እዚ ውሑድ ዳታ ብምጥቃም፡ ጽሑፍ ጥራይ እተንብቡሉ መርበብ ሓበሬታ ቢቢሲ ትግርኛ እዩ። ምሉእ ኣሳእልን ቪድዮታትን ንምርኣይ ድማ ቀንዲ መርበብ ሓበሬታና ተጠቐሙ።
ትራምፕ ምቍራጽ ተዅሲ ኢራንን እስራኤልን ግብራዊ ምዃኑ ኣፍሊጡ
ዶናልድ ትራምፕ ኣቐዲሙ ኣብ ትሩዝ ሶሻል ኣብ ዝዘርግሖ ጽሑፍ "እቲ ተኹሲ ደው ምባል ሕጂ ተግባራዊ ኰይኑ ኣሎ። በጃኹም ኣይትጥሓሱዎ!” ኢሉ።
ጽማቝ ሓበሬታ
- ምኒስተር ምክልኻል እስራኤል፡ ኢራን ነቲ ብመንጐኝነት ትራምፕን ቐጠርን ዝተበጽሐ ውዕል ምቍራጽ ተዅሲ ከምዝጠሓሰት ትኸስስ።
- እቲ ምኒስተር፡ ኣብ ልዕሊ ሕምብርቲ ቴህራን ተሪር ግብረመልሲ ክወሃብ ምዃኑ ገሊጹ።
- ኢራን ንክሲ እስራኤል ነጺጋቶ ኣላ።
- ኢራን ኣቐዲማ፡ኢራን በቲ ስምምዕ ትቕየድ እንተዀይና ንሳ'ውን ከም እተኽብሮ ገሊጻ ነይራ።
- ዝሓለፈ ለይቲ፡ እዚ ግጭት ካብ ዝጅምር ኢራን እቲ ዝኸበደ ዝበሃል ደብዳብ ከምዘሕለፈት ክግለጽ እንከሎ፤ ኣብ እስራኤል ድማ 4 ሰባት ብደብዳብ ኢራን ከምዝተቐትሉ ተገሊጹ።
- ኢራን ብሰኑይ ምሸት ኣብ ቐጠር ንዝርከብ ወተሃደራዊ መደበር ኣመሪካ ብሚሳይላት ከምዝደብደበት ይዝከር።
ቀጥታዊ ሸፈነ
ደብተራ ፍስሓ-ጊዮርጊስ፡ መስራቲ ያታዊ ስነ-ጽሑፍ ትግርኛ
ኣመሪካ ኣብ ልዕሊ ኢራን ንተኸታታሊ ሸውዓተ ለይትታት ጽዑቕ መጥቃዕቲ ኣየር ፈጺማ
ኣመሪካ፡ ፕረዚደንት ዶናልድ ትራምፕ እቲ ምስ ኢራን ተገይሩ ዝነበረ ውዕል ግዜያዊ ምቍራጽ ተዅሲ "ኣብቂዑ እዩ" ድሕሪ ምባሉ፡ ንሸውዓተ ተኸታታሊ ለይትታት ኣብ ልዕሊ ኢራን መጥቃዕቲ ከም ዝፈጸመት ማእከላይ እዚ ኣመሪካ ኣፍሊጡ።
እቲ ብነፈርቲ ውግእ፡ ድሮናትን መራኽብ ውግእ ባሕርን ዝተኻየደ መጥቃዕቲ፡ ኣብ ልዕሊ ናይ ስለላ ቦታታት፡ ወተሃደራዊ መኽዘናት፡ ትሕቲ መሬት ዝርከቡ ናይ ኣጽዋር መኻዚኖታትን ባሕርያዊ ዓቕምታትን ዘተኰረ ኰይኑ፡ ኣብ ከተማታት ያዝድን ወደብ ባንደር ዓባስን ሓያል ነታጕ ከም ዝተሰምዐ ተሓቢሩ ኣሎ።
ኢራን ብወገና ኣብ ልዕሊ መሻርኽቲ ኣመሪካ ዝዀና ሃገራት ዞባ ወሽመጥ ናይ ተዅሲ ምላሽ ክትህብ ጸኒሓ ኣላ።
ሰራዊት ዮርዳኖስ ካብ ኢራን ዝተተዅሳ 10 ሚሳይላት ከም ዘፍሸለ ክገልጽ ከሎ፡ኩዌት ድማ ብሰንኪ መጥቃዕቲ ድሮን ኢራን ወተሃደራታ ከም ዝቘሰሉን ትካላት ኤለክትሪክን ማይን ከም ዝዓነዉን ኣፍሊጣ።
ብሰንኪ እዚ እናገደደ ዝኸይድ ዘሎ ግጭት፡እቲ ሓደ ሕምሲት ናይ ዓለም ነዳዲ ዝሓልፈሉ ስትራተጅያዊ መስመር መጻብቦ ሆርሙዝ ምንቅስቃስ መራኽብ ዳርጋ ጠጠው ኢሉ ይርከብ።
ሰበስልጣን ኢራን ኣብ ክፍለ-ሃገር ሆርሙዝጋን ብሰንኪ እቲ መጥቃዕቲ ሸውዓተ ሰባት ከም ዝተቐትሉን ኣብ ስቪላዊ ትካላት ዕንወት ከም ዝበጽሐን ይኸሱ።
ዋይት ሃውስ ግን ነቲ ክሲ ብምንጻግ፡እቲ መጥቃዕቲ ኣብ ልዕሊ ወተሃደራዊ ዒላማታት ጥራይ ከም ዝተፈጸመ ይገልጽ።
ይዅን እምበር፡ ቢቢሲ ኣብ ድልድል ጋሪቨ ዝበጽሐ ከቢድ ዕንወት ብቪድዮ ኣረጋጊጹ ኣሎ።
እዚ ሓድሽ ወተሃደራዊ ስጕምቲ፡ ድሕሪ ምፍሻል እቲ ናይ ሰላም ዘተ ዝተኸስተ ኰይኑ፡ ኣብቲ ዞባ ዝዓበየ ስግኣት ፈጢሩ ይርከብ።
ዋይት ሃውስ፡ ‘ተጻወቲ ኣርጀንቲና ሓሳቦም ናይ ምግላጽ መሰል ኣለዎም’
ዋይት ሃውስ፡ ተጻወቲ ሃገራዊት ጋንታ ኣርጀንቲና "ደሴታት ፎልክላንድ ናይ ኣርጀንቲና እየን" ዝብል ባነር ብምርኣዮም ንዝቐረበሎም ነቐፌታ ብምክልኻል፡ እቲ ተግባር ምስ መሰል ናጽነት ሓሳብካ ምግላጽ ዝተሓሓዝ ምዃኑ ገሊጹ።
ሓላፊ ሓይሊ-ዕማም ፊፋ ኣብ ዋይት ሃውስ ኣንድሩ ጁልያኒ፡እቶም ተጻወትቲ ኣብ ኣመሪካ ሓሳቦም ናይ ምግላጽ መሰል ከም ዘለዎም ኣረዲኡ።
ብሪጣንያብ ወገና፡ፊፋ ኣብ ልዕሊ እቶም ፖለቲካዊ መግለጺ ዝሃቡ ተጻወትቲ ጽኑዕ መርመራ ክገብርን ስነምግባራዊ ስጕምቲ ክወስድን ጸዊዓ ኣላ።
ቤትጽሕፈት ቀዳማይ ምኒስተር ብሪጣንያ፡ "ደሴታት ፎልክላንድ ብርግጽ ናትና እየን" ብምባል ልዑላውነቱ ደጊሙ ኣረጋጊጹ።
ትግራይ፡ 'ግፋን ኲናትን' ዝዅንን ኣብ ጐደናታት ኣዲስ ኣበባ ዝተኻየደ ሰልፊ ተቓውሞ
ትራምፕ ንካናዳ ብታሪፍ የፈራርሓ ኣሎ፡ ‘ረሳሕ ኣየር ናብ ሃገርና ይሰዱ ኣለዉ’
ፕረዚደንት ኣመሪካ ዶናልድ ትራምፕ፡ ብሰንኪ እቲ ካብ ሰሜናዊ ሸነኽ ካናዳ ብምብጋስ ንኸተማታት ኣመሪካ ሸፊኑ ዘሎ ጽዑቕ ትኪ ባርዕ ጫካ፡ ኣብ ልዕሊ ካናዳ ሓድሽ ናይ ንግዲ ታሪፍ ክጽዕን ምዃኑ ኣጠንቂቑ።
ትራምፕ ነቲ ናብ ኣመሪካ ዝኣቱ ዘሎ ኣየር "ረሳሕን ንጥዕና ዘይጥዑይን ወራር" ክብል ድሕሪ ምግላጽ፡ ካናዳ ንጫካታታ ብግቡእ ብዘይምሓዛ "ኰነ ኢልካ ንዝተገብረ ሸለልትነት" ክትሕተት ከም ዘለዋ ገሊጹ።
እዚ ሓድሽ ጸቕጢ፡ ገለ ኣባላት ሰልፊ ሪፓብሊካን "ካናዳ መበል 51 ክፍለ-ሃገር ኣመሪካ ትዅን" ዝብል ጻውዒት ዳግማይ ንኸልዕሉዎ መበገሲ ኰይኑ ኣሎ።
ኣብዚ እዋን ኣብ ካናዳ ልዕሊ 888 ናይ ባርዕ ጫካ ሓደጋታት ኣጋጢሞም ይርከቡ። እዚ ድማ ኣብ ከም ዲትሮይት፡ ቺካጎን ዋሽንግተን ዲሲን ዝበላ ከተማታት ኣመሪካ ዝተበከለ ኣየር ንኽፍጠር ምኽንያት ኰይኑ ይርከብ።
ቀዳማይ ምኒስተር ካናዳ ማርክ ካርኒ፡ ለውጢ ኵነታት-ኣየር ናይ ኵለን ሃገራት ሓባራዊ ሓላፍነት ምዃኑ ብምግላጽ መልሲ ሂቡ።
ፕሪምየር ኦንታርዮ ዶግ ፎርድ ብወገኑ፡ ኣመሪካ ኣብ ክንዲ ምምራርን ምፍርራሕን ነቲ ባርዕ ንምክልኻል ሓገዝ ክትሰድድ ጸዊዑ። ካናዳ ንምክልኻል ባርዕ ጫካ 12 ቢልዮን ዶላር ካናዳ ወፍሪ ከም ዝገበረት እውን ተሓቢሩ።
ኣብ መንጎ ኣመሪካን ካናዳን ዘሎ ርክብ ድሮ እውን ብሰንኪ ምስሕሓባት ንግዲ ተሓላሊኹ ዝጸንሐ ኰይኑ፡ እዚ ሓድሽ ናይ ትራምፕ ሓሳብ ነቲ ኵነታት ዝያዳ ከጋድዶ ከም ዝኽእል ይግመት።
ኢትዮጵያ፡ ፈተና ዛዚሞም ዝምለሱ ዝነበሩ ተመሃሮ 12 ክፍሊ ግዳይ መጥቃዕቲ ተዅሲ ኰይኖም
ኣብ ገማግም የመን ዳግም ዝተቐልቀለ ጭውያ መራኽብን ስግኣት ጸጥታን
ስእሊ ያማል ቅድሚ 19 ዓመት፡ ካብ ኢድ ሜሲ ናብ ኣሰር ሜሲ
ኣስመራ፡ መራሒ ሱዳን ጀነራል ኣልቡርሃን ኤርትራ ኣትዩ
ኢራን፡ ኣብ ዖማን፣ ኩዌት፣ ባሕሬንን ሶርያን ዝርከቡ መደብራት ሰራዊት ኣመሪካ ከም ዝሃረመት ኣፍሊጣ
እስላማዊ ሓለዋ ሰውራ ኢራን፡ ኣብ ዖማን ንዝርከብ ናይ ሓይሊ ባሕሪ ምክትታል ራዳር ከምኡ’ውን ኣብ ኩዌትን ባሕሬንን ንዝርከቡ ዒላማታት ኣመሪካ ከም ዝሃረመ ገሊጹ።
ብተወሳኺ ኣብ ሶርያ ንዝርከብ ማእከል እዚ ፍሉይ ስርሒታት ኣመሪካ ከም ዝሃረመ ገሊጹ።
እቲ ሓለዋ ሰውራ ኣብ ዘውጽኦ መግለጺ፡ እቲ ኣብ ዖማን ዝተፈጸመ መጥቃዕቲ “ንምክትታል ራዳር ሓይሊ ባሕሪን ራዳር ቁጽጽር ሓይሊ ኣየርን ኣመሪካ፡" ከም ዝሃረመ ሓቢሩ።
"ብሓይሊ ዝፍጸም ሕነ ምፍዳይ ክቕጽል እዩ። መጻብቦ ሆርሙዝ ኣብ ትሕቲ ቁጽጽር ሓይሊ ባሕሪ ሓለዋ ሰውራ ኢራን ይቕጽል ኣሎ፡" ኢሉ።
ኣብ ሶርያ ኣብ ልዕሊ ማእከል እዚ ፍሉይ ስርሒታት ኣመሪካ ተፈጺሙ ዝተባህለ መጥቃዕቲ “ስርዓት ራዳር፡ ሓያሎ ፍሉያት ስርሒታት ሄሊኮፕተራትን ንብዙሓት ሓይልታት ኣመሪካን” ዒላማ ከም ዝገበረ ይግለጽ።
ብመሰረት እቲ ጸብጻብ፡ እቲ ኣብ ከባቢ ዶብ ዮርዳኖስ ኣብ ዝርከብ ኣል-ታንፍ ዝተፈጸመ ሃንደበታዊ መጥቃዕቲ፡ እቶም መጥቃዕቲታት ቅድሚ ክልተ መዓልቲ ንዝተፈጸመ ቅትለት ወተሃደራት ኢራን ሕነ ምፍዳይ ዝዓለሙ'ዮም።
ሶርያ ይኹን ኣመሪካ ብዛዕባ እቲ ዝተባህለ መጥቃዕቲ ርእይቶ ኣይሃባን።
ሰራዊት ዮርዳኖስ ኣብታ ሃገር ዝተተኰሱ ሰለስተ ሚሳይላት ኢራን ዝዀነ ጉድኣት ይኹን ዕንወት ከየብጽሑ ከም ዝዓገቶም ገሊጹ።
ሓለዋ ሰውራ ኢራን፡ ኣመሪካ ቅድሚ’ቲ ሓድሽ መጥቃዕቲ “ብዙሕ ወተሃደራዊ ዒላማታት ኢራን” ከም ዝሃረመት ገሊጹ።
ኢራን ብወገና ድልድላት፣ መደበር ባቡርን መዓርፎ ነፈርትን ሓዊሱ ብርክት ዝበሉ ሲቪላዊ መሰረተ ልምዓት ከም ዝተሃረሙ ገሊጻ።
ክልቲአን ሃገራት ተጻብኦአን እናወሰኸ ኣብ ዝኸደሉ ዘሎ እዋን፡ ኢራን ነቲ ኣገዳሲ ዝዀነ መጻብቦ ሆርሙዝ ዓጽያቶ ኣላ።
ኣመሪካ ሓድሽ ማዕበላዊ መጥቃዕቲ ፈፂማ፤ ኢራን ሲቪላዊ መሰረተ ልምዓት ዒላማ ኰይኑ ኢላ
ኣመሪካ ንሻድሻይ ተኸታታሊ ለይቲ ኣብ ልዕሊ ኢራን ሓድሽ ማዕበላዊ መጥቃዕቲ ከም ዝፈፀመት ሰራዊት እታ ሃገር ኣፍሊጡ።
ዋሽንግተንን ቴህራንን ንመፃብቦ ሆርሙዝ ንምቁፅፃር ኣብ ዝዋግኣሉ ዘለዋ እዋን እዩ፡ ሴንቲኮም ነዚ ወግዓዊ ገይሩ ዘሎ።
ማእኸላይ እዝ ኣመሪካ (ሴንቲኮም)፡ እቶም መጥቃዕቲታት ንወተሃደራዊ ዓቕሚ ኢራን ዝያዳ ንምድኻም” ዝዓለሙ ከም ዝኾኑ ገሊፁ።
መራኸብቲ ሓፋሽ ኢራን፡ ኣመሪካ ንድልድላት፣ ጣቢያታት ባቡርን መዕርፎ ነፈርትን ሓዊሱ፡ ኣብ ሲቪላዊ መሰረተ ልምዓት መጠቃዕቲ ከም ዝፈፀመት ፀብፂበን።
ቢቢሲ፡ ኣብ ዞባ ሆርሞዝጋን ካብ ባንደር ዓባስ ንኣንፈት ምዕራብ ኣብ ዝርከብ ድልድል መጥቃዕቲ ከም ዝተፈፀመ ኣረጋጊፁ።
ብተወሳኺ ሚሳይላት ኣመሪካ፡ ኣብ ጥቓ ቀሽም፣ ባንደር ዓባስን ቡሸርን ዒላማ ገይሮም’ዮም።
ሴንቲኮም ከም ዝገለፆ፡ ጀታት፣ ድሮናትን መራኽብን፡ ኣብ ልዕሊ ጣብያታት ክትትል ገማግም ባሕሪን ኣየርን፣ መሰረተ ልምዓት ወተሃደራዊ ሎጂስቲክን ናይ ባሕሪ ዓቕሚታትን ኢራን መጥቃዕቲ ፈፂመን።
ኣብ መፈለምታ እዚ ሰሙን ዶናልድ ትራምፕ፡ ኢራን ናብ ዘተ እንተድኣ ዘይተመሊሳ፡ ንድልድላትን መመንጨዊ ፀዓትን ከም ዝድብድብ ተሓንዩ ነይሩ።
ኢራን፡ ዋሽንግተን ኣብ መዕርፎ ነፈርቲ፣ ጣብያ ባቡር፣ ሓሙሽተ ድልድላት መጥቃዕቲታት ከም ዝፈፀመት ብምኽሳስ፡ ኣብ ኩዌትን ባሕሬንን ኣብ ልዕሊ ዝርከቡ ወተሃደራዊ መሰረተ ልምዓት ኣመሪካ መጥቃዕቲ ከም ዝፈፀመት ገሊፃ።
መንግስታዊ ማዕኸን ዜና ኢራን፡ ሸውዓተ ሰባት ብመጥቃዕቲ ኣመሪካ ከም ዝተቀትሉ ፀብፂቡ።
ሴንቲኮም፡ ነቲ ኣብ መፃብቦ ሆርሙዝ ንዝተነበረ ሓድሽ ዕፅዋ ኣብ ዘፈፅምሉ፡ ወተሃደራት ሓይሊ ባሕሪ ኣመሪካ ናብ ሓንቲ መርከብ ፅዕነት ነዳዲ ብምድያብ፡ ሰለስተ መራኽብ ንግዲ ኣንፈተን ክቕይራ ኣዚዞም።
ዋይትሃውስ፡ ትራምፕ ሕዚ’ውን ምስ ኢራን ንዝግበሩ ዘተታት ድሉው ምዃኑ ገሊፁ ኣሎ።
እዚ ከምዚ ኢሉ እንከሎ፡ ትራምፕ፡ ኢራን ንኣመሪካዊት ዴና ካራሪ ከም ዝፈትሐት ገሊፁ።
ሰብመዚ ፍትሒ ኢራን ግና፡ ዝኾነ ዝተፈትሐ ኰነ ዝተለወጠ ኣመሪካዊ እሱር ከም ዘየለ ሓቢሮም።
ምምሕዳር ትራምፕ ንወጻእተኛታት ተመሃሮ ዝወሃብ ሕጊ ቪዛ ክተርር ገይሩ
ምምሕዳር ፕረዚደንት ዶናልድ ትራምፕ ንወጻእተኛታት ተመሃሮ ዝያዳ ጽኑዕ ሕጊ ቪዛ ንምትግባር ኣብ ናይ መወዳእታ ውሳነ ከም ዝበጽሐ ኣፍሊጡ።
እቲ ውሳነ፡ ተመሃሮ ብዘይ ፍቓድ ፌደራል ንልዕሊ ኣርባዕተ ዓመት ኣብ ኣመሪካ ከይጸንሑ እገዳ ዝገብርን ካልኦት ጽኑዕ ስጉምትታትን ዘጠቓልል እዩ።
ዩኒቨርስቲታት ኣብ ምቅይያር ወይ ናይ ትምህርቲ ኮርስ ንምቕያር እገዳታት ከም ዝገብር እውን ይንገር።
በዚ ሕዚ ዘሎ ስርዓት ላዕለዎት ትካላት ትምህርቲ ቪዛ ናይ ምንዋሕ ስልጣን ኣለወን።
እቲ ፖሊሲ ዝመጽእ ወርሒ መስከረም ተግባራዊ ክኸውን እዩ።
ክፍሊ ድሕነት ሃገር ኣመሪካ ኣብ ዘውጽኦ መግለጺ “ንምዝመዛ ቪዛ ዝብድህን መርመራ ድሕረ ባይታ ብምግባርን ሃገራዊ ድሕነት ክሕይል'ዩ፡” ኢሉ።
ኣህጉራዊ ፈደረሽን መምህራን ግና፡ ነቲ ውሳነ “ዝተዛበዐን ዘየድልን” ኢሉዎ።
በዚ ሕጂ ዘሎ ስርዓት፡ F-1ን J-1ን ወጻእተኛታት ተመሃሮ፡ ክሳብ ብቪዛኦም ትምህርቶም ዝውድኡ ኣብ ኣመሪካ ክጸንሑ ይፍቀደሎም።
ይኹን እምበር ተመሃሮ ኣብ ኣመሪካ ክጸንሑ ዝኽእሉሉ ግዜ ገደብ ክህሉ እዩ።
"ንዓሰርተታት ዓመታት ካብ ሃገራት ወጻኢ ዝመጹ ተመሃሮ ብዘይ ዝዂነ ናይ ግዜ ገደብ ናብ ኣመሪካ ክመጹ ጸኒሖም'ዮም። ብኣሽሓት ዝቑጸሩ ሰባት ትምህርቶም እናቐጸሉ ኣብ ኣመሪካ ብምጽናሕ ነቲ ስርዓተ ኢሚግሬሽን ክምዝምዙ ጸኒሖም'ዮም፡" ክብል ጸሓፊ ድሕነት ሃገር ማርክ ዌይን ሙለን ገሊጹ።
ጀነራል ታደሰ ወረደ ኣብ ምንታይ ኵነታት ይርከብ?
ኣርጀንቲናን እንግሊዝን ናብ ናይ ቃላት ኲናት፡ ፊፋ ምርመራ ይጅምር
ኤርትራ፡ 'ግዓት' ኣብ ዝርዝር ባህላዊ ቅርሲ ዓለም ንምምዝጋብ ትዳሎ
ኢራን ኣብ ሃገራት ወሽመጥ ንዝርከብ ወተሃደራዊ ዒላማታት ኣመሪካ ኣጥቂዓ።
ኢራን ኣብ ሃገራት ወሽመጥ ንዝርከብ ወተሃደራዊ ዒላማታት ኣመሪካ ኣጥቂዓ።
ናብ ሎሚ ኣብ ዘውግሐ ለይቲ ሰራዊት ኣመሪካ ኣብ ዝተፈላለዩ ቦታት ኢራን ደብዳብ ድሕሪ ምክያዱ'ያ ቴህራን ነቲ ግብረመልሲ ሂባ ዘላ።
ኣብ ዮርዳኖስ፡ ኩዌትን ባሕሬንን ዝርከቡ መዓስከራት ኣመሪካ ዒላማ ናይቲ ሓድሽ መጥቃዕቲ ከምዝኾኑ ሓይልታት ኢራን ኣፍሊጦም።
ዋሽንግተን ብወገና፡ ንወተሃደራዊ ዓቕሚ ኢራን ንምድሃኽ ንሽዱሽተ ሰዓታት ዝቐጸለ ማዕበላዊ መጥቃዕቲ ከምዘካየደት ሓቢራ'ላ።
ፕረዚደንት ዶናልድ ትራምፕ ብሰሉስ ኣብ ዝሃቦ መግለጺ፡ ትሕተ-ቅርጺ ጸዓት እታ ሃገር ዒላማ መጥቃዕቲ ኣመሪካ ከምዝኸውን ኣጠንቂቁ ነይሩ'ዩ።
ቴህራን ናብ ዘተ ክትምለስ ድልውቲ እንተዘይኮይና'ውን ተወሳኺ ወተሃደራዊ ስጉምቲ ከምዝወስድ ትራምፕ ኣሚቱ'ሎ።
መራሒ ልኡኽ ኢራን ኣብቲ ዝርርባት መሓማድ ባገር ጋሊባፍ ንመግስታዊ ማዕከን ዜና ኣብ ዝሃቦ ምላሽ፡ ነቲ ንሃገሩ ዘየርብሕ ስምምዕ ክኽብሩ ቅሩባት ከምዘይኮኑ ተዛሪቡ።
ሃገራዊ ድሕነት ኢራን፡ ኣብቲ ኣብ መጻብቦ ሆርሙዝ ዝህልዎም ወሳኒ ተራ ዝምርኮስ ምዃኑ'ዩ ጋሊባፍ ዝምጉት።
ኣብቲ ዞባ ተዋፊሩ ዝርከብ ማእከላይ እዚ ሰራዊት ኣመሪካ ከምዝበሎ፡ መጥቃዕቲ ሓይልታት ኣመሪካ ንማእከላት እዚ፡ መደበራት ጸረ-ሚሳይላት፡ ከምኡ'ውን ኣብ መላእ እታ ሃገር ዝርከብ ሓለዋ ገማግም ባሕሪ ዒላማ ዝገበረ እዩ ነይሩ
ብሓሙስ'ውን ኣብ ወሽመጥ፡ ናብቲ ዝዓበ መደበር ነዳዲ ኢራን ተምርሕ ዝነበረት መርከብ ነዳዲ ከምዝወቕዑ እቲ እዚ ሓቢሩ።
እታ 'በልማ' ዝተባህለት መርከብ ንዝተዋህባ "ተደጋጋሚ መጠንቀቕታታት ዕሽሽ" ብምባል ናብ ደሴት ካርግ እናኸደት እንከላ ብሚሳይላት ኣመሪካ ተሃሪማ ዓዲ-ውዒል ከምዝኾነት ጠቒሱ።
ኣመሪካ፡ ብሰሉስ ካብን ናብን ወደባት ኢራን ዝንቀሳቐሳ መራኽብ ንግዲ ከምዝኣገደት ትራምፕ ኣፍሊጡ ነይሩ'ዩ።
ኣዲስ ኣበባ፡ መንግስቲ ፌደራል ኣብ ትግራይ 'ግቡኡ ክዋጻእ' ዝጽውዕ ሰልፊ ክካየድ'ዩ
ጠንቂ መቕፃዕቲ ጋንታ ኣርጀንቲና ክኸውን ዝኽእል ባነር ደሴታት
ኣብይ ኣሕመድ፡ ኢትዮጵያ ንቀይሕ ባሕሪ ዝስኣነትሉ መገዲ ኣመልኪቱ እንታይ ኢሉ?