Anthony Joshua vs Pulev: Anthony Joshua akụpụla Kubrat Pulev ọkwụrụ n'anya
Ọkụọkpọ Anthony Joshua akpọrọ Unified world heavyweight champion ji ike na ndịdị kụpụ Kubrat Pulev ọkpụ n’anya nke mere na olileanya dị na ya na Tyson Fury nwerike ịlụ ọgụ ụwa na-eche kamgbe.
Mkpuchi Na Eme Ozugbo
Nnamdi Chukwuocha emerirela na ntuliaka ụlọomeiwuu Delaware, Amerịka
Ebe foto si, Instagram/NnamdiChuwkuochaforstrataEP
Nnamdi Chukwuocha esonyela na ụmụ Naijiria merịị na ntuliaka mba Amerịk na-aga n'ihu ugbua.
Chukwuocha oinye otu 'Democrats' nwetara oche dịka onye nnochiteanya n'ụlọomeiwu steeti Delaware dị na mba Amerịka.
Ụmụ Naijiria ndị ọzọ nwetarala mmeri na ntuliaka ahụ bụ gụnyere Oye Owolewa, Ngozi Azubike, April Ademiluyi, Esther Agbaje, Paul Akinjo na ndị ọzọ.
Ụmụaka enweghị aha afọjuola Manchester United aja n'ọnụ
Ebe foto si, Getty Images
Nkọwa foto, Demba Ba nyere goolu abụọ ndị Istanbul Basaksehir ji nweta mmeri Ị nụtụla aha otu egwuregwu bụ Istanbul Basaksehir? Ọ bụ ndị a nyụrụ ndị Manchester United ịkpakwụ n'asọmpi Uefa Champions Leagu n'abalị Wenezde.
Ọkpụ goolu abụọ a satara otu ka ndị Istanbul Basaksehir ji merụọ Manchester United ahụ.
Ọ bụ Demba Ba, onye gbabuur otu egwu bọọlụ Chelsea, nyere goolụ abụọ ha ji nweta mmeri.
Nke a bụ nke mbụ ndị Istanbul Basaksehir na-enyete goolu n'asọmpi Champions League kamgbe e hibere otu egwuregwu ahụ n'afọ 1990.
Ebe foto si, Getty Images
Ojisi ka Anthony Martial ji nyetere Man United otu goolu ha ji gbaa aka ahịa.
Ndị ọzọ a ma ama sokwa n'otu Istanbul Basaksehir gụnyere Martin Skrtel gbabuur ndị Liverpool na Rafael Da Silva gbabuuru Manchester United.
Kanye West ekwetala na emeriri ya
Otiegwu a ma ama bụ Kanye West anabatala na-emeriri ya na ntụliaka ọkwa onyeisiala e mere n'afọ 2020.
O dere n'akara Twitter ya na ọ ga-alaghachite ọzọ zọọ ya bụ ọkwa n'afọ 2024.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
West zọrọ ya bụ ọkwa dịka onye kwụrụ onwe ya gosikwara n'akara Twitter ya ebe o binyere onwe ya aka.
Nke a dara iwu ala mba Amerịka nke kwuru na mmadụ ọbụla ekwesighi ịgosi onye ha biinyere aka na ntuliaka mana o dobeghi anya ma ọ ga-erite ntaramahụhụ n'ihi agwa a ọ kpara.
Otu nwoke atapụla nwunye ya mkpisiaka atọ
Ụlọikpe majie dị n'Abụja ejichiela otu nwoke maka ịtapụ nwunye ya mkpịsịaka ya atọ.
E kwughị ihe butere esemokwu ahụ mana dịka ụlọakụkọ Guardian siri kwuo, Amusu Olajide, onye ọrụ mekanịk bi n' ime obodo Gui dị na Sunka nso Abuja, kwetara na ya mere ya bụ ihe n'ezie.
Onye Ọkaikpe nyere iwu ka e jichie ya bụ nwoke ganye oge nwunye ya gbakere n'ụlọọgwụ.
Ndebanye aha maka ịtụ vootu ga-eri Naịjirịa otu ijeri naịra - INEC
Ebe foto si, Getty Images
Ngalaba nhazi ntuliaka na Naịjirịa bụ 'Independent National Electoral Commission' (INEC), ekwuola na ọ bụ na mbido afọ na-abịa abịa ka ha ga-amalite idebanye aha ndị mmadụ maka ntuliaka afọ 2023, bụ nke a kpọrọ 'Continuous Voter Registration' na bekee
Onyeisi Inec bụ Mahmood Yakubu kwuru nke a n'ụbọchị Wenezde oge ọ gara ịkọwara ndị omeiwu Naịjirịa atụmatụ mkpata na mmefu ego ha maka afọ 2021.
Ebe foto si, Situation Room
Nkọwa foto, Onyeisis Inec bụ Mahmood Yakubu Yakubu kwuru na ya bụ ndebanye aha ga-eri Naịjirịa otu ijeri naịra.
Cheta na ndebanye aha maka ịtụ vootu kwesịrị imalite n'ọnwa Ọkụtoba afọ a, mana Inec yigharịrị ya n'ihi ọrịa coronavirus
Yakubu gakwara n'ihu rịọ ndị omeiwu ka ha mee ngwangwa kwado iwu ntuliaka ọhụrụ bụ 'Electoral Act' nke ga-enye ndị Naịjirịa bi na mba ofesi ikike iso tụọ vootu ma oge ruo.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Ihe anyị ga-eji ego anyị chọrọ igbaziri n'aka mba Brazil mee - Mịnịsta 'Finance'
Ebe foto si, Zainab Ahmed
Mịnịsta na-ahụ maka nchịkọta ego bụZainab Ahmed ekwuola na Naịjirịa chọrọ ịgbazite ego dị otu ijeri dọla na ụma abụọ n’aka mba Brazil iji kwalite nkọpụta ihe oriri n’afọ na-abịa abịa.
O kwuru nke a oge ọ gara ịkọwara ndị omeiwu atụmatụ mkpata na mmefu ego nke mịnịstrị ya maka afọ 2021.
Zainab kọwara na gọọmentị etiti nwere atụmatụ ha kpọrọ 'Green Imperative Programme' bụ nke ha chọrọ iji nyere ndị ọrụ ugbo aka ma mee ka nri bawanye na Naịjirịa.
Ọ gara n'ihu kwuo na gọọmentị etiti ga-enwe ala ruru otu puku narị 'hectare' na steeti niile dị na Naịjirịa maka nkọpụta nri.
Ọ kọwakwara na "gọọmentị ga-arụkwa okporoụzọ niile e si abanye n'ugbo ndị ahụ iji mee ka ọ dịrị ndị ọrụ mfe ịga ọrụ nakwa ibupụta ihe ubi ha mepụtara."
Obiano ewepụtela bọjeetị nke afọ 2021
Ebe foto si, Gọọmentị Anambra
Gọvanọ Anambra steeti bụ Willie Obiano ewegarala ndị omeiwu steeti ahụ atụmatụ mkpata na mmefu ego maka afọ 2021, bụ nke Bekee kpọrọ 2021 'budget'.
Dịka atụmatụ ahụ si dị, ego Obiano wepụtara maka iji rụọ ọrụ n'Anambara steeti n'afọ 2021 bụ otu narị ijeri naịra, na ijeri naịra iri anọ na atọ na ụma (143.6 billion).
Ihe Obiano kpọrọ bọjeetị a bụ “Budget of Economic Recovery and Consolidation”.
E kere ya bụ bọjeetị ụzọ abụọ: otu ụzọ bụ ego a ga-eji rụpụta ihe a na-ahụ anya, Bekee kpọrọ ya 'capital expenditure'; nke ọzọ bụ ego a ga-eji kwụọ ụgwọ ma mee ihe ndị ọzọ na-adapụta kwa mgbe kwa mgbe, bụ nke Bekee kpọrọ 'recurrent expenditure.'
'Capital expenditure' nke afọ a bụ ijeri naịra iri asatọ na isii na ụma (N86.88 billion) nke pụtara pasentị iri isii na ụma ise (60.5%) nke bọjeetị ahụ.
N'aka nke ọzọ, 'recurrent expenditure' bụ ijeri naịra iri ise na isii na ụma asaa (N56.77 billion) nke pụtara pasentị iri atọ na itoolu na ụma ise (39.5%) nke bọjeetị ahụ.
Maradona wara akpụ n'ụbụrụisi
Ebe foto si, Getty Images
Ọkpankọ ama ama n'egwubọọlụ bụ Diego Maradona awaala akpụ ụbụruisi.
Ndị dọkịnta na-elete ya anya sị na-emere ya n'udo.
Atọhapụla mmadụ 17 ndị ntọ ji na Nasarawa steeti
Ebe foto si, Getty Images
Ozi ọma pụtara taa bụ na ihe karịrị mmadụ isi na asaa atọọrọ izu gara aga na Nasarawa steeti enwerela onwa.
Otu onye n'ime ndị ahụ gwara ndị nta akụkọ na ha kwuru nde Naịra abụọ na ụma abụọ maka ịtọhapụ ha.
Dịka ana agụ mpụtara ntuliaka mba Amerịka, Twitter amachiela onyeisiala Trump izisa ozi gbasara ya
Ebe foto si, Press Association
Dịka ndọrọndọrọ ọchịchị onyeisiala mba Amerịka na-akpọtụ, Joe Biden na Donald Trump ekwuola na obi kara ha n'ogogo mpụtara na steeti nke akpọpụtagoro.
Ka ọ dị ugbua, Twitter amachiela Trump izipu ozi ọbụla gbasara nrụrụaka na ya bụ ntuliaka.
'Kamera dị na Lekki 'tollgate' anyụọlarị ka ọkụ kemgbe elekere asatọ nke abalịụbọchị ahụ' - LCC
Ebe foto si, Getty Images
Ị nụkwara na camera dị na Lekki Toll gate kwusiri ịrụ ọrụ n'elekere asatọ nke abalị ụbọchị ahụ agbara ụmụmmadụ na-eme ngagharịiwe Endsars egbe?
Onyeisi ndị Lekki Concession Company bụ Abayomi Omomuwasan gwara ndị kọmitii na-elebe anya na ya bụ okwu ụbọchị Tuzde n'ọgbakọ nke anọ ha mere bụ nke ha ji elebe anya na ndị kpara arụ site n'ịgba egbe n'ụbọchị ahụ.
Ihe karịri izuụka abụọ ndị ana eche na ha bụ ndị agha Naịjirịa gbachara ya bụ mkpam mkpa, ya bụ kọmịtịị ka na etịnye anya ịchọpụta onye sị ha gbaa ya bụ egbe.
Ndị agha Naịjirịa na ekwusi ike na ọbịghị ha gbara ya bụ egbe agbanyeghị na ahụrụ ndị ya akwa ndị agha n'ihe onyonyo na-efegharị ka ha na-agba ya bụ egbe.
Ọ kwa eziokwu na ha mechere kweta na Gọvanọ Legọs ziri ha ga mee ka udo lọhachie ebe ahụ mana na-ọbụgị ha gbara ya bụ egbe. dịka onyeis ha na 81 divishọn bụ Osoba Olaniyi siri kwuo.
Ndị NYSC ga-eme nnyocha coronavirus tupu anabata ha n'ogige ọzụzụ ha
Ebe foto si, NYSC
Ụlọọrụ NCDC ekwuola na ha ga-eme ụmụntorobia ji otu afọ efe ala nna nnyocha coronavirus tupu ha abata ogige ọzụzụ ha Bekee kpọrọ orientation camp.
Onyeisi ndị ụlọọrụ a bụ Chikwe Ihekweazu bụ onye kwuru nke a mgbe ọ na agwa ndị ntaakụkọ okwu ụnyaahụ siri na nke a ga-enyere ha aka ịmata ka ọnọdụ dị na ebe ndị ọzọ na Naịjirịa.
O kwukwara na gọomentị amalitela nke ha kpọrọ Infection Prevention and control Vangard bụ nke ọ rịọrọ ndị ntorobịa chọrọ isonye ka ha bịa tinye aha ha maka ọzụzụ.
Ihekweazu sị na ha na-atụanya na nne na nna ga-enyeaka ịgbaziri ụmụ ha ezigbo ụzọ maka ihe ha kwesiri ịme.
Ụnụ asaala chi e! Ndu mmiri, ndụ azụ. Mmiri atala ma azụ anwụla.
Ka chi fo
Ọ bụ ebe ka anyị ga-apịachi nke taa.
Sonyere anyị echi.
Ndewo.
Trump ekelela ụmụ Naijiria meere ya mgbasaozi nkwado
Onyeisiala Mba Amerịka bụ Donald Trump eekela ụmụ Naijiria gosiri ya nkwado site na ngaghrị ha mere ya na Naijiria.
O kwuru 'ọ bụ nnukwu ihe nkwanye ugwu."
Taa ka mba Amerika mere atụmvootu iji họpụta otu n'etiti Trump na Joe Biden.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Jiri otu nkeji gere akụkọ gbasara Coronavirus ka ọ dị n'Afrịka
Umahi ewetuola ụgwọ akwụkwọ mahadum 'Ebonyi State University'
Ebe foto si, David Umahi/Facebook
Gọvanọ Ebonyi steeti bụ David Umahi ewetuola ụgwọ akwụkwọ ụmụakwụkwọ mahadum "Ebonyi State University."
Dịka ozi nke odeakwụkwọ gọọmenti steeti ahụ bụ Kenneth Ugbala binyere aka ma wepụtara, nd Umahi iji puku naira iri abụọ wetuo ụgwọ akwụkwọ ndị bụ ụmụafọ Ebonyi steeti ma were pnaira puku iri wetuo nke ndị abụghị ụmụafọ steeti ahụ.
Dịka Umahi siri kọwara , nke a bụ iji belatara ndị nne na nna ụfụ so ụkọ ego nke ọrịa coronavirus butere.
Ebe foto si, David Umahi/Facebook
Oloidi, onye nkuzi mahadum 'University of Nigeria' anwụọla
Ebe foto si, Prof Ozioma
Ụmụakwụkwọ nakwa ndị nkuzi na mahadum 'University of Nigeria Nsukka' nọ n'iru ụjụ dịka otu onye nkuzi mahadum ahụ kajara akaja bụ Ola Oloidi hapụrụ ụwa ụbọchị Monde, abalị abụọ nke ọnwa Novemba afọ 2020.
Onyeisi ngalaba "Fine and Arts" na mahadum ahụ bụ Ọkammụta Ozioma Onuzulike kwuru na "ọ zụọla ọtụtụ ndị nwere PhD."
"Ọ bịara Nsukka na 70s, oge ọtụtụ n'ime anyị ka na-asa ahụ n'afọ n'afọ."
Ndị mara Oloidi na-ekwu na ya bụ onye nkuzi bụ onye obi umeala na-akpakarị ọchị.
Onuzulike kọwara sị, " Ebe ọbụla ọ hụrụ gi ọ ga-amasị gị njakịlị, gwusa gị egwu. Ndị mmadụ jiri ya mara ya."
Oloidi ebiela ala Igbo ihe karịrị afọ iri atọ.
Ola Oloidi tupu ọ nwụọ bụ ọkaibe na nkuzi " Art History" na "Art Criticism" ma bụrụ kwa onye a ma dịka "nna 'Modern Nigerian Arts History'.
Ọ bịdoro ọrụ na mahadum 'University of Nigeria Nsukka' n'afọ 1976 dịka 'Lecturer II' rute afọ 1996 oge o nwetara nzere 'Professor' n'afọ 1996.
E nweghị 'Restructuring,' o nweghị ebe Naijiria ji azụ aga- Ohaneze, Afenifere, Ihe Nnamdi Kanu, Onyeka Onwenu, Pat Utomi na ndị ọzọ kwuru maka 'restructuring', mmekọrịta Yoroba na Igbo
Ebe foto si, Getty Images,Onyeka Onwenu
Ndị nwere agba n'Igbo nakwa ala Yoroba ekwuola na Naijiria agaghị enwe ọganihu ọbụla ma ọ bụrụ na enweghị nhazigharị na mpaghara na mpaghara nke Bekee kpọrọ 'Restructuring'.
Ha kwuru nke a n'ọgbakọ 'Handshake Across the Niger' nke otu Njịkọ Ụmụnna hibere ụbọchị Monde ma kpoo noku ka ndị Igbo na ndị Yoroba jikọọ ọnụ were chọba ọdịmma Ndịda Anyanwụ.
Lee ihe ụfọdụ ndị bịara ọgbakọ ahụ e mere n'ikuku kwuru:
Ayo Adebanjo
Okenye Yoroba bụ Ayọ Adebanjo gwara ndị Igbo sị, "a na-aghọgbu ụnụ si na-aga enye ụnụ ọkwa onyeisiala" ma sị na ọ kara onye ọbụla mma ka a hazịgharịa Naijiria, ugbua.
"E meghị otu a ị mara ihe a chọrọ bụ ka Naijiria kewasịa."
O kwuru na etu e siri hiwe Iwu Naijiria mere ya ka ọ bụrụ naanị otu mpaghara nwere ike ikpebi ebe onyeisiala ga-esi.
"Onye ọbụla megidere 'restructuring' bụ onye iro Naijiria. Buhari bụ onye iro Naijiria n'ihi na ọ jụrụ ịhazigharị Naijiria ugbua."
Onyeka Onwenu
Ebe foto si, Onyeka Onwenu
Otiegwu a ma ama bụ Onyeka Onwenu bụ onye jiri ngagharịiwe EndSARS maa atụ tụrụ arịrị sị na oge ọbụla e nwere nsogbu maọbụ nghọtahie na Naijiria, na ndị ọzọ na-ebokarị ya ndị Igbo.
"Aghọtaghị ihe butere oke akpọmasị a. Ọtụtụ ndị iji nnukwu anya ele gara n'ihe onyonyo TV kwuo na ndị Igbo bụ ha nyụrụ ihe na-esinụ."
O kwuru na oke asị e e nwere n'ebe ndị Igbo nọ mere ka ndị Igbo na-achị obi n'aka mgbe ọbụla.
Ọnwenu onye rụtụrụ aka na nkwenye ndị Yoroba na nke ndị Igbo yitere, kporo oku ka ha jịkọta ọnụ were chọba ihe dara mmiri.
Pat Utomi
Ebe foto si, Getty Images
Ihe so mee ka Naijiria na-akpụ afọ n'ala bụ na na anyị nwere ọchịchị bute ka e rie.
Utomi kwuru na nsogbu ọtụtụ nwere bụ na " anyị nwere bụ anyị anaghị agụ akwụkwọ maka ihe mere oge ochie" ọs ị na ọ bụ ya mere na ndị Igbo na ndị Yoroba si n'otu ezinaụlọ ma e lee asụsụ ha.
Nnamdi Kanu
Nnamdi Kanu kwuru na ma e tere ogiri ma e tere ụgba, na nkwenye ya bụ na nnwereonwe nke a ga-esi na referadum nweta.
Ebe foto si, Getty Images
