Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 15 Sebtembar 2026Qaramada Midoobay: In ka badan 100,000 oo qof ayaa ku barakacay Yemen

   

   Xigashada Sawirka, Getty Images

   Hay’adda Qaramada Midoobay u qaabilsan Qaxootiga, UNHCR, ayaa sheegtay in in ka badan 100,000 oo qof ay ku barakaceen gudaha Yemen, halka kumannaan kale ay badda uga gudbeen dalka Jabuuti.

   Hay’addu waxay bayaan ku sheegtay in gaarsiinta gargaarka bani’aadantinimo ay weli wajahdo caqabado waaweyn.

   UNHCR ayaa sheegtay in amni-darrada, waddooyinka burburay, hakadka ku yimid isgaarsiinta iyo xannibaadaha isu-socodka ay saameyn ku yeesheen gaarsiinta gargaarka dadka u baahan.

   Xuutiyiinta Yemen ayaa dhawaan kordhiyay weerarrada ay ku qaadaan magaalooyinka iyo xarumaha tamarta ee Sacuudiga, sidoo kalena waxay la wareegeen gacan-ku-haynta marin-biyoodka Bab al-Mandab.

   Dhanka kale, ciidamada cirka Sacuudiga ayaa duqeymo ka fulinaya deegaanno ay Xuutiyiintu gacanta ku hayaan.

2. 15 Sebtembar 2026Kenya oo u dabaaldagaysa guul caalami ah o ay gaartay

   

   Xigashada Sawirka, State House Kenya

   Kenya ayaa u dabaaldegaysa kaddib markii loo doortay inay noqoto dalkii ugu horreeyay ee Afrika ah ee martigeliya tartanka Koobka Adduunka ee Ciyaaraha Fudud.

   Madaxweynaha Kenya, William Ruto, ayaa arrintan ku tilmaamay guul ay leeyihiin jiilal ciyaartooy ah oo dalka ka dhigay meel caan ku ah heerka sare ee ciyaaraha fudud.

   Nairobi ayaa ku guuleysatay tartanka martigelinta horyaalka sannadka 2029, iyadoo ka adkaatay magaalooyinka London iyo Rome.

3. 15 Sebtembar 2026'11 sano ayaa la'i siinayay daawada kiimikada kansarka aniga oo aan xanuun qabin'

4. 15 Sebtembar 2026Dhaxal-sugaha Sacuudiga iyo madaxweynaha Masar oo Qaahira ku kulmay

   Dhaxal-sugaha Sacuudiga, Maxamed Bin Salmaan, ayaa magaalada Qaahira kula kulmay madaxweynaha Masar, Cabdifataax Al-Sisi.

   Maxamed Bin Salmaan ayaa maanta Qaahira u yimid booqasho rasmi ah.

   Xafiiska madaxtooyada Masar ayaa sheegay in labada dhinac ay kulankooda ku adkeeyeen muhiimadda ay leedahay in la xaqiijiyo xorriyadda iyo amniga maraakiibta isaga kala goosha marin-biyoodka Bab al-Mandab iyo Badda Cas.

   Xafiiska ayaa sidoo kale sheegay in Masar ay taageerayso tallaabooyinka Sacuudigu qaadayo si loo ilaaliyo amniga iyo xasilloonida dalka, iyo dadaallada lagu doonayo in xal siyaasadeed oo dhammaystiran oo waara loogu helo colaadda Yemen.

   Toddobaadkii hore, Xuutiyiinta xulafada la ah Iran ayaa la wareegay xeebaha bari ee Badda Cas iyo marin-biyoodka Bab al-Mandab, oo muhiimaddiisu sii korortay kaddib hakadka ku yimid isu-socodka marinka Hormuz.

   Maanta magaalada New York waxaa lagu qabanayaa kulan degdeg ah oo Golaha Ammaanka ee Qaramada Midoobay looga hadlayo xaaladda Bab al-Mandab, kaddib codsi ka yimid Faransiiska.

   Sacuudiga ayaa sheegay inuu si “go’aan leh” uga jawaabi doono weerarrada Xuutiyiinta.

5. 15 Sebtembar 2026Denmark: Markab dagaal oo Ruush ah oo rasaas digniin ah ku riday helikobtar milatari

   

   Xigashada Sawirka, Rune Dyrholm / Danish Armed Forces

   Denmark ayaa ku eedeysay markab dagaal oo Ruush ah inuu laba xabbo oo rasaas digniin ah ku riday mid ka mid ah helikobtarradeeda, xilli uu helikobtarku la socday markabka marayay Badda Baltic.

   Dowladda Denmark ayaa u yeertay safiirka Ruushka, iyadoo sheegtay in dhacdaddu ay Isniintii ka dhacday hawlgal ay ku tilmaantay “kormeer joogto ah”.

   Ra’iisul Wasaaraha Denmark, Mette Frederiksen, ayaa tallaabada Ruushka ku tilmaantay mid “mas’uuliyad-darro ah”, iyadoo sheegtay in ujeeddadeedu ahayd “cabsi gelin iyo kala qaybinta”.

   Ruushka ayaa sheegay inuu si “dhammeystiran u baarayo” dhacdada, balse wuxuu ku eedeeyay helikobtarrada Denmark inay sameeyeen “dhaqdhaqaaqyo halis ah” oo u dhow maraakiibta dagaalka Ruushka.

6. 15 Sebtembar 2026Sacuudiga: Waxaan si adag uga jawaabaynaa weerarrada Xuutiyiinta

   Sacuudiga ayaa sheegay inuu si “go’aan leh” uga jawaabi doono weerarrada Xuutiyiinta.

   Weerarradii ugu dambeeyay ee Xuutiyiintu ku qaadeen Sacuudiga, oo loo adeegsaday gantaallo ballistic ah iyo diyaaradaha aan duuliyaha lahayn, ayaa waxaa ku dhaawacmay 13 qof.

   Xuutiyiinta oo xulafo la ah Iran ayaa bilaabay inay bartilmaameedsadaan maraakiibta Sacuudiga ee Badda Cas, kaddib markii ay ku dhawaaqeen xannibaad dhinaca badda ah.

   Toddobaadkii hore, Xuutiyiintu waxay la wareegeen gacan-ku-haynta xeebaha bari ee Badda Cas iyo marin-biyoodka Bab al-Mandab, kaas oo muhiimaddiisu sii korortay kaddib markii uu hakad ku yimid isu-socodka marinka Hormuz.

   Dhanka kale, maanta magaalada New York waxaa lagu qabanayaa kulan degdeg ah oo Golaha Ammaanka ee Qaramada Midoobay looga hadlayo xaaladda Bab al-Mandab, kaddib codsi ka yimid Faransiiska.

7. 15 Sebtembar 2026Qadar oo ka digtay cawaaqib “masiibo ah” oo ka dhalan kara xiritaanka marin-biyoodka Bab al-Mandab

   Ibrahim Hashemi, oo ka tirsan Wasaaradda Arrimaha Dibadda ee Qadar, ayaa weriyeyaasha u sheegay in dunidu ay durba dhibaato badan kala kulantay xiritaanka marinka Hormuz, sida ay sheegtay wakaaladda AFP.

   Wuxuu sheegay in xiritaanka marin-biyoodka Bab al-Mandab, oo ah albaabka koonfureed ee Badda Cas, uu dunida oo dhan ku yeelan karo saameyn “masiibo ah”.

   “Waxaan durba aragnaa cawaaqibka arrintaas, sidaas darteed Qadar waxay xoogga saaraysaa diblomaasiyadda iyo wada-hadalka,” ayuu yiri.

   Xuutiyiinta ayaa gacanta ku haya xeebaha bari ee Yemen iyo marin-biyoodka Bab al-Mandab, taasoo dhalisay walaac laga qabo inay xannibaan maraakiibta u gudbaysa Kanaalka Suweys.

   Kaddib markii ay la wareegeen gacan ku haynta marin-biyoodka, Xuutiyiintu waxay bayaanno ku sheegeen in Bab al-Mandab uu u furan yahay dhammaan maraakiibta, marka laga reebo maraakiibta Sacuudiga.

8. 15 Sebtembar 2026Haweeney shan carruur ah ku umushay deegaan ay abaar ka jirto iyadoo saddex keliya ay badbaadeen

9. 15 Sebtembar 2026Seeriga digniinta oo laga maqlay magaalaad Makka

   

   Xigashada Sawirka, Houthi Media Center via Getty Images

   Seeriga digniinta ayaa dhowr daqiiqo ka dhawaajiyay magaalooyinka Makka iyo Jeddah, iyo gobolka Taif ee Sacuudiga.

   Tani waa markii ugu horreysay ee seeriga digniinta laga maqlo magaalada barakeysan ee Makka tan iyo markii uu billowday dagaalka dhowaan ka qarxay Bariga Dhexe.

   Difaaca Madaniga ah ee Sacuudiga ayaa sheegay, daqiiqado kaddib digniinta, in khatartii meesha laga saaray.

   Shalay, weerarro ay Xuutiyiintu ku qaadeen Sacuudiga oo loo adeegsaday diyaaradaha aan duuliyaha lahayn iyo gantaallo ayaa dhaawacay 13 qof.

   Sacuudiga ayaa sheegay inuu si go’aan leh uga jawaabi doono weerarradaas.

10. 15 Sebtembar 2026'Flames of Tradition': Filim Boorama lagu sameeyay oo Venice lagu soo bandhigayo

11. 15 Sebtembar 2026Muxuu qabtaa gows caqliyeedka? Goorma ayaase loo baahan yahay in la saaro?

12. 15 Sebtembar 2026Xuutiyiinta oo sheegtay inay la wareegeen jasiirado u dhow Geeska Afrika

    

    Xigashada Sawirka, Reuters

    Xuutiyiinta Yemen ayaa sheegtay inay la wareegeen jasiiradaha Hanish ee u dhow Geeska Afrika.

    Eritrea iyo Yemen ayaa muddo isku hayay lahaanshaha jasiiradaha ku yaalla koonfurta Badda Cas.

    Sida ay sheegtay wakaaladda wararka AP, Xuutiyiintu waxay dib u riixeen ciidamada dowladda Yemen ee uu taageero Sacuudigu, waxayna la wareegeen gacan ku haynta aaggan muhiimka ah.

    Jasiiradahan ayaa ku yaalla meel u dhow xadka u dhexeeya Eritrea iyo Jabuuti.

    Xuutiyiinta oo la wareegay aagaggaas ayaa sidaas ugu soo dhowaaday ciidamada Mareykanka ee ku sugan Jabuuti, masaafo dhan 32 kiiloomitir.

    Markii Eritrea ay xornimadeeda qaadatay, waxay dagaal la gashay Yemen oo ku saabsan lahaanshaha jasiiradahaas.

    Intii uu socday dagaalkaas kooban, ciidamada Eritrea waxay muddo gaaban gacanta ku dhigeen jasiiradda Hanish.

    Hase yeeshee, muranka waxaa loo gudbiyay maxkamad caalami ah, waxaana lagu go’aamiyay in jasiiradaha aan la deggenayn, marka laga reebo goobaha kalluumeysiga, ay hoos yimaadaan maamulka Yemen.

    Xuutiyiinta oo tan iyo toddobaadkii hore gacanta ku hayay dekedo iyo jasiirado ku yaalla Badda Cas, ayaa sidoo kale la wareegay magaalada dekedda ah ee Waqa iyo jasiiradda Perim, ka hor intii aysan la wareegin Bab al-Mandab, oo ah marin-biyoodka ugu muhiimsan kadib marin-biyoodka Hormuz.

    Tallaabadan ayaa u sahashay Xuutiyiinta inay si fudud u xakameeyaan marin-biyoodka Bab al-Mandab.

    Xuutiyiinta oo sii ballaarinaya gacan-ku-hayntooda gudaha Yemen ayaa la wareegay jasiirado waaweyn iyo kuwo yaryar oo ku hareeraysan Badda Cas, taasoo siinaysa awood ay ku saameeyaan dhaqdhaqaaqa maraakiibta ee Badda Cas, oo ah marin-biyood muhiim u ah ganacsiga caalamka.

13. 15 Sebtembar 2026Nin qirtay inuu xaaskiisa daroogo siin jiray oo uu kusan jiray muddo ka badan 20 sano

    

    Xigashada Sawirka, Reuters

    Nin lagu eedeeyay inuu xaaskiisa si qarsoodi ah daroogo u siin jiray, kadibna kufsan jiray muddo 20 sano ah, ayaa qirtay 60 fal-dembiyeed oo uu ka geystay iyada.

    Ninkan oo ah sayga haweeneyda, magaciisana aan la shaacin si aan loo aqoonsan, ayaa horey uga qirtay qaar ka mid ah eedeymaha maxkamadda Manchester Minshull Street Crown Court, eedeymahaas oo uu kufsi kamid yahay.

    Xaaskiisa ayaa dacwadda ka daawanaysay qaybta dadweynaha ee maxkamadda, iyadoo ay garab taagan yihiin qaar ka mid ah xubnaha qoyskeeda.

    Sayga oo da’diisu tahay lixdameeyada ayaa qiirooday, xilli uu marar badan ku celcelinayay erayga “dambiile” isagoo qiranaya tobannaan eedeymo ah. Eedeymaha waxaa ka mid ahaa kufsi marar badan dhacay, qasbid galmo, iyo in uu qof siiyay walax iyadoo ujeeddadu ahayd in fal-dembiyeed loo geysto.

    12 nin oo kale ayaa beeniyay eedeymo badan oo culus oo la xiriira xadgudubyo galmo oo loo geystay isla haweeneyda.

    Sayga, oo ka soo jeeda deegaanka Stockport ee Greater Manchester, waxaa lagu xukumi doonaa dambiyada uu qirtay marka ay maxkamaddu soo gabagabeyso dhageysiga dacwadda.

    Nin 13-aad ayaa horey u qirtay inuu dembiyo galmo u geystay haweeneyda.

    Falalka uu saygu kula kacayay xaaskiisa, oo ay muddo tobannaan sano ah isqabeen, ayaa billowday 2004-tii, halka eedeymaha loo jeedinayo ragga kale ay dhacdooyinkoodu u dhexeeyaan Sebtembar 2018-kii ilaa Noofambar 2025-kii.

    Eedaysanayaasha kale ayaa kala ah:

    • Philip Wild, 58 jir, oo ka soo jeeda Stockport
    • Sean Peers, 38 jir, oo ka soo jeeda Stockport
    • Jordan Wallace, 31 jir, oo ka soo jeeda Manchester
    • Alan Keelan, 42 jir, kana soo jeeda Manchester
    • Jonathan Kirk, 43 jir, ka jeeda Stockport
    • Robert Stewart, 70 jir, ka soo jeeda Stockport
    • Mohammed Sabir, 28 jir, aan lahayn hoy ama deggenaansho rasmi ah
    • Graham Brougham, 74 jir, ka soo jeeda Northwich, Cheshire
    • Richard Townsend, 37 jir, ka soo jeeda Rochdale
    • Karl Lindsay, 55 jir, kana soo jeeda Taunton, Somerset
    • Daniel Rayner, 42 jir, kana soo jeeda Whitstable, Kent
    • David Graves, 59 jir, kana soo jeeda Ilkeston, Derbyshire

    Dhegeysiga dacwadda ayaa la filayaa inuu sii socdo toddobaadyada soo socda.

14. 15 Sebtembar 2026Maraykanka oo markii ugu horreysay xaqiijiyay inuu hawada sare geeyay hub dagaal

15. 15 Sebtembar 2026Muslimiinta Mareykanka oo horumar siyaasadeed sameynaya, taasoo walaac ku abuurtay garabka midig

16. 15 Sebtembar 2026War deg deg ah, Degdeg: Israa'iil oo sheegtay in ay dishay taliye milatari oo Xamaas ka tirsanaa

    Ciidamada Israel ayaa sheegay inay Isniintii Gaza ku dileen shan xubnood oo ka tirsanaa Xamaas, oo uu ku jiro taliye militari, intii uu socday hawlgal ay halkaas ka fuliyeen.

    Wargeyska Times of Israel ayaa sheegay in ciidamada Israel iyo hay’adda amniga gudaha ee Shin Bet ay toddobaadyadii u dambeeyay xoojiyeen hawlgallada ay ugu yeeraan kuwa la dagaallanka argagixisada ee Marinka Gaza.

    Taliyaha militariga Xamaas ee Israel sheegtay inay bartilmaameedsatay ayaa lagu magacaabi jiray Axmad Al-Batsh, oo loo yaqaanay Abu Osama. Warbaahinta Xamaas ayaa sidoo kale xaqiijisay geeridiisa.

    Wakaaladda Fars News ee xiriirka dhow la leh Ilaalada Kacaanka Iran ayaa, iyadoo soo xiganaysa warbaahinta Gaza Al-Aan, sheegtay in Al-Batsh uu ahaa taliye ka tirsan Guutada Izz al-Diin al-Qassam, isla markaana lagu dilay duqeyn cirka ah oo Israel ka fulisay Gaza.

    Al Jazeera ayaa iyaduna sheegtay in Al-Batsh lagu dilay duqeyn lagu qaaday gaari marayay waddada Al-Saftawi, oo waqooyi ka xigta magaalada Gaza, dhanka galbeed ee Jabalia.

17. 15 Sebtembar 2026War deg deg ah, Madaxweynaha Somaliland oo yiri "dhulkeenna laguma waxyeelleyn askari Mareykan ah"

    

    Xigashada Sawirka, Madaxtooyada Somaliland

    Madaxweynaha Somaliland, Cabdiraxmaan Maxamed Cabdillaahi (Cirro), oo booqasho ku jooga Mareykanka, ayaa khudbad ka jeediyay Machadka Hudson Institute ee magaalada Washington, D.C., halkaas oo uu kaga hadlay arrimo dhowr ah oo la xiriira Somaliland iyo guudahaan gobolka.

    Madaxweyne Cirro ayaa sheegay in Somaliland ay tahay meel nabdoon, isla markaana muddo dheer aysan ka dhicin wax weerar ah oo lagu bartilmaameedsaday muwaadiniin ama ciidamo Mareykan ah.

    “35 sano oo la soo dhaafay, Somaliland kama dhicin waxyeello ama weerar loo geystay askari Mareykan ah. Dhulkeenna iyo biyahayagana loogama hanjabin markab ama diyaarad Mareykan ah,” ayuu yiri Madaxweyne Cirro.

    Wuxuu intaa ku daray in “Somaliland aysan marnaba noqon meel ay hoy ka dhigtaan kooxaha ka soo horjeeda Mareykanka”.

18. 15 Sebtembar 2026Dad saarnaa Doomo rakaab ahaa oo la la'yahay gudaha dalka Iraan kadib weerar lagu qaaday

    

    Xigashada Sawirka, IRNA

    Mas’uuliyiinta deegaanka koonfurta Iran ayaa sheegay in dad rakaab ahaa la la’yahay, kadib markii laba doon oo kalluumeysi ah lagu qaaday weerar diyaarado aan duuliye lahayn.

    Hawlgal lagu raadinayo dadka la la’yahay ayaa ka socda biyaha xeebaha gobolka Hormozgan.

    Ku-xigeenka arrimaha siyaasadda ee guddoomiyaha Hormozgan ayaa sheegay in shilalku uu Isniintii ka dhacay agagaarka dekedda Kurgan, oo ku taalla biyaha Gacanka Faaris.

    Mas’uuliyiintu faahfaahin dheeraad ah kama aysan bixin tirada dadka la la’yahay ama cidda mas’uulka ka ah weerarka.

    Khamiistii, guddoomiyaha Sirik, Reza Shahidian, ayaa wakaaladda IRNA u sheegay in kalluumeysato ku jiray biyaha Iran uu “cadowgu” bartilmaameedsaday, taasoo sababtay in doontii ay degto, isaga na uu dhaawacmo.

19. 15 Sebtembar 2026War deg deg ah, Madaxweynaha Iran“Dagaal nagama dhexeeyo Sacuudiga, Xuutiyiintiyiintana arrimahooda iyaga ayay gaar u yihiin”

    

    Xigashada Sawirka, SPUTNIK/KREMLIN/EPA/Shutterstock

    Madaxweynaha Iran, Masoud Pezeshkian, ayaa sheegay in dalkiisu uusan dagaal kula jirin Sacuudiga, isagoo sidoo kale sheegay in dalalka gobolka ay si khaldan u fahmeen weerarrada Iran ee lagu qaaday saldhigyada militariga Mareykanka ee gobolka.

    Pezeshkian oo wareysi siiyay India Today intii uu ku sugnaa Hindiya, ayaa sheegay in Iran iyo Sacuudiga aysan dagaal ku jirin, isla markaana Xuutiyiintu ay leeyihiin arrimo u gaar ah.

    Wuxuu ugu baaqay dhammaan dalalka gobolka inay wada fariistaan oo ay ka shaqeeyaan nabadda iyo amniga gobolka, isagoo yiri: “Ma jirto sabab ama caqli ku filan oo aan isku dagaalno ama isku khilaafno.”

    Madaxweynaha Iran wuxuu sheegay in dhibaatadu tahay in Mareykanku saldhigyo militari ku leeyahay dalalka Carabta, islamarkaana weerarrada Iran laga soo qaado saldhigyadaas.

    Wuxuu yiri Iran: “ ma weerarin dalalkaas, balse waxey bartilmaameedsatay halka uu ka yimid weerarka lagu qaaday Iran, arrintaasna waxey keentay in qaar ka mid ah dalalka gobolka ay ka caroodaan Tehran.

20. 15 Sebtembar 2026War deg deg ah, Meleeshiyaad hubeysan oo dad rayid ah laayay iyo faahfaahin ka soo baxaysa

    

    Xigashada Sawirka, ADO MUSA

    Ugu yaraan 15 qof ayaa lagu dilay weerarro ay rag hubeysan ka geysteen gobolka Plateau ee bartamaha waqooyi ee Nigeria, sida ay sheegayaan wararka ka imanaya deegaankaas.

    Axaddii, kooxo hubeysan ayaa weerarro ka fuliyay deegaannada Mangu iyo Riyom, halkaas oo dad safar ku jiray lagu dilay.

    Sagaal ka mid ah dadka la dilay ayaa ahaa rakaab u socday magaalada Jos, kuwaas oo rag hubeysan ay rasaas ku fureen tuulada Dungus.

    Lix qof oo kale ayaa lagu dilay deegaannada Mangu iyo Riyom, sida uu BBC u sheegay hoggaamiyaha dhalinyarada Riyom, Dalyop Solomon Montrey.

    Wuxuu sheegay in kooxaha hubeysan ay habeenkii weerareen waddada weyn ee Abuja, iyagoo markii hore dilay darawalkii gaari iyo dad kale, kadibna tirada dhimashadu ay gaartay sagaal.

    Gobolka Plateau ayaa muddo dheer la daalaa dhacayay isku dhacyo qowmiyadeed iyo kuwo diimeed, iyo sidoo kale amni-darro, kuwaas oo sababay dhimasho iyo burbur hantiyeed.