ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

ሓደ  ንእሽቶን ዘብረቕርቕ ዓሳ፡ ተዅሲ ጥይት ዝምሕያሉ ድምጺ ከም ዘስምዕ ተመራመርቲ ረኺቦም። 

ተዅሲ ጥይት ዝኣክል ድምጺ ዘስምዕ ደቂቕ ዓሳ ከምዘሎ ትፈልጡዶ?

ጽማቚ ቀይሕ ሱር ምስታይ ዘለዎ ጥዕናዊ ረብሓታት ሕሹኽ ክንብለኩም

ስለምንታይ እዮም ሰባት ‘መናፍስቲ ምዉታን’ ዝረአዩዎም?

እዚ ሜላ - ኣብ ሩዝ ኣእቲኻ ምንቃጽ - ዝውቱር'ኳ እንተጸንሐ፡ ክኢላታት ግን ካብ ነዊሕ እዋን ኣትሒዞም ኣንጻሩ ከጠንቀቑ ጸኒሖም እዮም። ምኽንያቱ እቲ ዘካየድዎ ፈተነታት እቲ ሜላ ከምዘይሰርሕ ስለዝሕብር።

ብማይ ዝጠልቀየት ሞባይልኩም ብሩዝ ተንቅጹ'ዶ?  

ካብ ቆርበት ኣድጊ፡ ጥዕና ዘደንፍዕን ንእስነትካ ዝዕቅብን ባእታ ከም ዘለዎ ይእመን። ነቲ ጀላቲን  ንምውጻእ ድማ፡ ቆርበት ኣድጊ ይፈልሕ። ካብኡ ድማ ናብ ሓሩጭ፡ ከኒና ወይ ፈሳሲ ይስራሕ ወይ ድማ ኣብ መግቢ ዝሕወስ ኰይኑ ይስራሕ።

ሚልዮናት ኣእዱግ ስለምንታይ ከምዝቕተሉ ትፈልጡ'ዶ?

ብዙሓት ሰባት ንነዊሕ እዋን መነጽር ምጥቃም መጠን ርእየት ዓይኒ ከምዘዳኽም ይኣምኑ። ግን ሓቂ ድዩ? ነዚ ዘረጋግጹ ንጹር መርትዖታትከ ኣለዉ ድዮም?

መነጽር ምጥቃም ናይ ምርኣይ ኣቕምና የዳኽሞ ድዩ?

እቲ ኣብ ለንደን ሆስፒታል ጋይስ ዝርከብ ክሊኒክ፡ ኣብ ወርሒ መስከረምን ጥቅምትን 2022 ዝተበላሸወ መዝሓሊ ጠራሙዝ ተጠቒሙ ክኸውን ከምዝኽእል ገሊጹ። 

ኣብ መዝሓሊ በረድ ተኸዚኑ ዝነበረ እንቋቑሖ ደቂኣንስትዮ ተባላሽዩ

ኣብዚ እዋን'ዚ ኣብ ዓዲ እንግሊዝ ንሰባት ኣየናይ ዓይነት ዲጂታላዊ ወልፊ ከምዘለዎም ብልክዕ ምፍላጥ ኣጸጋሚ እዩ፤ እንተዀነ መብዛሕትኦም ሓካይም ይዅኑ ሓካይም ስነ-ልቦናን ስነ-ኣእምሮን ዝዀነ ሰብ ምስዚ ጉዳይ ብዝተሓሓዝ ጸገም ኣለዎ’ዶ የብሉን ዝብል ምፍላይ ኣይመጸገመን።

'ዲጂታላዊ ወልፊ' ኣሎና ዶ? እንታይነቱን መፍትሒኡን

ኣብ ሰራውር ዘጋጥም ምርጋእ ደም መብዛሕትኡ ግዜ ኣብ እግሪ እዩ ዘጋጥም። እንተዀነ ገለ ክፋል ናይቲ ርጋ’እ ደም ተበቲኹ ብደም ኣቢሉ ናብ ካልእ ክፋል ኣካላት፡ መብዛሕትኡ ግዜ ድማ ናብ ሳንቡእ ክጓዓዝ ተኽእሎ ኣሎ። ርጋ’እ ደም ናብ ሳንቡእ ኣብ ዝኣትወሉ እዋን ሃንደበታዊ ምዕጋት ሱር ደም ሳንቡእ ይበሃል።

ሃንደበታዊ ምዕጋት ሱር ደም ሳንቡእ እንታይ እዩ?

ከም ቪያግራ ዝኣመሰሉ መድሃኒታት ፈለማ ንልዑል ጸቕጢ ደምን ኣንጅናን [ኣብ ከባቢ ኣፍልቢ ዝፍጠር ቃንዛ]  ንምፍዋስ ዝተዳለዉ እዮም። 

ቪያግራ ዝጥቀሙ ሰብኡት ንረሲዕነት ናይ ምቅላዕ ተኽእሎኦም ትሑት ምዃኑ መጽናዕቲ ይእምት

ኣልበርት ኣንስታይን ዘማዕበሎ ክልስ ሓሳብ ሓፈሻዊ ተዛማድነት እንታይ ትፈልጡ? 

ኣልበርት ኣንስታይን ዘማዕበሎ ክልስ ሓሳብ ተዛማድነት እንታይ እዩ?

ቢልዮነር ቴክኖሎጂ ኤሎን ማስክ፡ ትካሉ ኒውራሊንክ፡ ንመጀመርታ ግዜ ገመድ ኣልቦ ቺፕ ሓንጐል ኣብ ሰብ ብዓወት ከምዝተተኽለ ገሊጹ።

ኢሎን ማስክ፡ ንፈለማ ግዜ 'ቺፕ ሓንጐል' ምትካሉ ኣፍሊጡ

ኣብ ስዊዘርላንድ ከተማ ዳቮስ ኣብ ዝካየድ ዘሎ ዓለምለኸ ቁጠባዊ መድረኽ መራሕቲ ኢንዱስትሪ ጥዕና፡ "ሕማም ኤክስ" ተባሂሉ ዝጽዋዕ ለበዳ ሕማም ክጋጥም ከምዝኽእል ምውጣን ኣገዳሲ ከምዝዀነ ክዛተዩ ጸኒሖም እዮም።

ዓለም ብዛዕባ ንመጻኢ ከጋጥም ዝኽእል ለበዳ ሕማም 'ኤክስ' ትዝቲ

እዚ ኣብ መበል 17 ክፍለ ዘመን ዝተሃንጸ መንበሪ ገዛ ሃገራዊ ሽፋን ማዕከናት ዜና ክረክብ ክኢሉ’ዩ። ታሪኻዊ ቅርሲ ስለዝዀነ ግን ኣይነበረን። ኣብቲ ገዛ ኣስታት 300 ክንዮ-ባህርያዊ ተርእዮታት ከምዘጋጠሙ ጸብጸባት ይገልጹ። ‘ፓራኖርማል: ዘ ገርል፡ ዘ ጎስት ኤንድ ዘ ግሬቭስቶን’ ብዘርእስታ ሓዳሽ ተኸታታሊ ሰነዳዊት ፊልም ብዛዕባ እቲ ዘስካሕክሕ ታሪኽ ኣቃሊዓ ኣላ።

‘መናፍስቲ ምዉታን’ ሻቕሎት ዝፈጠሩሉ ገዛ

ኵሉ ሰብ ብዛዕባ ኤኣይ ዝዛረብ ዘሎ፡ ትካል ‘ኦፕንኤኣይ’ ንምእማኑ ዘጸግም ዕዉት ቻትጂፒቲ (ChatGPT) ብምጅማሩን ከምኡ’ውን ኤኣይ ልዑል ዓቕሚ ስለዘለዎን እዩ። ይዅን’ምበር ኤኣይ ኣስባስላ ስኒን ኤኣይ መተርኣስን ግን ካብ ቻትጂፒቲ ኣዝዩ ነዊሕ ርሕቀት ዝኸደ እዩ።

ሰብሰርሖ ብልሒ፡ ቅሩብ ኣይበዝሐን’ዶ?

ኣብ ኣዲስ ኣበባ ኣብ ዝተኻየደ ምርኢት ምህዞ፡ ዝሳተፉ ዘለው ካብ መላእ ክፋል እታ ሃገር ዝመጽኡ መሃዝቲ፡ ንሕርሻን ካልኦት ስራሕትን ክውዕሉ ዝኽእሉ ድሮናት፣ ሄሊኮፕተራትን ካልኦት ተመሳሰልቲ ስራሕትን ኣቕሪቦም’ዮም። ካብኣቶም ሓደ ዝዀነ ኣብ ትግራይ ነባሪ ከተማ ሽረ እንዳስለሰ ዕበ ለገሰ እዩ። ዕበ ሒዙዎ ብዝቐረበ ምህዞ ሄሊኮፕተር ሽልማት ገንዘብን ወረቐት ምስክርን ተበርኪትሉ ኣሎ።

"ባዕለይ ብዝሰራሕኽዋ ሄሊኮፕተር ካብ ሽረ ኣዲስ ኣበባ ናይ ምብራር ሕልሚ ኣለኒ"፡ ዕበ ለገሰ

'ሕማማት እዋን ጥንሲ' ዝፍውስ መድሃኒት ተስፋ ተረኺብዎ

ኣብ ሓደ እዋን "ዝኸፍአት ኣደ ኣውስትራልያ" ዝብል ስም ዝተዋህባ ኣደ፡ ንኣርባዕተ ደቃ ብምቕታል ዝተዋህባ ፍርዲ ተሰሪዙ።

ብቕትለት ኣርባዕተ ደቃ 20 ዓመት ዝተኣስረት ኣደ ክሲ ተሰሪዙ ነጻ ወጺኣ

ካብ እንቁርዖብን ክሳብ ሓርጃም፡ ካብ ጽምብላሊዕ ክሳብ ሕንዚዝ ኣብ ዓለም መርዛም እንስሳታት ኣይሰኣኑን። ኣብዚ ዝርዝር ዘለዉ ገለ ካብዞም እንስሳታት ዘገርሙ እዮም።

ዓሰርተ መርዛም እንስሳት ኣየኖት ምዃኖም ትፈልጡ ዶ?

ኣብዚ ሕጂ እዋን፡ ልዕሊ ህቡብ ሰብሰርሖ ብልሒ ቻትጂፒቲ ኣመና ዘዘራርብ ፍርያት ቴክኖሎጂ ዳርጋ የለን ክብሃል ይክኣል። እዚ ቴክኖሎጂ ኣብ ዓለም ልዕሊ 180 ሚሊዮን ተጠቀምቲ ኣለውዎ።

ስለምንታይ ደቂ ተባዕትዮ ዝያዳ ደቂ ኣንስትዮ ሰብሰርሖ ብልሒ ይጥቀሙ?

ኣብ ዓባይ ብሪጣንያ ዩኒቨርስቲ ካምብሪጅ እትመራመር ዶ/ር እስትሬላ፡ ውልዶታት ኣእዋም ካብ ዓሌታቶም ጭንቀት ክወርሱ ተኽእሎ’ሎ ድዩ? ንዝብል ሕቶ መልሲ ንምርካብ ምስ ጉጅለኣ ኮይና ትመራመር ኣላ።

ኣግራብ ይጭነቝ ድዮም?

መንሽሮ ጡብ እቲ ኣዝዩ ልሙድ ዝዀነ ዓይነት መንሽሮ እዩ። ኣብ 2020 ጥራይ 2.3 ሚልዮን ደቂ ኣንስትዮ ከም ዝሓመማን 685,000 ብሰንኪ’ቲ ሕማም ህይወተን ከም ዝሰኣናን ውድብ ጥዕና ዓለም ይሕብር።
ሞት ደቂ ኣንስትዮ ካብ ዘስዕቡ ጠንቂታት ኣብ ካልኣይ ደረጃ ይስራዕ። መንሽሮ ጡብ ብኣጋኡ እንተተፈሊጡ ወይ ከይተዘርገሐ እንከሎ እንተተሓኪሙ፡ 99 ሚእታዊት ናይ ምድሓን ተኽእሎ ከም ዘሎ ማሕበር መንሽሮ ኣሜሪካ ይሕብር።

‘ጡበይ ዝቝረጸሉ መዓልቲ ንገረኒ’ 

ኣብ ደቡባዊ ሞዛምቢክ ምስፍሕፋሕ ጉንፋዕ ኣዕዋፍ ንምክልኻል ተባሂሉ ልዕሊ 45 ሽሕ ደራሁ ተቓጺለን ከምዝተቐበራ፡ ሰበስልጣን እታ ሃገር ገሊጾም።


ለበዳ ሕማም ንምክልኻል 45 ሽሕ ደርሁ ኣቃጺላ ዝቐበረት ሃገር

ቢራ ኣብ ኣውሮጳ ኣዝዩ ዝውቱር ዓይነት መስተ ኮይኑ፡ ኣብ ዓዲ እንግሊዝ ጥራይ 8.5 ቢልዮን ‘ፓይንት’ (ፍርቂ ሊትሮ ዝዕቀን ቢራ እትሕዝ ብርጭቆ) ከምዝሽየጥ ማሕበር ቢራን ኣብያተ-መስተን ብሪጣንያ ይሕብር።