Seo sinn!air fhoillseachadh aig 14:12 TSB 19 An t-Sultain
Baile Ùr an t-Slèibh 0 Ceann a' Ghiùthsaich 0
Tha cuairt dheireannach 2026 air tòiseachadh.
Geàrr-chunntas
Tha Ceann a' Ghiùthsaich air Cupa na Camanachd a bhuannachadh aig Pàirc Mossfield
Chrìochnaich a' chuairt dheireannach an aghaidh Bhaile Ùr an t-Slèibh 2-1
'S e Struan Ros a chuir a' chiad tadhal dhan Bhaile Ùr às dèidh còig mionaidean
Fhreagair Ruairidh MacAnndrais do Cheann a' Ghiùthsaich às dèidh 72 mionaidean
'S e MacAnndrais an uairsin a chuir Ceann a' Ghiùthsaich 2-1 air thoiseach sa chiad leth den ùine a bharrachd
Tha Ceann a' Ghiùthsaich a-nise air an cupa a thogail 27 tursan
Seo sinn!air fhoillseachadh aig 14:12 TSB 19 An t-Sultain
An geama a' teannadh dlùth a-niseair fhoillseachadh aig 14:08 TSB 19 An t-Sultain
Tha na cluicheadairean a' tighinn a-mach air a' phàirc is an geama gus tòiseachadh an ceartuair.
Agus seo an duais a tha iad ag iarraidh...
Fear na fìdeigeair fhoillseachadh aig 14:01 TSB 19 An t-Sultain
Dìreach beagan mhionaidean a-nise gus an tòisich an geama is tha feasgar trang air thoiseach air an duine seo - Steaphan MacLachlainn à Baile a' Chaolais - oir 's e an rèitire a bhios os cionn chùisean.
'S e seo a' chiad turas a nì Steaphan cuairt dheireannach Chupa na Camanachd is tha e ag ràdh gur e "urram mòr" a th' ann dha.
Bha Mgr MacLachlainn anns na naidheachdan ann an 2024 nuair a thàinig greim-cridhe air nuair a bha e os cionn geama eadar Cabar Fèidh is Ceann Loch Seile.
Rinn Conor Cormack is Cè MacRath aig Ceann Loch Seile, a tha ri chèile nan smàladairean, cobhair air le defibrillator.
"Fhuair mi an t-uabhas de thaic bho an t-uabhas de dhaoine thar nam bliadhnaichean, is mura b' e tòrr dhaoine cha bhithinn an seo an-diugh 'son an t-urram a tha seo fhaighinn," thuirt Steaphan.
Fo-thiotal an deilbh, Bidh Steaphan an dòchas nach bi cus ainmean a' dol san leabhar aige an-diugh.
Tarzan aig Mossfieldair fhoillseachadh aig 13:58 TSB 19 An t-Sultain
Tha sluagh a' taomadh a-steach gu Mossfield is laoich gu leòr nam measg.
Seo David 'Tarzan' Ritchie - fear de churaidhean Bhaile Ùr an t-Slèibh.
Fear-glèidhidh òg na Hearadhair fhoillseachadh aig 13:54 TSB 19 An t-Sultain
Tha sinn air a bhith a' cluinntinn gu bheil eachdraidh fhada aig Alasdair MacIllinnein san iomain. Eil sibh ga fhaicinn an seo?
Tùs an deilbh, Camanachd LeòdhaisSeòid an là an-diughair fhoillseachadh aig 13:51 TSB 19 An t-Sultain
Seo iad! Ceit Bradley is Iain Moireasdan còmhla ri Somhairle MacDhòmhnaill is Alasdair MacIllinnein.
Sgioba na spirisair fhoillseachadh aig 13:49 TSB 19 An t-Sultain
Bha na meadhanan a' craoladh bho gheamaichean iomain fada ro 1989 ge-tà. Seo sgioba a' BhBC air ais ann an 1938 ag aithris à geama eadar Camanachd an Òbain is Baile a' Chaolais. Tha Ùisdean air innse dhuinn nach robh e an làthair aig an fhear seo...
Tùs an deilbh, Stòras Ùisdein MhicIllinneinDuine uasal na deiseair fhoillseachadh aig 13:47 TSB 19 An t-Sultain
Fear eile bho 1989 an seo - eil sibh ag aithneachadh a' chraoladair òig seo air an là sin?
Tha sinn dìreach air a bhith a' cluinntinn bho Ùisdean MacIllinneinn air BBC Radio nan Gàidheal.
Tha Ùisdean ag ràdh gur e "àite sònraichte" a th' ann am Mossfield is tha e air bhioran mun gheama mhòr.
Tùs an deilbh, Stòras Ùisdein MhicIllinnein1989air fhoillseachadh aig 13:44 TSB 19 An t-Sultain
'S e 1989 an turas mu dheireadh a choinnich na sgiobaidhean sa chuairt dheireannaich aig Mossfield, geama a bhuannaich Ceann a' Ghiùthsaich 5-1.
Seo taghadh de dhealbhan bhon là sin bhon stòras iongantach aig Dòmhnall MacAoidh nach maireann.
Tùs an deilbh, Stòras Dhòmhnall MhicAoidhFo-thiotal an deilbh, Bha a' ghrian a' sgoltadh nan creag san Òban - abair sealladh!
Tùs an deilbh, Stòras Dhòmhnaill MhicAoidhFo-thiotal an deilbh, Brick MacArtair a-rithist ann 1989, an turas seo air tòrr Kevin Thain aig Ceann a' Ghiùthsaich
Tùs an deilbh, Stòras Dhòmhnaill MhicAoidhFo-thiotal an deilbh, Bha sluagh mòr ann.
1984air fhoillseachadh aig 13:40 TSB 19 An t-Sultain
Bha a dhà de na cuairtean deireannach eadar an dà sgioba air an cluich aig Pàirce Mossfield san Òban, far a bheil sinn an-diugh.
Seo Tormod 'Brick' MacArtair is Daibhidh MacAnndrais aig Ceann a' Ghiùthsaich ann an 1984 - a' chiad chuairt dheireannach eatorra riamh sa chupa mhòr - geama a bhuannaich Ceann a' Ghiùthsaich 4-1.
Tùs an deilbh, Stòras Dhòmhnaill MhicAoidhFo-thiotal an deilbh, Tormod 'Brick' MacArtair is Daibhidh MacAnndrais ann an 1984
Cupa MhicMhaighstir le Ceann a' Ghiùthsaichair fhoillseachadh aig 13:37 TSB 19 An t-Sultain
Bha cuairt dheireannach ann mar-tha aig Pàirc Mossfield an-diugh - sin ann an Cupa MhicMhaighstir airson na duais nàiseanta aig ìre Fo 14.
'S iad Ceann a' Ghiùthsaich a rinn a' chùis is iad air soirbheachadh 5-1 an aghaidh Cill Mhàilidh.
'S iad Kayla Gow (3), Joep Mommetz is Reid Paterson a fhuair na tadhail do Cheann a' Ghiùthsaich is Cian MacIllEathain air an targaid do Chill Mhàilidh.
Meal a naidheachd air òigridh Cheann a' Ghiùthsaich!
Am faic sinn duais eile a' dol dhan bhaile ro dheireadh an fheasgair?
Òran nan Rosachair fhoillseachadh aig 13:36 TSB 19 An t-Sultain
'S iad Rosaich a tha os cionn nan sgiobaidhean an-diugh: Peadar aig Baile Ùr an t-Slèibh mar a chuala sinn is Ragnall aig Ceann a' Ghiùthsaich.
'S dòcha gum bi cuimhne aig cuid gun tuirt Peadar às dèidh na cuairte deireannaiche an-uiridh gun robh Cupa na Camanachd "air ais far am bu chòir dha a bhith". Gu follaiseach 's e sin a bheachd fhathast!
Cha do chòrd e ri muinntir Cheann a' Ghiùthsaich is nuair a bhuannaich iadsan Cupa MhicThàmhais nas tràithe air an t-samhradh seo, bha cabhag air Raghnall innse dha Peadar ciamar dìreach a bha e a' faireachdainn.
Ciamar a bhios cùisean air an loidhne an-diugh? Cumaidh Dòmhnall MacLaomainn fios rinn - is tha Dòmhnall dìreach air a ràdh air BBC Radio nan Gàideal gum bi e "inntinneach".
Chan eil fios againn an tug Dòmhnall clogaid leis an-diugh ach 's dòcha gum bi feum aige air fhathast.
Peadar Ros misneachailair fhoillseachadh aig 13:31 TSB 19 An t-Sultain
Abair thusa gu bheil manaidsear a' Bhaile Ùir misneachail - mar as àbhaist!
"Tha mi gu math misneachail is tha mi dìreach 'son a dhèanamh a-nise agus an cupa a thoirt air ais a Bhaile Ùr an t-Slèibh", tha e ag ràdh.
Eil Roddy Young fut?air fhoillseachadh aig 13:27 TSB 19 An t-Sultain
Tha leas-mhanaidsear Cheann a' Ghiùthsaich, Ali MacLeòid, air a bhith a' bruidhinn ri Dòmhnall MacLaomainn againn.
Nuair a dh'fhaighnich Dòmhnall dha a bheil Roddy Young fut, 's e a fhreagair Ali ach "tha mi an dòchas".
Tha na h-uimhir de cheistean air a bhith ann mu Cheann a' Ghiùthsaich is na th' ann de chluicheadairean a tha air a bhith air an goirteachadh anns na mìosan mu dheireadh.
Nàimhdean Bhàideanach sa chuairt dheireannaichair fhoillseachadh aig 13:20 TSB 19 An t-Sultain
A dh'aindeoin an dualchais iomain bheartaich eatorra, chan eil Baile Ùr an t-Slèibh is Ceann a' Ghiùthsaich air coinneachadh sa chuairt dheireannaich mhòir ach seachd tursan gu seo.
Cha robh e comasach, cuimhnich, gu 1983, is gach cuairt dheireannach ron sin eadar tuath is deas.
Tha làmh an uachdair aig Ceann a' Ghiùthsaich anns na geamaichean sin, dìreach, is iad air ceithir às na seachd a bhuannachadh.
Tha am Baile Ùr air thoiseach uile gu lèir a thaobh Chupa na Camanachd ge-tà, 35 gu 26, agus 's iadsan a rinn a' chùis ann cuairt dheireannach Bhàideanach an-uiridh 3-2.
"Naidheachd mhòr"air fhoillseachadh aig 13:14 TSB 19 An t-Sultain
Alasdair MacIllinnein
Ag aithris à Pàirc MossfieldTha Roddy Young ann an sgioba Cheann a' Ghiùthsaich ach a dh'aindeoin gun deach ainmeachadh sa sguad - chan eil Dylan Borthwick fut. Tha e coltach gu bheil air a ghlùin a ghoirteachadh is cha bhi e a' cluich.
Ceann a' Ghiùthsaichair fhoillseachadh aig 13:08 TSB 19 An t-Sultain
Bob MacGriogair
Robert Mabon
Calum Grannd
Kieran Mac a’ Phearsain
Alexander Michie
Rory MacEachainn
Calum MacLay
Thomas Borthwick
Ruaridh MacAnndrais
Roddy Young
Savio Genini
Lee Bain
Sgioba a' Bhaile Ùirair fhoillseachadh aig 13:04 TSB 19 An t-Sultain
Kenny Ros
Rory Ceannadach
Craig Ritchie
Daniel Sloss
Steven Dòmhnallach
Arron MacBheathain
Tristan Ros
Drew Dòmhnallach
Brodie MacBheathain
Struan Ros
Matthew Sloss
Iain Robinson
Gach builleair fhoillseachadh aig 13:00 TSB 19 An t-Sultain
Tha feasgar air leth de dh'iomain romhainn ma-tha is bheir sinn thugaibh an naidheachd air fad às an Òban.
A' tòiseachadh dìreach an-dràsta tha prògram sònraichte aig Sgioba Spòrs BBC Radio nan Gàidheal - gheibhear an ceangal aig mullach na duilleige againn.
Bho 2f bidh ceangal ann cuideachd dhan phrògram air BBC ALBA is na dealbhan à Mossfield.
Fhad 's a tha sinn a' feitheamh air sin is fiosrachadh mu na sgiobaidhean, bheir sinn sgrìob luath tro beagan - agus dìreach beagan - den eachdraidh mhòir eadar Baile Ùr an t-Slèibh is Ceann a' Ghiùthsaich.
Aimsirair fhoillseachadh aig 12:56 TSB 19 An t-Sultain
Tha i air a bhith rudeigin caochlaideach tron mhadainn san Òban le beagan grèine ach le frasan trom. Tha dùil ri barrachd dhiubh feasgar.
Saoil an toir sin buaidh sam bith air a' gheama?
