Ihe ị kwesiri ịma maka iwu ọhụrụ haziri mmekọ ndị nwere ụlọ na ndị bi na be ha n'Enugu state
Ọbụghịzi ihe ọhụrụ na Ụlọ omeiwu n'Enugu state mepụtala iwu machiri atụtụ ego ndị nwere ụlọ na-anara ndị bi n'ụlọ ha maọbụ ndị na-achọ ịkwabata n'ụlọ ha.
Iwu ahụ wepụtara usoro ndị na-achọrọ mmadụ ụlọ Bekee kpọrọ 'agents' si arụ ọrụ, wepụta ego ole ha kwesiri ịnara nakwa ego ole ndị ọkaikpe na-elekọtara ndị mmadụ ụlọ ha kwesiri ịnara na ihe ndị ọzọ ma nyekwa ntaramaahụhụ ndị dara iwu ahụ.
Omeiwu Anthony Okey Mbah, na-anọchitaanya Nkanu East Constituency ma bụrụ onyeisiala na Kọmittee na-ahụ maka ụlọ obibi nakwa ego mmepe si mba ofesi n'ụlọomeiwu Enugu state kowara ihe ihe ndị kacha mkpa n'iwu ahụ.
Okey kwukwara ka ha si mee na-enweghị onye e megidere n'iwu ahụ.
Okey ji ohere ahụ kọwaa etu a ga-esi mee ka onye ọbụla rubeisi n'iwu ahụ
N'ihe ndị a niile, a na-atụanya na Iwu a ga-ebido ọrụ mgbe ọbụla Gọvanọ Peter Mbah binyere aka na ya nke nwereike ime nso nso a.



