آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
دنیا بھر میں کورونا کے مصدقہ متاثرین کی تعداد 89 لاکھ سے زائد جبکہ ہلاکتوں کی مجموعی تعداد چار لاکھ 67 ہزار سے بڑھ گئی ہے۔ پاکستان میں متاثرین کی تعداد ایک لاکھ 80 ہزار سے زیادہ جبکہ اموات کی کُل تعداد 3587 ہے۔ برازیل، میکسیکو اور انڈیا کے بعد پاکستان ایسا ملک ہے جہاں اموات اور متاثرین کی تعداد کی شرح میں مسلسل تیزی سے اضافہ ہو رہا ہے۔ پاکستان متاثرین کی عالمی فہرست میں 14ویں نمبر پر آ گیا ہے۔
دنیا بھر کے مختلف ممالک میں کورونا وائرس سے متاثرین کی تعداد 8,768,285 ہو گئی ہے۔
جانز ہاپکنز یونیورسٹی کی جانب سے جاری اعداد و شمار کے مطابق دنیا میں کورونا وائرس سے ہلاکتوں کی تعداد 464,029 ہو گئی ہے۔
سب سے زیادہ ہلاکتوں کی تعداد امریکہ میں ہوئی ہے۔ وہاں 119,719 مریض ہلاک ہو چکے ہیں۔
دیگر ممالک میں صورتحال کچھ یوں ہے۔
برازیل: 49,976
برطانیہ:42,674
اٹلی: 34,610
فرانس: 29,636
سپین: 28,322
میکسیکو: 20,781
انڈیا: 12,948
بیلجیئم: 9,696
ایران:9,507
جہاں دنیا کے متعدد ممالک میں کورونا وائرس کی روک تھام کے لیے عائد پابندیوں میں نرمی ہو رہی ہے وہیں اس امر پر بھی توجہ مرکوز ہے کہ اس وبا کی دوسری لہر سے کیسے بچا جا سکتا ہے۔
پاکستان کی وزیرِ مملکت برائے ماحولیاتی تبدیلی نے سنیچر کو سرکاری ٹی وی پر ایک پروگرام میں کہا کہ ’کووڈ 19 کا مطلب ہے کہ اس کے 19 پوائنٹس ہیں جو کسی بھی ملک میں کسی بھی طریقے سے اپلائے ہو سکتا ہے۔ اپنی قوت مدافعت کو وہ پیدا کریں یہ فلو ہے۔‘
تاہم سوشل میڈیا پر اس بیان کی وجہ سے صارفین کی جانب سے ان کی معملومات پر حیرت کا اظہار اور بہت حد تک تنقیدی ردِعمل کو دیکھنے کے بعد انھوں نے ان کی وضاحت کی۔
اپنی ٹویٹ میں انھوں نے لکھا کہ کہ وہ کہنا چاہتی تھیں کہ ’وبا کا اثر، مختلف ممالک میں مختلف ہے۔چنف لمحوں کی خطا پر یوں ماتم کناں ہونے کے بجائے اپنی جماعتوں کے حشر نشر پر توجہ دیں۔۔۔‘
سندھ حکومت کے ترجمان مرتضیٰ وہاب کا کورونا وائرس کا ٹیسٹ مثبت آیا ہے۔
میڈیا رپورٹس کے مطابق مریضیٰ وہاب نے کہا ہے کہ انھوں نے گھر پر خود کو قرنطینہ کر لیا ہے اور بظاہر ان میں کورونا کی علامات نہیں ہیں اور وہ ٹھیک ہیں۔
سماجی رابطوں کی ویب سائٹ ٹوئٹر پر پی ٹی آئی کے رہنما شہباز گلِ نے مرتضیٰ وہاب کی صحت یابی اور استقامت کے لیے دعائیہ پیغام لکھا۔
سپین کے حکام کا کہنا ہے کہ برطانوی سیاحوں پر سپین میں داخلے کے بعد قرنطینہ رہنے کی پابندی نہیں ہو گی۔
سپین کے وزیرِ خارجہ نے بی بی سی کو بتایا ہے کہ برطانوی شہریوں کو خود ساختہ تنہائی میں جانے کی ضرورت نہیں ہو گی وہ سپین میں آزادانہ گھوٹ پھر سکتے ہیں۔
وزیر خارجہ کا کہنا تھا کہ احتراماً کیا گیا ہے ان چار لاکھ برطانوی شہریوں کے لیے جن کا سپین میں دوسرا گھر ہے۔
لیکن ابھی برطانیہ میں نافذ قوانین کے مطابق جو بھی برطانیہ میں واپس آئے گا یا وہاں داخل ہو گا اس کے لیے دونوں صورتوں میں 14 دن کے لیے خود ساختہ تنہائی اخِتیار کرنا ضروری ہو گی۔
برطانیہ میں قرنطینہ کی پاندیوں پر نظرثانی 29 جون کو ہو گی۔
برطانوی حکام نے خبردار کیا تھا کہ لوگ انتہائی ضرورت پڑنے پر ہی ملک سے باہر سفر کریں۔
دنیا بھر میں کورونا وائرس کا پھیلاؤ جاری ہے اور اب تک مصدقہ متاثرین کی تعداد 83 لاکھ اور ہلاکتوں کی تعداد ساڑھے چار لاکھ سے زیادہ ہے۔ پاکستان پر نظر ڈالیں تو وہاں کورونا سے متاثر ہونے والے افراد کی تعداد ایک لاکھ 60 ہزار سے زیادہ ہے جبکہ تین ہزار سے زیادہ افراد اس وبا کے نتیجے میں ہلاک ہوئے ہیں۔
محققین کے مطابق دنیا میں کورونا سے متاثر ہونے والے 80 فیصد افراد میں اس کی معمولی علامات ہی دکھائی دی ہیں اور ایسے لوگ جن میں یہ علامات شدت سے پائی گئیں اقلیت میں ہیں۔
سو سوال یہ ہے آپ اسے کیسے شناخت کر سکتے ہیں۔
یہ ایک غیر معمولی اور خوش آئند لمحہ ہے کہ ہم کووڈ 19 کے علاج کے بارے میں کچھ مثبت کہنے کے قابل ہوئے ہیں۔
ایک ہفتے پہلے تک جان بچانے والی کسی بھی دوا کی تصدیق نہیں ہو سکی تھی لیکن اب ہمارے پاس ڈیکسامیتھازون ہے، جس سے وینٹیلیٹر پر موجود ایک تہائی مریضوں میں موت کے خطرے کو کم کیا جا سکتا ہے اور جو مریض آکسیجن پر ہوں ان میں سے 20 فیصد کو بچایا سکتا ہے۔
بی بی سی کے طبی نامہ نگار فرگوسن والش بتاتے ہیں کہ اس دوا نے ماہرین کی توجہ کیسے حاصل کی۔ ان کے اس مضمون میں پڑھیے۔
پاکستان کے صوبہ پنجاب میں عوامی مقامات پر منہ ڈھانپنے کی پابندی عائد کر دی گئی ہے۔
اس حوالے سے سیکرٹری پرائمری اینڈ سیکنڈری ہیلتھ کئیر ڈیپارٹمنٹ کیپٹن (ر) محمد عثمان نے نوٹیفکیشن جاری کردیا۔
یہ پابندی قانون برائے امتناع وبائی امراض پنجاب 2020 کے سیکشن 4 اور 5 کے تحت لگائی گئی جس کے تحت لوگوں کے لیے عوامی مقامات پر منہ ڈھانپنا لازم ہو گا۔
نوٹیفکیشن کے مطابق منہ ڈھانپے بغیر آئے گاہکوں کو کسی قسم کی سروس فراہم نہ کی جائے۔
ضلعی انتظامیہ اور پولیس سے کہا گیا ہے کہ وہ اس پابندی پر سختی سے عمل درآمد کروایں۔
نوٹیفکیشن پابندی کورونا وائرس کی بگڑتی صورتحال کے پیش نظر لگائی گئی ہے۔
سیکرٹری پرائمری اینڈ سیکنڈری ہیلتھ کئیرکیپٹن (ر) محمد عثمان کا کہنا ہے کہ منہ ڈھانپنے سے کورونا وائرس کے پھیلاؤ میں کمی لائی جا سکتی ہے۔
پابندی کا اطلاق فی الفور ہو گا، ہابندی تاحکم ثانی لاگو رہے گی۔
چلی نے اعلان کیا ہے کہ وہ اموات شمار کرنے کے نئے طریقہ کار کے تحت ملک میں کورونا وائرس سے ہلاکتوں کی تعداد میں 3069 کا اضافہ کرے گا۔
چلی لاطینی امریکہ میں سب سے زیادہ متاثرہ ممالک میں سے ہے جہاں اب تک دو لاکھ 37 ہزار سے زیادہ متاثرین کی تصدیق ہو چکی ہے۔ نظرِثانی شدہ اعداد و شمار کا مطلب ہے کہ یہاں اموات کی تعداد سات ہزار سے بڑھ جائے گی۔
نئے طریقہ کار کے تحت وہ ممکنہ اموات بھی شمار کی جائیں گی جن کی تصدیق لیبارٹری ٹیسٹوں کے ذریعے نہیں ہوئی ہے۔
تازہ ترین پیش رفت سرکاری اعداد و شمار پر ہونے والے تنازعے پر گذشتہ ہفتے وزیرِ صحت جیمی مینالیچ کو ہٹائے جانے کے بعد سامنے آئی ہے۔
چلی میں مرض تیزی سے پھیل رہا ہے اور دائیں بازو کی جانب جھکاؤ رکھنے والی حکومت نے ہنگامی صورتحال میں 90 روز کی توسیع کر دی ہے، جس کے تحت حکام کو نقل و حرکت کی آزادی روکنے کے غیر معمولی اختیارات حاصل ہوجاتے ہیں۔
دارالحکومت سینٹیاگو میں مکمل لاک ڈاؤن نافذ کیا جا چکا ہے جہاں پابندیوں پر عملدرآمد یقینی بنانے کے لیے فوج تعینات ہے۔
پاکستان کے زیر انتظام کشمیر کے حکام کے مطابق گزشتہ چوبیس گھنٹوں کے دوران ایک خاتون سمیت 10 مزید افراد میں کورونا وائرس کی تشخیص ہوئی ہے جس کے بعد اس خطے میں کورونا سے متاثر افراد کی تعداد 813 ہوگے ہیں۔
حکام کے مطابق کورونا وائرس سے متاثر ہونے والے افراد میں ایک ڈاکٹر اور پیرا میڈیکل اسٹاف کا ممبر بھی شامل ہے۔
صحافی ایم اے جرال کے مطابق حکام کا کہنا ہے کہ مختلف آئیسولیشن ہسپتالوں میں کورونا کے زیر علاج دو مریض چل بسے جس کے بعد اس خطے میں کورونا وائرس سے ہلاک ہونے والوں کی تعداد 19 ہوگی ہے۔
ضلع مظفرآباد کے ہلیتھ آفیسر ڈاکٹر سعید کے مطابق مظفرآباد آئسولیشن ہسپتال میں ایک مریض ہلاک ہوگیا جبکہ کورونا وائرس سے متاثر ہونے والے ایک خاتون سمیت 4 افراد کا تعلق مظفرآباد سے ہے جبکہ ایک کا تعلق نیلم ویلی سے ہے۔
ضلع ہٹیاں کے ہیلتھ آفیسر ڈاکٹر نعمان منظور کے مطابق ایک شخص ہٹیاں میں کورونا وائرس سے متاثر ہوا ہے۔
میرپوز کے کمشنر محمد رقیب خان کے مطابق کورونا وائرس سے متاثر ہونے والے دو افراد کا کوٹلی جبکہ ایک کا بھمبر سے ہے۔
ڈپٹی کمشنر سدھنوتی ندیم احمد جنجوعہ کے مطابق کورونا کا ایک مریض پلندری میں ہلاک ہوگیا جبکہ ایک شخص کورونا سے متاثر ہوا ہے۔
حکام کے مطابق کورونا کے مزید 19 مریض صحتیاب ہوئے ہیں جس کے بعد اس خطے میں صحتیاب مریضوں کی تعداد 336 ہوگی ہے۔ حکام کے مطابق اب تک اس خطے کے 13339 مشتبہ افراد کے ٹیسٹ لیے گے ہیں.
برطانیہ میں کورونا وائرس سے ہلاکتوں کی مجموعی تعداد میں گذشتہ 24 گھنٹے میں 128 کا اضافہ ہوا ہے۔
یوں یہاں ہلاکتوں کی کُل تعداد 42 ہزار 589 ہوگئی ہے۔
دوسری جانب شمالی آئرلینڈ کے حکام نے اعلان کیا ہے کہ لاک ڈاؤن کے نفاذ سے اب تک پہلی مرتبہ ایسا ہوا ہے کہ 24 گھنٹوں میں کووڈ 19 کے کوئی نئے متاثرین سامنے نہیں آئے ہیں۔
جمعرات کی شام سے لے کر جمعے کی شام تک کوئی بھی مثبت متاثرہ شخص سامنے نہیں آیا۔
تاہم اسی دورانیے میں وہاں ایک مزید ہلاکت سامنے آئی جس کے بعد شمالی آئرلینڈ میں ہلاکتوں کی مجموعی تعداد 545 ہوگئی ہے۔
پاکستان کے صوبہ پنجاب میں مزید 1523 افراد میں کورونا وائرس کی تشخیص کے بعد صوبے میں متاثرین کی تعداد 65739 ہو گئی ہے۔
صوبے میں وبا کے باعث اب تک 1407 افراد ہلاک ہو چکے ہیں جن میں 60 افراد گذشتہ 24 گھنٹوں میں ہلاک ہوئے۔
پنجاب میں 18692 افراد اس مرض سے صحت یاب ہو چکے ہیں۔
دنیا بھر میں کورونا وائرس سے ہلاک ہونے والے افراد کی تدفین کے بہت دلخراش مناظر سامنے آئے ہیںخاص ھور پر ان میتوں کے جن کاایک بھی پیارا ان کی آخری رسومات میں شامل نہ ہوا ہو۔
یہ مناظر نہ صرف کورونا وائرس سے موت واقع ہونے کے خوف کو بڑھاوا دے رہے ہیں بلکہ لوگوں کے دلوں میں کورونا سے ہلاک ہونے والوں کی لاشوں سے بھی خوف کو جنم دے رہے ہیں۔
تو کیا کورونا وائرس سے متاثرہ افراد کی لاشوں سے کووڈ 19 وائرس دوسروں میں منتقل ہو سکتا ہے؟ کیا ان کی جنازے ادا کرنا محفوظ ہے اور کیا ان کی آخری رسومات باعزت طریقے سے انجام دی جا سکتی ہیں؟
اس مضمون میں ہم نے ایسے ہی چند سوالوں کے جوابات دینے کی کوشش کی ہے۔
محکمہ صحت گلگت بلتستان کے مطابق 25 نئے مریضوں کے ساتھ گلگت بلتستان میں مجموعی متاثرین کی تعداد 1278 ہوگئی ہے۔
ہلاکتوں کی مجموعی تعداد 21 ہے۔
مزید 21 مریض صحت یاب ہوئے ہیں جس کے بعد صحت مند مریضوں کی تعداد 837 ہوگئی ہے جبکہ اس وقت 420 مریض زیر علاج ہیں۔ جس میں اس وقت 296 مرد اور 124 خواتین شامل ہیں۔
محکمہ صحت گلگت بلتستان کے مطابق اس وقت سب سے زیادہ متاثرہ اضلاع میں ہنزہ میں 107،گلگت میں 74، سکردو میں 73، استور میں 53 ہیں۔
بلوچستان میں کورونا کے 166 نئے متاثرین سامنے آنے کے بعد متاثرین کی مجموعی تعداد 9328 ہوگئی ہے۔
صوبائی طبی حکام کے مطابق کورونا سے ہلاک ہونے والے افراد کی مصدقہ تعداد 100 ہے۔
محکمہ صحت حکومت بلوچستان کے ترجمان ڈاکٹر وسیم بیگ کے مطابق 20 جون 2020 کو کورونا کے 661 ٹیسٹ کیے گئے جن میں سے 166 مثبت آئے۔
بلوچستان میں اب تک کورونا کے مجموعی طور پر 42 ہزار 397 ٹیسٹ کیے گئے ہیں جن میں سے33 ہزار 69 کے نتائج منفی آئے۔
صوبے میں کورونا وائرس سے اب تک 3472 افراد صحتیاب ہوئے ہیں۔
دلی میں کووڈ 19 متاثرین کے لیے پانچ روزہ سرکاری قرنطینے کا قاعدہ متعارف کروائے جانے کے چند گھنٹے بعد ہی واپس لے لیا گیا ہے۔
آج دلی کی ریاستی حکومت نے اعلان کیا تھا کہ جن متاثرین کو ہسپتال جانے کی ضرورت نہیں ہوگی انھیں سرکاری قرنطینے میں لازمی طور پر رہنا ہوگا کیونکہ حکام کے مطابق گھروں پر ایسے افراد کی نگرانی مشکل ثابت ہو رہی تھی۔
لیکن بعد میں ان خدشات کا اظہار کیا گیا کہ اگر لوگوں کو زبردستی کسی قرنطینے میں رکھا گیا تو شاید لوگ ٹیسٹ کروانے سے ہی کترانے لگیں۔ یہ بھی خدشات تھے کہ اس نئی پالیسی سے پہلے ہی دباؤ کی شکار طبی سہولیات مزید دباؤ کی متحمل نہیں ہو سکیں گی۔
سندھ میں گذشتہ 24 گھنٹوں کے دوران 2190 نئے متاثرین سامنے آئے ہیں جس کے بعد یہاں متاثرین کی کُل تعداد 67 ہزار 353 ہوگئی ہے۔
اسی دورانیے میں اس صوبے سے 35 مزید ہلاکتوں کی تصدیق کی گئی ہے اور یوں صوبے میں ہلاکتوں کی کُل تعداد ایک ہزار 48 تک پہنچ گئی ہے۔
سندھ کے محکمہ صحت کے مطابق 67 ہزار 353 میں سے 65 ہزار 127 متاثرین میں یہ مرض مقامی طور پر منتقل ہوا۔
صوبے میں اب تک کُل 34 ہزار 112 افراد اس مرض سے متاثر ہونے کے بعد صحتیاب ہو چکے ہیں۔
اب تک کے اعداد و شمار کے مطابق سندھ متاثرین کی تعداد کے اعتبار سے جبکہ پنجاب ہلاکتوں کی تعداد کے اعتبار سے سب سے زیادہ متاثر صوبہ ہے۔
بنگلہ دیش کرکٹ ٹیم کے سابق کپتان اور فاسٹ بولر مشرفی مرتضٰی کا کورونا ٹیسٹ مثبت آگیا ہے۔
36 سالہ مرتضی بنگلہ دیس کی قومی پارلیمان کے رکن بھی ہیں۔
سنہ 2001 میں پہلے میچ کے بعد انھوں نے تمام فارمیٹس کے کل 310 میچز میں 390 وکٹیں حاصل کیں۔
ایک دوسرے سپنر 28 سالہ نظام السلام اور 34 سالہ بلے باز نفیس اقبال کا بھی کورونا ٹیسٹ مثبت آ چکا ہے۔
بنگلہ دیش میں کورونا کے متاثریں کی تعداد ایک لاکھ سے تجاوز کر چکی ہے اور 1400 ہلاکتیں ہوئی ہے۔