Anthony Joshua vs Pulev: Anthony Joshua akụpụla Kubrat Pulev ọkwụrụ n'anya

Mkpuchi Na Eme Ozugbo

1. 8 Ọktọba 2020Etu e si kpọọ nwafọ Naịjirịa ọkụ na mba Libia

   Ụmụnwoke atọ batara n'ụlọọrụ ebe nwafọ Naịjirịa na-arụ ọrụ, wụọ ya mmanụ ụgbọala n'ahụ ma mụnye ya ọkụ dịka ministry ime obodo mba Libia si kwuo.

   Otu United Nation sị na nke a mpụ na-enweghi isi megide ndị mbịarambịa na na Libia.

   Ozi si n'aka ministry ihe na-em n'obodo n'ụbọchị Wenesde sị na a nwuchiela mmadụ atọ bụ ndị Libia e che na aka ha dị ogbugbu nwoke a.

   Ha sị na ọ bụ onye akaebe kọwara etu ụmụnwoke a si bata ebe ahụ ma wakpoo ma mụnye nwoke ahụ ọkụ.

   A mabeghi mpaghara onye a kpọrọ ọkụ si na Naịjirịa.

2. 8 Ọktọba 2020Donald Trump sị na ya agaghi eso mee nrụrịtaụka ya na Joe Biden kwesiri ime Ọktoba 15

   Onyeisala Amerịka bụ Donald Trump ekwuola na ya agaghi eso mee nrụrịtaụka ya na Joe Biden ga-eso mee n'izu ụka na-abịa.

   Ngalaba na-ahazi nrụrịtaụka kwesiri ime n'ụbọchị 15 nke Ọktoba kwuru na Trump na Biden agaghị anọ na otu ebe mee nrụrịtaụka ha dịka Trump ka na-arịa coronavirus.

   Ọ bụ na mkparịtaụka ya na ụlọ ntaakụkọ Fox news nwere ka maazị Trump kwuru na ya agaghị "egbu oge na-eme nrụrịtaụka otu onye.

   Trump si na ịnọ n'ihu kọmpụta enweghị isi. "Ha ga-achabi okwu gị...anaghị m eme nrụrịtaụka ịntanetị."

   Ndị achụmta vootu Trump sị na ọ bụ ịchụnta vootu ka ọ ga-eme n'oge ahụ.

   Nrụrịtaụka Trump na Biden mere atụghị ọtụtụ mmadụ ụtọ makana ha malitere ịkparị onwe ha.

3. 8 Ọktọba 2020Onyeisiala Naịjirịa enyela Ụlọ Omeiwu akwụkwọ bọọjetị nke 2021

   Onyeisiala Naịjirịa bụ Muhammadu Buhari enyela ndi Omeiwu mba ahu akwụkwọ mkpata na mefu nke 2021.

   Tupu Buhari enye ndị Omeiwu akwụkwọ onyeisi ndi Omeiwu Ukwu bụ Ahmad Lawan sị na a ga-achabi ndị na-anọ n'ime ụlọ omeiwu maka nje coronavirus.

   Ọ bụ naịra 379 ka gọọmentị sị na a ga-eji gbanwee dọla na bọọjetị a.

   Ha sikwa na a ga-eji agbọ mmanụ erere dọla 40 hazie bọọjeti a.

   Ọ bụ naịra 305 igote otu dọla ka e ji mee nke afọ gara aga, dịka e tinyere ego mmanụ agbịdị ka dọla 57 nke otu agbọ mmanụ.

   Naịjirịa na-emepụta agbọ nde 2.18 kwa ụbọchị n'afọ 2019 mana ọ bụ nde 1.86 ka a na-empụta kwa ụbọchị.

   Buhari kwuru na ọ bụ mmepe obodo ka ha ga-etinye n'uchu na bọọjetị nke 2021 a.

   Buhari sị na akụnaụba Naịjirịa nwere ezigbote nsogbu sitere na coronavirus, mana agbanyeghi nke a o mere ọfụma karịa mba ndi ọzọ.

   Ọ sịkwa na e nwere olieanya na akụnaụba mba ahụ agaghị eme ọfụma dịka afọ 2020 na-abịa na ngwụcha.

   Buahri sị na gọọmnetị ya na-agba mbọ ị hụ ndụ dịrị Naịjirịa mfe.

   Ọ sị na a ga-ebite ego ji kwalite bọọjetị a ruo ịtarị naịra anọ na ụma.

4. 8 Ọktọba 2020Etu ngagharị iwe EndSARS si aga na Legọs

5. 8 Ọktọba 2020Ndị mmadụ na-eme ngagharị iwe a si ka ekpochapụ ngalaba SARS, Dị uweojii ji akaike egbochi ndị na-eme ngagharịiwe n'Owere

   Ọ bụ iwepu ngalaba uweojii akpọrọ SARS ka ndị mmadu kpụ n'ọlụ ugbua na Naịjirịa.

   Ugbua, ndị mmadụ na-eme ngagharị iwe n'Abuja nakwa Owere asị ka gọọmentị kagbuo ndị uweojii a na-akpọ SARS.

   n'Abuja ọ bụ onye zọrọ ọkwa onyeisiala na ntuliaka gara aga bụ Omoyele Sowere nọ n'isi ngagharị iwe ahụ.

   Ngagharị iwe a na-emekwa na Legọs dịka ndị mmadụ na-ekwusi ike na ha achọghịzị SARS.

   No Owere, ihe onyonyo na-efegharị na Soshal midia gosiri ka otu Onye uweojii aha ya bụ Obioma O. Obi ebe ọ mara otu nwaanyi so eme ya bụ ngagharịiwe ura.

   Ya bụ ihe onyonyo gosiri ọgbaaghara na-eme ebe ahụ dịka ndị mmadụ na-egbo ya bụ onye uweojii wepụtara egbe ya.

6. 8 Ọktọba 2020Ndị uweojii azọpụtala Bisola Ajayi a tọrọ n'ụbọchị Satọde

   Bisola Ajayi bụ onye ọkaiwu dị afọ iri abụo na ise nke a tọọrọ n'ihu be ya na Rivas steeti enwerela onwe ya.

   Ndị ụweojii pụrụiche na-alụso ndị ntọ agha bụ ndị tọghapụrụ ya na onye ọzọ n'ime ọhịa ukwu dị na Etche na steeti ahụ.

   Ndị uweojii kwukwara na ha anwụchiela mmadụ abụọ n'okwu a gụnyere otu onye na-azụ ahịa egbe.

   Cheta na ezianụlọ Bisola malitere ịti mkpu enyemaka n'elu soshal midia mgbe a tọọrọ ya n'ihu be ya ma gbaa nne ya egbe n'abalị ụbọchị satọde.

7. 8 Ọktọba 2020Mba Mali atọhapụla Praịm Minịsta ha kpọchiri na nga

   Gọọmentị mba Mali atọghapụla ndị ndọrọndọro ọchịchị na ndị agha ha kpọchiri mgbe ndị agha napụrụ ndị nkịtị ọchịchi n'ọnwa Ọgụst afọ 2020.

   NDị atọhapụrụ gụnyere praịm mịnịsta ha bụ Boubou Cisse.

   Etu ọ dị ugbu a, ndị a atọhapụrụ ga-anọ nsọ maka mgbe ọbụla ụloikpe chọrọ ka ha bia.

   Ọ bụ n'ụbọchị Mọnde ka ndị agha ahụ weharịrị ọchịchị hiwere goọmentị nwa mgbe nta ma tinye ndị isi ndị agha n'ebe ọchịchi gụnyere nchekwa, nchịkọta mpaghara na idozi obodo.

   Mpaghara ọdịda anywanwụ nọ na nzụkọ ECOWAS ewepụla mmachi ha machiri mba Mali dịka ndị agha ahụ bidoro atụmatụ ịnyehachi ndị nkịtị ọchịchi.

8. 8 Ọktọba 2020Ihe mere na mkparịtaụka Mike Pence na Kamala Harris

   Ndị na-achọ ịbụ osote onyeisiala mba Amerịka bụ Mike Pence (nọ na ya bụ ọkwa) nakwa Kamala Harris (so Joe Biden azọ ya bụ ọkwa) enweela mkparịtaụka.

   Coronavirus na ihe so ya nakwa etu Trump si hazie ya bụ ọrịa mgbe ọ batara mba Amerịka so na ihe ndị mmadụ abụọ ji dọrịta ụka.

   Harris katọrọ ọchịchị Trump ma kwuo na ọ bụ ọchịchị kachasị kụ afọ n'ala kemgbe mba ha bidoro.

   Ebe Mike Pence zaghachiri ya na usoro otu Democrats wepụtara iji lụso ọrịa coronavirus agha bụ nke ha zutere ezute nke pụtara na ha echepụtaghị ya n'aka nke ha.

   Harris bokwara ọchịchị Trump ebubo maka ọrịa coronavirus ma kwuo na ha "ma maka ya kemgbe ma gaa n'ihu na-atụrụ ndị mmadụ asị".

   Okwu kachasị tụ ndị mmadụ n'anya na ndọrịtaụka a bụ mgbe ijiji besara n'elu isi Mike Pence ma nozue ebe ahụ ihe ruru nkeji abụọ tupu o fepụ.

9. 8 Ọktọba 2020Na Akpọtụ Ugbu A, Ọdọ gaasị na-agba ọkụ na mpaghara Ipaja dị na Legọs

   Akụkọ na-eru anyị ntị ugbua bụ na ọdọ gassị agbaala n'ebe a na-ere gassị eji esi ihe na mpaghara Baruwa.

   Akụkọ si soshal midia na-egosi ebe ọkụ na-agba.

   Mana amatabeghị ihe kpatara ọkụ a na-akwa ndi o metụtara dịka ndị ọrụ gbata gbata erubeghị ebe ahụ.

   Akụkọ ka na-abịa.

10. 8 Ọktọba 2020Anyị ga-ahụ na ntụliaka Ondo gara nke ọma - Muhammadu Buhari

    Onyeisiala Naijirịa bụ Muhammadu Buahrị ekwuola na gọọmentị etinyela ihe niile kwesiri iji hụ na ntụliaka nke Ondo steeti gara nke ọma.

    Ọnụ na-ekwuchitere onyeisiala Naijirịa bụ Femi Adesina kwuru na ọ bụ na ihe onyonyo mgbasa ozi onyeisiala mere maka ndị otu All Progressive Congress ka o kwuru nkea.

    Dịka ọ gwara ndị Ondo steeti ka ọganihu bụrụ ihe ha bu n'obi were mee ntụliaka ha ma sịkwa na Gọvanọ Oluwarotimi Aferedolu kwesiri imeri ya bụ ntụlịaka.

    O kwuru sị " etu o si arụ ọrụ ya nke ọma na-enye m obi ụto".

11. 8 Ọktọba 2020Gọọmentị etiti amapụtala N653.8 iji kwụsị ozi redio adịgboroja n'ọwụwa anyanwụ

    Gọọmentị etiti amapụtala ihe ruru naira nde narị isii na iri ise na atọ iji hụ na akwụsịrị ozi redio adịgboroja n'ọwụwa anyanwụ.

    Ha ga-eji teknụzụ akpọrọ "Hybrid spectrum" we hụ na nke a bịara na mmezu.

    Nke a pụtara ihe mgbe emechara nzụkọ kwa izuuụka nke otu Federal Executive council bụ FEC n'obi gọọmentị n'Abuja.

    Ihe ndị ọzọ amapụtaara ego na ya bụ nzụkọ bụ ijeri naira atọ na ọma iji rụpụta ụgbọ oloko si Pọtakọt gawa Medugiri

12. 8 Ọktọba 2020Unu abọọla chi

    Soro anyị maka akụkọ niile ga-amasị gị taa

13. 7 Ọktọba 2020Ngozi Okonjo Iweala eruola agba nke ngwucha n'ịzọ ọkwa onyeisioche WTO

    Nke na-eru anyị ntị ugbua bụ na onye bụbu Minista okwu ego dị n'aka na Naịjirịa bụ Ngọzị Okonjo Iweala eruola agba nke ngwụcha na ịzọ onye ga-abụ onyeisioche World Trade Organisation (WTO).

    Ndị otu na-eme ya bụ nhọta họtakwara onye Saụt Koria bụ Yoo Myung-hee.

    Ọ bụ mmadụ abụọ a ga-achịpụ ya n'ime mmadụ asatọ malitere ịzọ ya bụ ọkwa ịnọchị onyeisi nke pụrụ apụ n'ọnwa Ọgụst bụ Roberto Azevedo, bụ nke pụrụ otu afọ tupu oge ya eruo.

14. 7 Ọktọba 2020Ngaghịrịiwe na Saụt Afrịka

    COSATU bụ aha ịchafụ ngalaba azụmahịa mba Saụt Afrịka, agwala ndị otu ha gbaa arụkwaghị m malite taa, iji gosi iwe maka ndị otu ha a chụrụ n’ọrụ, ndị e ji ụgwọ nakwa okwu gbasara mpụ dị iche iche.

    COSATU akatọọla etu gọọmentị ha si buso ọrịa Covid-19 agha dịka ha kwuru na ihe ruru ọrụ nde abụọ furu n’ime ọnwa anọ.

15. 7 Ọktọba 2020A ga-emechi akwammiri third mainland kpamkpam ruo ụbọchị atọ

    Gọọmentị etiti ekwuola na ha ga-emechi kpamkpam akwammiri third mainland dị na Legọs ruo ụbọchị atọ, malite n'ụbọchị Fraịde ruo ụbọchị Sọnde.

    Onye kwuru nke a bụ onysisi nchịkọta ọrụ bụ Joshua Popoola n'ụbọchị Wenesde.

    Ọ sị na ọ bụ ka o nwe ndị ọrụngo ohere ịrụcha ọrụ ha nke ọma n'akwammiri ahụ.

    Ebe mmechi a na-emetutaghị bụ ụzọ si Adekunle gawa Iyana Oworo.

    Cheta na e mechiri otu ọkara akwammiri a n'ụbọchị 24 ọnwa Julaị ka e nwee ike rụọ ya ọrụ n'ime ọnwa isii.

16. 7 Ọktọba 2020Keyamo arịọla ndị uweojii ka ha tọhapụ nwaamadị ahụ ha jidere maka ịse ihe onyonyo onye SARS gburu mmadụ na Delta steeti

    Minista okwu ọrụ dị n'aka nke nta bụ Festus Keyamo arịọla ndị uweojii ka ha tọhapụ ya bụ nwaamadị sere ihe onyonyo gosiri onye SARS gburu mmadụ n'Ughelli na Delta Steeti.

    Keyamo sị ndị uweojii ha tọhapụ ya Nicholas Makolomi maka na ya bụ ihe onyonyo ọ sere nyereaka ịnyopu ya bụ arụ onye uweojii ahụ mere.

    Ya bụ ihe onyonyo Nicholas weputere mere ka ndị mmadụ chọo igbu otu onye uweojii anọghị n'ọrụ aha ya bụ Ohwovwiogor Fidelis n'ọdọụgbọala dị na Ughelli. Ọ kwa ndị ezigbo mmadụ ndị ọzọ zọpụtara ya bụ nwoke n'aka ọnwụ. Ya bụ ihe onyonyo pụtara na Satọde gara aga.

    Ndị uweojii na-ebo Nicholas ebubo ịkpalite ọgbaaghara, ịgbasa ozi ụgha nakwa ihe ndị ọzụ bụ nke ha sị na ha ga-akpụpụ ya ụlọikpe.

    Keyamo sị ndị uweojii ha gbahapụ ebubo niile ahụ.

17. 7 Ọktọba 2020'A nabatala m akwụkwọ ikpe ndị uweojii Naịjiria zitere m'- Ikedi Ohakim

    Alloy Ejimako bụ Ọkaiwu Ikedi Ohakim bụ gọvanọ chiburu Imo steeti ekwuola na ha anatala akwụkwọ ikpe ahụ si n'aka ndị ụlọọrụ uweojii Naijirịa, na ha ga-asa ya n'oge na-adịghị anya.

    Mbọ niile anyị gbara ịnụta n'ọnụ ndị uweojii Naịjirịa kpụrụ n'ala dịka ọnụ na-ekwuchitere ha bụ Frank Mba azaghị ekwenti ya.

18. 7 Ọktọba 2020UAE ga-amalite ịnye ndị Naịjirịa akwụkwọ njem n'Ọktoba 8

    Minista na-ahụ maka njem ụgbọelu bụ Hadi Sirika ekwuola na mba United Arab Emirates ga-ebido ịnye ndị Naịjirịa akwụkwọ ikike njem site n’echi bụ ụbọchị asatọ nke ọnwa ọktoba.

    Cheta na mba UAE kwụsịburu ịnye ndị ala Naịjirịa akwụkwọ ikike njem mgbe ha gbapechara nke mere ka mba Naịjirịa machie ụgbọelu mba ahụ ị datu ebe ọbụla na Naịjirịa.

    Ị kwadoola akpa njem gị?

19. 7 Ọktọba 2020Naịjirịa na mba mba ndị ọzọ ebinyela aka na nkwekọrịta njem ụgbọelu

    Onyeisiala Muhammadu Buhari ebinyela aka na akụkọ nkwekọrịta n'etiti mba Naịjirịa na mba anọ ndị ọzọ gụnyere Rwanda, Amerịka nakwa Moroko.

    Nke a ga-eme ya mfe mba ndị a ị bubata mmadụ na ngwa ahịa na mba ọbụla so denye aha na ya bụ akwụkwọ nkwekọrịta.

    Minista na-ahụ maka omenala na mgbasaozi bụ Lai Mohammed gwara ndị ntaakụkọ na Naịjiria ga-agbado ụkwụ na nkwekọrịta a ma rite uru gbasara mwulite ọdịmma ndị mmadụ nakwa akụnaụba obodo.

20. 7 Ọktọba 2020Okwu Gọvanọ Uzodinma na atụmatụ ya niile bụ nke 'Ben Johnson' - Rochas Okorocha

    Rochas Okorocha bụbu gọvanọ Imo steeti esila n'ọnụ onye ndụmọdụ ya maka mgbasa ozi bụ Sam Onwuemeodo zahachi ebubo irifu ego ruru Naịra otu nari ijeri na iri na isii.

    O kwuru ka Gọvanọ Hope Uzodinma wepụta nchọpụta nzụkọ nyocha nke ọkaikpe Benjamin Iheaka bụ onyeisi oche nke ga-egosi ebe ya bụ ego siri fuo ka ụwa niile were anya ha hụ.

    O kwukwara ka Gọvanọ Uzodinma kwuo ije ojirila Naịra nde ijeri otu narị na iri na itolu nke sị n'ọba ego gọọmentị etiti na Naịra ijeri isii na ụma nke ISOPADEC.

    Okorocha gwara Gọvanọ Uzodinma ka ọ teta n'ụra n'ihi na o ji ndị ọrụ ụgwọ ma ya mara kwa na ọ bụghị ịchụgharị Okorocha bụ ọrụ ọ ga-arụrụ ndị Imo steeti.