ትራምፕ ምቍራጽ ተዅሲ ኢራንን እስራኤልን ግብራዊ ምዃኑ ኣፍሊጡ

ቀጥታዊ ሸፈነ

1. 20 ጉንቦት 2026ዓቐን መኣዲ፡ እቲ ንጥዕናና ዝብድሆ ዘሎ ኣመጋግባ

2. 20 ጉንቦት 2026ሺን ፑቲንን ካብ ልዕሊ 20 ቀዳሞት ስምምዓት ፈሪሞም

   ሺን ፑቲንን ኣብ መንጐ ቻይናን ሩስያን ዘሎ ስትራተጂካዊ ምውህሃድ ዝያዳ ንምሕያል፡ ከምኡ'ውን "ሰናይ ጕርብትናን ምሕዝነታዊን ምትሕብባር ምዕሟቕን፡" ዝብል ሓባራዊ ስምምዓት ፈሪሞም ኣለዉ።

   ሕጂ ድማ ኣብ ካልኦት ዝተፈላለዩ ጉዳያት፡ እንተላይ ኣብ ስምምዓት ምትሕብባር ንግድን ቴክኖሎጅን ዝምልከት ተወሳኺ 20 ሰነዳት ክፍርሙ ትጽቢት ይግበር።

3. 20 ጉንቦት 2026ሃገራዊት ጋንታ ኤርትራ ልዕሊ ዝበጽሓ ዕጫ ትስጕምዶ ትኸውን?

4. 20 ጉንቦት 2026ንቻይናን ሩስያን ዘተኣሳሰረን ገመድ እንታይ እዩ?

   ፕረዚደንታት ሺ ጂንፒንን ቭላድሚር ፑቲንን፡ ዝሓለፈ መስከረም ኣብ ቲያንኣንመን ኣደባባይ በይጂንግ እናተዛወሩ፡ ብዛዕባ ዕድመ ደቅ-ሰብ ዝናውሓሉ ተኽእሎታት ከዕልሉ ተሰሚዖም ነይሮም።

   እዚ ትጽቢት ዘይተገብረሉ ዕላል፡ እዞም ክልተ መራሕቲ ዘለዎም ርክብ ክሳብ ክንደይ ሱር ዝሰደደ ምዃኑ ዘርኢ እዩ።

   ፑቲን ኣብዛ ሰሙን ናብ በይጂንግ ክምለስ እዩ፣ እዚ ድማ ክልተአን ሃገራት ስምምዕ ካብ ዝፈራረማ መበል 25 ዓመት ምስ ዝገበራሉ ተጋጢሙ ኣሎ።

   ዝርዝር ንምንባብ ነዚ መላግቦ ጠውቑ።

   

   ምንጪ ስእሊ, Getty Images

5. 20 ጉንቦት 2026ውዕል ሰናይ-ጕርብትናን ምሕዝነታዊ ምትሕግጋዝን እንታይ እዩ?

   መንግስታዊ ማዕከናት ዜና ቻይና፡ ውዕል ሰናይ ጉርብትናን ምሕዝነታዊ ምትሕግጋዝን ቻይናን ሩስያን ከም ዝተናውሐ ጸብጺበን ኣለዋ።

   እቲ ስትራተጂካዊ ውዕል፡ ኣብ መንጐ ክልቲአን ሃገራት ሰላማዊ ዝምድና፡ ቁጠባዊ ምትሕብባር፡ ከምኡ’ውን ዲፕሎማስያውን ጂኦፖለቲካውን ምርኰሳ ክህሉ ዝጠልብ እዩ።

   ብተወሳኺ ብዛዕባ ወተሃደራዊ ምትሕብባርን ውዕላት ምክልኻልን ዝምልከት ድንጋገታት ዘጠቓለለ እዩ።

   እቲ ን20 ዓመታት ዝጸንሐ ውዕል፡ ኣብ 2001 ብፑቲንን ሽዑ መራሒ ቻይና ዝነበረ ጂያንግ ዘሚንን ዝተኸተመ እዩ።

   ኣብ ለካቲት 2022 ድሕሪ ምውድኡ ንተወሳኺ 5 ዓመት ተናዊሑ፤ ሕጂ ድማ መሊሱ ከም ዝተናውሐ ይግለጽ።

6. 20 ጉንቦት 2026ፑቲን፡ ነዚ ኣኼባ ንነዊሕ እዋን ክጽበዮ ከም ዝጸንሐ ይዛረብ

   

   ምንጪ ስእሊ, EPA

   ብመሰረት መንግስታዊ ማዕከናት ዜና ሩስያ ታስ፡ ፑቲን ከምቲ ቅድሚ ሕጂ ዝገበሮ ንሺ "ክቡር ዓርኪ" ኢሉ ጸዊዑዎ።

   "ዋላ'ውን ንሓንቲ መዓልቲ እንተዘይተራኸብና፡ ሰለስተ ቀውዒ ዝሓለፈ ኰይኑ'ዩ ዝስምዓና" ዝብል ሓደ ምሳልያ ኣዘራርባ'ውን ኣዘኪሩ።

   እዚ ብልሙድ፡ ሓደ ትርጉም ዘለዎ ፍጻመ ንኽፍጸም፡ ወይ ድማ ሓደ ዕላማ ንኽዕወት ዝግበር ኣጸጋሚ ትጽቢት ንምግላጽ ዝጥቀመሉ ነይሩ።

   ርክብ ሞስኮን ቤጂንግን "ቅድሚ ሕጂ ተራእዩ ኣብ ዘይፈልጥ ልዑል ደረጃ" ከም ዝበጽሐ ፑቲን ገሊጹ።

   ብተወሳኺ ኣብ ዝሓለፉ 25 ዓመታት ኣብ መንጐ ሩስያን ቻይናን ዝግበር ንግዳዊ ምልውዋጥ ልዕሊ 30 ዕጽፊ ከም ዝወሰኸ ኣመልኪቱ ይብል ጸብጻብ ታስ።

   ፑቲን፡ ንሺ ኣብ ዝመጽእ ዓመት ናብ ሩስያ ክበጽሕ ዓዲሙ'ሎ፤ ዝምድና ቤጂንግን ሞስኮን "ዓለማዊ ምርግጋእ ኣብ ምምጻእ ይሕግዝ ኣሎ፡" ክብል'ዉን ተዛሪቡ።

   ሺ ንመወዳእታ ግዜ ኣብ ዝሓለፈ ዓመት ግንቦት እዩ ናብ ሩስያ በጺሑ።

7. 20 ጉንቦት 2026'ልዕልና ሓደ ወገን እናዓበየ ይመጽእ ኣሎ' - ቻይና

   መራሒ ቻይና፡ ኣብዚ እዋን ኣብ ዓለም ናይ 'ሓደ ወገን ልዕልና ይእናዓበየ' ይመጽእ ኣሎ ምባሉ ጸብጻባት የመልክቱ።

   ከምቲ ብመንግስታዊ ማዕከናት ዜና ቻይና ዝቐረበ ጸብጻብ፡ ርክብ ቻይናን ሩስያን ናብዚ ደረጃ ዝበጽሐሉ ምኽንያት ክልቲአን ሃገራት "ብቐጻሊ ሓድሕዳዊ ፖለቲካዊ ምትእምማንን ስትራተጂካዊ ምትሕግጋዝን" ከዕሙቓ ስለ ዝኸኣላ ምዃኑ ገሊጹ።

   ህሉው ኣህጉራዊ ኩነታት "ዝተሓላለኸን ዘይርጉእንኰይኑ፡ ልዕልና ሓደ ወገን ይዓቢ ኣሎ፡" ይብል ፕረዚደንት ቻይና።

   ቻይናን ሩስያን ከም ቀወምቲ ኣባላት ባይቶ ጸጥታ ሕቡራት ሃገራትን ኣገደስቲ ሓይልታት ዓለምን መጠን "ንነዊሕ እዋን ዝጸንሕ ስትራተጂካዊ ኣረኣእያ" ክሕዛን "ዝያዳ ፍትሓውን ርትዓውን ዓለማዊ ስርዓተ ምሕደራ፡" ንምህናጽ ክተሓባበራን ይግባእ ይብል ሺ።

8. 20 ጉንቦት 2026ቤጂንግን ሞስኮን ንሓድሕደን ክተሓጋገዛ ኣለወን - ሺ

   ልኡኻት ቻይናን ሩስያን ኣብ ቤጂንግ ተራኺቦም። ፕረዚደንት ሺ፡ ኣብ መኽፈቲ መደረኡ፡ ክልቲአን ሃገራት ኣብ ልምዓትን ምሕዳስን ክተሓጋገዛ ከም ዘለወን ንፑቲን ከም ዝገለጸሉ፡ መንግስታዊ ማዕከናት ዜና ቻይና ጸብጺበን።

   ሩስያዊ መዘንኡ ፑቲን ብወገኑ፡ ዝምድና ሩስያን ቻይናን ተራእዩ ኣብ ዘይፈልጥ ደረጃ ከም ዝበዝጸሐ ምግላጹ ሮይተርስ ጸብጺቡ።

   ክልቲኦም መራሕቲ፡ በይናዊ ዝርርብ ዘካየዱ ኰይኖም፡ እዚ "ጸቢብ ቅርጺ ዘለዎ ኣኼባ" ተባሂሉ ተገሊጹ ኣሎ።

   እዚ፡ ብልሙድ ዝያዳ ተነቃፊ ጉዳያት ዝዝረበሉ ንእሽቶ ኣኼባ እዩ።

9. 20 ጉንቦት 2026ንቻይናን ሩስያን ዘተኣሳስረን ገመድ እንታይ እዩ?

10. 19 ጉንቦት 2026ኣስመራ፡ ስእልታት ካርኒቫልን ምርኢታትን ቅንያት ዝኽሪ መዓልቲ ናጽነት

11. 19 ጉንቦት 2026ሞትን መልከፍትን ሕማም ኢቦላ ይውስኽ ምህላዉ ስግኣት ፈጢሩ

    

    ኣብ ምብራቓዊ ደሞክራስያዊት ሪፓብሊክ ኮንጐ ተቐልቂሉ ዘሎ ደግሲ ሕማም ኢቦላ ብናህሪ ይላባዕ ከይህሉ ስግኣት ከምዘለዎ ውድብ ጥዕና ዓለም ኣጠንቂቑ።

    ገለ ነበርቲ ናይቲ ከባቢ ንቢቢሲ ኣብ ዝሃብዎ ሓበሬታ፡ በቲ ሕማም ዝተለኽፉ ሰባት ቀልጢፎም ይሞቱ ምህላዎም ፍርሒ ፈጢርሎም ከምዘሎ ተዛሪቦም።

    ቁጽሪ ናይቶም በቲ ሕማም ዝሞቱ 131 በጺሑ ከምዘሎን፡ ልዕሊ 513 ከምዝተለኽፉን ሰብመዚ ጥዕና እታ ሃገር ኣፍሊጦም ኣለዉ።

    እቲ ሕማም ናብ ጐረባብቲ ሃገራት ከይሰፍሕ ዓቢ ስግኣት ፈጢሩ ኣሎ። ዛጊት ኣብ ዩጋንዳ ሓደ ሰብ ሞይቱ'ሎ።

    ኣመሪካ ብሰንኪ እቲ ኩነታት ኣብ ዩጋንዳ፡ ደቡብ ሱዳንን ኮንጐን ኣብ ዝርከብ ኤምባሲታታ ኣግልግሎት ቪዛ ምሃብ ከተቋርጽ ተገዲዳ ምህላዋ ይፍለጥ።

    ሓደ ምስ ገባሪ ሰናይ ማሕበር ዝሰርሕ ዝነበረ ኣመሪካዊ ሓኪም፡ በቲ ሕማም ድሕሪ ምልካፉ ኣብ ጀርመን ይእለ ከምዘሎ ሰበስልጣን ጀርመን ሓቢሮም። ካልኦት ነቲ ቫይረስ ዝተቓልኡ 6 ዜጋታቶም ንምውጻእ ይሰርሑ ከምዘለዉ'ውን ሰብመዚ ምቁጽጻርን ምክልኻልን ኣመሪካ ገሊጾም ኣለዉ።

12. 19 ጉንቦት 2026ትግራይ፡ 'ዕላማና ነቲ ብዕልዋ ስልጣን ሒዙ ዘሎ ጕጅለ ምእላይ እዩ' ዝብል ዘሎ 'ቤት ምኽሪ'

13. 19 ጉንቦት 2026ናብ ቦርንማውዝ ዘቋምታ ዘለዋ ኣዕይንቲ ደገፍቲ ኣርሰናል

14. 19 ጉንቦት 2026ዘይሕጋዊት ጃልባ መሪሑ ዓዲ እንግሊዝ ዝኣተወ ኤርትራዊ ተኸሲሱ

15. 19 ጉንቦት 2026'ኤርትራ ዓንዲ ማእከል ጸጥታን ምርግጋእን ቀርኒ ኣፍሪቃ እያ'- ግብጻዊ ሚኒስተር

16. 19 ጉንቦት 2026ደውታ ውግእ ወሽመጥ፡ ድሌት መራሕቲ ሃገራት ዓረብ ንውሳነ ትራምፕ ቀዪሩዎ

17. 18 ጉንቦት 2026ኢቦላ፡ ቁጽሪ ዝተለኽፉ ይውስኽ ኣሎ

    

    ምንጪ ስእሊ, AFP via Getty Images

    ኣብ ደሞክራስያዊት ሪፓብሊክ ኮንጐ ዳግም ተቐልቂሉ ዘሎ ሕማም ኢቦላ ዓለምለኻዊ ስግኣት ፈጢሩ ኣሎ።

    ዛጊት፡ ብውሕዱ 100 ሰባት በቲ ሕማም ሞይቶም ከምዘለዉ ሰብመዚ ጥዕና ኣፍሪቃ ሓቢሮም ኣለዉ።

    ማእከል ምቁጽጻርን ምክልኻልን ሕማማት ኣፍሪቃ ከምዝበሎ፡ 395 ሰባት በቲ ቀታሊ ቫይረስ ተለኺፎም ክኾኡ ከምዝኽእሉ ተጠርጢሩ'ሎ።

    እቲ መልከፍቲ ኣብ ኮንጐ ኣጋጢሙ ዘሎ'ኳ እንተኾነ፡ ናብ ጐረባብቲ ሃገራት ከየስፋሕፍሕ ስግኣት ፈጢሩ'ሎ።

    ኣብ ዩጋንዳ ድሮ ክልተ ሰባት በቲ ሕማም ተታሒዞም ከምዘለዉ ሓላፊ ናይቲ ትካል ጂን ካሰየ ኣፍሊጡ።

    ሰብመዚ ጥዕና ኮንጐ ብወገኖም፡ ኣብታ ርእሰከተማ ምብራቓዊት ዞባ ኢቱሪ ዝኾነት ቡኒያ ንሕሙማት ንምክንኻን ዘገልግል ተወሰኽቲ ማእከላት ተኸፊቶም ኣለዉ።

    ንፈለማ እዋን ኣብ 1976 ኣብ 'ዛየር' (ናይ ሕጂ ደሞክራስያዊት ሪፓብሊክ ኮንጐ) ዝተቐልቀለ ኢቦላ፡ ካብ መንካዕ ዝተበገሰ ምዃኑ'ዩ ዝእመን።

    ሕማም ኢቦላ፡ ቫይረስ 'ቡንዲቡጊዮ' ዝስዕብ ኮይኑ ዛጊት ፈውሲ ይኹን ክታበት ኣይተረኽቦን።

    ኣብዛ መበል 17 ክስተት ናይቲ ሕማም ኣጋጢምዋ ዘሎ ሃገር፡ ካብ 2018 ክሳብ 2020 ዝነበረ እዋን ዝበዝሑ (2,300) ግዳያት ዝቐዘፈሉ እዩ ነይሩ።

    ኣብ ዝሓለፈ 50 ዓመታት፡ ኣብ ሃገራት ኣፍሪቃ ጥራይ ኣስታት 15,000 ሰባት በቲ ሕማም ሞይቶም ኣለዉ።

    ዳይረክተር ውድብ ጥዕና ዓለም፡ ዶ'ር ቴድሮስ ኣድሓኖም ብዛዕባ ኩነታት ኢቦላን፡ እቲ ካልእ ስግኣት ፈጢሩ ዘሎ ሃንታቫይረስን ብዝምልከት ሎሚ ጋዜጣዊ መብርሂ ክህብ ትጽቢት ይግበረሉ።

18. 18 ጉንቦት 2026ኬንያ፡ ማሕበራዊን ቁጠባዊን ምድስካል ዘስዓበ ኣድማን ተቓውሞን

    

    ምንጪ ስእሊ, AFP via Getty Images

    ኣብ መላእ ኬንያ ክካየድ ዝወዓለ ተቓውሞታት ንንግዳዊ ምንቅስቓስ እታ ሃገር ኣልሚስዎ ውዒሉ።

    እቲ ብቐንዱ ብወነንቲ ህዝባዊ መጓዓዝያ ዝተወደበ ኣድማ ብኣሽሓት ዝቚጸሩ ሰራሕተኛታትን ተመሃሮን ዝርከብዎም ሰባት ዓዲ-ውዒል ክኾኑ ኣገዲዱ ይርከብ።

    ኣብ ርእሰከተማ ናይሮቢ፡ ናዕበኛታት ጐደናታት ክዓጽዉን ጐማታት ከቃጽሉን ተራእዮም።

    እቲ ተቓውሞታት ብሰንኪ ኣብዚ ቀረባ እዋን ዝተወሰነ ወሰኽ ዋጋ ነዳዲ ዝተበገሰ እዩ።

    ሰብመዚ እታ ሃገር፡ ኣብ ታሪኽ እታ ሃገር ንፈለማ እዋን ዋጋ ነዳዲ ብ20% ወሲኾም ኣለዉ።

    እቲ ንመላእ ዓለም ቅልውላው ኣስዒቡ ዘሎ ምዕጻው መጻብቦ ሆርሙዝ ንኬንያ'ውን ግዳይ ኮይና ኣላ

19. 18 ጉንቦት 2026'ቈልዓ ክወልድ ኣይክእልን'የ ኢለ ሓሲበ ነይረ'፡ ደቂ ተባዕትዮ ሕቡእ 'ስፐርም' ንኽረኽቡ ዝሕግዞም ዘሎ ኤኣይ

20. 18 ጉንቦት 2026ውድብ ጥዕና ዓለም ኣብ ደ/ሪ/ኮንጎ ብሰንኪ ኢቦላ ህጹጽ እዋን ኣዊጁ