Off Cycle elections 2023: Diri ekelela ndị Bayelsa maka mmeri ya

Mkpuchi Na Eme Ozugbo

Chimezie UcheAgbo, Uche Akolisa, Ikechukwu Kalu, Chukwunaeme Obiejesi and Jessica Nwankwo

1. 11 Nọvemba 2023Etu e si gụkọọ votu n'ebe ụfọdụ n'Imo Steeti

2. 11 Nọvemba 2023Etu EFCC si nwụchie ntị na-azụ vootu n’Imo, Kogi na Bayelsa Steeti

   

   Ebe foto si, EFCC/Facebook

   Ngalaba na-ahụ maka mpụ na nrụrụaka ego bụ EFCC ekwuola na ha nwuchiri ndị na-azụ vootu iri na anọ n’Imo, Bayelsa nakwa Kogi Steeti bụ ebe e mere ntuliaka ọkwa gọvanọ taa.

   Ụfọdụ ebe ha sị na ha nwụchiri ndị a gụnyere Otueke, Adawari Playground dị na Bayelsa Steeti, nakwa ọtụtụ ọgbọ ịtụ vootu dị n’Imo nakwa Kogi steeti.

   Ha sị na e mere nke a site na nnyocha ha malitere ime kamgbe banyere ntuliaka ọkwa gọvanọ a.

   Ha kwuru na ngụkọ ego niile a natara n’aka ndị a dị nde naịra iri na otu na puku iri anọ.

   N’otu aka ahụ ha jichikwara ụgbọala abụọ ndị a ji akpa arụ a.

   EFCC kwuru na a ga-akpọpụ ndị a n’ụlọikpe na-egbughi oge ma e mechaa nyocha.

   

   Ebe foto si, EFCC/Facebook

3. 11 Nọvemba 2023Ihe ndị Imo Steeti kwuru banyere votu ha tụrụ taa

   Ụmụafọ Imo Steeti akọwaala ihe bụ ebumnobi ha banyere ntuliaka ọkwa gọvanọ e mere taa.

   Ha kwuru na ha chọrọ onye ga-enye ha ọchịchị dị mma nke gụnyere ọkụ latrik, okporoụzọ dị mma, ọrụ ọkacha nke nchekwa na ihe ndị ọzọ.

4. 11 Nọvemba 2023Imo Governorship Election Results: Etu mpụtara ntuliaka ọkwa gọvanọ Imo, Kogi na Bayelsa sị kwụrụ ugbua

5. 11 Nọvemba 2023Imo Governorship Election 2023: Mgbe Uzodimma, Achonu na Anyanwu tụrụ vootu ha

   • Ụfọdụ ndị na-azọ ọkwa gọvanọ Imo Steeti gụnyere Hope Uzodimma, Samuel Anyanwu na Athan Achonu atụọla vootu nke ha.

6. 11 Nọvemba 2023A malitela ngụkọ na ndekọ vootu n'Imo nakwa Kogi steeti

   

   Dịka ntuliaka ji nwayọ a bịa na njedebe amalitela ngụkọ na ndekọ vootu n'ebe dị icheiche n'Imo na Kogi steeti.

   Ebe ebidoro n'Imo steeti bụ n'ọgbọntuliaka dị na St Paul's Pramari school dị n'Owere.

   Na steeti Kogi ebe ebidoro ngụkọ vootu bụ ebe akpọrọ Baba'anini dị n'okpuruọchịchị Lokoja.

   

7. 11 Nọvemba 2023Ndị Imo steeti gbajọrọ ntuliaka n'ihi ọchịchọ mmiri

   Ebe akụkọ a si

   • • Onye dere ya, Chukwunaeme Obiejesi
     • Ndị mere akụkọ a, BBC Igbo, Lagos

   

   Dịka ana-atụ voutu ịji họpụta govano na ndị ga-anọchị ọche omeịwu na bayelsa, Imo na Kogi steeti Niajịrịa, ahuru ndi mmadu n’Imo ka ha gara ịchọ mmeiri ha ga-eji nyere ndu ha aka.

   Kemgbe abali ole-na-ole, mmiri kọrọ n’Ịmo steeti n’ihi abụbọọrụ ulọorụ na-ahu maka ọku latrik malitere,iji zịkọ iwe ha maka atu esiri wakpo onyeisi ha bụ Joe Ajaero n’izuuka garaaga, n’ime ama egwuregwu Sam Mbakwe Owerri Imo steeti.

   Ọtụtụ ndi bị na Imo tukwasara obi na mmiri ha ji aka ha gbupụta n’ụlọ ha, n’ihi ọku latrik nadịghị, kemgbe otu ịzuụka ha enweghị ịke i mịpụtara onwe ha mmiri.

   Ufodu ndi nwere ego na ego mmanuụgbọala agbanye n’igwe ha ji amipụtara onwe ha mmiri.

   Otutu mmadu kwuru na mmanu ugboala adịla ọnu, osi na #680 ruo #750 n’Imo steeti.

   Onye ntaakụkọ BBC Igbo bụ Chukwunaeme Obiejesi hụru ọtutu ndi mmadu ka ha kwọ eche mmiri n’olulu mmiri dịna otu ụlọoezụmeịke n’ogbe Ikenegbu Owerri Imo steeti.

   Otu nwanyi aha ya bụ Eunice kwuru ‘’na-mbu, anyi na-eku mmiri gallon 25 litre #10 na #20 mana ụgbua ọbụ #50 ka anyi na-eku zi ya.’’

   Ọ rịorọ otu na-ahu maka ndiọru ka ha lebanye anya na-ahuhu ndi mmadu na- ata n’Imo steeti ma kwụsị abubọọru ha gbara. Otu nwoke ịwe na-ewe ekweghị agwa anyị aha ya, naani ihe o kwuru bụ na ya amaghị mgbe ya ga-ahụ mmiri ma jee tụọ vọutụ taa.

   ’'O foro obere ihe ka ọkuọ elekere ịrị’’ o kwuru nke a na-iwe. ’’asa beghị m ahu, olee mgbe m ga-ahụ mmiri ga-ezuru mu na ezinaụlo m ma je tuọ vọutu taa?’’.

   ‘’Ọzọ dịka ibeya, kedu uru anyi na erete n’vootu ndi a anyi na-atu dịka obodo n’afo nile anyi tuọla vọutu?’’ ọ jụru.

   Onwe beghị ịhe Gọọmetị Imo steeti kwuru banyere ọku na mmiri na-dighị n’Imo steeti, n’otu mparitaụka Govano Imo steeti bụ Hope Uzodimma na ulọakukọ Channels TV mere, o kwuru na ọ weghị ihe na esere ya na otu na-ahu maka ọrụ.

   Na ya ejighị ndị ọru na ndi lara ezumeịkenka ugwọ ọbula n’Imo steeti, Uzodimma kwuru na ọ na-akwọ ha ugwọ mgbe kwesiri.

   O kwuru na ọburu na ndi ọrụ gọọmentị etịti na-ewe iwe, ọ bughị ya kwesiri ịza ajuju ya.

   Mara na otu na-ahu maka ndi ọru nke Niajịrịa ga-amalite abụbọọru n’Niajịrịa nile n’ubọchị iri anọ nke owa Nọvemba 2023.

8. 11 Nọvemba 2023Etu ndị ọrụ nchekwa si ji gwongworo nọchie ụzọ na Kogi steeti

   

   Ndị ọrụ nchekwa nke Kogi steeti ejirila gwongworo nakwa ụgbọala ukwu dị ichiehc nọchie ụzọ iji kwụsị njem nakwa ngagharị n'ime steeti ahụ.

   Mgbe ndị ntaakụkọ BBC nọ ebe ahụ jụrụ ha ase, ha sị na ha ma ụma were mee nka ma na-ekwu "anyị ma ụma jiri gwongworo nọchie ụzọ, anyị chọghị njem si na steeti banye steeti".

   Nke a pụtara na ndị ntaakụkọ ahụ enweghi ike gagharịa na steeti ahụ nakwa okpuruọchịchị ndị ọzọ ịmata ihe na-eme.

   

9. 11 Nọvemba 2023Ndị ji aha APC na Labour Party azọ ọkwa na Bayelsa atụọla vootu

   

   Ebe foto si, BBC/Natu

   Onye ji aha APC azọ ọkwa gọvanọ na Bayelsa Steeti bụ Timipre Sylva atụọla vootu n’ọgbọ ịtụ vootu dị na Dururaku Central Open Sapce Ward 4 nke Okpoama dị n’okpuruọchịchị Brass.

   N’otu aka ahụ onye ji aha Labour Party azọ ọkwa gọvanọ bụ Udengs Eradiri tụkwara vootu nke ya na woodu 10 nke Ekperi Amarata nke steeti ahụ.

10. 11 Nọvemba 2023Samuel Anyanwu nke PDP e ji 'Samdaddy' maara atụọla vootu

    

    Samuel Anyanwu ji aha Peoples Democratic Party azọ ọkwa gọvanọ Imo Steeti atụọla vootu ya n’ụlọakwụkwọ Amaimo Central School dị n’Ikeduru nke steeti ahụ.

11. 11 Nọvemba 2023Athan Achonu nke Labour Party na nwunye ya atụọla vootu

    

    Athan Achonu nke ji aha Labour Party azọ ọkwa gọvanọ Imo Steeti atụọla vootu ya n’obodo ya bụ Umunomo dị n’okpuruọchịchị Ehime Mbano nke steeti ahụ.

    N'otu aka ahụ nwunye ya bụ Aisha Abubakar Achonu so kwa ya n'akụkụ tụọ vootu ya.

    

12. 11 Nọvemba 2023Hope Uzodimma atụọla vootu

    

    Aka na-achị Imo steeti bụ Hope Uzodimma atụola vootu ya ugbua.

    Uzodimma tụrụ ya n'ọgbọ ntuliaka dị n'okpuruọchịchị Orlu/Orsu/Oru na steeti ahụ.

    Uzodimma na-azọ ọkwa ya nke ugboro abụọ n'aha otu APC.

13. 11 Nọvemba 2023Inec amalitela nyocha banyere nrụrụaka na ntuliaka Kogi steeti

    

    Ebe foto si, Yiaga Africa

    Ngalaba na-elekọta ntuliaka na Naịjirịa bụ INEC n'ịchafụ ekwuola na ndị isi ọrụ ha amalitela ịnyocha akụkọ na-efegharị maka nruruaka n'ebe akpọrọ Ogoro/Magogo dị na Kogi steeti.

    Inec kwuru nke a dịka ozi kwuru ozi na-ebo ebubo na ndị ọrụ ngalaba ahụ wepụtara akwụkwọ mpụtara nke ederela ihe na ya.

    “Anyị anụla ozi nke na-efegharị na achọpụtara akwụkwọ mpụtara nke ederela ihe na ya kpuchiri ụfọdụ ọgbọ ntuliaka dị na Kogi steeti" ka Inec kwuru.

    Cheta na onye na-azọ ọkwa Gọvanọ n'aha otu PDP na steeti ahụ bụ Dino Melaye etibuola mkpu na ntuliaka ahụ na-aga ihu n'okpuruọchịchị Ogori Magogo emebiela dịka ndị ọrụ Inec na-eme nrụrụaka.

    Nke a na-abịa dịka otu otu na-ahụ amaka ọdimma ndị mmadụ gwara Inec ha lebanye anya n'akụkọ nrụrụaka na-eme n'ụfọdụ ọgbọ ntuliaka dị na Kogi steeti.

    Yiaga bụ otu ahụ kwuru na ha nwetara ozi na o nwere ụfọdụ akwụkwọ mpụtara nke edere na otu otu ndọrọndọrọ emeriela n'agbanyeghi na emechabeghi ntuliaka.

    Nke a na-eme n'ọgbọ ntuliaka dị na Eni nọ n'okpuruọchịchị Ogori/Magogo.

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post

14. 11 Nọvemba 2023Gọvanọ Bayelsa steeti bụ Duoye Diri atụola vootu ya

    

    Ebe foto si, Bayelsa Sate Government

    Aka na-achị Bayelsa steeti bụ Duoye Diri atụọla vootu nke ya n'ọgbọ ntuliaka dị na Kalama-Owei wari dị n'okpuruọchịchị Kolokuma/Opokuma na steeti ahụ.

    Duoye Diri banyere ọkwa ọchịchị dịka o ụlọikpe kpebiri na ọ bụ ya meriri ntuliaka e mere n'ọnwa Nọvemba afọ 2019 ma chụpụ David Lyon nke onye APC n'oche.

    Ọ na-azọ ọkwa a nke abụọ ya n'aha otu PDP.

15. 11 Nọvemba 2023Ị ma ndị nọ n'isi ọgụ mkpi taa?, Lee aha ndị na-azọ ọkwa gọvanọ n'Imo, Bayelsa na Kogi taata

    N'Imo steeti

    Hope Uzodinma nke All Progressives Congress (APC)

    Athan Achonu nke Labour Party (LP)

    Samuel Anyanwu nke Peoples Democratic Party (PDP)

    Anthony Ejiogu nke All Progressives Grand Alliance (APGA)

    Ben Uche Odunze nke New Nigeria People's Party (NNPP)

    Obinna Bright Ekwebelem nke Social Democratic Party (SDP)

    Jack Ogunewe nke Action Alliance (AA)

    Na Kogi steeti

    Dino Melaye PDP

    Ahmed Usman-Ododo APC

    Murtala Ajaka SDP

    Na Bayelsa steeti ndị na-azọ bụ

    ADC - Kalango Stanley Davies

    ADP - Oguara Nengimonyo

    APC - Timipre Sylva

    APGA - Subiri Waribodei Joseph

    APM - Oshariken Saturday

    APP - Ogege Kemelayefa Mercy

    BP - Ben Victor Magbodo

    LP - Eradiri Udengmobofa

    NNPP - Azebi Bestman Ayabeke

    NRM - Micah Akeems

    PDP - Diri Douye

    PRP - Ozato Erepadei Erepadei

    SDP - Osuluku Binalayefa

    Zenith Labour Party (ZLP) - Simeon Imomotimi Karioku

16. 11 Nọvemba 2023Ndị agha na ndị ọrụ nchekwa ndị ọzọ nọsi ike na Kogi

    

    Ndị agha nakwa ndị ọrụ nchekwa ndị ọzọ kwụ chịm na Lokoja bụ isiobodo Kogi steeti dịka mmachi ngagharị maka ntuliaka na-aga n'ihu.

    BBC chọpụtara na n'agbanyeghị na ebe niile dara jụụ, o nwerekwere ka ihe si kwụrụ.

    Gbado anya ebe a maka akụkọ ndị ọzọ si ebe ahụ apụta.

    

    

17. 11 Nọvemba 2023Ntuliaka amalitela n'uju n'Imo, Kogi na Bayelsa

    

    Ebe foto si, bbc

    Ndị mbụ pụtara ime ntuliaka atụola vootu ha n'Ikenegbu dị n'Imo steeti na Kogi nakwa Bayelsa steeti.

    Lee ka o si aga

    

    

18. 11 Nọvemba 2023Ụtụtụ ọma nu o!!!!, Udo diri unu niile!

    

    Taata bụ ụbọchị ntuliaka Imo, Kogi na Bayelsa soro anyị ka anyị na-enye unu akụkọ gbasara ihe niile na-akpọtụ ebe ndị a

19. 10 Nọvemba 2023Etu ụmụafọ Imo Steeti si ata ahụhụ n'ihi enweghi ọkụ latrik kamgbe NLC gbara abụbụọrụ

20. 10 Nọvemba 2023Onye ọbụla chọrọ ibute ọgbaaghara na ntuliaka Imo steeti, ga-ahụ ihe o mere onwe ya - Ndị uweojii

    

    Onyeisi ndị uweojii na-ahụ maka nchekwa na ntuliaka ọkwa gọvanọ Imo steeti bụ Frank Mbah, ekwela nkwa nchekwa zuru oke n'oge ntuliaka ahụ.

    Mbah kwere nkwa a dịka ọ na-agwa ndị uweojii okwu n'isi ụlọọrụ ha dị n'Owere n'ụbọchị Fraịde.

    Ọ dụrụ ha ọdụ ka ha rube isi n'iwu na-achịkọta ntuliaka ahụ ma zeere imenyere onye ọbụla maọbụ imegide onye ọbụla.

    Cheta na onyeisi ndị uweojii Naijiria bụ Kayode Egbetokun kwuru na ha ga-eziga ndị uweojii ọnụọgụgụ ha dị 25,565 maka iweta nchekwa na ntuliaka Imo steeti.

    Nke a gunyere ndị Kọmishọna 15, na Deputy Kọmishọna 29, na ndị Assistant Kọmishọna 40 iji hazie ntuliaka ahụ.