Prif Gyfansoddwr yr Eisteddfod, Gwydion Rhys, fu'n sôn am y profiad o ennill y fedal ar ôl y seremoni.

"I clywed cerddorion go iawn yn chwarae'ch cerddoriaeth, does 'na ddim byd cweit yn 'run fath â hwnna."

Mae ‘na elfen newydd arall i brif seremonïau’r dydd yn Eisteddfod yr Urdd eleni.

Ar y llwyfan, yn ogystal â’r arweinydd Heledd Cynwal a’r awenau, fe welwch chi ddynes arall.

Ei henw hi yw Cathryn McShane, a hi sy’n arwyddo beth sy’n digwydd yn ystod y seremoni, y tro cyntaf i hynny ddigwydd.

Os yw ei hwyneb yn edrych yn gyfarwydd i chi, mae hynny oherwydd mai hi oedd un o’r arwyddwyr cyson yn ystod cynadleddau i’r wasg y prif weinidog, Mark Drakeford, yn ystod y pandemig.

Lluniau o ddiwrnod cynta'r cystadlu yn Eisteddfod yr Urdd Sir Gâr, Llanymddyfri.

Twitter

Beth sydd ei angen ar gyfer wythnos o eiteddfota? Dyma ambell gyngor?!

Ar stondin Comisiynydd Plant Cymru mae map sticeri yn dangos ble mae ymwelwyr i’r maes heddiw yn byw.

Mae ‘na dipyn o amrywiaeth - gan gynnwys ambell un sydd wedi gwneud y daith hir o bellafion Ynys Môn!

Mae 'na ddigon i wneud ar y maes a'r arwyddion yn eich cyfeirio at wahanol ardaloedd.

Mae Eisteddfod yr Urdd yn denu tua 90,000 o ymwelwyr bob blwyddyn ac eleni gan fod y maes o fewn pellter cerdded i’r dref, mae cynghorydd sir a thref Llanymddyfri yn gobeithio y bydd pobl yn dychwelyd i’r ardal.

“Ni yn gobeitho bo pethe fel yr Eisteddfod, bod gymaint o bobl newydd yn dod i’r ardal, dros gan mil os yw’r tywydd yn ffein, lot o nhw ddim wedi gweld Llanymddyfri erioed.

"Y bwriad yw bo nhw’n lico fe, a bo nhw moyn dod nôl yn y dyfodol eto ac eto fel bod y busnesau lleol yn gweld y benefit.”

O ba bynnag gyfeiriad fyddwch chi’n teithio mae Sir Gaerfyrddin yn fôr o liw.

Mae aelodau gweithgar o’r gymuned wedi annog llawer i ymuno yn yr hwyl.

Y cerddor ifanc o Ddyffryn Ogwen ydy Prif Gyfansoddwr Eisteddfod yr Urdd Sir Gaerfyrddin 2023.

Mae modd teithio ar drên i’r Eisteddfod eleni ar lein Calon Cymru sy’n rhedeg drwy Lanymddyfri.

Er hynny, does dim teithiau trên ychwanegol wedi’u hamserlennu ar gyfer yr Eisteddfod, ac mae gwaith peirianyddol wedi'i drefnu o fore Mawrth i fore Gwener.

Dyma Carwyn Jones o Aberystwyth yn cymryd munud o hoe i dorheulo yn yr haul.☀️

Cwestiynau cyflym gyda'r cyflwynydd Alex Jones ar faes Eisteddfod yr Urdd 2023.

Ei ffugenw oedd 'Tannau Perfedd' - llongyfarchiadau mawr iawn!

Ffynhonnell y llun, Urdd Gobaith Cymru

Mae'r gynulleidfa yn aros yn eiddgar i glywed pwy sydd wedi ennill y Fedal Gyfansoddi.

Mae teimlad gwahanol i'r seremonïau eleni, gyda chwech Awen lliwgar yn bresennol.

Ar Lwyfan y Cyfrwy, mae prif seremoni'r dydd - Y Fedal Gyfansoddi dan 25 oed - ar fin digwydd.

Roedd gofyn i'r ymgeiswyr gyfansoddi naill ai:

a. Cylch o ganeuon ar eiriau Cymraeg o ddewis y cystadleuydd

b. Rhangan neu gytgan ar eiriau Cymraeg o ddewis y cystadleuydd

c. Cyfansoddiad i un neu ddau offeryn

ch. Cyfansoddiad i ensemble offerynnol

Y beirniaid yw Dr Owain Llwyd a Dr Daniel Bickerton

Mae wedi bod yn ddiwrnod llwyddiannus hyd yma i Ben Manville-Parry, 10, o Gaerdydd.

Ar ôl ennill yr Unawd Telyn Bl.6 ac iau, mae nawr wedi cipio’r wobr gyntaf yn yr Unawd Gitâr hefyd.

Meddai ar ôl ennill yr unawd telyn, "ro'n i'n hanner disgwyl e a hanner ddim!"

Roedd eisoes wedi ennill cystadleuaeth gwaith cartref am gyfansoddi - does dim rhyfedd bod ei deulu i gyd mor falch!

Wrth ymweld ag Eisteddfod yr Urdd, dywedodd ei bod yn awyddus i ddangos y "digwyddiad unigryw" i'w phlant ei hun.

Mae Lilah ac Aurora o Benrhyncoch wedi hongian neges 'pob lwc' ar goeden ddymuniadau Mistar Urdd, sydd yn y Ganolfan Groeso.

Mae Lilah'n edrych ymlaen at gystadlu yn y parti cerdd dant blwyddyn 6 ac iau gydag Ysgol Rhydypennau.

Dyma Catrin Manning a Jack Davies yn eu gwisgoedd gwynion, yn aros yn eiddgar am ganlyniad cystadleuaeth CogUrdd.

Briff ei chystadleuaeth y bore 'ma, meddai Catrin, oedd i goginio pryd o fwyd mewn dwy awr gan ddefnyddio cynnyrch lleol, felly aeth ati i goginio wellington cig eidion a chig oen a llysiau mewn saws gwin coch.

Cynnyrch lleol oedd ar y fwydlen gan Jack hefyd: "Fel mab ffarm, y brecwast yw'r pryd mwyaf pwysig.

"Dw i wedi gallu defnyddio cynnyrch o'n fferm ein hunain a'r ffermydd rownd ni, mewn ffordd cynaliadwy a gwneud y gorau o beth sydd 'da ni yn Sir Gâr."

Blasus!

Mae digon i'ch diddanu yng Ngŵyl Triban, ddydd Gwener a Sadwrn.

Yn yr Arddorfa, beth am fynd i sesiwn ioga gyda Mistar Urdd, i weithdy gospel gyda Chôr UAB o Alabama, neu ddisgo tawel y gwersylloedd?

Ac yn Yr Adlen, mae digon o artistiaid, fel Lily Beau, Adwaith, Mellt, gyda Dafydd Iwan yn cloi'r wythnos nos Sadwrn.