Os ydych chi'n mynd draw i Lanymddyfri bore 'ma, bydd y rhestr chwarae yma yn sicrhau eich bod yn barod amdani!

Cyflwynydd The One Show, Alex Jones yw Llywydd y Dydd heddiw.

Gan ei bod hi a’i theulu bellach yn byw yn Llundain, mae’n dweud ei bod hi’n awyddus i ddod â’i phlant a’i gŵr Charlie, sydd o Seland Newydd, yma i weld pa mor “arbennig” yw’r ŵyl.

Ffynhonnell y llun, Urdd

“Fydden i ddim yr un person heb yr Urdd,” meddai, wrth drafod ei hatgofion cynnar o gystadlu.

“Dyna pam fi’n neud y jobyn fi’n 'neud nawr.”

Ychwanegodd y byddai’n gyfle i gyfleu i’w phlant “pa mor bwysig yw’r Urdd i pwy y’n ni, a’n diwylliant ni”.

BBC Radio Cymru

Am 10:30 bob dydd bydd rhaglen yr Eisteddfod ar S4C, dolen allanol, gyda rhaglen uchafbwyntiau bob nos am 20:00.

Gallwch wylio'r holl gystadlu o'r pafiliynau Coch, Gwyn a Gwyrdd yn fyw ar S4C Clic, dolen allanol.

Ifan Jones Evans a Ffion Emyr sydd yn cyflwyno uchafbwyntiau o'r maes am 14:00 ar BBC Radio Cymru.

Fe roddodd Carys Edwards, cadeirydd y pwyllgor gwaith, deyrnged i‘r gwirfoddolwyr fu’n rhan o'r paratoadau yn Sir Gaerfyrddin.

“Mae hwn yn dangos pa mor bwysig ydi o fod yr eisteddfod dal yn teithio,” meddai.

“Dan ni ‘di gweld y croeso mwya’ cariadus allwch chi ei gael.”

Cyfaddefodd ei bod hi wedi bod yn “anodd ailgynnau pethau” ar y dechrau, yn dilyn oedi i’r ŵyl oherwydd y pandemig.

“Ond unwaith naethon ni gychwyn arni, 'naeth yr arian lifo i mewn,” meddai.

Mae cynhadledd i'r wasg wedi dechrau ar y maes.

Yn ôl prif weithredwr yr Urdd, Siân Lewis, mae pobl eisoes wedi bathu enw newydd i leoliad yr Eisteddfod eleni, sef Llanym-lyfli!

“Sir Gar, chi’n haeddu 10/10 am eich ymdrech eleni,” meddai.

Fe gadarnhaodd bod 8,000 o bobl wedi manteisio ar y cynnig o docynnau am ddim i’r maes i deuluoedd incwm isel.

“Mae’r Urdd heddiw yn Urdd i bawb, un sy’n adlewyrchu’r Gymru newydd.”

BBC Cymru Fyw

Wyt ti'n gwybod lle gafodd Eisteddfod yr Urdd ei chynnal am y tro cyntaf yn 1929?

Dyna un o gwestiynau cwis Cymru Fyw yr wythnos hon - beth am i ti roi cynnig arni?

Roedd Indi'n un o griw Ysgol Gymraeg Bro Myrddin fu'n perfformio ddydd Sul

"O'n ni 'di creu dawns o'r enw 'Tân ar y Gwaed' yn rapio a gyda phobl eraill," dywedodd.

"Oedd e'n absolutely amazing. O'dd llawer o bobl 'na, o'n ni 'di creu e 'da'r ysgol a o'dd boi o'r enw Gwilym 'di creu'r gân a chreu'r rap."

Er ei bod hi ychydig yn wyntog, mae’n ddiwrnod braf arall yn Llanymddyfri heddiw.

Efallai y bydd eli haul neu het fwced yn handi nes ymlaen!

Cofiwch lawrlwytho ap yr Eisteddfod ar eich ffôn er mwyn cael yr holl wybodaeth.

Map, amserlen, canlyniadau, gweithgareddau gŵyl Triban a mwy.

Drwy brosiect blwyddyn o hyd, ‘Prosiect 23’, mae pob plentyn o fewn ysgolion cynradd, uwchradd ac unedau arbenigol Sir Gâr wedi cael cyfle i fod yn ran o gyffro yr Eisteddfod eleni.

Nod ‘Prosiect 23’ oedd addysgu pobl ifanc am hanes, traddodiadau a diwylliant eu hardal, a hynny drwy elfennau celf, yn ogystal â drama a dawns, cerddoriaeth a chanu.

Gyda phrosiect 23 a sioe Chwilio'r Chwedl oedd yn digwydd ddydd Sul, dywedodd Siân Eirian, Cyfarwyddwr yr Eisteddfod, fod holl blant Sir Gaerfyrddin wedi cael cyfle i gael eu cynnwys.

"'Dyn ni ddim wedi gwrthod un plentyn i fod yn rhan o'r sioe," meddai.

"Ond be' sydd yn bwysig yw ein bod ni wedi cynnwys celf a bod hwnna wedi bod yn brosiect blwyddyn, a bo' 'na 900 arall yn rhan o hwnna.

"Be' sy'n hollbwysig i'n plant a phobl ifanc ni yw ein bod ni'n cynnwys pawb."

Am y tro cyntaf, fe fydd Makaton yn cael ei ddefnyddio yn ystod perfformiadau.

Gallwch fynd draw i'r pafiliwn gwyrdd i wylio rhai o'r cystadlaethau.

Bobl Cefneithin, beth y'ch chi'n ei feddwl o hyn?!

Er mai ddydd Llun mae'r cystadlu'n dechrau, fe ddechreuodd yr ŵyl ieuenctid eleni ddydd Sul mewn gwirionedd wrth i filoedd o blant ac oedolion lenwi'r maes yn Llanymddyfri, Sir Gâr.

Roedd dros 900 o blant a phobl ifanc y sir yn perfformio ar wahanol adegau yn ystod y prynhawn ar draws bedwar o lwyfannau'r maes fel rhan o ddigwyddiad Chwilio'r Chwedl.

Eisteddfod yr Urdd

Bydd yna ragbrofion a chystadlaethau lu yn ystod y dydd a llawer iawn o weithgareddau eraill hefyd.

Dyma'r map holl bwysig!

Fyddwch chi'n ymweld â'r maes eleni? Dyma flas i chi o'r hyn sydd yno...

Hon fydd yr wythfed tro i Eisteddfod yr Urdd ymweld â Sir Gaerfyrddin.

Roedd yr ymweliad cyntaf yn 1935 a’r mwyaf diweddar yn 2007.

Dyma'r tro cyntaf i Eisteddfod Genedlaethol yr Urdd ddod i Lanymddyfri.

Roedd hi'n llawn ar y maes ddydd Sul, yn wahanol i'r arfer, gyda sioe Chwilio'r Chwedl.

Roedd 900 o blant yn rhan o'r perfformiadau!

Urdd Gobaith Cymru

Mae'r holl wybodaeth sydd ei angen ar wefan yr Urdd, dolen allanol - mae hi'n gyfleus i gyrraedd mewn car, gan ddefnyddio'r meysydd parcio, neu drafnidiaeth gyhoeddus.