You’re viewing a text-only version of this website that uses less data. View the main version of the website including all images and videos.
Криштиану Роналду "Манчестер Юнайтед" үчүн ойнойт
"Манчестер Юнайтед" Криштиану Роналду менен келишимин кайра жаңырта алганын ырастады.
"Манчестер Юнайтед" 36 жаштагы футболчу үчүн 12,8 миллион фунт төлөөгө макул болду. Роналду келишимди жеке шартта түздү.
Роналду 2009 -жылы “Манчестер Юнайтедден" “Реал Мадридге” кетер алдында 292 оюнда 118 гол киргизген.
"Клубдагылардын баары Криштианунун Манчестерге келүүсүн чыдамсыздык менен күтүп жатышат", - деп айтылат Юнайтеддин билдирүүсүндө.
Юнайтеддин билдирүүсү бул драматикалык 24 сааттан кийин жарык көрдү.
“Манчестер Сити” “Реалдын” мурунку оюнчусун алуу үчүн атаандаштыктагы фавориттердин бири болуп саналган. Айрым кабарларда экөөнүн ортосунда келишимдин жеке шарттары мурунтан эле макулдашылганы айтылып жаткан.
Бирок Роналду мурда алты жыл ойногон Юнайтедге кайтып барууну туура көрдү. Ал Юнайтед менен бирге Премьер-Лиганын үч титулун, бир чемпиондук титул, эки Лигалар кубогун жана бир Англия кубогун, ошондой эле ФИФАнын клубдар аралык дүйнөлүк кубогун жана сэр Алекс Фергюсондун башкаруусу алдында Community Shield жеңип алган.
Башында Роналду мурунку клубу менен келишим түзгөнгө эч кандай мүмкүнчүлүк жок деп эсептелген. Бирок Юнайтед муну ишке ашырууну чечкен.
Ишемби күнү Премьер-Лигада "Сити" менен "Арсеналдын" беттеши алдында сүйлөп жатып, "Ювентустун" менежери Пеп Гвардиола: "Криштиану - "Ювентустун" оюнчусу. Башка эч нерсе кошо албайм” деген.
"Трансфердик терезе жабылганга чейин бул үч -төрт күндүн ичинде бардык нерсе болуп кетиши мүмкүн, бирок, менин оюмча, оюнчулар аз - Криштиану Роналду жана Месси кайсы командаларда ойной тургандыгын чечиши керек.
"Азыр мен командам менен абдан ыраазымын жана биз ушул бойдон калабыз".
Юнайтеддин менежери Оле Гуннар Сульшер жума күнү түштөн кийин пресс -конференция өткөрүп, алардын мурунку жылдызы "биздин бул жерде экенибизди билет", - деп айткандан кийин бул вариант мүмкүн болуп калган.
Сульшер Юнайтеддин жарым коргоочусу, Роналдунун жердеши Бруно Фернандеш аны менен сүйлөшүп жатканын кошумчалаган болчу.
Бир нече сааттан кийин клуб Жейдон Санчо менен Рафаэль Варандан кийинки жайкы трансфердик терезенин үчүнчү негизги келишими боло турганын жарыя кылган. (ChS)