester City bụ ndị iri n'ogogo tebụlụ.
17 Ọktọba 2020Ndịagha Naịjirịa sị ha ga-amalite emume a kpọrọ 'Ọchị Agụiyi' na Naịjirịa niile
Ebe foto si, Getty Images
Ndịagha Naịjirịa ekwuola na ha ga-amalite atụmatụ a kpọrọ 'Ọchị Agụiyi' bụ Crocodile Smile na bekee n'ebe niile na Naịjirịa.
Ozi a si d n'akwụkwọ si n'aka ọnụ na-ekwuru ndịagha na Naịjirịa bụ Sagir Musa.
Emume a nke bụ ihe ha na-adị emekarị kwa ngwụcha ọnwa anọ afọ ọbụla ga-amalite n'ụbọchị 20 ọnwa Ọktoba ruo ụbọchị 31 nke ọnwa Disemba afọ 2020.
Ha sị emume a ga-agbakwasị ụkwụ n'ibuagha megide mpụ na-eme n'ịntanet iji nyocha ma chọpụta mgbasaozi akụkọ maọbụ echiche ọjọọ na-eme n'elu ịntanet.
Ebe foto si, Getty Images
Ha sị na nke a ga-abụ mbụ ndịagha mba Afrịka ga-eme emume ga-ebuagha megide mpụ n'ịntanet.
Ha kwukwara na ọ ga-enyocha inyochapụta ndị Boko Haram batarala n'obodo dị na mpaghara ugwu nakwa ebe ndị ọzọ na Naịjirịa.
Ha kwere ngwa na ọ bụ maka udo na ọganihu ndị Naịjirịa ka na-achọ ma rịọ ka ụmụ Naịjirịa kwadoo ha n'oge niile ha ga-eme ya bụ emume.
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
17 Ọktọba 2020Chelsea akpọrọla ụkwụ ọcha n'aka Southampton
Ebe foto si, Premier League/Twitter
Southampton fooro ntụtụ taa ma sị na Chelsea agaghị emeri ha n'asọmpi Premier League dịka ha ji ọkpụ goolu atọ atọ gbaa onwe ha onye lawa onye lawa.
Chelsea malitere inye goolu abụọ na nkeji 15' na 28' site n'aka Timo Werner bụ onye nyere goolu abụọ a.
Danny Ings nke Southampton sara otu goolu na nkeji 43' tupu ọkara mbụ apịachie ọnụ.
N'ime ọkara nke abụọ, na nkeji 57' Che Adams mezuru ya goolu nke ndị Southampton.
Na-egbughi oge, Kai Havertz nyere ndị Chelsea goolu nkeji 59' iji mee ya nke atọ.
Mana Jannik Vestergaard nke Southampton mere ka odo Chelsea anya na ha mụ anya site n'inye goolu nke atọ ha na nkeji 90'.
Nke a mere ka a ga-asị na Chelsea na Liverpool tetere ụra n'otu akwa ndina dịka ha abụọ enweghi ike merie n'asọmpi ha gbara taa.
Ugbua Chelsea bụ ndị isii n'ogogo tebụlụ Premier League.
Ebe foto si, Premier League /Twitter
17 Ọktọba 2020Ọ bụ na mma agha Liverpool anaghị aghọzi nkọ?
Ebe foto si, Premier League/Twitter
Otu egwuregwu Everton ekweghi ka Liverpool ṅụrụ mmiri tọgbọ iko n'asọmpi Premier League ha gbara nke ha ji ọkpụ goolu abụọ abụọ si onye laba.
Liverpoo bu ụzọ nye goolu na nkeji 3' site n'aka Sadio Mane mana Everton sara mgbe Michael Keane nyere goolu na nkeji 19'.
Otu egwu abụọ ndị kwechiri na onweghi onye ga-emeri ibe ya ruo na nkeji 72' mgbe Mohamed Salah nyere goolu ọzọ.
Na-egbughi oge, Dominic Calvert-Lewin saara ndị Everton goolu na nkeji 81' nke gbawara obi ndị Liverpool.
Mana ebe obi Liverpool nọzi gbaa riri bụ mgbe ogbu pịpịrọ gụpụrụ goolu Jordan Henderson yere na nkeji 90' ma sị na ọ bụ nke a kpọrọ "offside".
Kamgbe a malitere asọmpi Premier League nke afọ a, Liverpool ahụbeghi gbaa, ọ dịzi ka mma agha ha ọ nwụọla nkọ.
Ha ji akara iri nọrọ n'ogogo abụọ na tebụlụ Premier League ebe Everton ji akara iri na atọ bụrụ ndị mbụ.
17 Ọktọba 2020Chibuike Amaechi na-eleta ọrụ ụzọ oloko si Legọs gawa Ibadan ugbua
Ebe akụkọ a si
- - Onye dere ya, Chiagozie Nwonwu
  - Ndị mere akụkọ a, BBC Igbo
Minista na-ahụ maka njem bụ Chibuike Rotimi Amechi nọ na Legọs ugbua ebe ọ gara njem nleta etu ọrụ si aga n'ụzọ oloko si Legọs gawa Ibadan.
Ya ndị na-elekọta ya bụ ọrụ bu ụzọ gaa n'ọdọụgbọoloko nke dị na Yaba tupu ha-esi ebe ahụ gawa nke dị n'Agege na mpaghara Legọs
Lee photo etu o si aga dịka anyị si hụ ya.
Ọ gakwara n'ọdọụgbọoloko nke dị n'Iju dị na mpaghara mpụta Legọs.
Cheta na Amaechi kwere nkwa na gọọmentị etiti na-akwado ịgbape njem ụgbọoloko nke ga-esi nke si Legọs gawa Ibadan dị n'Oyo steeti.
Ọ bụ ya bụ ọrụ ka ọ bịara Legọs ịleta ma marakwa ebe arụrụ ya be.
17 Ọktọba 2020Mmadụ 212 ebutela coronavirus ọzọ na Naịjirịa
Ngalaba na-ahụ MAKA mgbochi ọrịa na Naịjirịa bụ "Nigeria Centre for Disease Control" (NCDC) ekwuola na nnyocha ọhụrụ ha mere gosiri na mmadụ 212 ọhụrụ ebutere coronavirus ọzọ.
Nke a butere ndị ọrịa ahụ fesarala mmadụ 61,194.
Mmadụ 52,304 n'ime ha agbakeela ma laa be ha ebe mmadụ 1,119 lara mụọ site n'ọrịa a.
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
17 Ọktọba 2020Ụtụtụ ọma ụmụ Igbo
Daalụ nụ maka ịsonye anyị taa.
Anyị ga-ewetara unu akụkọ niile dị mkpa gbasara ihe na-akpọtụ na Naịjirịa na mba ndị ọzọ.
16 Ọktọba 2020I meela wee nọnyere anyị taa
Ụbọchị nta ka anyị chụọ n'owere nchị.
16 Ọktọba 2020Gere akụkọ gbasara coronavirus n'otu nkeji
16 Ọktọba 2020Zabaleta awụsala ọwa n'ịgba bọọlụ
Ebe foto si, Twitter/Zabaleta
Pablo Zabaleta bụ nwaafọ Argentina gbaara Manchester City na West Ham bọọlụ awụsala ọwa.
Zabaleta dị afọ iri atọ na ise gbara bọọlụ afọ iri na asatọ ma bulie ọtụtụ iko.
N'ozi o wepụtara n'elu Twitter ya, o kelere nd mmadụ maka nkwado ha nyere ya n'ime afọ 18 ahụ ọ gbara bọọlụ, ma kelekwa ndị klọb, ndị otu ya n'egwuregwu bọọlụ, ndị nchịkọta niile chịkọtara ya nakwa ndị ọzọ.
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
16 Ọktọba 2020Idemmiri achụpụla ndị mmadụ n'obodo Unagboke Inyimagu dị n'Ebonyi steeti
Ọtụtụ ezinaụlọ dị n'obodo Unagboke Inyimagu dị n'Abakaliki dị n'Ebonyi steeti na-achọ ebe ha ga-edebe isi ha dịka oke idemmiri nyere ha ọsọ n'ụlọ ha.
Mmiri tojuru n'ọtụtu ụlọ gụnyere ụlọụka nakwa ụlọakwụkwọ dị n'obodo ahụ.
Aha onyonyo, Etu idemmiri si chụpụ ndị Unagboke dị n'Ebonyi steeti
Onyeisi ụlọakwụkwọ praịmarị Unagboke bụ Oriakụ Bosa Clement, kwara arịrị sị na ha anaghị aganwu akwụkwọ n'ihi oke idemmiri a, ma kwuo na ha ataala ezigbo ahụhụ.
Igwe Emmanuel bụ otu okenye nọ n'obodo ahụ kwuru sị na oke idemmiri a si n'akwammiri a na-arụchaghị arụcha dị nso ebe ahụ, ma na-akpọku gọọmentị ka ọ gbatara ha ọsọ enyemaka.
Igwe obodo ahụ bụ Sunday Nwokpuru kwuru na ugbo ọ kọrọ ji, osikapa na akpụ ruru ala 100 lara n'idemmiri a, dịka o kwukwara na mmiri a achụpụla ndị mmadụ n'ụlọ.
Obasi Peter bụ onyeisi ndị ntorobịa n'obodo ahụ kpọkuru gọọmentị ka ọ gbatara ọsọ enyemaka.
16 Ọktọba 2020Ndi ọrụ gọọmentị na Mali emeela ngagharịiwe maka ndị otu ha a nwụchiri
Narị kwa narị ndi ọrụ gọọmentị na mba Mali mere ngagharịiwe n'isi mba ahụ bụ Bamako iji kpọọ ka atụghapụ ndị ọrụ ọchịchị ime obodo ndị oji egbe ji.
Ndị a na-eme ngagahrịiwe gara ụlo ọrụ Praịm Minista mba ahụ ga-enye akwụkwọ ha dere mkpesa ha.
Ha sị na ihe karịrị mmadụ iri na-arụ ọrụ n'okuru ọchịchị ime obodo nọ n'aka ndị oji egbe.
N'izuụka gara aga, ndị oji egbe a tụghapụrụ otu onye na-arụ ọrụ enyemaka si mba Frans.
Nwaanyị a aha ya bụ Sophie Pétronin dị afọ 75. Ha tughapukwara onye zọbụru ọkwa onyeisiala mba ahụ bụ Soumaïla Cissé, 70,
Ntughapụ ndi so n'ime nkwekọrịta ndi oji egbe a na gọọmentị mba ahụ gụnyere ịtụghapu ndị otu ha ruru 100 no n'aka gọọmentị Mali.
16 Ọktọba 2020Ọgbakọ ndị gọvanọ agbarụrụọla ihu maka etu e ji wepụta SWAT
Ọgbakọ ndị gọvanọ Naịjirịa a kpọrọ "Nigeria Governors’ Forum" (NGF) na Bekee gbawala onyeisi ndị uweojii Naịjirịa bụ Mohammed Adamu na oge oji wepụta ngalaba ọhụrụ a kpọrọ "Special Weapons and Tactics Team" (SWAT) adabaghị ma ncha.
Aka na-achịgasị steeti dị iche iche a kwuru nke a dika Maazị Adamu na-akọwara ha ọnọdụ nchekwa na Naịjirịa dika ha na-eme nzukọ nke 18 ha n'elu ịntanetị.
NGF, n'ozi onyeisi ha bụ Kayode Fayemi nke Ekiti steeti binyere aka, sị na ha tinyere ọnụ n'ọtụtụ ihe na-eme na Naịjirịa ọkachasị ngagharịiwe na-ame maka mkpagbụ a na-ebo nagalaba Bekee kpọrọ "Special Anti-Robbery Squad" (SARS) naka nwị uweojii ọzọ.
Gọvanọ Babajide Sanwo-Olu nke Legọs dekwere nkwekọrịta ha nwere na Nzukọ ahu n'akara Twitter ya dịka ọ na-ekwu na ha kwenyere n'ihe ndi ntoroobịa na-eme.
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
Fayemi n'onwe ya tinyere akwụkwọ ozi ha n'akara ya