ትራምፕ ምቍራጽ ተዅሲ ኢራንን እስራኤልን ግብራዊ ምዃኑ ኣፍሊጡ
ዶናልድ ትራምፕ ኣቐዲሙ ኣብ ትሩዝ ሶሻል ኣብ ዝዘርግሖ ጽሑፍ "እቲ ተኹሲ ደው ምባል ሕጂ ተግባራዊ ኰይኑ ኣሎ። በጃኹም ኣይትጥሓሱዎ!” ኢሉ።
ጽማቝ ሓበሬታ
- ምኒስተር ምክልኻል እስራኤል፡ ኢራን ነቲ ብመንጐኝነት ትራምፕን ቐጠርን ዝተበጽሐ ውዕል ምቍራጽ ተዅሲ ከምዝጠሓሰት ትኸስስ።
- እቲ ምኒስተር፡ ኣብ ልዕሊ ሕምብርቲ ቴህራን ተሪር ግብረመልሲ ክወሃብ ምዃኑ ገሊጹ።
- ኢራን ንክሲ እስራኤል ነጺጋቶ ኣላ።
- ኢራን ኣቐዲማ፡ኢራን በቲ ስምምዕ ትቕየድ እንተዀይና ንሳ'ውን ከም እተኽብሮ ገሊጻ ነይራ።
- ዝሓለፈ ለይቲ፡ እዚ ግጭት ካብ ዝጅምር ኢራን እቲ ዝኸበደ ዝበሃል ደብዳብ ከምዘሕለፈት ክግለጽ እንከሎ፤ ኣብ እስራኤል ድማ 4 ሰባት ብደብዳብ ኢራን ከምዝተቐትሉ ተገሊጹ።
- ኢራን ብሰኑይ ምሸት ኣብ ቐጠር ንዝርከብ ወተሃደራዊ መደበር ኣመሪካ ብሚሳይላት ከምዝደብደበት ይዝከር።
ቀጥታዊ ሸፈነ
'ወለደይ ብህይወት ምህላዎም እኳ ኣይፈልጥን እየ' - ቅድሚ 25 ዓመት ዝተኣስሩ ጀጋኑ ኲናት
ኣመሪካ ኣብ ህዋ እንታይ ዓይነት ኣፅዋራት ኲናት ኣለዋ?
መጥቃዕቲ ሑቲ ኣብ መፃረዪ ነዳዲ ስዑዲ ዓረብ ዘውረዶ ዕንወት ዘረጋግጽ መርመራ
ጅቡቲ፡ ግዝኣታ መበገሲ ስርሒታት ኣንጻር ሑቲ ክኸውን ከም ዘይተፍቅድ ኣፍሊጣ
እምነቱ ተስፋይ፡ ተዓዋቲ ሽልማት ናጽነት ምግላጽ ሓሳባት ፐን ኤርትራ 2026
ኢትዮጵያ፡ ኣብ ኣበሽገ ዝተፈጸመ ቕትለትን ጭውያን ብመን ተኻይዱ?
ኣመሪካ ኣብ ልዕሊ ሓይልታት ምክልኻል ኤርትራ፡ ህግደፍን ላዕለዎት ሰበ-ስልጣንን ዘንበረቶ እገዳ ኣልዒላ
ሕቡራት ሃገራት፡ ኣመሪካን ኢራንን ገበን ከም ዝፈጸማ ኣፍሊጡ
ምንጪ ስእሊ, WANA via Reuters
ክኢላታት ሰብኣዊ መሰላት ሕቡራት ሃገራት፡ ኣመሪካ ኣብ ልዕሊ ኢራን ኣብ ዘካየደቶ ክልተ ደብዳባት ኣየር ብውሑዱ 177 ሰላማውያን ሰባት ብምቕታል "ገበናት ኲናት" ከም ዝፈጸመት ዘእምን እኹል መረዳእታ ከም ዘሎ ኣፍሊጦም።
እቶም ክኢላታት ብተወሳኺ፡ ሰበ-ስልጣን ኢራን እውን ኣብ ልዕሊ ህዝባዊ ተቓውሞታት ብዝወሰድዎ ዘስካሕክሕ ስጕምቲ "ገበን ኣንጻር ሰብኣውነት" ከም ዝፈጸሙ ኣብቲ ጸብጻብ ኣስፊሮም ኣለዉ።
ብመሰረት ሓድሽ ጸብጻብ ናይታ ብዛዕባ ኢራን እትምርምር ናጻ ዓለምለኻዊት ልኡኽ መርማሪት ኮምሽን፡ ኣብ 28 ለካቲት ኣብ ከተማ ሚናብ ኣብ ልዕሊ ሓንቲ መባእታ ቤት-ትምህርቲ (120 ቈልዑ ዝርከብዎም 156 ሰባት ዝሞቱላ) ከምኡ’ውን ኣብ ከተማ ላመርድ ኣብ ልዕሊ ስፖርታዊ ማእከል (21 ሰላማውያን ሰባት ዝተቐትሉላ) ዝተኻየደ መጥቃዕቲ፡ ንስቪላውያን ዒላማ ዝገበረ ገበን ኲናት እዩ።
እቶም ክኢላታት፡ ኣብቲ ኲናት 'ቶማሃውክ'ን 'ፒ.ኣር.ኤስ.ኤም'ን (PrSM) ዝተባህሉ ሚሳይላት እትውንን ኣመሪካ ጥራይ ምዃና ብምጥቃስ፡ እቲ መጥቃዕቲ ብኣመሪካ ከም ዝተፈጸመ ዘረድእ እኹል መርትዖታት ከም ዘለዎም ኣረጋጊጾም።
ኣመሪካ ብወገና ነቲ ጸብጻብ ተኣማንነት ከም ዘይትህቦ ብምግላጽ፡ ንላመርድ ከም ዘይወቕዐት፡ ኣብ ሚናብ ንዘጋጠመ ድማ ትምርምሮ ከም ዘላ ገሊጻ።
በቲ ኻልእ ሸነኽ፡ እቲ ጸብጻብ መንግስቲ ኢራን ኣብ ልዕሊ’ቲ ኣብ 31 ኣውራጃታት ዝተኻየደ ጸረ-መንግስቲ ህዝባዊ ተቓውሞታት፡ ሓይልታት ጸጥታ ካብ ናሕስታት ተዅሲ ብምኽፋት፡ ኣብያተ-ሕክምና ብምጥቃዕ፡ ንዓሰርተታት ኣሽሓት ብምእሳርን ብምሳቓይን፡ ከምኡ’ውን ን29 ሰባት ብሞት ብምቕጻዕ "ገበን ኣንጻር ሰብኣውነት" ከም ዝፈጸመ ሓቢሩ።
መንግስቲ ኢራን ቍጽሪ ምዉታት 3,000 እዩ ኣኳ እንተ በለ፡ ትካል ተጣባቒ መሰላት ህራና ግና ልዕሊ 7,000 ሰልፈኛታት ከም ዝተቐትሉ ይሕብር።
እቲ ልኡኽ ሕቡራት ሃገራት፡ ሰላማውያንን ዜጋታት ኢራን ኣብ መንጎ’ቲ መንግስቶም ዝፍጽሞ ዘሎ ከቢድ ግህሰት ሰብኣዊ መሰላትን ኣብ መንጎ’ቲ ሃገሮም ምስ ኣመሪካን እስራኤልን እተካይዶ ዘላ ቐታሊ ውግእን ተቐርቂሮም ከም ዝሳቐዩ ኣጠንቂቑ ኣሎ።
ቢቢሲ ዘረጋገጾ ቪድዮ፡ ነፋሪት ውግእ ስዑዲ ዓረብ ኣብ የመን ብዕጡቓት ሑቲ ወዲቓ
ምንጪ ስእሊ, AFP via Getty Images
ቢቢሲ ቨሪፋይ ዝመርመሮ ተንቀሳቓሲ ምስልን ሳተላይታዊ ሓበሬታን፡ ብኣመሪካ ዝተሰርሐት ስዑዳዊት ነፋሪት ውግእ ኤፍ-15 ኣብ የመን ብዕጡቓት ሑቲ ተወቒዓ ከም ዝወደቐት ኣረጋጊጹ።
እታ ነፋሪት፡ ካብ ከተማ ማእሪብ ብወገን ምዕራብ ኣስታት 40 ኪሎሜተር ርሒቑ ኣብ ዝርከብ ኣኽራናት ብሚሳይል ተወቒዓ ዝተሓምሸሸት ኰይና፡ ዕጡቓት ሑቲ ባንዴራ ስዑዲ ዓረብን ፍሉይ ተኸታታሊ ቍጽርን ዝሓዘ ጭራ እታ ነፋሪት ዘርኢ ቪድዮ ዘርጊሖም ኣለዉ።
ካብ ትካል ወተሃደራዊ ስለያ ጄንስ ዝዀኑ ክኢላታት ኣጽዋር፡ ነቲ ናይ ጭራ ቅርጽን ቍጽርታትን ብምምርማር፡ እታ ነፋሪት ካብቲ ኣብ ደቡባዊ-ምዕራብ ስዑዲ ዓረብ ዝርከብ መዓርፎ ነፈርቲ ንጉስ ኻሊድ ዝተበገሰት ምዃና ብናጻ ኣረጋጊጾም እዮም።
ወተሃደራዊ ተንተንቲ፡ እዚ ፍጻመ ዕጡቓት ሑቲ ካብ ኢራን ቴክኖሎጅያዊ ደገፍ ብምውሳድ ወተሃደራዊ ዓቕሞም እናዕበዩ ምምጽኦም ዘርኢ "ዓቢ ናይ ፕሮፓጋንዳ ዓወት" ምዃኑ ይገልጹ።
እዚ ምዕባለ ዝመጽእ ዘሎ፡ ዕጡቓት ሑቲ ኣብ ጥቓ’ቲ ወሳኒ ዓለምለኻዊ መተሓላለፊ መራኽብ ባብ ኣል-መንደብ ዝርከብ ስትራተጅያዊ ገማግም ባሕሪ ንምቍጽጻር ሓድሽ መጥቃዕቲ ኣብ ዘካይድሉን ኣብ መንጎ ክልተኦም ወገናት ናይ ኣየርን ሚሳይልን ደብዳባት ብዝገደደ ኣብ ዝዓረገሉን እዋን እዩ።
ኤርትራ፡ ብዛዕባ ፖለቲካዊ እሱራት ዝተሰወሩላ ምስጢራዊ ቤት ማእሰርቲ ዒላዒሮ እንታይ ንፈልጥ?
ምቍጽጻር ባብ ኣል-መንደብ ብሑቲ፡ ንቝጠባዊ መትኒ ስዑዲ ዓረብ ክሳብ ክንደይ ሓደጋ እዩ?
'ኣደይ ይቕረታ ሓቲታትኒ' - ግዳይ ግዝረት ዝዀነት ሳራ ዘሕለፈቶ ስዉር ስቓይ
መንሽሮ ንዘይብለይ ን11 ዓመት ኬሞቴራፒ ተገይሩለይ
ኢራን ኣብ ልዕሊ መዓስከራት ኣመሪካ ዘውረደቶ ዕንወት ዘርኢ ኣሳእል ወጺኡ
ኤርትራ፡ ቅድሚ 25 ዓመት ዝተኣሰሩ ጕጅለ 15 ብዓል መን'ዮም፡ ሕቶኦምከ?
ኢትዮጵያ፡ ፍትሒ ዝጸምኣ ግዳያት ጾታዊ ዓመጽን መልሲ ምኒስትሪ ፍትሕን
ጀርመን፡ ክልተ ኣባላት ምንቅስቓስ ብርጌድ ንሓመዱ ኣብ ቀይዲ ኣእትያ
ላዕለዋይ ልኡኽ ኤርትራ ኣብ ሪያድ ምስ ሰበ-ስልጣን ስዑዲ ዓረብ ዘተ ኣካይዱ
ዕጡቓት ሑቲ፡ ንኤርትራን የመንን ኣጋጭየን ዝነበራ ኣገደስቲ ደሴታት ሓኒሽ ተቘፃፂሮም