ትራምፕ ምቍራጽ ተዅሲ ኢራንን እስራኤልን ግብራዊ ምዃኑ ኣፍሊጡ

ቀጥታዊ ሸፈነ

1. 4 ነሓሰ 2026ትግራይ: ምስ ምውላዕ ሓድሽ ግጭት ዝዛመድ፡ መጠንቀቕታ ኣምነስቲ ኢንተርናሽናል

2. 4 ነሓሰ 2026መጻኢ ኢንፋንቲኖ ኣብ ሓደጋ ወዲቑ፡ ኤውሮጳውያን ክሲ ክምስርቱ ይዳለዉ

   ፕረዚደንት ፊፋ ጃኒ ኢንፋንቲኖ ካብ ስልጣኑ እንተ ዘይወሪዱ፡ ምስቲ ትካል ዘሎ "ምትሕብባር ከነቋርጽ ኢና" ዝብል መጠንቀቕታ ካብ ላዕለዎት ሓለፍቲ ማሕበር ኩዕሶ እግሪ ኤውሮጳ ቀሪብሉ።

   እዚ ወጥሪ’ዚ ዝተላዕለ፡ ኢንፋንቲኖ ንገለ ብርኪ ውድድራት ፊፋ ናብ ግላውያን ኣውፈርቲ ንምሻጥ ዘውጽኦ መደብ ምስ ፈሸለ እዩ።

   ገለ ካብቶም ተቓወምቱ፡ ኢንፋንቲኖ ኣብ ስልጣን ክሳብ ዘሎ "ንድሕሪት ምምላስ የሎን" ብምባል፡ ኣብ ኣኼባታት ፊፋ ንዘይምስታፍ ይዳለዉ ከም ዘለዉ ተገሊጹ።

   ዌልስ ንኢንፋንቲኖ ንራብዓይ እዋን ንምምራጽ ዝነበራ ደገፍ ዝሰረዘት ኰይና፡ ዓዲ እንግሊዝን ስኮትላንድን’ውን ተመሳሳሊ ስጕምቲ ክወስዳ ትጽቢት ይግበር።

   ኢንፋንቲኖ ነቲ መደብ ንዝደገፋ ሃገራት 40 ሚልዮን ዶላር ክኸፍል ቃል ኣትዩ ነይሩ።

   ዩኤፋ ብወገኑ፡ እቲ መደብ ሕጋዊ ኣሰራርሓ ዝጠሓሰ ምዃኑ ብምግላጽ፡ ሕጋዊ ክሲ ንምምስራት ይዳሎ ኣሎ።

   ምክትል ፕረዚደንት ዩኤፋ ላውራ ማክኣሊስተር፡ እቲ መስርሕ "ዘሕፍር" ምዃኑ ብምጥቃስ፡ ኣብ ዝመጽእ ዓመት ናይ ኣመራርሓ ለውጢ ክመጽእ ተስፋ ከም እትገብር ገሊጻ።

   ኢንፋንቲኖ ኣብ መጋቢት ንዝካየድ ምርጫ ንምዕዋት ካብ 211 ኣባላት እቲ ትካል 106 ድምጺ የድልዮ።

   ይዅን’ምበር፡ ቤት ምኽሪ ፊፋ ህጹጽ ኣኼባ ብምጽዋዕ ካብ ስልጣኑ ክስርዞ ዝኽእለሉ ዕድል ኣሎ።

   ኣብዚ ሕጂ እዋን ካብ ሞሮኮ፡ ቐጠር፡ ሊባኖስን ካልኦት ሃገራትን ደገፍ እኳ እንተ’ለዎ ፡ ካብ ሃገራት ኤውሮጳን ሰሜን ኣመሪካን ዝቐርበሉ ዘሎ ተቓውሞ ግና ይሕይል ኣሎ።

   እዚ ኵነታት’ዚ ንዓለምለኻዊ ኩዕሶ እግሪ ኣብ ከቢድ ምክፍፋል ኣውዲቕዎ ይርከብ።

3. 4 ነሓሰ 2026ድምጻዊት ኣርያና ግራንደ ንምንታይ ካብ ስነ-ጥበባዊ ንጥፈታት ክትርሕቕ ወሲና?

   እታ ፍልጥቲ ኣመሪካዊት ድምጻዊት ኣርያና ግራንደ፡ ካብ ዓይኒ ህዝብን መድረኽን ንግዜኡ ክትርሕቕ ዝወሰነትሉ ውሳነ፡ ቅድሚ ነዊሕ እዋን ተሓሲብሉ ዝጸንሐ እምበር "ብሃንደበት ወይ ብስምዒት" ዝተወስደ ስጕምቲ ከም ዘይኰነ ገሊጻ።

   ኣርያና ኣብ ከተማ ቺካጎ ኣብ ዘካየደቶ ኮንሰርት ንደገፍታ ከም ዝገለጸቶ፡ ሰብኣዊ ፍጡር ዕረፍቲ ስለ ዘድልዮን ንውልቃዊ ህይወቱ ደረት ክገብር ስለ ዝግባእን እቲ ውሳነ ካብ ርእሰ-ተኣማንነት ዝመጸ ምዃኑ ኣረዲኣ።

   ወኪል እታ ድምጻዊት ብወገኑ፡ ኣርያና ብሰንኪ እቲ ኣብ ልዕሊኣ ዘሎ ቀጻሊ ህዝባዊ ምክትታልን ትዕዝብትን "ዝግብኣ ዕረፍቲ" ክትወስድ ምዃና ኣረጋጊጹ።

   እዚ ሕጂ ተካይዶ ዘላ "Eternal Sunshine Tour" ዝተሰምየ ጕዕዞ ምርኢታታ፡ ሓደ ካብቲ "ዝበለጸን ሕውየት ዝፈጥርን" ተመኵሮ ህይወታ ምዃኑ ዝገለጸት ኣርያና፡ ዝዀነ ይዅን ወረ ንሓቂ ክቕይሮ ከም ዘይክእል ኣገንዚባ።

   እቲ ምርኢታት ንመወዳእታ እዋን ኣብ ለንደን ብምኻድ ብ1 መስከረም ክዛዘም እዩ።

   ብሰንኪ እዚ ናይ ዕረፍቲ ውሳነ፡ ኣርያና ኣብ ዝመጽእ ዓመት ኣብ ለንደን ክካየድ ኣብ ዝነበሮ "Sunday in the Park with George" ዝተሰምየ መድረኽ ኣይክትሳተፍን እያ።

   ኣብ ዝሓለፉ ዓመታት ብሰንኪ ዝተራእየ ለውጢ ኣካላዊ ትርኢታን ጥዕናኣን ደገፍታ ስክፍታኦም ክገልጹ ዝጸንሑ ኰይኖም፡ ድሕሪ እዚ ውሳነ’ዚ ድማ ሓያሎ ደገፍታ ኣብ ማሕበራዊ መራኸቢታት ደገፎም ይገልጹላ ኣለዉ።

4. 4 ነሓሰ 2026ሕብረት ኤውሮጳ ድሕሪቲ ኣብ ሰኡታ ዘጋጠመ ዋሕዚ ስደተኛታት ሓባራዊ ሓለዋ ዶባት ክሕይል ጸዊዑ

   ፕረዚደንት ኮምሽን ኤውሮጳ ኡርሱላ ፎን ደር ላየን፡ ካብ ሞሮኮ ናብታ ኣብ ትሕቲ ግዝኣት ስጳኛ እትርከብ ሰኡታ ንዘጋጠመ ናይ ኣሽሓት ስደተኛታት ዋሕዚ ስዒቡ፡ ኵለን ኣባል ሃገራት ዶባተን ንምሕላው "ሓባራዊ ስጕምቲ" ክወስዳ ጸዊዓ።

   ብመሰረት ግምታዊ ጸብጻብ ስጳኛ፡ ዛጊት ኣስታት 69,500 ዝዀኑ ስደተኛታት ናብ ሞሮኮ ተመሊሶም ኣለዉ።

   እዚ ፍጻመ’ዚ ኣብ መንጎ ኣባል ሃገራት ኤውሮጳዊ ሕብረት ወጥሪ ዝፈጠረ ኰይኑ፡ ጥልያን ምስ ስጳኛ ዝነበራ ናጻ ምንቅስቓስ ሸንገን ንግዜኡ ክትስርዞ ከላ፡ ፊንላንድን ዴንማርክን ድማ ነቲ ስጕምቲ ደጊፈንኦ።

   ቀዳማይ ምኒስተር ስጳኛ ፐድሮ ሳንቸዝ ብወገኑ፡ ገለ ሃገራት ኤውሮጳ ነቲ ኵነታት ብሰንኪ "ግጉይ ሓበሬታን ፖለቲካዊ ረብሓን" ይጥቀማሉ ከም ዘለዋ ብምግላጽ ነቒፉ።

   ምኒስተራት ውሽጣዊ ጉዳያት እቲ ሕብረት ኣብዚ ሰሙን’ዚ ብቪድዮ ኮንፈረንስ ህጹጽ ዘተ ክገብሩ እዮም።

   ፎን ደር ላየን፡ ሓለዋ ዶባት ሓባራዊ ኤውሮጳዊ ሓላፍነት ምዃኑ ብምጥቃስ፡ ዘይሕጋዊ ስደት ንምክልኻል፡ መርበባት ኣሰጋገርቲ ስደተኛታት ንምብታንን ሓጹራት ንምጥቃምን ዝዓለመ ስትራተጅያዊ ትልሚ ኣቕሪባ።

   ምኒስትሪ ውሽጣዊ ጉዳያት ስጳኛ ብወገኑ፡ ብባሕሪ ዝግበር ምስግጋር ንምክልካል ተንሳፋፊ መከላኸሊ ሓጹር ይሃንጽ ከም ዘሎ ገሊጹ።

5. 4 ነሓሰ 202625 ክፍለ-ግዝኣታት ኣመሪካ ንሓድሽ ናይ ቀረጽ ውሳነ ትራምፕ ብኽሲ ይቃወማ

   25 ክፍለ-ግዝኣታት ኣመሪካ፡ ነቲ ምምሕዳር ፕረዚደንት ዶናልድ ትራምፕ ኣብ ልዕሊ 60 መሻርኽቲ ንግዲ ዘንበሮ ካብ 10% ክሳብ 12.5% ዝበጽሕ ሓድሽ ናይ ቀረጽ ስጕምቲ ንምዕጋት ትማሊ ሰኑይ ክሲ መስሪተን።

   እቲ ካብ ሓምለ ጀሚሩ ኣብ ግብሪ ዝወዓለ ቀረጽ፡ ንሃገራት ኤውሮጳ፡ ብሪጣንያን ቻይናን ዘጠቓለለ ንሓያሎ ሃገራት ዝጸሉ ኰይኑ፡ ዋሽንግተን ነዚ ስጕምቲ ዝወሰደት እተን ሃገራት ግዱድ ዕዮ ንምኽልካል ብቑዕ ስጕምቲ ኣይወሰዳን ብዝብል ምኽንያት እዩ።

   እተን ዲሞክራት ዝመርሑወን ክፍለ-ግዝኣታት፡ እቲ ውሳነ "ድላያዊ፡ ዘይርትዓውን ንሕጊ ዝጠሓሰን" ምዃኑ ብምጥቃስ፡ ምምሕዳር ትራምፕ ንጉዳይ ግዱድ ዕዮ ከም መመኽነይታ ብምጥቃም "ዘይሕጋዊ ናይ ቀረጽ መደባቱ" የካይድ ከም ዘሎ ይገልጻ።

   ኣመሓዳሪት ኒው ዮርክ ካቲ ሆኩል፡ እቲ ቀረጽ ኣብ ልዕሊ ሰራሕተኛታት ስድራቤታት ዝተነብረ ተወሳኺ ጾር ወይ ግብሪ እዩ ክትብል ነቒፋቶ።

   ወሃቢ-ቓል ዋይት ሃውስ ኩሽ ደሳይ ብወገኑ፡ ኣመሪካ ንኣካይዳ እተን ሃገራት ንምእራም "ሕጋዊ ኣገባብ" ትጥቀም ከም ዘላ ገሊጹ።

   ትራምፕ ካብ ዝሓለፈ ጥሪ 2025 ናብ ስልጣን ካብ ዝምለስ ጀሚሩ ሓያሎ ተመሳሰልቲ ቍጠባዊ ስጕምቲታት ክወስድ ዝጸንሐ ኰይኑ፡ ላዕለዋይ ቤት ፍርዲ ኣመሪካ ቅድሚ ሕጂ ዝተወሰኑ ናይ ቀረጽ ውሳነታቱ ከም ዝሰረዞም ይዝከር።

   ቻይና፡ ብራዚልን ጃፓንን’ውን ነቲ ስጕምቲ "ፍትሓዊ ዘይኰነ ፖለቲካዊ ጸወታ" ክብላ ኰኒነንኦ ኣለዋ።

6. 4 ነሓሰ 2026ኢራን ኣብ ትሕተ ቅርጺ ስርዓተ ማይ ኣመሪካ ሳይበራዊ መጥቃዕቲ ፈጺማ ድያ?

7. 4 ነሓሰ 2026መጻብቦ ሆርሙዝን ቀይሕ ባሕርን፡ መጓዓዝያ ነዳዲ ማእከላይ ምብራቕ ኣብ ዝኸፍአ ስግኣት ወዲቑ

8. 4 ነሓሰ 2026 ክልል ኣምሓራ፡ ሰለስተ ዓመታት መንጐ ሞትን ሕየትን

9. 3 ነሓሰ 2026ብምዕራባዊ ዶብ ትግራይን ሱዳንን ዝተወልዐ ውግእን ምዕባለታቱን

10. 3 ነሓሰ 2026ኣብ ውሽጢ ማህጸን እንከሎ መብጣሕቲ ዝተገበረሉ 'ተኣምረኛ' ናጽላ

11. 3 ነሓሰ 2026ቀተልቲ ሳተላይት፡ ኣብ ህዋ ዝግበር ውግእ እንታይ ክመስል ይኽእል?

12. 3 ነሓሰ 2026መርበብ ፎክስትሮት፡ ንእስራኤላውያን ንምጥቃዕ ብኢራን ተቘጺሩ ዝንቀሳቐስ ስካንዲናቭያዊ ጕጅለ ገበነኛታት

13. 2 ነሓሰ 2026ዋሕዚ ስደተኛታት ሲውታ ስዒቡ ሕብረት ኤውሮጳ ህጹጽ ኣኼባ ጸዊዑ

14. 2 ነሓሰ 2026ኣብ ዞባ ምዕራብ ትግራይ ውግእ ከም ዝተላዕለ ተገሊጹ

15. 2 ነሓሰ 2026እምባ 'ፒካክስ' (ኩ-ኤ ኮላንግ) እንታይ እዩ? ትራምፕኸ ስለምንታይ ክድብድቦ ይደሊ?

16. 1 ነሓሰ 2026ኣብ ሸላታት ሞት ስዑዲ ዓረብ ተስፋ ዝቘረጹ ኢትዮጵያውያን ናብ ቢቢሲ ደዊሎም

17. 1 ነሓሰ 2026ፊፋ፡ እቲ ንኢንፋንቲኖ ኣብ ጸቕጢ ዘውደቐ መደብ መሸጣ ብርኪ ዋንጫ ዓለም ፈሺሉ

18. 1 ነሓሰ 2026ዋሕዚ ስደተኛታት ሲውታ፡ ንመንግስቲ ስጳኛ ዝፈጠሮ ዲፕሎማስያዊ ሕማም ርእሲ

19. 1 ነሓሰ 2026ኤርትራዊ ኣትለት ተስፋይ ደሳለ ንሃገር ወኪሉ ካብ ምውድዳር ክሳብ ሊስትሮን ስደተኛን

20. 31 ሓምለ 2026ኣብ ሓደ መዓልቲ 49,000 ስደተኛታት ዝኣተውላ ከተማ