ትራምፕ ምቍራጽ ተዅሲ ኢራንን እስራኤልን ግብራዊ ምዃኑ ኣፍሊጡ

ቀጥታዊ ሸፈነ

1. 15 ሰነ 2026ሙሉእ መግለጺ ቀዳማይ ሚኒስትር ፓኪስታን

   ኣብ መንጎ ኣመሪካን ኢራንን ስምምዕ ሰላም ከም ዝተበጽሐ ዝሕብር ምሉእ መግለጺ ቀዳማይ ሚኒስተር ፓኪስታን ሸህባዝ ሸሪፍ እንሆ፤

   "ድሕሪ ጽዑቕ ዝርርብ፡ ኣብ መንጎ ሕቡራት መንግስታት ኣመሪካን እስላማዊት ሪፓብሊክ ኢራንን ዝተበጽሐ ስምምዕ ሰላም ከምዝተበጽሐ ብሓጎስ ንሕብር።"

   "ክልቲኦም ወገናት ኣብ ሊባኖስ ሓዊሱ ኣብ ኩሉ ግንባራት ዝካየድ ዘሎ ወተሃደራዊ ስርሒታት ብቕልጡፍን ብቐዋምን ደው ክብል ኣዊጆም ኣለዉ።"

   "ወግዓዊ ስነ-ስርዓት ምፍርራም ዓርቢ 19 ሰነ ኣብ ስዊዘርላንድ ክካየድ እዩ። ሕቡራት መንግስታት ኣመሪካን እስላማዊት ሪፓብሊክ ኢራንን ነቲ ግጭት ዲፕሎማስያዊ ፍታሕ ንምርካብ ንዝገበርዎ ተወፋይነት ከነመስግኖም ንፈቱ።"

   "ኣብዚ ናይ ሽምግልና ጻዕሪ ንዝርከቡ ኣሕዋትና፡ ዓቢ መሪሕነት ሃገረ ቀጠር፡ ኣብዚ ስምምዕ እዚ ንምብጻሕ ንዝገበርዎ ደገፍ'ውን ልባዊ ምስጋናና ከነቕርብ ንፈቱ።"

   "ብፍላይ ንራእይ ዘለዎ ኣመራርሓ ንግስነት ስዑዲ ዓረብን ሪፓብሊክ ቱርክን ኣብዚ መዳይ ንዝገበርዎ ዘይተኣደነ ኣበርክቶ'ውን ከመስግኖም እየ።"

   "ሕጂ እቲ ስምምዕ ኣብ ቦትኡ ምስ ዝህሉ፡ ተዛተይቲ ኣብዚ ሰሙን ተኸታታሊ ኣኼባታት ከመቻችኡ እዮም። እዚ ቅድሚ ትግባረ እዚ ስምምዕ ዝግበር ዘተታት መሰረት ናይቲ ቴክኒካዊ ዝርርብን ወግዓዊ ስነ-ስርዓት ምፍርራምን ክኸውን'ዩ።"

2. 15 ሰነ 2026ቀዳማይ ሚኒስትር ፓኪስታን፡ ኣመሪካን ኢራንን ኣብ ስምምዕ ከም ዝበጽሓ ኣፍሊጡ

   ኣብ መንጎ ኣመሪካን ኢራንን ስምምዕ ከም ዝተበጽሐ፡ ከም መንጐኛ ኰይኑ ክሰርሕ ዝጸንሐ ቀዳማይ ሚኒስተር ፓኪስታን ሸህባዝ ሸሪፍ ገሊጹ።

   "ድሕሪ ጽዑቕ ዝርርብ፡ ኣብ መንጎ ሕቡራት መንግስታት ኣመሪካን እስላማዊት ሪፓብሊክ ኢራንን ኣብ ስምምዕ ሰላም ከም ዝተበጽሐ ብሓጎስ ንሕብር" ክብል ኣብ ኤክስ ጽሒፉ።

   "ክልቲኦም ወገናት ኣብ ሊባኖስ ሓዊሱ ኣብ ኩሉ ግንባራት ዝካየድ ወተሃደራዊ ስርሒታት ብቕልጡፍን ቀዋምን ደው ክብል ኣዊጆም ኣለዉ።"

   ወሲኹ ድማ ወግዓዊ ስነ-ስርዓት ምፍራም 19 ሰነ 1026 ኣብ ስዊዘርላንድ ከም ዝካየድ ኣመልኪቱ።

   ሰበስልጣን ኢራንን ኣመሪካን ብዛዕባ እዚ ምልክታ ክሳብ ሕጂ ርእይቶ ኣይሃቡን።

   ፕረዚደንት ኣመሪካ ዶናልድ ትራምፕ፡ ኣመሪካን ኢራንን ኣብ ስምምዕ ከም ዝበጽሓ ፓኪስታን ዘቕረበቶ ጸብጻብ ኣረጋጊጹ'ዩ።

   "እቲ ምስ እስላማዊት ሪፓብሊክ ኢራን ዝተገብረ ስምምዕ ሕጂ ተዛዚሙ ኣሎ" ክብል ኣብ ትሩዝ ሶሻል ሓቢሩ።

   "በዚ ንመጻብቦ ሆርሙዝ ብዘይ ክፍሊት ንኽኽፈት ምሉእ ብምሉእ እፈቅድ፡ ብተመሳሳሊ መገዲ ድማ እገዳ ሓይሊ ባሕሪ ኣመሪካ ብቕልጡፍ ክእለ ፍቓድ እህብ፡" ይብል።

   "መራኽብ ዓለም ሞተርኩም ኣልዕሉ። ነዳዲ ክውሕዝ'ዩ!"።

   

   ምንጪ ስእሊ, Getty Images

3. 15 ሰነ 2026ድሕሪ ካብ 14- 15 ሰዓታት ዝወሰደ ዝርርብ ዝተበጽሐ ስምምዕ

   

   ምንጪ ስእሊ, Getty Images

   ምክትል ሚኒስተር ጉዳያት ወጻኢ ኢራን፡ መንጎኛታት ቀጠር ኣብ ረቂቕ ሰነድ ምርድዳእ ኣመሪካን ኢራንን ኣብ ስምምዕ ንምብጻሕ፡ ኣብ ቴህራን "ካብ 14 ክሳብ 15 ሰዓታት ዝወሰደ ነዊሕ ዝርርብ" ከም ዘካየዱ ገሊጹ።

   ካዘም ጋሪባባዲ ሎሚ ሰኑይ ንመንግስታዊ ማዕከናት ዜና ኢራን ኣብ ዝሃቦ መግለጺ ”እዚ መስርሕ ድርድር ነዊሕ ግዜ ወሲዱ” ኢሉ።

   "ልኡኽ ቀጠር ትማሊ ኣብ ቴህራን ኣብ ዝነበረሉ እዋን፡ ኣብ መንጐ ኢራንን ኣመሪካን ኣብ ኢስላማባድ ዝተበጽሐ ሰነድ ምርድዳእ ዝምልከት ዘተ ንምዝዛም'ዩ ነይሩ። ኣስታት 14 ክሳብ 15 ሰዓታት ዝወሰደ ነዊሕ ዝርርብ ድማ ተኻይዱ።

   እስላማዊት ሪፓብሊክ ኢራን ኣብቲ ጽሑፍ ናይ መወዳእታ ምምሕያሻት ክግበር ኣቕሪባ። ባህርያዊ’ዩ፡ እቶም ምምሕያሻት ተቐባልነት ረኺቦም፡ ጽሑፍ ናይቲ ኣብ እስላማባድ ዝተገብረ ናይ ምርድዳእ ሰነድ ድማ ተዛዚሙ፡" ኢሉ።

   እቲ ምክትል ሚኒስተር፡ ዝርርብ ናይ መወዳእታ ስምምዕ ኣብ ውሽጢ 60 መዓልታት ዝካየድ ኰይኑ፡ ኢራን "ሓያሎ ክትምልሶም ዘለዋ ጉዳያት" ከም ዘለዋን፡ ቀዳምነት ዝወሃቦ ድማ ኩሉ ኣብ ልዕሊኣ ዝነበረ እገዳ ምልዓል ምዃኑን ገሊጹ።ናይ 15 ሰነ 2026 ምዕባለታት ብሓጺሩን ብቐጥታን ኣብዚ ከነቕርበልኩም ኢና።

   ሰናይ መዓልቲ።

4. 14 ሰነ 202610 ብሉጻት ማልያታት ዋንጫ ዓለም

5. 14 ሰነ 2026ትራምፕ ሎሚ ስምምዕ ክፍረም ይፅበ፡ ኢራን ግን ትጠራጠር

   

   ምንጪ ስእሊ, Reuters

   ኣመሪካን ኢራንን፡ እቲ ንነዊሕ እዋን ትፅቢት ዝተገብረሉ ስምምዕ ሰነድ፡ ክፈራረማ ትጽቢት ከምዝግበር ሰበስልጣን ፓኪስታን ገሊጾም።

   ፕረዚደንት ዶናልድ ትራምፕ፡ እቲ ስምምዕ ሎሚ ኣብ መበል 80 ዓመት ልደቱ፡ ክፍረም ትጽቢት ይገብር ኣሎ።

   ይኹን እምበር ኢራን፡ ኣብ ምፍራም እቲ ስምምዕ ክሳብ ሕጂ ጥርጣረ ከምዘለዋ ገሊጻ ኣላ፤ ተቓወምቲ ጉጅለታት ኢራን እውን ብዛዕባ እቲ ስምምዕ ገለ ስክፍታ ኣለዎም።

   ቀዳማይ ሚኒስትር ፓኪስታን ሻህባዝ ሸሪፍ፡ ክልቲኦም ወገናት ኣብ መዘክር ሰነድ ምርድዳእ ከምዝተሰማምዑ ገሊፁ።

   እቲ ቀዳማይ ሚኒስተር፡ እቲ ስምምዕ ምስ ተፈረመ ብደረጃ ክኢላታት ዝመጽእ ሰሙን ዝርርብ ክቕጽል ምዃኑ ገሊጹ።

   ትራምፕ ብወገኑ፡ እቲ ስምምዕ ምስተፈረመ ሽዑንሽዑ መጻብቦ ሆርሙዝ ክኽፈት ምዃኑ ሓቢሩ።

   ብዓቢኡ ንኽልቲአን ሃገራት ዘሸማግላ ዘለዋ ሃገራት ፓኪስታንን ቀጠርን ዝርከበአን ሃገራት እውን፡ ኣብቲ ስምምዕ ክፍርማ ትጽቢት ይግበር።

   ብመሰረት እቲ ሰነድ ምርድዳእ፡ ተኹሲ ደው ምባል ን60 መዓልታት ክናዋሕ ምዃኑን፡ ብዛዕባ ኒዩክለራዊ ፕሮግራም ኢራን ዝምልከት ልዝብ ክጅምር ምዃኑ ተፈሊጡ ኣሎ።

   

   ምንጪ ስእሊ, Atta Kenare / AFP via Getty Images

6. 14 ሰነ 2026ዝኽሪ በዓል ዓወት ዓድዋ ኣብ ግዝኣት ኣመሪካ ዓመታዊ ክኽበር ተወሲኑ

7. 14 ሰነ 2026ንምንታይ'የን ደቂ ኣንስትዮ ልዕሊ ደቂ ተባዕትዮ ዝነወሐ ዕድመ ዘለወን?

8. 13 ሰነ 2026ኤርትራ ንመግለጺ ሓላፊ ሃገራዊ ድሕነት ኢትዮጵያን ጌታቸው ረዳን ዝሃበቶ ምላሽ

9. 13 ሰነ 2026ኢሎን ማስክ ቀዳማይ ወናኒ ትሪልዮን ሃብቲ ዓለምና ኰይኑ

10. 13 ሰነ 2026ውዕል ምብቃዕ ውግእ ኢራን፡ ናብ ዳግማይ ምኽፋት መጻብቦ ሆርሙዝ ክመርሕ ድዩ?

11. 13 ሰነ 2026'ዋንጫ ዓለም ይካየድ ኣሎ ድዩ'፡ ኣመሪካውያን ብዛዕባ እቲ ውድድር እንታይ ይፈልጡ?

12. 12 ሰነ 2026ኢትዮጵያ፡ መንግስቲን ህወሓትን ኣብ ዝፋጠጥሉ፡ ኦባሳንጆ ኣብ መቐለ ተዛትዩ

13. 12 ሰነ 2026ኣብረርቲ ሄሊፕተር ንምድሓን ኣብ ጥቕሚ ብዛዕባ ዝወዓላ ድሮናት ባሕሪ እንታይ ትፈልጡ?

14. 12 ሰነ 2026ኣመሪካ፡ ዝምርመር ዘሎ ኣብ ሳዕሪ ዝተጻሕፈ '8-6-4-7' እንታይ'ዩ ምስጢሩ?

15. 12 ሰነ 2026ኢራንን ኣመሪካን ምቍራጽ ተዅሲ ክዕቅባ ዝኸበደሉ 4 ምኽንያታት

16. 11 ሰነ 2026ፕረዚደንት ትራምፕ፡ ወሳኒ መስመር ነዳዲ ኢራን ክቆጻጸሮ ምዃኑ ተሓንዩ

    

    ጐንፂ ኢራንን ኣመሪካን ካብ መዓልቲ ናብ መዓልቲ እናገደደ ኣብ ዝኸደሉ ዘሎ እዋን፡ ፕረዚደንት ትራምፕ ሎሚ ኣብ ልዕሊ ኢራን ዓቢ መጥቃዕቲ ከምዝፍጸም ኣፍሊጡ ኣሎ።

    እቲ ፕረዚደንት: ኣብ ማሕበራዊ መራኸቢታት ገጹ ኣብ ዝሃቦ ቃል፡ ነታ “ሓይሊ ኣየራን ኩሉ ናይ ምክልኻል ዓቕማን ዓንዩ እዩ” ዝበላ ኢራን፡ ዳግማይ “ሎሚ ምሸት ብብርቱዕ ክትህረም እያ” ክብል ተሓንዩ።

    “ኣብ ቀረባ እዋን ልክዕ ከምቲ ኣብ ቬንዙዌላ ዝገበርናዮ፡ ንደሴት ኻርግን ካልእ ትሕተ ቅርጺ ነዳድን ክንቆጻጸሮ ኢና፡ ዕዳጋ ነዳድን ጋዝን ኢራን ድማ ምሉእ ብምሉእ ክንቆጻጸሮ ኢና” ክብል መደቡ ኣፍሊጡ።

    ኲናት ኢራን ካብ ዝጅምር ኣትሒዙ፡ ፕረዚደንት ትራምፕ ነዛ ቀንዲ መስመር ነዳዲ ኢራን ዝኾነት ደሴት ከም ዝቆጻጸራ ብተደጋጋሚ ይዛረቡ ነይራ።

    ኣብ ሰሜናዊ ወሽመጥ ኢራን እትርከብ፡ ደሴት ኻርግ፡ ኢራን ኣስታት 90 ሚእታዊት ካብ ነዳዲኣ ናብ ካልእ ክፋል ዓለም ሰደድ እትገብረሉ ቀንዲ መተሓላለፊት መስመር እያ።

    እታ ደሴት፡ ክሳብ ክልተ ሚልዮን በርሚል ክጽዕና ዝኽእላ ዓበይቲ ታንከራት ዘይተጻረየ ነዳዲ ንምትእንጋድ ዘኽእል ዓቕሚ ማይ ድማ ኣለዋ።

17. 11 ሰነ 2026ስዑዲ ዓረብ 4 ኢትዮጵያውያን ብሞት ትቐፅዕ፡ ኢትዮጵያ 1600 ብምሕረት ከም ዝተፈትሑ ትገልፅ

18. 11 ሰነ 2026ባሕሬን፡ ዝወድቕ ስብርባር ድሮናት ኢራን ሓያሎ ዕንወት ኣውሪዱ

    ምኒስትሪ ውሽጣዊ ጉዳያት ባሕሬን ሎሚ ሓሙስ ኣብ ዝሃቦ መግለጺ፡ ብኣሃዱታት ጸረ-ነፈርቲ ሃገሩ ተወቒዐን ዝዓነዋ ድሮናት ኢራን ፍንጭልጫለን (ስኵጆታተን) ኣብ ከባቢታት ከተማ ሓማድን ርእሰ ከተማ ማናማን ድሕሪ ምውዳቑ፡ ሓያሎ መካይን ብሓዊ ከምዘቃጸለን ንገለ ኣባይቲ ድማ ጉድኣት ከም ዘውረደን ገሊጹ።

    ጓል 11 ዓመት ቈልዓ እውን ቀሊል መጕዳእቲ ወሪዱዋ። እቲ ምኒስትሪ፡ ሰራሕተኛታት መጥፋእቲ ሓዊ ነቲ ባርዕ ከምዝተቘጻጸርዎ’ውን ሓቢሩ።

19. 11 ሰነ 2026ኣመሪካን ኢራንን ንኻልኣይ መዓልቲ ተኸታታሊ ማዕበል ሚሳይላት ተለዋዊጠን

    ኣመሪካን ኢራንን ንኻልኣይ ተኸታታሊ መዓልቲ ኣብ መላእ ማእከላይ ምብራቕ ዳርባ ሚሳይላት ብምልውዋጥ ነቲ ድሮ ኣብ ወርሒ ሚያዝያ ኣብ መንጎ ክልቲአን ኣብ ስምምዕ ተበጺሑ ዝነበረ ተዅሲ ደው ምባል ዝያዳ ኣብ ሓደጋ ኣእትይዎ ይርከብ።

    ማእከላይ እዝ ኣመሪካ (ሴንትኮም) ኣብ ደቡባዊ ኢራን ንዝርከቡ ወተሃደራዊ መዓስከራትን፡ መጸናጸኒ ራዳርን ዒላማ ከምዝበረ ገሊጹ።

    ፕረዚደንት ዶናልድ ትራምፕ፡ ኢራን፡ ኲናት ንሓዋሩ ደው ንምባል “ውዕል ንምግባር ኣዝዩ ነዊሕ ግዜ ከምዝወሰደት” ብምግላጽ፡ ሓይልታት ኣመሪካ ንኢራን "ኣበርቲዖም" ክሃርምዋ ምዃኖም ድሕሪ ምሕባሩ እዩ እቲ መጥቃዕቲ ተፈጺሙ።

    ከም ግብረመልሲ ድማ ኢራን ኣብ መላእ እቲ ዞባ ኣብ ዝርከባ ሃገራት ንወተሃደራዊ መዓስከራት ኣመሪካ ዒላማ ዝገበረ መጥቃዕቲ ጀሚራ። ኣብ ባሕሬንን ኩዌትን ዝርከባ ወተሃደራዊ መዓስከራት ኣመሪካ ንኻልኣይ መዓልቲ ኣብ ትሕቲ ተዅሲ ኢራን ክኣትዋ እንከለዋ፡ እስላማዊ ሓለዋ ሰውራ ኢራን (IRGC) ድማ ኣብ ዮርዳኖስ ናብ ዝርከብ ማእከል እዝ ኣመሪካ ባሊስቲክ ሚሳይላት ከምዝተኮሰ ገሊጹ።

    ሓለዋ ሰውራ ኢራን፡ ኣብ ዮርዳኖስ ኣብ ዝርከብ መዓስከር ሓይሊ ኣየር ሙዋፋቅ ሳልቲ 12 ባሊስቲክ ሚሳይላት ድሕሪ ምትኳሱ “ብዙሓት” ነፈርቲ ውግእ ኣመሪካን “መሳለጥያታትን” ከምዘዕነወ ገሊጹ።

    

    ምንጪ ስእሊ, Bahrain Interior Ministry/X

20. 11 ሰነ 2026ኤርትራን ግብጽን ስትራተጅያዊ ምሕዝነተንን ጸጥታ ቀይሕ ባሕርን ንምድልዳል ተሰማሚዐን