ከኢንቪዲያ ጋር በተያያዘ በስለላ የተጠረጠረችው ቻይናዊት ባለፈው ዓመት ከኃላፊነት መልቀቋ ተገለጸ

አሊስ ሃውንግ እና ጀንሰን ሃውንግ
ታትሟል
የንባብ ጊዜ: 2 ደቂቃ

በስለላ የተጠረጠረችው እና ከግዙፉ የቴክኖሎጂ ኩባንያ ኢንቪዲያ የቀድሞ ሥራ አስፈፃሚ ጀንሰን ሃውንግ ጋር ግንኙነት እንደነበራት የተገለጸው ቻይናዊቷ አሊስ ሃውንግ፤ ባለፈው ዓመት ነሐሴ ወር ላይ ከኃላፊነቷ መልቀቋን ኩባንያዋ ሜጋስፒድ አስታወቀ።

የቀድሞው ሥራ አስፈፃሚ ጀንሰን ሃውንግ የኤአይ ቺፕ ከሚሠራው የቴክኖሎጂ ኩባንያ ኢንቪዲያ የለቀቁት በስለላ ከተጠረጠረችው ቻይናዊቷ አሊስ ሃውንግ እና ከሌላ አንድ ተቀጣሪ ጋር ግንኙነት እንዳላቸው ከተገለጸ በኋላ ነበር።

ሜጋስፒድ በደቡብ ምሥራቅ እስያ የኢንቪዲያ ቺፖች ዋነኛ ደንበኛ ነው። አሜሪካ ከቻይና ጋር ያላትን የውጭ ንግድ ብትገድብም፤ በኢንቪዲያ የተፈፀመው ቅሌት የኤአይ ቺፖች ቻይና ገብተው ሊሆን ይችላል የሚል ጥያቄን ፈጥሯል።

ተቀማጭነቱን በሲንጋፖር ያደረገው ኩባንያው እሁድ እለት በተቋሙ ላይ የውስጥ ምርመራ ማድረጉን ገልጿል።

ሜጋስፒድ "ስለተቋማችን፣ የአቅርቦት ሰንሰለታችን እና ዓለም አቀፍ ሥራችን ላይ በተረጋገጠ መረጃ ያልተደገፉ ሪፖርቶች መውጣታቸውን እናውቃለን" ብሏል።

ድርጅታቸው "ትክክለኛ እና ሕጋዊ" የሆነ ተቋም እንደሆነ የገለጸው ሜጋስፒድ፣ ጥልቅ የውስጥ ምርመራ ሲያካሂድ መቆየቱን አክሏል።

አሊስ ሃውንግ እአአ በ2023 መጨረሻ ከሜጋስፒድ ኃላፊነቷ መልቀቋ ቢገለጽም፣ በድርጅቱ ሥራ አሁንም ከፍተኛ ተሳትፎ እንዳላት እንደሚጠረጠር ተቀማጭነቱን በዋሽንግተን ያደረገው የደኅንነት ተንታኝ ቡድን ሲ4ኤዲኤስ አመልክቷል።

የደኅንነት ተንታኝ ቡድኑ እንዳለው ሃውንግ ከኃላፊነቷ ብትለቅም አሁንም "ሜጋስፒድን ትቆጣጠራለች"።

Skip podcast promotion and continue reading
BBC News Amharic የቢቢሲ አማርኛ ዩቲዩብ ቻናላችንን ይቀላቀሉ!
የቢቢሲ አማርኛ ዩቲዩብ ቻናል

ዜና፣ ትንታኔ እና ታሪኮችን በምሥል እና በድምጽ ለማግኘት

ይህንን በመጫን ሰብስክራይብ ያድርጉ

End of podcast promotion

ሃውንግ ከቀድሞው የኢንቪዲያ አለቃ ጋር ግንኙነት እንደሌላት ገልጻለች። ሆኖም ባለፈው ዓመት በሜጋስፒድ እና በሌሎች ኩባንያዎች ላይ የተደረገው ምርመራ አካል ሆኖ በሲንጋፖር ባለሥልጣናት ምርመራ ሲካሄድባት ቆይቷል።

የኤሎን መስክን ስፔስ ኤክስን ጨምሮ የቴክኖሎጂ መሪዎች ሃውንግ ወደ ኢንቪዲያ ሥራ አስፈፃሚነታቸው እንዲመለሱ ድጋፍ እያደረጉ ነው።

ፋይናንሻል ታይምስ የሃውንግ ተወካይን ጠቅሶ ወደ ኩባንያው ለመመለስ እየተነጋገሩ እንደሆነ ቢጠቁምም አስተያየት ለመስጠት ፈቃደኛ አልሆኑም።

ቢቢሲ ግን ድርጅቱ የውስጥ ምርመራ እያካሄደ በመሆኑ ሃውንግ ወደ ኩባንያው የመመለስ እድላቸው በጣም ዝቅተኛ እንደሆነ ለመረዳት ችሏል።

እርምጃው ከዋሽንግተንም ከፍተኛ ምርመራ ይደረግበታል።

የገንዘብ ሚኒስትሩ ስኮት ቤሴንት ኢንቪዲያ ከኩባንያው ውጭ ቀጣዩን ዋና ሥራ አስፈፃሚ እንዲቀጥር ጥሪ አቅርበዋል።

ቤሴንት አርብ ዕለት የዶናልድ ትራምፕ ካቢኔ ባልደረባ የሆነውን የሃዋርድ ሉትኒክን የንግድ ክፍል ከፍተኛ ጥራት ያላቸውን ቺፖችን ወደ ውጭ መላክ በአግባቡ ባለመቆጣጠሩ ወቅሷል።

ጀንሰን ሁዋንግ ከመስራቾች አንዱ የሆኑበት ኢንቪዲያ፣ አሜሪካ እና ቻይና የኤአይ ቴክኖሎጂ የበላይነት ለመያዝ በሚያደርጉት ፉክክር ውስጥ ዋነኛ የትኩረት ማዕከል ነው።

የአሜሪካ ባለሥልጣናት ቺፖችን ወደ ቻይና ኤክስፖርት ማድረግን የሚመለከቱት እንደ ብሔራዊ ደኅንነት ጉዳይ ነው። ሁዋንግ ከግለሰቧ ጋር አላቸው የተባለው ግንኙነት ስጋት የፈጠረውም በዚሁ ምክንያት ነው።

በተጨማሪም ሰኞ ዕለት ሁዋንግ እና ኢንቪዲያ ከተጠርጣሪዋ ቻይናዊ ሰላይ ጋር ያላቸውን ግንኙነት በመደበቅ ባለአክስዮኖችን አታልለዋል የሚል ክስ በካሊፎርኒያ ፍርድ ቤት ቀርቦባቸዋል።