Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 21 Sebtembar 2026Trump oo war cusub u sheegay wariye uu la hadlay iy hajabaad uu diray

   

   Xigashada Sawirka, Bloomberg via Getty Images

   Iran iyo Mareykanka ayaa Axaddii is-weydaarsaday hanjabaado cusub. Madaxweyne Donald Trump ayaa uga digay Iran in dhaqaalaheedu burburi doono ama hoggaankeeda meesha laga saari doono haddii aysan heshiis gaarin, halka militariga Iran uu sheegay inuu si adag uga jawaabi doono weerar kasta oo cusub.

   Khilaafkan ayaa muddo bilo ah u muuqday mid aan xal lahayn, iyadoo aanay jirin wax calaamad ah oo muujinaysa in labada dhinac ay diyaar u yihiin tanaasul. Dhanka kale, khilaafku wuxuu sii xumeeyay qalalaasaha tamarta ee caalamka, wuxuu dhaawac weyn gaarsiiyay qaybo badan oo ka mid ah dhaqaalaha Iran, wuxuuna sababay in xiisaddu ku fido meelo kale oo gobolka ah.

   Wariye ka tirsan Fox News ayaa sheegay in Trump, intii uu khadka telefoonka kula hadlayay, uu yiri hoggaamiyeyaasha Iran waa inay heshiis gaaraan, haddii kale dhaqaalahoodu wuu burburayaa ama waa la baabi’in doonaa.

   Si kastaba ha ahaatee, iyadoo la filayo in Madaxweynaha Iran Masoud Pezeshkian uu toddobaadkan tago magaalada New York si uu uga qaybgalo shirka Golaha Guud ee Qaramada Midoobay, Trump wuxuu sheegay inuu diyaar u yahay inuu la kulmo, ayuu intaas ku daray wariyaha Fox News.

   Trump ayaa marar badan sameeyay hanjabaado aan faahfaahsanayn oo ku saabsan in dagaalka lagu ballaarin karo tallaabooyin milatari oo waaweyn. Dagaalkan ayaa billowday 28-kii Febraayo, markii Mareykanka iyo Israa’iil ay qaadeen duqeymo, balse ilaa hadda hanjabaadahaas ma uusan fulin.

   Horraantii, taliska dhexe ee militariga Iran ayaa sheegay in weerar kasta oo cusub uu horseedi doono aargoosi joogto ah oo lagu qaado saldhigyada iyo danaha Mareykanka, wuxuuna sheegay in xulafada Washington ee gobolka loo tixgelin doono dhinacyo ka tirsan dagaalka.

   Sheekooyinka kale ee aad sii akhrin karto:

   ONLF iyo kooxo kale oo waaweyn oo ku heshiiyay inay xukunka ka tuuraan Abiy Axmed

   Maraykanka oo Eritrea ka qaaday Cunaqabateyntii saarnyed, iyada oo ay sii kordheyso xiisadda Baabal Mandab

   Maraykankuma wuxuu qorsheynayaa in uu weerar cusub ku qaado Iran isaga oo kaa shaanayadalalka carabta?

2. 21 Sebtembar 2026Waxyaabo badan oo ku saabsan Ruushka iyo layaabka ay lahaayeen doorashooyinka

   

   Xigashada Sawirka, EPA

   Waxyaabo badan oo ku saabsan Ruushka.

   Laakiin natiijada doorashadan mid ka mid ah ma ahayn.

   Nidaam siyaasadeed oo si adag uu u maamulo Kremlin-ka, xisbiga talada haya, United Russia, ayaa si weyn loo filayay inuu sii wato gacan-ku-hayntiisa baarlamaanka.

   Wax isbeddel lama filaan ah ma dhicin. Wax layaab lehna ma jirin. Xisbi kale oo la tartamayayna uma soo dhowaan natiijada.

   Natiijooyinka hordhaca ah ayaa muujinaya in United Russia uu ku dhow yahay inuu sii haysto aqlabiyadda dastuuriga ah ee Duma, oo ah aqalka hoose ee baarlamaanka Ruushka.

   Arrintani waxay dhacday kadib in ka badan afar sano iyo bar oo dagaal ah oo Ruushku kula jiray Ukraine, dagaalkaas oo sababay khasaare aad u weyn oo dhanka dagaalka ah oo soo gaaray ciidamada Ruushka, dhibaatooyin dhaqaale, iyo sidoo kale shidaal-yaraan ka dhalatay weerarrada diyaaradaha aan duuliyaha lahayn ee Ukraine ay ku qaadeen xarumaha shidaalka ee Ruushka.

   Waxay u muuqataa in xisbiyada ka gudbay xadka 5 boqolkiiba oo galay Duma-da cusub ay yihiin isla xisbiyadii ku jiray baarlamaankii hore.

   Duma- waxay si buuxda u taageersanayd Kremlin-ka iyo waxa dowladda Ruushku ugu yeerto “hawlgalka milatari ee gaarka ah.”

3. 21 Sebtembar 2026Wararkii ugu dembeyey ee marinka Hormuz ka dib warbixinta Maraykanka

   

   Xigashada Sawirka, Reuters

   Sida ay sheegayaan ilo la socda isu-socodka maraakiibta ee marinka Hormuz, tirada maraakiibta ganacsiga ee maraya marin-biyoodkan ayaa weli ah mid aad u hooseysa, halka CENTCOM iyo dowladda Mareykanka ay sheegeen in isu-socodka maraakiibta ee marinka uu kordhay maalmihii la soo dhaafay.

   Axaddii, website-ka Straits ayaa sheegay in 8 maraakiib oo ganacsi oo keliya ay mareen marinka Hormuz.

   Al Jazeera ayaa soo xigatay Ururka Hawlgallada Ganacsiga Badda ee Boqortooyada Midowday (UKMTO) oo sheegay in tirada maraakiibta maraysa marinka Hormuz ay tahay “mid aad uga yar” tirada uu Mareykanku shaaciyay.

   Si kastaba ha ahaatee, maadaama saddexdii maalmood ee la soo dhaafay aan wax dhacdo ah laga soo sheegin marinka, taasi waxay xoogaa rajo ah ka abuurtay suuqyada shidaalka. Saliidda ceyriinka ah ee North Sea Brent, oo toddobaadkii hore gaartay 108 dollar halkii foosto, ayaa subaxnimadii Isniinta ku dhowayd 104 dollar halkii foosto.

   Sheekooyinka kale ee aad sii akhrin karto:

   Maraykanka oo Eritrea ka qaaday Cunaqabateyntii saarnyed, iyada oo ay sii kordheyso xiisadda Baabal Mandab

   Maraykankuma wuxuu qorsheynayaa in uu weerar cusub ku qaado Iran isaga oo kaa shaanayadalalka carabta?

4. 21 Sebtembar 2026ONLF iyo kooxo kale oo waaweyn oo ku heshiiyay inay xukunka ka tuuraan Abiy Axmed

5. 21 Sebtembar 2026Xaggee ayay ku dambeeyeen saaxiibbadii halganka ee madaxweynaha Eritrea uu 25 sano xabsiga ku hayay? Muxuuse ahaa dalabkoodu?

   Tan iyo markii Eritrea ay noqotay dal madax-bannaan, madaxweynaha dalka, Isaias Afwerki, ayaa xukunka hayay. Saraakiil sare oo si rasmi ah uga dalbaday inuu sameeyo isbeddello siyaasadeed ayuu xabsiga dhigay, waxaana hadda laga joogaa 25 sano tan iyo markii la waayay meel ay ku sugan yihiin.

   Saraakiisha loo yaqaan Kooxda 15-ka (G15) waxay xilal sare ka soo qabteen halgankii xornimada Eritrea iyo wixii ka dambeeyay. Kadib markii ay si cad u dalbadeen in isbeddel siyaasadeed lagu sameeyo dalka, waxaa la xiray 8-dii Sebtembar 2001, tan iyo markaasna lama oga halka ay ku sugan yihiin.

   Saraakiishan oo xilal sare ka hayay halgankii xornimada iyo dowladdii Eritrea ayaa warqad furan oo si rasmi ah loo faafiyay ku dalbaday in Madaxweyne Isaias Afwerki uu qabto doorashooyin, isla markaana dalka lagu maamulo dastuur.

   15-ka sarkaal ee warqadda ku dalbaday in madaxweynuhu isbeddel sameeyo, 11 ka mid ah ayaa ciidamada ammaanka Eritrea isla markiiba xireen. Afarta kale, oo kala ah Mesfin Hagos, Haile Menkerios iyo Mohammed Berhan, lama qaban, waxayna ku nool yihiin qurbaha.

   Saraakiishii la xiray ayaa maanta laga joogaa 25 sano iyaga oo aan wax dacwad ah lagu soo oogin, maxkamad la horgeyn, ama aan la ogeysiin halka ay ku sugan yihiin.

   Halkan ka sii akhri

6. 21 Sebtembar 2026Koox loo haysto dil madaxweyne dal oo loo qaaday Maraykanka iyo sababta halkaas loo geynayo

   

   Xigashada Sawirka, AFP via Getty Images

   Sideed iyo toban qof ayaa diyaarad looga soo qaaday Haiti, waxaana loo qaaday gobolka Florida ee dalka Mareykanka si halkaas loogu maxkamadeeyo, iyadoo lagu eedeynayo inay ku lug lahaayeen dilkii madaxweynihii Haiti, Jovenel Moïse, oo dhacay shan sano ka hor.

   Moïse ayaa lagu toogtay gurigiisa oo ku yaalla caasimadda Port-au-Prince bishii Luulyo 2021, waxaana la sheegay in dilka ay fuliyeen koox u badan calooshood-u-shaqeystayaal u dhashay Colombia.

   Baaritaanno hore oo ay Haiti ka sameysay dilka ayaa hakad galay, sababo la xiriira awoodda baahsan ee kooxaha burcadda ah iyo sharci-darrada ka jirta dalka.

   Xeer-ilaaliyaha Mareykanka ee Koonfurta Florida, Jason Reding Quiñones, ayaa qoraal uu soo dhigay bartiisa X, ku sheegay in soo-celinta dadka loo haysto ay tahay “wejiga weyn ee xiga ee dadaalkeenna ku aaddan in isla-xisaabtan laga sameeyo” dilka madaxweynaha.

   “Shan sano kadib, weli waxaan eedeysanayaal horgeynaynaa maxkamadaha Mareykanka, mana aanan dhammaan,” ayuu Quiñones ku yiri qoraal uu soo dhigay X.

   Wuxuu sheegay in ilaa hadda 30 qof lagu soo oogay dacwado la xiriira dilka.

   Xeer-ilaaliyeyaasha Mareykanka ayaa ku doodaya in qorsheynta iyo maalgelinta dilka Moïse laga abaabulay gobolka Florida, iyo sidoo kale Jamhuuriyadda Dominican iyo Haiti lafteeda.

   Maadaama nidaamka garsoorka Haiti uu ku jiro xaalad aad u liidata, mas’uuliyadda ayaa ku dhacday xeer-ilaaliyeyaasha Mareykanka inay dadka xiran keenaan Florida, si halkaas loogu qaado dacwadaha.

   Sheekooyinka kale ee aad sii akhrin karto:

   Maraykanka oo Eritrea ka qaaday Cunaqabateyntii saarnyed, iyada oo ay sii kordheyso xiisadda Baabal Mandab

   Maraykanku ma wuxuu qorsheynayaa in uu weerar cusub ku qaado Iran isaga oo kaa shaanaya dalalka carabta?

7. 21 Sebtembar 2026Wadanka uu u dhashay qof ay ICE ku toogatay gobolka Texas oo la oggaaday

   

   Xigashada Sawirka, Getty Images

   Dibadbaxayaal ayaa isugu soo baxay magaalada Austin ee gobolka Texas ee dalka Mareykanka, halkaas oo mas’uuliyiinta deegaanka ay sheegeen in sarkaal ka tirsan Hay’adda Socdaalka iyo Dhaqangelinta Kastamka Mareykanka (ICE) uu nin toogtay oo dhaawacay.

   Wilber Rafael Garces Perez, oo 28 jir ah, ayaa laga toogtay qaybta jirkiisa inta u dhaxaysa caloosha iyo laabta, waxaana loo qaaday isbitaal. Shaqaalaha gurmadka degdegga ah ayaa sheegay inuu xaaladdiisu halis tahay balse deggan tahay.

   Warbaahinta Mareykanka ee CBS ayaa sheegtay inuu yahay muwaadin Venezuelan ah oo si sharci-darro ah dalka ugu noolaa, isla markaana ay jirto amar dalka looga masaafurinayo.

   Tan iyo markii Madaxweyne Trump uu dib ugu soo laabtay xukunka sannadkii 2025, waxaa dhacay in ka badan 40 dhacdo oo toogasho ah oo ay ku lug lahaayeen saraakiisha ICE, kuwaas oo sababay dhimashada 11 qof.

   Sheekooyinka kale ee aad sii akhrin karto:

   Maraykanka oo Eritrea ka qaaday Cunaqabateyntii saarnyed, iyada oo ay sii kordheyso xiisadda Baabal Mandab

   Maraykanku ma wuxuu qorsheynayaa in uu weerar cusub ku qaado Iran isaga oo kaa shaanaya dalalka carabta?

8. 21 Sebtembar 2026

9. 21 Sebtembar 2026Maraykanka oo Eritrea ka qaaday Cunaqabateyntii saarnyed, iyada oo ay sii kordheyso xiisadda Baabal Mandab

10. 21 Sebtembar 2026War deg deg ah, Maraykanka oo muwaadiniinta uga digaya in ay u safraan Iiraan

    

    Xigashada Sawirka, U.S. Virtual Embassy Iran

    Digniin ka soo baxday Mareegta online-ka ah ee Safaaradda Mareykanka ee Iraan, ayaa Axaddii, 20-ka Sebtembar, soo saartay digniin degdeg ah oo ay ugu sheegtay muwaadiniinta Mareykanka, in aysan u safri karin Iiraan sabab kasta oo jirta, iyadaoo lagu yiri qoraalka “Sababo la xiriira xiisadaha weli ka jira Bariga Dhexe, xaaladda amni ayaa weli cakiran, waxaana suuragal ah in xiisaddu si lama filaan isku beddesho".

    Waxaa intaas la raaciyey qoraalka "Muwaadiniinta Mareykanka ee hadda ku sugan Bariga Dhexe waa inay muujiyaan feejignaan dheeraad ah, una diyaar garoobaan suuragalnimada in duullimaadyada la joojiyo, hawada la xiro iyo in safarradu hakad galaan".

    Digniinta ayaa lagu soo gabagabeeyay: “Sabab kasta ha ahaatee, ha u safrin Iran. Muwaadiniinta Mareykanka waa inay si degdeg ah uga baxaan Iraan.”

    Intii lagu jiray sannadkii la soo dhaafay, Wasaaradda Arrimaha Dibadda Mareykanka ayaa digniino la mid ah u soo saartay muwaadiniinteeda ku sugan Galbeedka Aasiya iyo dalalka ku lugta leh dagaalka Mareykanka iyo Israa’iil ay kula jiraan Iran, iyadoo Mareykanka uga digtay inay dib uga fiirsadaan safarrada ay ku tagayaan gobolka, isla markaana ay qaataan tallaabooyinka taxaddarka ee lagama maarmaanka ah.

    Akhriso Sheekooyin kale

    Maraykanku ma wuxuu qorsheynayaa in uu weerar cusub ku qaado Iran isaga oo kaa shaanaya dalalka carabta?

    Iiraan oo xog cusub ka bixisay wadahadallada iyo shuruudo ay u gudbisay dhexdhexaadiyaasha

    Sidee loo ilaaliyaa Makka iyo meelaha kale ee barakaysan ee ku yaalla Sacuudi Carabiya?

11. 21 Sebtembar 2026War deg deg ah, Trump oo sheegay in la joogo marxaladdii go'aanka, iyada oo Iiraan ay ka digeyso in lagu soo qaado weerarro cusub

    

    Xigashada Sawirka, Getty Images

    Donald Trump ayaa warbaahinta Fox News u sheegay inuu ku jiro “marxalad go’aan qaadasho”, isagoo tilmaamay in waqtiyada soo aadam ay dhici doonaan arrimo “aad u waaweyn” oo la xiriira Iran.

    Madaxweynaha Mareykanka ayaa sidoo kale sheegay inuu diyaar u yahay inuu la kulmo Madaxweynaha Iraan Masoud Pezeshkian, wuxuuna ka digay in haddii heshiis la gaari waayo, Iraan ay wajahi doonto burbur dhaqaale ama burbur baahsan.

    Axaddii ayey ahayd markii Iiraan ay sheegtay in ay heshay warar sheegaya in Maraykanka uu qorsheenayo weerarro ka dhan Iiraan, kuwaas oo ay waddamo Carab ah garab ku siinayaan, inkasta ooo aysan Iiraan magacaabin waddamadaasi.

    Akhriso Sheekooyin kale

    Maraykanku ma wuxuu qorsheynayaa in uu weerar cusub ku qaado Iran isaga oo kaa shaanaya dalalka carabta?

    Iiraan oo xog cusub ka bixisay wadahadallada iyo shuruudo ay u gudbisay dhexdhexaadiyaasha

    Sidee loo ilaaliyaa Makka iyo meelaha kale ee barakaysan ee ku yaalla Sacuudi Carabiya?

12. 21 Sebtembar 2026SUBAX WANAAGSAN

    Maalin kale iyo tebin cusub soo dhawaada

13. 21 Sebtembar 2026Gabadha la dhalatay Ra'iisul wasaarihii hore ee Pakistaan oo xabsiga la dhigay

    

    Xigashada Sawirka, REUTERS/Salahuddin

    Walaasha raysalwasaarihii hore ee Pakistan, ee hadda xiran Imran Khan, ayaa la xiray ka hor dibadbaxyada toddobaadka soo socda ee lagu taageerayo isaga.

    Xisbiga Imran Khan ee Tehreek-e-Insaf ayaa sheegay in Aleema Khanum lagu xiray magaalada Lahore ee bariga Pakistan, galabnimadii Axadda, 20-ka Sebtembar. Mas’uuliyiinta xisbiga ayaa xarigga ku tilmaamay mid “sharci-darro ah”. Wiilkeedana wuxuu dalbaday in hooyadii la sii daayo oo dib loogu celiyo qoyskeeda.

    Sida ku cad amar xarig oo uu soo saaray ku-xigeenka guddoomiyaha degmada Lahore, Aleema Khanum waxaa lagu xiray eedeymo la xiriira abaabulka taageerayaasha Imran Khan “iyadoo adeegsanaysa baraha bulshada iyo kulamo dadweyne”, waxaana la qorsheeyay inay xabsiga ku sii jirto muddo 30 maalmood ah.

    Aleema Khanum ayaa si cad u dhaliisha xarigga walaalkeed, waxayna si joogto ah ula hadashaa taageerayaashiisa iyo warbaahinta.

    “Waxaan dowladda ugu baaqaynaa inay si degdeg ah u shaaciso halka uu ku sugan yahay, ayna xaqiijiso ammaankiisa iyo in si nabad ah dib loogu soo celiyo,” ayuu wiilkeeda Shahraz Khan ku qoray barta X.

    Xarigga Aleema Khanum ayaa dad badan ku xiriiriyeen dibadbaxyo laga qorsheeyay guud ahaan Pakistan 27-ka Sebtembar, kuwaas oo la filayo in dibadbaxayaashu ay kusoo dhowaadaan Islamabad, caasimadda dalka.

14. 21 Sebtembar 2026Halista daawashada Muuqaallada gaa-gaaban ee aan joogis lahayn

    

    Xigashada Sawirka, Getty Images

    Dib u eegis lagu sameeyey 42 daraasadood oo ay ka qayb galeen ku dhowaad 46,900 qof, kuwaas oo celcelis ahaan da’doodu ahayd 16.8 sano, ayaa lagu daabacay Springer Nature bishii Juun, iyadoo cinwaankeedu ahaa “Ma la xakamayn karaa daawashada aan dhammaadka lahayn"? Daraasaddan ayaa si joogto ah u heshay xiriir u dhexeeya isticmaalka badan ee muuqaallada gaagaaban, oo mararka qaar dhowr saacadood maalintii ah, iyo arrimaha soo socda:

    • Koror yar oo ku yimaada dhibaatooyinka feejignaanta.
    • Hoos u dhac ku yimaada awoodda xusuusta shaqada iyo is-xakamaynta.
    • Heerar sare ilaa dhexdhexaad ah oo walaac, walbahaar iyo niyad-jab ah.
    • Koror aan badneyn oo ku yimaada calaamadaha muujinaya qabatinka.

    Si kastaba ha ahaatee, xogtaan la baaray ma sheeganayso in natiijooyinkani caddeynayaan in muuqaallada gaagaaban ay si toos ah u sababaan daciifnimada xusuusta ama hoos u dhaca awoodda feejignaanta. Sababtu waxay tahay in inta badan daraasadaha la falanqeeyay ay ahaayeen daraasado xogta lagu ururiyay hal waqti, isla markaana muddo gaaban la sameeyay. Sidaa darteed, waxaa weli loo baahan yahay daraasado muddo dheer soconaya oo ka xoog badan si loo ogaado nooca xiriirka ka dhexeeya labada arrimood.

15. 21 Sebtembar 2026Iiraan oo sheegtay in dhaqaalaheeda uu sii xumaanayo

    

    Xigashada Sawirka, EPA/Shutterstock

    Heerka kobaca dhaqaalaha Iraan ayaa rubucii koowaad ee sannadka 1405-ka hoos ugu dhacay 10 illaa 18 boqolkiiba. Sida lagu sheegay warbixin sanadkiiba soo baxda 4 jeer, oo ay soo saartay Xarunta Tirakoobka Iraan, sababta ugu weyn ee hoos u dhaca wax-soo-saarka ama dakhliga guud ee gudaha dalka ayaa gaartay hoos u dhac ka badan 35% oo ku yimid dakhliga dhoofinta, iyo sidoo kale 26% oo hoos u dhac ku yimid soo saarista shidaalka iyo gaaska.

    Dagaalka Mareykanka iyo Israa’iil ay kula jiraan Iraan, xannibaadda badda ee lagu sameeyay dekedaha koonfureed ee dalka, iyo adkaynta cunaqabateynta ayaa si weyn u saameeyay dhaqaalaha Iraan, gaar ahaan dhoofinta.

    Warbixintu waxay sidoo kale muujinaysaa in wax-soo-saarka warshadaha iyo macdanta kale uu hoos u dhacay in ka badan 5%, marka loo eego gu’gii sannadkii hore.

    Sheekooyinka kale ee aad sii akhrin karto:

    Maraykanku ma wuxuu qorsheynayaa in uu weerar cusub ku qaado Iran isaga oo kaa shaanaya dalalka carabta?

    Dunidu ma u diyaar-garowday "dhammaadka casriga shidaalka" maxaase ku dhici doona waddamada ku tiirsan?

    25 sano ka hor siyaasiyiintii uu xiray Afewerki ee aan weli xaalkooda war laga haynin

16. 21 Sebtembar 2026War deg deg ah, Lacagaha Maraykanka kaga baxay dagaalka Iiraan oo xadka dhaafay

    

    Xigashada Sawirka, Getty Images

    Waxaa la sheegay in qiyaastan ay bixisay Xarunta Taliska Ciidanka Dhulka ee Maraykanka.

    Maalmo ka hor, Wasaaradda Difaaca Maraykanka ayaa sheegtay in Maraykanku uu wajahayo hub yaraan sababo la xiriira dagaalka Iraan. Hase yeeshee, Madaxweyne Donald Trump ayaa beeniyey in ay jirto hub yaraantaas.

    Wasaaradda ayaa sheegtay in Maraykanku uu $33.4 bilyan ku bixiyay howlgallada milatari ee Iran intii u dhexeysay Janaayo iyo Oktoobar, xilligaas oo la soo saaray warbixintii ugu horreysay.

    Horraan ayey ahayd markii Trump iyo maamulkiisa ay la kulmayeen cadaadis xoogan oo kaga imaanayey qiimaha shidaalka gudaha Maraykanka.

    Sheekooyinka kale ee aad sii akhrin karto:

    Maraykanku ma wuxuu qorsheynayaa in uu weerar cusub ku qaado Iran isaga oo kaa shaanaya dalalka carabta?

    Dunidu ma u diyaar-garowday "dhammaadka casriga shidaalka" maxaase ku dhici doona waddamada ku tiirsan?

    25 sano ka hor siyaasiyiintii uu xiray Afewerki ee aan weli xaalkooda war laga haynin

17. 20 Sebtembar 2026War deg deg ah, Safaaradda Maraykanka ee Sacuudiga oo digniin amni ka soo saartay magaalooyin cusub

    Safaaradda Maraykanka ee Sacuudiga ayaa soo saartay digniin amni, iyada oo sheegtay in shaqaalaheeda looga baahan yahay inay helaan oggolaansho gaar ah ka hor inta aysan u safrin magaalooyinka Taif iyo Yaanbu.

    Digniinta amni ayaa lagu sheegay inay la xiriirto “xaaladda amni ee hadda ka jirta Sacuudiga”.

    Sabtidii, Xuutiyiinta Yemen ayaa weerar ka geystay meel u dhow garoonka diyaaradaha ee ugu weyn magaalada Riyadh.

    Sheekooyinka kale ee aad sii akhrin karto:

    Maraykanku ma wuxuu qorsheynayaa in uu weerar cusub ku qaado Iran isaga oo kaa shaanaya dalalka carabta?

    Dunidu ma u diyaar-garowday "dhammaadka casriga shidaalka" maxaase ku dhici doona waddamada ku tiirsan?

    25 sano ka hor siyaasiyiintii uu xiray Afewerki ee aan weli xaalkooda war laga haynin

18. 20 Sebtembar 2026War deg deg ah, Wasiirka Arrimaha Dibadda Iiraan oo u ambabaxay New York, dalka Maraykanka

    

    Xigashada Sawirka, AFP via Getty Images

    Warbaahinta Iraan ayaa qoreysa in Wasiirka Arrimaha Dibadda Iraan, Cabbaas Araqchi, uu fiidnimadii Axadda Tehran uga ambabaxay magaalada Dooxa ee caasimadda Qatar, isaga oo halkaas uga sii gudbi doona New York si uu uga qayb galo shirka sanad laha ee Golaha Guud ee Qaramada Midoobay.

    Wakaaladda wararka rasmiga ah ee Iraan, IRNA, ayaa sheegtay in ujeeddada booqashadiisa Qatar ay tahay “in lagala tashado arrimaha iyo hormarradii i ugu dambeeyay ee gobolka".

    Sheekooyinka kale ee aad sii akhrin karto:

    Maraykanku ma wuxuu qorsheynayaa in uu weerar cusub ku qaado Iran isaga oo kaa shaanaya dalalka carabta?

    Dunidu ma u diyaar-garowday "dhammaadka casriga shidaalka" maxaase ku dhici doona waddamada ku tiirsan?

    25 sano ka hor siyaasiyiintii uu xiray Afewerki ee aan weli xaalkooda war laga haynin

19. 20 Sebtembar 2026Hay'adda Qatar Energy: "Xiisadda Gacanka Hormuz waxay dib u dhigi kartaa mashaariicdeena horumarineed".

    Agaasimaha Guud ee Qatar Energy, Saad Kaabi, ayaa sheegay in xiisadda ka taagan Gacanka Hormuz ay dib u dhigi karto hirgelinta qaar ka mid ah mashaariicda horumarineed ee shirkadda, maadaama qalab muhiim ah uusan geli karin Qatar.

    Waxa uu sheegay in Qatar Energy ay hadda soo saarto xaddi “aad u yar” oo gaaska dabiiciga ah ee dareeraha ah (LNG), balse haddii Gacanka Hormuz dib loo furo, hawlihii caadiga ahaa ay dib u bilaaban karaan toddobaadyo gudahood.

    Mr Kaabi ayaa hadalkan ka sheegay Madasha Dhaqaalaha Qatar ee lagu qabtay magaalada New York. Waxa uu sheegay in qaar ka mid ah qaybaha Mashruuca Horumarinta Gaaska Waqooyi-bari loo qorsheeyay in la hawlgeliyo sannadka 2027, halka wax-soo-saarka Mashruuca Gaaska Waqooyi-Koonfureed la filayo inuu billowdo sannadka 2028.

    Iraan ayaa Axaddii mar kale ku celisay in aysan dib u furi doonin Gacanka Hormuz ilaa la fuliyo shuruudaha heshiiskii xabbad-joojinta ku-meelgaarka ahaa ee bishii Juun ay la gashay Maraykanka, sida ay Tehran u fasiranayso heshiiskaas.

    Sheekooyinka kale ee aad sii akhrin karto:

    Maraykanku ma wuxuu qorsheynayaa in uu weerar cusub ku qaado Iran isaga oo kaa shaanaya dalalka carabta?

    Dunidu ma u diyaar-garowday "dhammaadka casriga shidaalka" maxaase ku dhici doona waddamada ku tiirsan?

    25 sano ka hor siyaasiyiintii uu xiray Afewerki ee aan weli xaalkooda war laga haynin

20. 20 Sebtembar 2026Malaga yaabaa in Iiraan ka baxdo Heshiiska caalamiga ah ee Xakameynta hubka Nukliyeerka?

    Ahmad Bakhshish Ardestani, oo xubin ka ah Guddiga Amniga Qaranka iyo Siyaasadda Dibadda ee Baarlamaanka Iraan, ayaa sheegay in uu “u arko mid aan macquul ahayn” in mas’uuliyiinta sare ee dalkiisa ay oggolaadaan in Iraan ay ka baxdo Heshiiska Caalamiga ah ee Ka Hortagga Faafitaanka Hubka Nukliyeerka (NPT).

    Hadalkiisa ayaa yimid kaddib markii xildhibaano dhowr ah ay guddiga hoggaanka baarlamaanka u gudbiyeen qorshe ka kooban saddex tallaabo oo Iraan ay uga baxayso NPT.

    Mr Bakhshish Ardestani ayaa sheegay in ka bixitaanka heshiiskan uu kordhin karo cadaadiska dibadda ee lagu hayo Iraan, sidoo kalena uu halis gelin karo taageerada Shiinaha iyo Ruushka.

    Mohsen Rezaei, Xoghayaha Golaha Sare ee Amniga Qaranka Iran, ayaa isna sheegay in Iran ay ka fiirsanayso ka bixitaanka NPT, balse weli aan la gaarin go’aan kama dambeys ah.

    Sheekooyinka kale ee aad sii akhrin karto:

    Maraykanku ma wuxuu qorsheynayaa in uu weerar cusub ku qaado Iran isaga oo kaa shaanaya dalalka carabta?

    Dunidu ma u diyaar-garowday "dhammaadka casriga shidaalka" maxaase ku dhici doona waddamada ku tiirsan?

    25 sano ka hor siyaasiyiintii uu xiray Afewerki ee aan weli xaalkooda war laga haynin