Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 6 Agoosto 2026Hoggaamiyaha darbijiifka ahaa ee saddex madaxweyne iyo Shabaab la diriray

   Waa mid ka mid ah hoggaamiyeyaashii ugu saameynta weynaa Soomaaliya ee xukumi jiray mid ka mid ah gobolada ugu kheyraadka badan. Waxa uu saameyn weyn oo ciidan iyo hoggaamin ku lahaa isbaheysiga dooxada jubba, Shabeelada Hoose iyo gobolka Banaadir. Waxa uu la dagaalay saddex madaxweyne, Cabdulaahi yuusuf, Shariif Sheekh Axmed, iyo Maxamed Farmaajo, iyo kooxda Al-Shabaab, oo uu mar ka mid ahaa 'dadkii barbaariyay'.

   Waa Janaraal Yuusuf Maxamed Siyaad Indha-cadde, oo ka mid ahaa hoggaamiyeyaasha dagaalka ee loogu cabsida badnaa, laakiin lagu tilmaamo in uu yahay nin kadhaadh badan oo hadba shaati cusub tosha. Waxa uu ka badbaaday duulaankii ay Maxkamadaha Islaamiga ah ee koonfurta iyo bartamaha Soomaaliya kaga saareen qabqablayaashii la midka ahaa, isaga oo ba ka mid noqday hoggaankii sare ee maxkamada Islaamiga ah. Waxa uu qeyb ka ahaa dagaalkii dhexmaray maxkamadaha iyo ciidamada Itoobiya, isaga oo la shaqeeyay Shabaab kahor inta uusan ku biirin Xisbul Islaam iyo kahor heshiiskii uu la galay dowladdii Sheekh Shariif Sheekh Axmed.

   Waxaa uu ahaa hoggaamiyehii ku dhawaaqay inay qabsanayaan Addis Ababa, eray loo arkay inay eersadeen maxkamadihii Islaamiga ahaa ee awoodda isbidayay. Marka kale, sanadkii hore waxa uu isaga oo ciidamo wata ku dhawaaqay in aysan dowlad ka jirin Soomaaliya xilli lagu muransanaa mudada xilheynta madaxweyne Maxamed Farmaajo. Hoggaamiyaha xabsi guriga ku jira ee mar ahaa ninka ugu awoodda badan xarakooyinka hubeysan, Xasan Daahir Aweys, waxa uu Indho-cadde ku tilmaamay ‘nin burburiya koox walba oo uu qeyb ka noqdo’.

   Nolosha darbi-jiifnimada iyo kabo-caseynta

   Sii akhri

2. 6 Agoosto 2026Kumanaan dad ah oo ku qulqulaya tuulo ku taalla Kenya oo la sheegay in dahab laga helay

   Wararka sheegaya in dahab laga helay tuulada Cheparor ee deegaanka Kapenguria, ismaamulka West Pokot ee Kenya, ayaa sababay in dad aad u tiro badan ay halkaas u soo safraan iyagoo raadinaya dahabka oo ah hanti muhiim ah.

   Muuqaallo la arkay ayaa muujinaya dad badan oo ku kala firdhisan dhul bannaan, kuwaas oo adeegsanaya qalab aan rasmi ahayn si ay u qotaan dahabka, halka qaar kalena ay ciidda ku ururinayaan weelal iyo jawaanno ka hor inta aysan ka qaadin goobta si ay u baaritaan dheeraad ah ugu sameeyaan.

   Sawirrada laga soo qaaday halkaas ayaa muujinaya rag iyo dumar si wadajir ah u shaqaynaya; qaar ayaa qodaya godad yaryar, halka kuwo kalena ay saf ugu jiraan inay qaataan ciidda laga soo saaray godadka, iyagoo rajaynaya inay meel kale ka hubiyaan in ay ku jiraan waxyaabo ka mid ah macdanta qaaliga ah.

   Sida ku cad xogaha lagu faafinayo internetka, dhaq-dhaqaaqa dadku wuxuu billowday kaddib markii laba wiil la sheegay inay heleen wax loo malaynayo inuu yahay dahab.

3. 6 Agoosto 2026Cayaaryahan Soomaaliyeed oo ku biiray koox ka dhisan Ingiriiska

4. 6 Agoosto 2026Puntland oo sheegtay inay howlgal kale fulisay

   Ciidanka Difaaca Puntland ayaa maanta war-saxaafadeed ay soo saareen ku sheegay inay si rasmi ah ula wareegeen taliskii iyo xaruntii ay deggenaayeen maleeshiyaad hubaysan oo ay sheegeen inay si sharci-darro ah isugu ekeeysiinayeen ciidamada amniga, kuwaas oo hore loogu yiqiin PSF, waa sida ay iyagu hadalka u dhigeenee.

   Si buuxda ayay sheegeen inay ugu jirto gacanta Dawladda, isla markaana la xaqiijiyey amnigeeda iyo maamulkeeda.

   “Hawlgalkan wuxuu daba socdaa hawlgal amni oo qorshaysnaa oo shalay ka dhacay magaalada Gaalkacyo, kaas oo lagu bartilmaameedsaday kooxo hubaysan oo falalkoodu khatar ku ahaa amniga, xasilloonida iyo kala dambeynta Puntland”, ayaa lagu yiri war-saxaafadeedka.

   Intii uu socday hawlgalkii Gaalkacyo, waxay sheegeen in Ciidanka Difaaca Puntland ay gacanta ku dhigeen 101 eedeysane, halka sidoo kale la qabtay 60 qof oo dhaawac ah.

   “Waxaa intaa dheer in lala wareegay hub, rasaas, gaadiid iyo agab ciidan oo kala duwan, kuwaas oo ay ka mid yihiin tuutayaal Boolis, jeebbooyinka gacanta lagu xiro (handcuffs), kabaha Booliska iyo qalab kale oo ay ku jiraan agab ka mid ahaa deeqihii Dowladda Shiinaha ugu deeqday Ciidanka Booliska Soomaaliyeed” , ayuu yiri boolisku.

   Dhamaan howlgalada ayay sheegeen in lagu fulinayo si waafaqsan dastuurka iyo shuruucda dalka, iyadoo ujeeddadu tahay sugidda amniga, ilaalinta shacabka, xoojinta hay'adaha dawladda iyo dhaqangelinta sarreynta sharciga”, ayay tiri.

   “Ciidanka Difaaca Puntland waxay ugu baaqayaan dhammaan kooxaha hubaysan iyo shaqsiyaadka weli ku sugan deegaannada kala duwan inay isku soo dhiibaan Dawladda Puntland, kana faa'iidaystaan fursadda ay ugu soo laaban karaan nidaamka sharciga. Waxaa sidoo kale digniin adag loo dirayaa cid kasta oo gabaad, taageero ama kaalmo siisa kooxaha firxadka ah, maadaama lagula xisaabtami doono si waafaqsan sharciga”, ayay yiraahdeen.

   “Ciidanka Difaaca Puntland waxay mar kale ku celinayaan in cid kasta oo diidda inay u hoggaansanto awaamiirta hay'adaha amniga laga qaadi doono tallaabooyin adag oo waafaqsan sharciga, iyadoo la sii wadi doono hawlgallada lagu xaqiijinayo amniga, xasilloonida iyo kala dambeynta guud dalka”, ayay intaasi raaciyeen..

5. 6 Agoosto 2026"Dadka Iran waa dad aad u dhib badan" - JD Vance

   Wareysi uu siiyey wakaaladda wararka ee Fox News, Madaxweyne ku-xigeenka Donald Trump, J.D. Vance, ayaa ka hadlay cabashada ay muwaadiniinta Mareykanku ka qabaan dagaalka Iran.

   Wuxuu sheegay in mid ka mid ah caqabadaha jira ay tahay in gudaha dowladda Iran ay jiraan laba dhinac; mid doonaya in la galo wada-hadal, halka dhinaca kale oo fikir adag uu doonayo in colaadda iyo dagaalku sii socdaan.

   Madaxweyne ku xiigeenka,JD Vance, oo hoggaaminayey kooxda wada-xaajoodyada Mareykanka intii lagu jiray wadahadalladii Islamabad, ayaa Fox News u sheegay in aragtidiisa ay tahay in khilaafka iyo iska horimaadka Iran uu leeyahay marxalado kala duwan oo sare u kac iyo hoos u dhacba leh.

   Si kastaba ha ahaatee, wuxuu rumaysan yahay in ugu dambayn arrimuhu ku dhammaan doonaan si waafaqsan danaha ugu wanaagsan ee shacabka Mareykanka.

   Dhanka kale, warbixinno qaar ayaa sheegaya in Mohammad Baqer Qalibaf laga yaabo inuu booqdo Pakistan maalmaha soo socda.

   Iran weli si rasmi ah ugama aysan jawaabin wararkaasi. Qalibaf wuxuu ahaa madaxa ergada Iran ee ka qayb gashay wada-hadalladii u dhexeeyey Tehran iyo Washington ee uu Pakistan dhex-dhexaadineysay, kuwaas oo ugu dambayn horseeday in la saxiixo Heshiiska Islamabad.

   Si kastaba ha ahaatee, heshiiskaasi wuxuu lumiyey awooddiisii wax yar kaddib markii labada dal ay dib ugu noqdeen colaaddii iyo iska horimaadkii.

   Sidoo kale akhri

   Muddo intee le'eg ayay Iiraan sii wadi kartaa dagaalka?

   Maxaa ka jira in Iran weerartay nidaamka biyaha ee todobo gobolka oo Maraykanka ah

   Sidee ayay khatar u yihiin gantaallada garabka laga gano ee Iiraan?

6. 6 Agoosto 2026Maxaad kala socotaa howlgalladii khaaska ahaa ee lagu dilay ama lagu xiray Usaama, Saadaam iyo Qadaafi?

   Mareykanka ayaa muddo sannado ah hoggaanka u hayay dadaal lagu doonayay in lagu soo xiro ama lagu dilo madaxda kooxo argagixiso ah ama madaxweyneyaal dalalkooda laga afgambiyay oo loo heysto dambiyo kala duwan.

   Dadka loogu doon doonista badnaa waxaa ka mid ahaa madaxweynihii hore ee dalka Ciraaq Saadaam Xuseen, Madaxweynihii hore ee dalka Liibiya Mucamar Qadaafi iyo hoggaamiyihii hore ee ururka Al-Qaacida Usaama bin Laadin.

   Laamaha sirdoonka Mareykanka ayaa qorshe walba u sameyn jiray sidii ay ugu guuleysan lahaayeen hadafkaas.

   Qof marka uu noqdo hoggaamiye waddan ama koox waxyaabaha uu fursadda u helo waxaa ka mid ah in la difaaco sharaftiisa oo amnigiisana la sugo. Taas ayaa adkeyneysay in horumar laga gaaro soo qabashadooda ama dilkooda.

   Haddaba sidee ayay u dhaceen howlgalladii khaaska ahaa ee raggaas ka dhanka ahaa?

   Dadka loogu doon doonista badnaa waxaa ka mid ahaa madaxweynihii hore ee dalka Ciraaq Saadaam Xuseen, Madaxweynihii hore ee dalka Liibiya Mucamar Qadaafi iyo hoggaamiyihii hore ee ururka Al-Qaacida Usaama bin Laadin.

   Laamaha sirdoonka Mareykanka ayaa qorshe walba u sameyn jiray sidii ay ugu guuleysan lahaayeen hadafkaas.

   Qof marka uu noqdo hoggaamiye waddan ama koox waxyaabaha uu fursadda u helo waxaa ka mid ah in la difaaco sharaftiisa oo amnigiisana la sugo. Taas ayaa adkeyneysay in horumar laga gaaro soo qabashadooda ama dilkooda.

   Ciidamada amaanka iyo kuwa sirdoonka ee Mareykanka ayaa howlgal ay ujeeddadiisu ahyad in lagu xiro ama lagu dilo Usaamada bin Laadin. Ninkan oo ahaa hoggaamiyihii hore ee kooxda A-Qaacida ayaa loo heystay dambiyo uu ka mid yahay weerarkii Mareykanka ka dhacay September 11,2001

   Sii akhri

7. 6 Agoosto 2026Trump iyo xoghayahiisa difaaca oo hadallo isdhaafsaday oo ku saabsan dagaalka Iiraan

   Sida uu qoray wargeyska Washington Post, Madaxweynaha Maraykanka, Donald Trump iyo Wasiirka Difaaca, Pete Hegseth, ayaa isku khilaafay arrinta la xiriirta hoos u dhaca kaydka gantaallada iyo rasaasta ciidamada Maraykanka, intii uu socday iska horimaadkii Iran, xilli u socday kulan ay saraakiisha ugu sarreysa dowladda ku yeesheen Camp David.

   Sida ilo xog-ogaal ah sheegeen, intii uu kulankaasi socday, Trump ayaa Pete Hegseth ka dalbaday inuu sharaxo sababta uu si degdeg ah ugu yaraanayo kaydka hubka casriga ah ee si sax ah u beegsada bartilmaameedka iyo gantaallada riddada dheer, isagoo muujiyay walaac ku saabsan heerka u diyaargarowga ciidamada Maraykanka ee colaadda socota.

   Warbixintan ayaa soo baxday kaddib markii warbaahinta CBS News iyo Reuters ay dhowaan, iyagoo soo xiganaya ilo aan magacyadooda la shaacin, ay sheegeen in Maraykanku uu isticmaalay ku dhowaad dhammaan kaydkiisii gantaallada riddada dheer ee saxda ah, oo ay ku jiraan nidaamka gantaallada istaraatiijiga ah ee ciidamada dhulka iyo gantaallada weerarka ee saxda ah, intii lagu jiray hawlgalkii militari ee ka dhanka ahaa Iran ee loogu magac daray "Epic Fury."

   Warbixinahaasi waxay sidoo kale tilmaameen in kaydka gantaallada difaaca cirka ee noocyada Patriot iyo THAAD uu si xawli ah u sii yaraanayo, heer ka sarreeya awoodda wax-soo-saarka warshadaha difaaca ee Maraykanka.

   Si kastaba ha ahaatee, saraakiisha dowladda Maraykanka ayaa beeniyay qiimeyntaasi. Sean Parnell, afhayeenka ugu weyn ee Wasaaradda Difaaca Maraykanka, ayaa sheegay in ciidamada Maraykanku ay “weli haystaan wax kasta oo ay u baahan yihiin si ay u gutaan waajibaadkooda,” isla markaana ay leeyihiin awood ku filan oo ay ku difaacaan danaha Maraykanka.

   Horey, Pete Hegseth wuxuu ku tilmaamay warbixinnada sheegaya hoos u dhac walaac leh oo ku yimid kaydka hubka Maraykanka inay yihiin “sheeko la been-abuuray,” isagoo sheegay in kaydka militari ee dalka uusan hoos u dhicin, balse uu sii xoogeysanayo.

   Saraakiil la hadlay Washington Post ayaa ku dooday in sababta ka dambeysay weerarka ballaaran ee Trump uu toddobaadkii hore ugu hanjabay inuu ku qaadi doono Iran ay ahayd walaaca laga qabo yaraanta kaydka gantaallada.

   Sidoo kale akhri

   Muddo intee le'eg ayay Iiraan sii wadi kartaa dagaalka?

   Maxaa ka jira in Iran weerartay nidaamka biyaha ee todobo gobolka oo Maraykanka ah

   Sidee ayay khatar u yihiin gantaallada garabka laga gano ee Iiraan?

8. 6 Agoosto 2026Maxay Saynisyahannadu ka baran karaan gantaalkii Dayaxa ku dhacay?

9. 6 Agoosto 2026Diyaarad siday walxaha qarxa oo laga helay garoonka diyaaradeed

   Booliska ayaa sheegay in garoon diyaaradeed oo ku yaalla Jarmalka laga helay diyaarad yar oo aan duuliye lahayn oo sidday walaxaha qarxa.

   Sida uu sheegay booliska gobolka Saxony, waxaa la adeegsaday robot lagu baaro walxaha qarxa kaddib markii shaqaale ka tirsan Garoonka Diyaaradaha Leipzig/Halle uu habeenkii arkay qalabkaas oo yaallay meel u dhow diyaaradaha xamuulka qaada ee Ukraine.

   Waxaa kale oo la sheegay in walax labaad oo aan weli la aqoonsan ay ku dhacday diyaarad xamuul oo ku dhow isla garoonkaas. Diyaaraddaasi waxay ku degtay magaalada Hanover iyadoo uu soo gaaray dhaawac fudud.

   Wasiirka Arrimaha Gudaha ee Jarmalka ayaa sheegay in dhacdooyinkani ay muujinayaan "heer cusub oo khatar ah."

   Garoomada diyaaradaha ee Jarmalka ayaa galay feejignaan sare kaddib markii bilihii la soo dhaafay ay dhaceen duullimaadyo badan oo aan la oggolayn oo ay sameeyeen diyaaradaha yaryar ee aan duuliyaha lahayn, kuwaas oo lagu arkay saldhigyo ciidan, garoomo diyaaradeed, xarumo tamareed, dekedo iyo shirkado saadka qaada.

   Booliska ayaa ka digay in ay suuragal tahay in Ruushku ku lug leeyahay arrimahan, hase yeeshee Moscow way beenisay eeddaas.Garoonka Leipzig/Halle, oo ku yaalla bariga Jarmalka, waxaa isticmaala ciidanka Jarmalka iyo xulafada NATO si loogu qaado qalabka milatariga.

   Waxa kale oo uu saldhig u yahay shirkadda diyaaradaha ee Ukraine ee Antonov Airlines, oo qaadda inta badan xamuulka dalkaas.

   Garoonkan sidoo kale waa xarun muhiim u ah shirkadda caalamiga ah ee saadka qaadda ee DHL.

   Afhayeen u hadlay booliska ayaa u sheegay BBC in qalabka qaraxa watay laga helay meel u dhow diyaaradaha Antonov ee taagnaa.

   Boolisku waxay marka hore ka saareen qalabkii qarxinta, dabadeedna waxay sameeyeen qarxin la xakameeyey si qalabka loo burburiyo si ammaan ah.

   Duullimaadyada laga isticmaalo dhabaha waqooyi ee garoonka ayaa dib u billowday saacaddu markay ahayd 01:55, halka dhabaha koonfureed uu weli xiran yahay.

10. 6 Agoosto 2026Sheekada gabadh boorsadeeda ku qaadatay fayraska HIV oo dalkeeda ula safartay

11. 6 Agoosto 2026Madaxweynaha Iiraan oo markan u hadlay si ka duwan sidi hore

    Madaxweynaha Iiraan, Masoud Pezeshkian, ayaa sheegay in xiriirka iyo wada-shaqeynta uu la leeyahay Hoggaamiyaha Sare ee dalka ay hadda yihiin "mid aad u adag."

    Si kastaba ha ahaatee, wuxuu ku adkeystay inuu awooday inuu la yeesho kulammo miro-dhal ah.

    Mojtaba Khamenei ayaan wax muuqaal dadweyne ah kasoo muuqan tan iyo markii uu la wareegay xilka Hoggaamiyaha Sare.

    Wararka ayaa sheegaya inuu ku dhaawacmay mid ka mid ah weerarradii ugu horreeyay ee Maraykanka iyo Israa'iil ay ku qaadeen Iiraan.

    Weerarkaasi wuxuu sidoo kale dilay aabbihii, Ayatollah Ali Khamenei, kaasoo uu beddelay isagoo noqday Hoggaamiyaha Sare ee Iiraan.

    Sidoo kale akhri

    Muddo intee le'eg ayay Iiraan sii wadi kartaa dagaalka?

12. 6 Agoosto 2026Ma taqaanaa gantaalka ugu halista badan ee yalla Afrika xilligaan?

    Ciidanka Aljeeriya ayaa markii ugu horreysay xaqiijiyay inay haystaan ​​gantaalada Iskander ee hypersonic, iyagoo sii daayay muuqaallo muujinaya gantaalka oo la ridayo intii lagu jiray tababar.

    Gantaalkan waxaa la rumeysan yahay inay haysteen militariga dalka sannado badan, inkastoo xaqiijin la'aanta hore ay muujinayso u janjeersiga militariga Aljeeriya ee ah inaysan ku dhawaaqin iibsashada hub cusub.

    Iskander waxaa loo arkaa gantaalka ballistic-ga ugu awoodda badan adduunka waxaana la ogyahay in loo dhoofiyay Armenia iyo Aljeeriya oo keliya iyaga oo ka helay Ruushka, halka Kuuriyada Waqooyi iyo Koonfurta Kuuriya ay soo rideen gantaallo la mid ah iyada oo loo maleynayo inay ka faa'iideysanayaan tignoolajiyada Ruushka.

    Gantaalkan wuxuu gaaraa masaafo dhan 500 oo kiiloomitir iyo isaga oo leh bartilmaameedyo saxnaan sare leh iyo dhaqdhaqaaqa awooddiisa ee uu ku safri karo xawaare sare, taa oo adkeyneysaa in la qabto.

    Soo bandhigidda Iskander waxay ka dambeysay markii uu qarxay dagaal heer hoose ah oo u dhexeeya Ciidanka Morocco iyo kooxaha fallaagada ah ee kala duwan.

    Gantaalka Iskander wuxuu matalaa nooca ugu casrisan ee gantaallada ballistic-ga ah ee laga helo Afrika ama dunida Carabta, waana mid ka mid ah hubka ugu casrisan ee Ruushku soo saaray sannadihii ugu dambeeyay.

    Sii akhri

13. 6 Agoosto 2026Iiraan: Isu-soo-baxyada waddooyinka way sii socon doonaan ilaa dhammaadka bishan

    Barnaamij telefishanka laga sii daayay Iiraan, ayuu Ruhollah Harizawi, oo ah ku-xigeenka madaxa Hay’adda Faafinta wararka Jamhuuriyadda Islaamiga ah kaga jawaabay joojinta isu-soo-baxyada waddooyinka ee taageerayaasha dawladda, isaga oo sheegay in hay’addu ay qorsheysay mudaharaadyada ilaa dhammaadka bisha Safar oo ku beegan 13-ka August, balse kulammo lagu go’aaminayo sii wadistooda xilligaas kaddib la qabtay. Waxaana natiijadana lagu dhawaaqi doonaa marka uu ansixiyo Mojtaba Khamenei, hoggaamiyaha cusub ee Jamhuuriyadda Islaamiga ah.

    Isu-soo-baxyada habeenkii, oo si joogto ah uga socday xarumaha iyo fagaarayaasha waaweyn ee magaalooyinka Iiraan tan iyo dagaalkii 40-ka maalmood socday, ayaa noqday goob ay ku kulmaan taageerayaasha dowladda.

    Tan iyo markii la saxiixay Is-afgaradka Islamabad ee u dhexeeya Tehran iyo Washington, isu-soo-baxyadani waxay noqdeen meel ay dadweynuhu ku muujiyaan mucaaradnimada heshiiskaas, kuna dhawaaqaan hal-ku-dhegyo ka dhan ah xubnaha wafdiga Iiraan ee wadaxaajoodka ku lugta leh, waxaana sidoo kale si cad u dhaliilay qaar ka mid ah mas’uuliyiinta dawladda.

14. 6 Agoosto 2026Mareykanka iyo Britain ayaa mar kale xaqiijiyay sida ay uga go’an tahay badqabka isu socodka maraakiibta ee marin-biyoodka Hormuz iyo ka hortagga in Iiraan ay hesho hub nukliyeer ah

    Sida ay sheegtay Wasaaradda Arrimaha Dibadda Mareykanka, Xoghayaha Arrimaha Dibadda ee Mareykanka Marco Rubio iyo Wasiirka Arrimaha Dibadda Britain Ed Miliband ayaa kulan ay ku yeesheen Washington kaga wada hadlay arrimo la xiriira Iran.

    “Labada hoggaamiye waxay mar kale xaqiijiyeen sida ay uga go’an tahay in la hubiyo badqabka isu socodka maraakiibta ee marin-biyoodka Hormuz iyo in laga hortago in Iiraan ay hesho ama horumariso hub nukliyeer ah,” ayuu yiri afhayeenka Wasaaradda Arrimaha Dibadda Mareykanka, Tommy Pigott.

    Sida uu sheegay afhayeenku, kulanka ayaa sidoo kale lagu xusay muhiimadda ay leedahay in door wax ku ool ah laga ciyaaro sugidda amniga Yurub.

    Dhanka kale, Wasiirka Arrimaha Dibadda BritainEd Miliband ayaa sheegay in intii uu kulamada ku lahaa Washington uu sidoo kale ay dhinacyadu ka wada hadli doonaan taageerada sii socota ee Ukraine ay ka hesho Ruushka, xaaladda bani’aadannimo ee aadka u liidata ee Gaza, iyo arrimo kale oo weli socda.

15. 5 Agoosto 2026Madaxweynaha Iiraan oo sheegay in ay “aad u adag tahay” in lala xidhiidho Mojtaba Khamenei

    Wareysi ay duubtay warbaahinta xafiiska madaxtooyada Iiraan oo laga sii daayay shabakadda wararka ee Hay’adda Warbaahinta Dawladda ayuu Masoud Pezeshkian ku sheegay in hadda ay “aad u adag tahay in lala xiriiro Mojtaba Khamenei.”

    Mojtaba Khamenei ayaan si fagaare ah uga soo muuqan tan iyo markii loo doortay hoggaamiyaha Jamhuuriyadda Islaamiga ah.

    Wareysigan oo la duubay munaasabadda sannad-guurada labaad ee madaxtinnimadiisa, ayuu Mr. Pezeshkian sheegay in hoggaamiyaha hadda jira uu yiri haddii saddex meelood afar xubnaha Golaha Sare ee Amniga Qaranka ay u codeeyaan qorshe uu aqbali doono.

    Mr. Pezeshkian wuxuu sheegay in 13-kii qof ee ka qeyb galay kulanka Golaha Sare ee Amniga Qaranka, 12 ka mid ahi ay u codeeyeen qabyo-qoraalka is-afgaradka lala gelayo Mareykanka.

    Saxiixa is-afgaradkan ayaa ka mid ah qodobbada ay isku khilaafsan yihiin garabyada dawladda, isla markaana ay ka dhalatay dhaliilo loo jeedinayo dawladda Masoud Pezeshkian.

16. 5 Agoosto 2026Iiraan iyo Cummaan oo ku dhow in ay heshiis ka gaadhaan adeegsiga marinka Hormuz

    Wasiir ku-xigeenka Arrimaha Dibadda ee Iiraan, Kazem Gharibabadi, ayaa sheegay in “heshiis mabda’ ku dhisan ay Iraan iyo Cumaan ka gaadheen marin cusub oo ku-meel-gaar ah oo maraakiibtu u isticmaali doonaan marin-biyoodka Hormuz, isla markaana heshiiskaasi uu galay marxaladihiisii ugu dambeeyay.”

    Wareysi uu siiyay wakaaladda wararka ee dawladda Iran maamusho ee IRNA, ayuu Kazem Gharibabadi ku sheegay in “ku dhowaad dhammaan arrimihii la xiriiray khariidadaha marinnada gudaha iyo dibadda ee isu socodka maraakiibta ee u dhexeeya labada dal iyo sidoo kale arrimo farsamo oo kale oo la xiriira la xalliyay.”

    Sida uu sheegay, “marinka cusub ee la qorsheynayo wuxuu noqon doonaa nidaam ku-meel-gaar ah. Haddii is-afgaradkan uu noqdo mid si dhab ah loo hirgeliyo, waxaa la xiri doonaa marinnada ku-meel-gaarka ah ee waqooyiga iyo koonfurta ee hadda laga isticmaalo marin-biyoodka Hormuz.”

17. 5 Agoosto 2026Xuutiyiinta oo ku dhawaaqay inay beegsadeen markab shidaal oo Sacuudigu leeyahay

    Xuutiyiinta ayaa ku dhawaaqay inay beegsadeen markab shidaal oo Sacuudigu leeyahay oo marayay meel ka baxsan xeebta magaalada Yanbu ee Badda Cas. Magaalada Yanbu waxaa ku yaalla mid ka mid ah dekedaha ugu waaweyn ee Sacuudiga ka dhoofiyo shidaalka. Weerarkan ayay kooxdu ku sheegtay inuu qayb ka yahay "go'doominta badda" ee ay ku dhawaaqday inay ku soo rogtay Boqortooyada Sacuudiga laba toddobaad ka hor.

    Kooxda ay Iran taageerto ayaa sheegtay inay sii xoojin doonto howlgalladeeda waqooyiga Badda Cas, iyadoo xustay in maraakiib badan ay beddeleen jidadkoodii kadib weerarro ay maalmihii u dambeeyay ku qaadeen maraakiib Sacuudi ah oo gobolka marayay.

    Afhayeenka militariga Xuutiyiinta, Yahya Saree, ayaa qoraal uu ku daabacay baraha bulshada ku sheegay in ciidamadoodu ay "ku beegsadeen markabka shidaalka ee Sacuudiga ee Wafa, oo marayay waqooyiga Badda Cas meel ka baxsan xeebta Yanbu, tiro gantaallo riddo dheer ah, kuwaas oo si sax ah u haleelay bartilmaameedkii."

    Kororka weerarradan ayaa khatar gelinaya awoodda Sacuudiga ee ah inuu dhoofiyo qayb ka mid ah shidaalkiisa isaga oo ka leexanaya marin-biyoodka Hormuz, maadaama dekedda Yanbu ay tahay xarunta ugu muhiimsan ee dhoofinta shidaalka ee ku taalla xeebta galbeed ee dalka, dhanka Badda Cas.

    Yahya Saree ayaa intaas ku daray in tirada guud ee maraakiibta shidaalka ee Sacuudiga ay bartilmaameedsadeen ay gaartay siddeed markab, tan iyo markii ay ku dhawaaqeen go'doominta badda 22-kii Luulyo.

18. 5 Agoosto 2026Muddo intee le'eg ayay Iiraan sii wadi kartaa dagaalka?

19. 5 Agoosto 2026Iiraan oo war cusub ka soo saartay wadahadallada ay kula jirto Cumaan

    Afhayeenka Wasaaradda Arrimaha Dibadda ee Iran, Ismaaciil Baghaei, ayaa sheegay in bayaanka wadajirka ah ee u dhexeeya Iran iyo Cumaan uu marayo marxaladdii ugu dambeysay ee dib-u-eegista iyo diyaarinta.

    Sida uu sheegay afhayeenku, "Bayaanka wadajirka ah ee labada dal, kaas oo ka kooban qodobbada muhiimka ah iyo arrimaha lagu heshiiyey, wuxuu ku jiraa heerkii ugu dambeeyay ee dib-u-eegista iyo qabyo-qoraalka."

    Baghaei ayaa sidoo kale sheegay in labada dhinac ay ku heshiiyeen isku-duwayaasha juqraafiyeed ee marinka la qorsheeyay.

    Wuxuu ku tilmaamay in wada-hadallada u dhexeeya Iran iyo Cumaan ay yihiin kuwo "xirfad leh" oo "mustaqbalka diiradda saaraya", isagoo sheegay in haddii "dhinacyo saddexaad aysan carqaladeyn geeddi-socodka", labada dal ay ku dhow yihiin inay soo saaraan bayaan wadajir ah oo kama dambays ah.

    Baghaei wuxuu kaloo carrabka ku adkeeyay in "is-afgaradka u dhexeeya Iran iyo Cumaan uusan kaligiis ka dhignayn in marin-biyoodka Hormuz uu ammaan u noqon doono maraakiibta," maadaama, sida uu sheegay, ay weli jiraan arrimo halis gelinaya amniga marin-biyoodka, oo ay ku jiraan waxa uu ku tilmaamay cunaqabateynta badda iyo tallaabooyinka kale ee Maraykanku ka qaado Iran iyo danaha ay leedahay.

    Iran waxay sheegtay in faragelinta Maraykanku ay dib u dhigtay in heshiis la gaaro, waxayna ku adkaysatay in wadahadallada Iran iyo Cumaan aysan ku saabsanayn Maraykanka.

    Saacado ka hor, warbaahinta Qaranka Iran (IRCC) ayaa soo xigatay sarkaal Iiraani ah oo sheegay in heshiiska lala gaarayo Cumaan uusan ka dhignayn in marin-biyoodka Hormuz si degdeg ah dib loogu furi doono isu-socodka maraakiibta.

20. 5 Agoosto 2026Booliska Jarmalka war ka soo saaray dhacdo ka dhacday garoonka diyaaradaha Leipzig

    Booliska Jarmalka ayaa sheegay inay ka heleen garoonka diyaaradaha ee Leipzig diyaarad aan duuliye lahayn oo sidday qalab qarax ah. waxay Boolisku sheegeeen in qalabkaas laga dhigay mid dheemish ah kadib markii uu arkay qof shaqaale ah habeenimadii kaas oo ku sugnaa aagga hawlaha xamuulka.

    Booliska ayaa sidoo kale baaritaan ku wada shay kale oo aan la aqoonsan oo ku dhacay diyaarad isla garoonkaaas. Diyaarada ayey walaxdaasi ku dhacday waxyar ka dib markii ay kacday balse waxaa dib u cagadhigay si nabadgelyo ah.

    Labada dhacdo waxay ka dhaceen meel u dhow halka ay la dhigo diyaaradaha xamuulka ee Yukrayn.

    Ruushka ayaa beeniyay inuu ku lug lahaa duullimaadyo diyaarado aan duuliye lahayn oo aan fasax haysan, kuwaas oo bilihii u dambeeyay ka dhacay gudaha Jarmalka.