Tha Ceann a' Ghiùthsaich air Cupa na Camanachd a bhuannachadh aig Pàirc Mossfield
Chrìochnaich a' chuairt dheireannach an aghaidh Bhaile Ùr an t-Slèibh 2-1
'S e Struan Ros a chuir a' chiad tadhal dhan Bhaile Ùr às dèidh còig mionaidean
Fhreagair Ruairidh MacAnndrais do Cheann a' Ghiùthsaich às dèidh 72 mionaidean
'S e MacAnndrais an uairsin a chuir Ceann a' Ghiùthsaich 2-1 air thoiseach sa chiad leth den ùine a bharrachd
Tha Ceann a' Ghiùthsaich a-nise air an cupa a thogail 27 tursan
Baile Ùr an t-Slèibh 1 Ceann a’ Ghiùthsaich 0
Tha Baile Ùr an t-Slèibh fo bheagan uallaich an seo is tha sgioba aithris BBC Spòrs ag ràdh gu bheil Ceann a' Ghiùthsaich "a' tionnadh na sgriubha".
Ach aig an ìre seo tha am Baile Ùr fhathast 1-0 air thoiseach.
Baile Ùr an t-Slèibh 1 Ceann a’ Ghiùthsaich 0
Ach cò ghèibh an t-òr?
Baile Ùr an t-Slèibh 1 Ceann a’ Ghiùthsaich 0
Bha coltas ann gun do bhuail an Dòmhnallach Young leis a chaman às dèidh dha a dhol sìos. Tha Steven MacLachlainn air cairt bhuidhe a shealltainn dhan Dòmhnallach is chan urrainn dha gearan a dhèanamh.
Baile Ùr an t-Slèibh 1 Ceann a’ Ghiùthsaich 0
Kenny Ros a-rithist a' cumail a' Bhaile Ùir 1-0 air thoiseach, an turas seo às dèidh oidhirp bho Roddy Young.
Fhuair Young am ball a-rithist is chaidh e sìos gu trom às dèidh slaic bho Steven Dòmhnallach - cha robh sin a' coimhead math idir.
Baile Ùr an t-Slèibh 1 Ceann a’ Ghiùthsaich 0
Bha e na bu choltaiche ri BBC Aimsir na BBC Spòrs aig leth-ùine an sin is tòrr bruidhinn air buaidh na gaoith. An do rinn Baile Ùr an t-Slèibh gu leòr leatha? An dèan Ceann a' Ghiùthsaich barrachd feum dhi?
Gheibh sinn a-mach a dh'aithghearr is an dàrna leth dìreach a' tòiseachadh.
Baile Ùr an t-Slèibh 1 Ceann a’ Ghiùthsaich 0
Cothrom anail a ghabhail is cupa teatha a dhèanamh!
Baile Ùr an t-Slèibh 1 Ceann a’ Ghiùthsaich 0
Chaidh a' chiad leth seachad ann am priobadh na sùla!
Tha am Baile Ùr 1-0 air thoiseach is an tadhal ann tràth bho Struan Ros.
Tha ceistean ann às ùr mu cho fut 's a tha cuid de chluicheadairean Cheann a' Ghiùthsaich - ach bidh iad riaraichte gu leòr nach do chaill iad ach an aon tadhal nuair a bha a' ghaoth nan aghaidh. Is chruthaich iad cothroman iad fhèin cuideachd.
Cùisean glè fhaisg!
Baile Ùr an t-Slèibh 1 Ceann a’ Ghiùthsaich 0
Tha bodach a' Bhaile Ùir air an sàbhaladh a-rithist anns na dìogan mu dheireadh den chiad leth, an turas seo às dèidh oidhirp bho Genini.
Baile Ùr an t-Slèibh 1 Ceann a’ Ghiùthsaich 0
Tha Thomas Borthwick ceart gu leòr 'son cumail a' dol aig an ìre seo.
Bidh seo uile na uallach do Raghnall Ros, ach tha Somhairle MacDhòmhnaill ag ràdh gum bi Raghnall an ìre mhath toilichte co-dhiù nach do chuir am Baile Ùr ach aon tadhal gu seo is a' ghaoth air an cùlaibh.
Am faigh iad tadhal eile ro letheach slighe? Tha e a-nise a' teannadh dlùth.
Baile Ùr an t-Slèibh 1 Ceann a’ Ghiùthsaich 0
Bha Calum MacLay sìos an sin treis 'son Cheann a' Ghiùthsaich agus tha seann chluicheadair GMA air a bhith air a ghoirteachadh bho chionn ghoirid. Ach tha Calum air ais air a chasan is tha e a' leantainn air aig an ìre seo co-dhiù.
Ach tha ceist ann mu Thomas Borthwick a-nise - fear eile a tha air a bhith air a ghoirteachadh. Tha Borthwick a-nise air a dhol sìos is tha e a' faighinn beagan taice.
Baile Ùr an t-Slèibh 1 Ceann a’ Ghiùthsaich 0
Bha Somhairle MacDhòmhnaill a' togail an sin air cho faisg 's a tha an dà bheingidh air a chèile. Nach math gu bheil Dòmhnall MacLaomainn ann gus an t-sìth a chumail.
Baile Ùr an t-Slèibh 1 Ceann a’ Ghiùthsaich 0
25 mionaidean air an cluich a-nise is 's e an tadhal tràth ud bho Struan Ros a tha a' sgaradh nan sgiobaidhean - chì sibh an tadhal aig mullach na duilleige.
Tha e coltach gun robh deasbad ann an robh Iain Robinson dheth, ach chaidh co-dhùnadh nach robh is sheas an tadhal.
Baile Ùr an t-Slèibh 1 Ceann a’ Ghiùthsaich 0
Obair air leth bho Kenny Ros eadar nam post aig a' Bhaile Ùr gus stad a chur air oidhirp bho Thomas Borthwick.
Bha am ball a' gluasad san aidhear agus 's e sàbhaladh sgoinneil a bh' ann bho Ros.
Baile Ùr an t-Slèibh 1 Ceann a’ Ghiùthsaich 0
Tha Conor Jones a' tighinn a-steach airson a' Bhaile Ùir an àite Brodie MhicBheathain.
Tha Dòmhnall MacLaomainn ag ràdh gu bheil e a' tuigsinn gur e atharrachadh tactaigeach a tha sin.
Baile Ùr an t-Slèibh 1 Ceann a’ Ghiùthsaich 0
Leth chothrom aig Ceann a' Ghìuthsaich an sin is Savio Genini a' feuchainn bho astar ach chaidh e seachad air a' phost.
Alasadair MacIllinneinn a' faireachdainn nach eil Ceann a' Ghiùthsaich "buileach cofhurtail" aig an ìre seo.
Baile Ùr an t-Slèibh 1 Ceann a’ Ghiùthsaich 0
'S e Matthew Sloss a bh' ann is an oidhirp aige dìreach rud beag ro àrd.
Tha Sloss glè eòlach air a' phàirc seo is e air fàs suas ann an dathan Camanachd an Òbain, mus do ghluais e dhan Bhaile Ùr.
Baile Ùr an t-Slèibh 1 Ceann a’ Ghiùthsaich 0
Steven MacLachlainn le facal ann an cluas Savio Genini an sin às dèidh do Savio Craig Ritchie a leagail gu làr.
Tha na balaich air BBC Radio nan Gàidheal a' togail air buaidh na gaoithe an sin is slaic bho Steven Dòmhnallach a' dol bho aon cheann den phàirc den cheann eile.
Tha a' ghaoth sin ann am fàbhar a' Bhaile Ùir an-dràsta is tha iad air thoiseach 1-0 le 13 mionaidean air an cluich.
Baile Ùr an t-Slèibh 1 Ceann a’ Ghiùthsaich 0
'S e Struan Ros a chuir am ball dhan lìon le slaic air leth.
Bha beagan de cheist am measg nan oifigearan 'son dìog no dhà ach cha robh dad ceàrr air an tadhal is tha am Baile Ùr air thoiseach is còig mionaidean air an cluich.
Baile Ùr an t-Slèibh 1 Ceann a’ Ghiùthsaich 0
Baile Ùr an t-Slèibh 0 Ceann a’ Ghiùthsaich 0
Tha a' ghaoth air cùl Bhaile Ùr an t-Slèibh sa chiad leth.
An geama fhathast a' seattlaigeadh aig an ìre seo is Thomas Borthwick air bùrach a dhèanamh de bhuille a-steach.
Chan ann tric a thachras sin.
