ఆసియా కప్ ఫైనల్: టాస్ గెలిచి బ్యాటింగ్ ఎంచుకున్న శ్రీలంక

ఫైనల్‌ మ్యాచ్‌కూ వర్షం ముప్పు పొంచి ఉంది. ప్రస్తుతం అక్కడ వర్షం పడుతోంది, దీంతో మ్యాచ్ ఆలస్యంగా ప్రారంభం కానుంది.

లైవ్ కవరేజీ

  1. జీఎస్‌ఎల్‌వీ ద్వారా కక్ష్యలోకి చేరిన ఎన్‌వీఎస్‌-03 నావిగేషన్ ఉపగ్రహం

    శ్రీహరికోట నుంచి జీఎస్‌ఎల్‌వీ-ఎఫ్18 రాకెట్
    ఫొటో క్యాప్షన్, తదుపరి తరం నావిగేషన్ ఉపగ్రహ వ్యవస్థలో ఎన్‌వీఎస్-03 మూడో ఉపగ్రహం.

    శ్రీహరికోట నుంచి జీఎస్‌ఎల్‌వీ-ఎఫ్18 రాకెట్ ద్వారా ఎన్‌వీఎస్-03 నావిగేషన్ ఉపగ్రహాన్ని విజయవంతంగా కక్ష్యలోకి ప్రవేశపెట్టినట్లు ఇస్రో ప్రకటించింది.

    శుక్రవారం శ్రీహరికోటలో ఉన్న సతీశ్ ధావన్ అంతరిక్ష కేంద్రం నుంచి జీఎస్‌ఎల్‌వీ-ఎఫ్18 రాకెట్ నింగిలోకి దూసుకెళ్లింది.ఈ రాకెట్ ఎన్‌వీఎస్-03 ఉపగ్రహాన్ని విజయవంతంగా నిర్దేశిత కక్ష్యలోకి చేర్చింది.

    జీఎస్‌ఎల్‌వీ-ఎఫ్18/ఎన్‌వీఎస్-03 ప్రయోగం విజయవంతం కావడంతో శ్రీహరికోటలోనిసతీశ్ ధావన్ అంతరిక్ష కేంద్రంలో ఇస్రో శాస్త్రవేత్తలుఒకరికొకరు అభినందనలు తెలుపుకున్నారు.

    తదుపరి తరం నావిగేషన్ ఉపగ్రహ వ్యవస్థలో ఎన్‌వీఎస్-03 మూడో ఉపగ్రహం. ఐఆర్‌ఎన్‌ఎస్‌ఎస్ సిరీస్ ద్వారా అందించే నావిగేషన్ సేవలను నిరంతరాయంగా కొనసాగించేందుకు దీన్ని రూపొందించారు.

    దేశానికి స్థానం, నావిగేషన్, సమయ నిర్ధరణ సేవలను స్వతంత్రంగా పొందే అవకాశం కల్పించే వ్యూహాత్మక ఉపగ్రహం ఇదని ఇస్రో చీఫ్ డాక్టర్ వి. నారాయణన్ అన్నారు.

    నావిగేషన్ ఉపగ్రహాలను సాధారణ ప్రజలకు ఉపయోగపడే పనుల కోసం కూడా వినియోగిస్తారని ఆయన తెలిపారు. రైళ్లను ఎప్పటికప్పుడు ట్రాక్ చేయడంతో పాటు వాహనాలు, సముద్ర నౌకల కదలికలను పర్యవేక్షించేందుకు ఇవి ఉపయోగపడతాయని చెప్పారు. 'వన్ నేషన్ వన్ టైమ్' ప్రాజెక్టులోనూ ఈ ఉపగ్రహం కీలక భాగమని వివరించారు.

    'గగన్' వ్యవస్థతో కలిసి నావిగేషన్ సేవలు అందించడం ద్వారా ప్రపంచ నావిగేషన్ వ్యవస్థలో భారత్ తన వంతు పాత్ర పోషిస్తోందని ఇస్రో చీఫ్ పేర్కొన్నారు.

  2. జస్టిస్ కౌల్ రాసిన పుస్తకంలో మాజీ సీజేఐ చంద్రచూడ్‌ గురించి ఏముంది?

  3. మనీషా భన్వాలా: ప్రపంచ రెజ్లింగ్ చాంపియన్‌షిప్‌లో భారత మహిళ రికార్డు

    మనీషా భన్వాలా
    ఫొటో క్యాప్షన్, ప్రపంచ రెజ్లింగ్ చాంపియన్‌షిప్‌లో స్వర్ణం గెలిచిన రెండో భారత రెజ్లర్‌గా మనీషా నిలిచారు.

    ప్రపంచ రెజ్లింగ్ చాంపియన్‌షిప్‌లో 59 కిలోల విభాగంలో స్వర్ణ పతకం గెలిచి, ఈ ఘనత సాధించిన తొలి భారత మహిళా రెజ్లర్‌గా మనీషా భన్వాలా నిలిచారు.

    కజకిస్థాన్ రాజధాని అస్తానాలో శుక్రవారం జరిగిన ఉత్కంఠభరిత ఫైనల్‌లో అమెరికాకు చెందిన అబిగైల్ నెట్‌ను 8-6 తేడాతో ఓడించారు.

    ఒలింపిక్స్‌లో లేని ఈ వెయిట్ కేటగిరీలో మనీషా తన పోరును ప్రీ క్వార్టర్ ఫైనల్‌తో ప్రారంభించారు. ఈ దశలో కెనడాకు చెందిన లారెన్స్ బ్యూత్రెగార్డ్‌ను విక్టరీ బై ఫాల్ పద్ధతిలో ఓడించారు.

    క్వార్టర్ ఫైనల్‌లో మంగోలియాకు చెందిన బొలోర్తుయా ఖురెల్ఖూను 6-0 తేడాతో ఓడించారు. ఆ తర్వాత సెమీఫైనల్‌లో స్థానిక రెజ్లర్ అల్టిన్ షగయేవాను సాంకేతిక ఆధిక్యంతో ఓడించి ఫైనల్‌కు చేరుకున్నారు. దీంతో హరియాణాకు చెందిన మనీషా ఈ ప్రతిష్ఠాత్మక టోర్నీలో స్వర్ణ పతకం సాధించారు.

    ప్రపంచ రెజ్లింగ్ చాంపియన్‌షిప్‌లో స్వర్ణం గెలిచిన రెండో భారత రెజ్లర్‌గా మనీషా నిలిచారు. అంతకుముందు 2010లో మాస్కోలో జరిగిన పోటీల్లో సుశీల్ కుమార్ 66 కిలోల విభాగంలో బంగారు పతకం సాధించారు.

    ప్రస్తుత చాంపియన్‌షిప్‌లో మహిళల విభాగంలో పతకాలు సాధించిన నాలుగో భారత రెజ్లర్ మనీషా. ఆమె కంటే ముందు నీలం సిరోహి (50 కిలోలు), కాజల్ ధోచక్ (76 కిలోలు) రజత పతకాలు సాధించగా, తనూ శర్మ (72 కిలోలు) కాంస్య పతకం గెలుచుకున్నారు.

  4. కర్రల గొడుగు: 'ఇది బరువు కాస్తాది, తుపాను వచ్చినా నిలుస్తది'

  5. పాకిస్తాన్: మానవ హక్కుల న్యాయవాద దంపతులకు 10 ఏళ్ల జైలు శిక్ష.. వీళ్లు చేసిన తప్పేంటి?

  6. ‘ఐడీబీఐను ఎందుకు అమ్ముతున్నారని ప్రశ్నిస్తే, ప్రభుత్వం మాట్లాడలేదు’ - రాహుల్ గాంధీ

    రాహుల్ గాంధీ, ఐడీబీఐ బ్యాంక్, పారిశ్రామికీకరణ
    ఫొటో క్యాప్షన్, రాహుల్ గాంధీ

    ఐడీబీఐ బ్యాంకులో వాటాల విక్రయానికి కేంద్ర ప్రభుత్వం ఆమోదం తెలిపిన తర్వాత, రాహుల్ గాంధీ ఐడిబీఐ ఉద్యోగులకు బహిరంగ లేఖ రాశారు.

    “గతేడాది మార్చిలో మీలో కొందరు పార్లమెంట్ భవనంలో నన్ను కలవడానికి వచ్చారు. మీరు లాభదాయకంగా మార్చిన బ్యాంకును ప్రభుత్వం ఎందుకు అమ్ముతోంది అని నన్ను ఒక సాధారణ ప్రశ్న అడిగారు” అని రాహుల్ తన లేఖలో తెలిపారు.

    “నేను ఈ ప్రశ్నను లోక్‌సభలో లేవనెత్తాను. లాభదాయకమైన ప్రభుత్వ రంగ బ్యాంకును ఎందుకు అమ్ముతున్నారని అడిగాను. దీనికి ప్రభుత్వం ఎలాంటి కారణం చెప్పలేదు. ఇప్పుడు ఐడీబీఐ బ్యాంకును కెనడా కంపెనీ ఫెయిర్‌ఫాక్స్‌కు అమ్మాలని నిర్ణయించింది” అని రాహుల్ గాంధీ పేర్కొన్నారు.

    బ్యాంకులో ప్రస్తుతం ప్రభుత్వానికి, ఎల్ఐసీకి 95 శాతం వాటా ఉందని, అమ్మకం తర్వాత ఈ వాటా 34 శాతానికి తగ్గుతుందని ఆయన తన లేఖలో రాశారు. “ఐడీబీఐ ప్రైవేట్ చేతుల్లోకి వెళితే, ఎస్సీ, ఎస్టీ, ఓబీసీ వర్గాల అభ్యర్థులకు ఉన్న రిజర్వేషన్ వ్యవస్థ అంతమైపోతుంది. మీ హక్కులు ఇప్పటికే బలహీనమయ్యాయి. ఇప్పుడు వాటి చివరి రక్షణ కూడా అంతమైపోతుంది” అని రాహుల్ తెలిపారు.

    రాహుల్ గాంధీ లేఖపై కేంద్ర ఆర్థిక మంత్రి నిర్మలా సీతారామన్ ఎక్స్‌లో స్పందించారు.

    “బ్యాంకులు, ఆర్థిక సంస్థలను తన సొంత ప్రైవేట్ సంస్థల్లా కాంగ్రెస్ ఉపయోగించుకుందని మనందరికీ తెలుసు. తమ ఇష్టానుసారం రుణాలు ఇవ్వాలని బ్యాంకు ఉద్యోగులపై ఒత్తిడి తెచ్చారు. ఈ క్రమంలో రుణాలు ఇవ్వడానికి సంబంధించిన ముఖ్యమైన నియమ నిబంధనలను కూడా విస్మరించారు” అని ఆమె ఆరోపించారు.

    ఐడీబీఐ బ్యాంక్ ఆఫీసర్స్ అసోసియేషన్ సోషల్ మీడియాలో రాహుల్ గాంధీకి ధన్యవాదాలు తెలిపింది.

    “భారత పారిశ్రామికీకరణకు ఆర్థిక సహాయం అందించడానికి ఇండస్ట్రియల్ డెవలప్‌మెంట్ బ్యాంక్ ఆఫ్ ఇండియాను నెహ్రూ స్థాపించారు. ఇప్పుడు అదే సంస్థను మోసపూరితంగా అమ్ముతున్నారు” అని ఆ సంస్థ ఎక్స్‌లో పోస్ట్ చేసింది. “మీ మద్దతుతో మా పోరాట పటిమ రెట్టింపు అయింది. దేశ చారిత్రక సంస్థ అయిన ఐడీబిఐని కాపాడటానికి మా చివరి శ్వాస వరకు పోరాడతాము” అని ఐడీబీఐ బ్యాంక్ ఆఫీసర్స్ అసోసియేషన్ రాహుల్ గాంధీని ఉద్దేశించి పోస్ట్ చేసింది.

  7. ‘వన్డేల్లో వారికి చోటు ఇవ్వకపోవడం అన్యాయమే’: యువరాజ్ సింగ్

    అభిషేక్ శర్మ, ఇషాన్ కిషన్, వైభవ్ సూర్యవంశీ వంటి ఆటగాళ్లకు వన్డేల్లో రెగ్యులర్‌గా చోటు కల్పించాలంటున్నారు యువరాజ్ సింగ్
    ఫొటో క్యాప్షన్, అభిషేక్ శర్మ, ఇషాన్ కిషన్, వైభవ్ సూర్యవంశీ వంటి ఆటగాళ్లకు వన్డేల్లో రెగ్యులర్‌గా చోటు కల్పించాలంటున్నారు యువరాజ్ సింగ్

    అభిషేక్ శర్మ, ఇషాన్ కిషన్, వైభవ్ సూర్యవంశీ వంటి ఆటగాళ్లకు వన్డే జట్టులో రెగ్యులర్ స్థానం ఇవ్వకపోవడం వారి ప్రతిభకు అన్యాయం చేయడమేనని భారత మాజీ ఆల్-రౌండర్ యువరాజ్ సింగ్ అభిప్రాయపడ్డారు.

    ముంబయిలో ఆయన పీటీఐ వార్తా సంస్థతో మాట్లాడుతూ , "నిజం చెప్పాలంటే, అభిషేక్ శర్మ వన్డేలు ఆడటం చూడాలని కోరుకుంటున్నా. ఇషాన్ కిషన్, అభిషేక్ వైభవ్ సూర్యవంశీ వంటి ఆటగాళ్లను 50 ఓవర్ల క్రికెట్‌లో ఎంపిక చేయకపోతే, ఎక్కడో ఒకచోట మనం వారి ప్రతిభకు న్యాయం చేయడం లేదని అర్థం అని నేను గతంలోనే చెప్పా’’ అన్నారు.

    "మన దగ్గర కొంతమంది అద్భుతమైన ఆటగాళ్లు ఉన్నారు. , వారికి జట్టులో స్థానం సంపాదించడం కష్టమని నాకు తెలుసు. కానీ ఈ ఆటగాళ్లు రాణిస్తున్న తీరు చూస్తుంటే, వారికి త్వరలోనే జట్టులో స్థానం లభిస్తుందని ఆశిస్తున్నా" అన్నారు.

    ఈ ఆటగాళ్లు సాధించినదంతా వారి కఠోర శ్రమతోనే సాధ్యమైందని, ఆ ఘనత వారికే దక్కుతుందని యువరాజ్ అన్నారు.

  8. ఇజ్రాయెల్‌లో నివసిస్తున్న అరబ్బులు ఎవరు?

  9. క్రిప్టో కరెన్సీ ఎక్స్ఛేంజ్ బైనాన్స్‌పై సైబర్ దాడి : హైజాకర్ల చేతిలో 6.3 బిలియన్ డాలర్ల క్రిప్టో కరెన్సీ

    బిట్ కాయిన్ , బైనాన్స్
    ఫొటో క్యాప్షన్, బిట్ కాయిన్

    ప్రపంచంలోనే అతిపెద్ద క్రిప్టో కరెన్సీ ఎక్స్ఛేంజ్ అయిన బైనాన్స్‌పై సైబర్ ఎటాక్ జరిగింది. ఈ దాడిలో 6.3 బిలియన్ డాలర్ల విలువైన (దాదాపు 53వేల కోట్లరూపాయల విలువైన) క్రిప్టో కరెన్సీని హ్యాక్ చేశారు. చరిత్రలో ఇదే అతిపెద్ద హ్యాకింగ్‌ ఘటనగా భావిస్తున్నారు.

    హ్యాకింగ్‌కు గురైన ఆస్తుల్లో కొంత మొత్తాన్నితిరిగి స్వాధీనం చేసుకునే ప్రయత్నాలను ప్రారంభించినట్టు బైనాన్స్ తెలిపింది. మిగిలిన ఆస్తుల్లో చాలా వరకు ఇంకా హ్యాకర్ల చేతుల్లోనే ఉన్నాయి. ఈ ఘటన వల్ల జరిగిన నష్టాన్ని పూర్తిగా భరిస్తామని సంస్థ తెలిపింది.

    ఓ ఇంజినీర్‌ ల్యాప్‌టాప్‌ హ్యాకింగ్‌కు గురవడం ఈ ఘటనకు కారణమై ఉండవచ్చని బైనాన్స్ వెల్లడించింది. దీని ద్వారా హ్యాకర్‌ అనుమతి లేకుండా డబ్బును విత్‌డ్రా చేసుకునే అవకాశం పొందినట్టు తెలిపింది.

    ఉత్తర కొరియాకు చెందిన 'ట్రేడర్‌ట్రెయిటర్‌' అనే హ్యాకింగ్‌ బృందం దీని వెనక ఉందని రెండు సంస్థలు ఆరోపించాయి.

    ఈ హ్యాకింగ్‌కు ఉత్తర కొరియాతో ఉన్న సంబంధాలపై బీబీసీ అడిగిన ప్రశ్నలకు బైనాన్స్ నేరుగా సమాధానం ఇవ్వలేదు. అయితే నేరస్తుల గుర్తింపును నిర్ధరించి వారిని చట్టం ముందు నిలబెట్టేందుకు తాము దర్యాప్తు సంస్థల భాగస్వాములతో కలిసి పనిచేస్తున్నామని తెలిపింది.

  10. ‘పిల్లలకు చదువు చెప్పడంలో న్యాయం చేయలేకపోతున్నాం’.. దేశంలో లక్షకుపైగా ఏకోపాధ్యాయ పాఠశాలలు

  11. ఆదర్శ కుటుంబం- ఏకే 47 మూవీ రివ్యూ: వెంకటేశ్,త్రివిక్రమ్ కాంబో మ్యాజిక్ చేసిందా?

  12. అంతర్వేది తీరానికి చేరిన భారీ ఓడకు ఏమైంది? ఒడ్డుకు సమీపంలో ఎలా చిక్కుకుంది? అందులో ఏం ఉంది

  13. ‘పాతికేళ్ల కుర్రాళ్లకూ పక్షవాతం రావొచ్చు’.. ఈ లక్షణాలను అస్సలు నిర్లక్ష్యం చేయకండి

  14. తెలంగాణలో నాలుగు రోజులపాటు వానలు, వాతావరణ శాఖ లేటెస్ట్ బులెటిన్

    తెలంగాణలో నాలుగు రోజులపాటు వానలు, వాతావరణ శాఖ లేటెస్ట్ బులెటిన్ ఇదే.
    ఫొటో క్యాప్షన్, తెలంగాణలో నాలుగు రోజులపాటు వానలు, వాతావరణ శాఖ లేటెస్ట్ బులెటిన్ ఇదే.

    ఇవాళ వర్షం కురిసే జిల్లాలు: సిద్ధిపేట, వరంగల్ అర్బన్, వరంగల్ రూరల్, ములుగు, జనగాం, యాదాద్రి భువనగిరి, మహబూబాబాద్, భద్రాద్రి కొత్తగూడెం, నల్గొండ, సూర్యాపేట, ఖమ్మం,

    రేపు(31 అక్టోబర్ 2026)వర్షం కురిసే జిల్లాలు: సిద్ధిపేట, వరంగల్ అర్బన్, వరంగల్ రూరల్, ములుగు, జనగాం, యాదాద్రి భువనగిరి, మహబూబాబాద్, భద్రాద్రి కొత్తగూడెం, నల్గొండ, సూర్యాపేట, ఖమ్మం, నాగర్‌ కర్నూల్, రంగారెడ్డి, హైదరాబాద్, మేడ్చల్ మల్కాజ్‌గిరి,

    ఎల్లుండి(1 నవంబర్ 2026)వర్షం కురిసే జిల్లాలు: తెలంగాణ వ్యాప్తంగా చెదురుమదురు వానలు పడతాయని వాతావరణ కేంద్రం తెలిపింది

    సోమవారం(2 నవంబర్ 2026 )వర్షం కురిసే జిల్లాలు: కామారెడ్డి, మెదక్, సంగారెడ్డి, మేడ్చల్ మల్కాజ్‌గిరి, వికారాబాద్, రంగారెడ్డి, మహబూబ్‌నగర్, నారాయణపేట, వనపర్తి, జోగులాంబ గద్వాల్ జిల్లా, భద్రాద్రి కొత్తగూడెం, ములుగు, జయశంకర్ భూపాల్ పల్లి జిల్లాల్లో వానలు పడతాయని మిగతా జిల్లాల్లో గాలులు వీస్తాయని వాతావరణ శాఖ పేర్కొంది.

  15. ‘నేను కుప్పకూలే వరకు నాలో ఆ లోపం ఉందనే విషయం తెలియదు’

  16. ఆంధ్ర-ఒడిశా సరిహద్దులో నేషనల్ హైవేపై వరద నీరు.. ఇచ్ఛాపురానికి రెండు వైపులా రాకపోకలకు అంతరాయం

    శ్రీకాకుళం జిల్లాలో కొనసాగుతున్న వరద ఉద్ధృతి- ఇచ్చాపురంలో మొదటి అంతస్తుకు చేరిన నీరు
    ఫొటో క్యాప్షన్, శ్రీకాకుళం జిల్లాలో కొనసాగుతున్న వరద ఉద్ధృతి- ఇచ్చాపురంలో మొదటి అంతస్తుకు చేరిన నీరు

    అర్నబ్ తుపాను తీరం దాటిన తరువాత కూడా కురుస్తున్న భారీ వర్షాలకు ఆంధ్రప్రదేశ్, ఒడిశాలలో విస్తారంగా వర్షాలు కురుస్తున్నాయి.

    దీంతో శ్రీకాకుళంలోని నాగావళి, వంశధార, మహేంద్రతనయ, బాహుదా నదులు ఉప్పొంగాయి.

    ముఖ్యంగా మహేంద్ర తనయ, బాహుదా నదులకు ఎగువన ఒడిశా నుంచి పెద్ద ఎత్తున వరద నీరు వస్తుండడంతో దిగువ ప్రాంతాలన్నీ నీట మునిగాయి.

    ఒడిశా సరిహద్దుల్లోని ఆంధ్రప్రదేశ్‌కు చెందిన పట్టణం ఇచ్ఛాపురంలోని పలు ప్రాంతాలు నీట మునిగాయి.

    ఇక్కడి బెల్లుపడలోని పలు ఇళ్లు నీట మునిగాయి. జాతీయ రహదారికి వెళ్లే మార్గం కూడా వరద నీటిలో మునిగిపోయింది.

    పరిస్థితి ఎంత ప్రమాదకరంగా మారిందంటే.. సుమారు పది ఇళ్లు మొదటి అంతస్తు వరకు వరద నీరు చేరింది. ప్రాణాలు కాపాడుకునేందుకు బాధితులు ఇళ్ల పైఅంతస్తులు, డాబాలపైకి చేరుకున్నారు.

    వరద ఉద్ధృతి మరింత పెరిగితే ఇళ్లకు ప్రమాదం వాటిల్లే అవకాశం ఉందన్న ఆందోళన వ్యక్తమవుతోంది.

    మరోవైపు, ఇచ్చాపురం 16వ నంబర్ జాతీయ రహదారిపై కూడా వరద తీవ్రత కనిపిస్తోంది. పలు చోట్ల వరద నీట్లో వాహనాలు చిక్కుకుపోయాయి.

    రైలు మార్గంలోనూ కొంతమేర పట్టాలు వరద నీట్లో మునిగిపోయాయి.

    వరద నీరు ఉప్పొంగడంతో బెల్లుపడలోని పలు ఇళ్లు నీట మునిగాయి
    ఫొటో క్యాప్షన్, వరద నీరు ఉప్పొంగడంతో బెల్లుపడలోని పలు ఇళ్లు నీట మునిగాయి
    ఇచ్చాపురం 16వ నంబర్ జాతీయ రహదారిపై కూడా వరద తీవ్రత కనిపిస్తోంది. వరద నీటిలో రెండు లారీలు చిక్కుకుపోయాయి.
    ఫొటో క్యాప్షన్, ఇచ్చాపురం 16వ నంబర్ జాతీయ రహదారిపై కూడా వరద తీవ్రత కనిపిస్తోంది. వరద నీటిలో రెండు లారీలు చిక్కుకుపోయాయి.
    ఒడిశాలో కురిసిన భారీ వర్షాలు కారణంగా వరదలు పోటెత్తాయి.
    ఫొటో క్యాప్షన్, ఒడిశాలో కురిసిన భారీ వర్షాలు కారణంగా వరదలు పోటెత్తాయి.
  17. చంటిబిడ్డను ఎత్తుకొని హాఫ్ మారథాన్‌ పూర్తి చేసిన కశ్మీరీ మహిళ.. ‘సైనికుడి భార్య జీవితం పోరాటమే’ అని ఆమె ఎందుకన్నారు

  18. అంతర్వేదీ తీరానికి కొట్టుకొచ్చిన భారీ షిప్

    అర్నబ్ తుపాను ప్రభావం కొనసాగుతున్న వేళ అంతర్వేది తీరానికి ఒక భారీ షిప్ రావడం చర్చనీయాంశంగా మారింది.

    సాంకేతిక సమస్యల కారణంగానే ఈ ఓడ వచ్చిందని కోస్టుగార్డు అధికారులు చెబుతున్నారు. విశాఖ నుంచి సింగపూర్ బయల్దేరిన ఈ షిప్, తుపాను ధాటికి ఇలా తీరానికి కొట్టుకు వచ్చిందని అంటున్నారు.

    ఇందులో ఉన్న సిబ్బందిని కోస్ట్‌గార్డ్ దళాలు కాపాడాయి.

  19. ‘ప్రతి పెట్టుబడికి నాదీ భరోసా’ ఇన్వెస్ట్ తెలంగాణ గ్లోబ‌ల్ స‌మ్మిట్ -2026 క‌ర్టెన్‌ రైజ‌ర్ కార్య‌క్ర‌మంలో సీఎం రేవంత్‌రెడ్డి

    తెలంగాణ‌ రైజింగ్‌లో భాగ‌స్వాములు కావాల‌ని అంత‌ర్జాతీయ‌ పారిశ్రామిక‌వేత్త‌లను ముఖ్య‌మంత్రి రేవంత్ రెడ్డి ఆహ్వానించారు.

    హైద‌రాబాద్ భార‌త్ ఫ్యూచ‌ర్ సిటీలో డిసెంబర్ 7, 8, 9 తేదీల్లో నిర్వ‌హించ‌నున్న ఇన్వెస్ట్ తెలంగాణ గ్లోబల్ సమ్మిట్-2026 స‌న్నాహ‌క కార్య‌క్ర‌మాన్ని దిల్లీలో నిర్వ‌హించారు.

    కార్య‌క్ర‌మానికి కేంద్ర వాణిజ్య‌, ప‌రిశ్ర‌మ‌ల శాఖ మంత్రి పీయూష్ గోయ‌ల్ ముఖ్య అతిథిగా హాజ‌ర‌య్యారు. ముఖ్య‌మంత్రిరేవంత్ రెడ్డి మాట్లాడుతూ పారిశ్రామికాభివృద్ధికి అవ‌స‌ర‌మైన విధాన నిర్ణయాలు, ప్రభుత్వ సహకారం అందించేందుకు వ్యక్తిగతంగా కృషి చేస్తానని స్పష్టం చేశారు. తెలంగాణ అభివృద్ధిలో భాగస్వాములు కావాలని అంత‌ర్జాతీయ పారిశ్రామికవేత్తలకు పిలుపునిచ్చారు.

    పారిశ్రామిక‌వేత్త‌లు త‌మ‌ లక్ష్యాలను చేరుకోవడానికి ప్రభుత్వం నుంచి ఏం కావాలో చెప్పాలని, విధానపరమైన మార్పుల నుంచి అవసరమైన సహకారం వరకు అన్నింటినీ అందించేందుకు వ్యక్తిగతంగా తాను బాధ్యత తీసుకుంటానని సీఎం రేవంత్ రెడ్డి హామీ ఇచ్చారు.

    "2047 నాటికి 'వికసిత్ భారత్' లక్ష్యాన్ని సాధించేందుకు భారతీయులందరూ కలిసి కృషి చేయాలి. ప్రస్తుతం మనం దసరా, కర్వా చౌత్, దీపావళి వంటి పండుగల సీజన్‌లో ఉన్నాం. ఈ సమ్మిట్ మనకు మరో పండుగ వంటిది. 700 ఏళ్లకు పైగా క్రితమే, కాకతీయ చక్రవర్తి గణపతి దేవుడు సముద్ర వాణిజ్యానికి సంబంధించి 'మోటుపల్లి శాసనం'ను జారీ చేశారు" అని కేంద్ర వాణిజ్య, పరిశ్రమల శాఖ మంత్రి పీయూష్ గోయల్ పేర్కొన్నారు.

    ఇన్వెస్ట్ తెలంగాణ గ్లోబ‌ల్ స‌మ్మిట్ -2026 క‌ర్టెన్‌ రైజ‌ర్ కార్య‌క్ర‌మంలో ముఖ్య‌మంత్రి రేవంత్‌రెడ్డి హామీ
    ఫొటో క్యాప్షన్, ఇన్వెస్ట్ తెలంగాణ గ్లోబ‌ల్ స‌మ్మిట్ -2026 క‌ర్టెన్‌ రైజ‌ర్ కార్య‌క్ర‌మంలో ముఖ్య‌మంత్రి రేవంత్‌రెడ్డి హామీ
  20. వందేళ్లపైబడిన చెట్లు కూడా కూలిపోయాయి

    వీడియో క్యాప్షన్, వందేళ్ల పైబడి వయసున్న చెట్లు అర్నబ్ తుపాను తీవ్రతకు కూలిపోాయాయి.

    అర్నబ్ తుపాను నర్సాపురం పట్టణంపై తీవ్ర ప్రభావం చూపింది.

    చిరంజీవితో పాటు మరికొందరు ప్రముఖులు చదువుకున్న పట్టణంలోని వైఎన్ కాలేజీ తుపాను వల్ల తీవ్రంగా నష్టోయింది.

    వందేళ్లపైబడిన చెట్లు కూడా తుఫాన్ తీవ్రతకు కూకటివేళ్లతో సహా పడిపోయాయి.