Dedfrydu ffermwr am symud cerbyd cymydog gyda thractor ac achosi £5,000 o ddifrod
- Cyhoeddwyd
Mae ffermwr a ddefnyddiodd ei dractor i symud cerbyd cymydog a'i ddifrodi, wedi cael ei ddedfrydu.
Clywodd llys bod Ceredin Jones, 53 o Lanarth yng Ngheredigion, wedi defnyddio ei dractor Massey Ferguson i godi a symud tryc Anwen Hughes ar hyd lôn wledig ym mis Awst y llynedd.
Roedd wedi achosi gwerth £5,000 o ddifrod i'r cerbyd, clywodd Llys Ynadon Aberystwyth.
Clywodd y llys hefyd bod y lôn yn arwain at fferm Ms Hughes, ond bod gan Jones hawl i'w defnyddio er mwyn cyrraedd ei dir ei hun.
Wrth ddedfrydu ym mis Medi eleni, gosododd ynadon orchymyn yn atal Jones rhag defnyddio'r lôn dan sylw, a bydd rhaid talu costau o £800.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.