అక్రమాస్తుల కేసులో జగన్‌కు, సీబీఐకి సుప్రీం కోర్టు నోటీసులు

ఈ కేసులో విచారణలో ఆలస్యానికి కారణాలను తెలియజేస్తూ, విచారణ మరో రాష్ట్రానికి ఎందుకు బదిలీ చేయకూడదో తమ వాదన తెలపాలంటూ సీబీఐకి సుప్రీంకోర్టు నోటీసులు జారీ చేసింది.

లైవ్ కవరేజీ

  1. హైదరాబాద్‌లో ‘7 కోట్ల రూపాయల’ ఫేక్ కరెన్సీ స్వాధీనం

    హైదరాబాద్, తెలంగాణ
    ఫొటో క్యాప్షన్, నకిలీ నోట్లు

    హైదరాబాద్ శివారు ప్రాంతంలో నకిలీ కరెన్సీ ముఠాను పోలీసులు పట్టుకున్నారు. వారి నుంచి ‘7 కోట్ల రూపాయల’ ఫేక్ నోట్లను స్వాధీనం చేసుకున్నారు.

    అబ్దుల్లాపూర్‌మెట్ పోలీసులు, షాద్‌నగర్ ఎస్‌ఓటి కలిసి ఈ రాకెట్‌ను పట్టుకున్నాయి.

    పోలీసులు నలుగురు నిందితులను అరెస్టు చేసి, మొత్తం రూ. 6.78 కోట్ల నకిలీ రూ. 500 కరెన్సీ నోట్లు స్వాధీనం చేసుకున్నారు.

    జాతీయ రహదారి -65పై పోలీసులు నవంబర్ 1న తనిఖీలు చేపట్టారు. ఒక కారును ఆపి తనిఖీలు చేస్తే అసలు గుట్టు బయటపడింది. మడుపోజు కరుణాకర్, చిన్నొల్ల మాణిక్య రెడ్డి, చెరుకుపెల్లి రత్నాకర్ రెడ్డి, కరణం అజయ్ కుమార్‌ను అరెస్టు చేశారు.

    ఈ రాకెట్‌లో ప్రమేయం ఉన్న ఇతర వ్యక్తులను గుర్తించేందుకు తదుపరి దర్యాప్తు కొనసాగుతోందని పోలీస్ కమిషనర్ డాక్టర్ తరుణ్ జోషి చెప్పారు.

  2. వంగవీటి రాధా: పాతికేళ్లకే ఎమ్మెల్యే.. ఇప్పుడు విజయవాడ మేయర్‌

  3. ధన త్రయోదశి: బంగారం, వెండి భవిష్యత్‌ ఏంటి?

  4. అమెరికాలో మధ్యంతర ఎన్నికల ప్రాధాన్యత ఏంటి? భారత్ మీద వీటి ప్రభావం ఎలా ఉండొచ్చు?

  5. ‘ఇది ఎన్నిక కాదు ఎంపిక, కంగ్రాట్స్ పోలీస్... ’ అన్న జగన్, ఈ ఫలితాలు సుపరిపాలనకు నిదర్శనమన్న సీఎం చంద్రబాబు

  6. 20 మంది సిబ్బందిని రక్షించిన భారత్‌కు కృతజ్ఞతలు చెప్పిన ఇరాన్

    ఇరాన్, భారత్
    ఫొటో క్యాప్షన్, 20 మంది సిబ్బందిని రక్షించిన భారత్‌కు కృతజ్ఞతలు చెప్పిన ఇరాన్

    'అజినీ' నౌకలోని 20 మంది ఇరాన్ సిబ్బందిని రక్షించినందుకు భారత ప్రభుత్వానికి, భారత నౌకాదళానికి, భారత వైమానిక దళానికి న్యూఢిల్లీలోని ఇరాన్ రాయబార కార్యాలయం కృతజ్ఞతలు తెలిపింది.

    "భారత సాయుధ దళాల నైపుణ్యం, ధైర్యం, సమన్వయాన్ని ప్రశంసిస్తున్నాం" అని ఇరాన్ రాయబార కార్యాలయం రాసుకొచ్చింది.

    "ఇది మానవతా సహాయం, విపత్తు సహాయక చర్యల పట్ల భారత్‌కు ఉన్న బలమైన నిబద్ధతను తెలియజేస్తోంది. తన సరిహద్దులకు ఆవల ప్రాణాలను కాపాడటంలో భారత్‌ కీలక పాత్ర పోషిస్తుందని ఈ ఘటన చూపిస్తుంది." అని అభిప్రాయపడింది

    ఈ ఆపరేషన్‌ను భారత్, ఇరాన్‌ మధ్య స్నేహం, సంఘీభావం, సహకార స్ఫూర్తికి ప్రతీకగా ఇరాన్ రాయబార కార్యాలయం అభివర్ణించింది.

    ఇరాన్ సిబ్బందిని సురక్షితంగా రక్షించడంలో పాలుపడిన వారందరికీ కృతజ్ఞతలు తెలిపింది.

    ఈ మిషన్‌కుగాను రక్షణ మంత్రి రాజ్‌నాథ్ సింగ్ సోషల్ మీడియాలో భారత నౌకాదళాన్ని అభినందించారు. ముంబయికి 3,000 కిలోమీటర్లకు పైగా దూరంలో ఉన్న అరేబియా సముద్రంలో 48 గంటల పాటు సాగిన ఆపరేషన్ తర్వాత, సిబ్బందిలోని 20 మందిని కాపాడారని ఆయన అన్నారు.

    ఈ ఆపరేషన్‌లో భారత వైమానిక దళం కూడా సకాలంలో సహకారం అందించింది.

    భారత నౌకాదళం సముద్రపు దొంగలను గుర్తించి, వారిని అడ్డుకుని, సిబ్బందిని సురక్షితంగా తీసుకొచ్చిందని రాజ్‌నాథ్ సింగ్ వెల్లడించారు.

  7. తుపానులు అక్టోబరు, నవంబరులోనే ఎక్కువగా ఎందుకు వస్తుంటాయి..

  8. సీజేపీ నిరసనలకు కాంగ్రెస్ దూరం.. ‘ఇండియా’ బ్లాక్‌ ర్యాలీకి సీజేపీ దూరం.. డిమాండ్ ఒక్కటే అయినా దారులెందుకు వేరయ్యాయి?

  9. గుండె కొట్టుకోవడం ఆగిపోతే ఎంతసేపు సీపీఆర్ చేయాలి?

  10. మురసు తుపాను ప్రభావంతో ప్రకాశం, బాపట్ల జిల్లాల్లో కౌంటింగ్ ఆలస్యం, గరికిపాటి ఉమాకాంత్, బీబీసీ కోసం

    ఆంధ్రప్రదేశ్, మురసు, మున్సిపల్ ఎన్నికల కౌంటింగ్,
    ఫొటో క్యాప్షన్, ఓట్ల లెక్కింపు(ప్రతీకాత్మక చిత్రం)

    మురసు తుపాను ప్రభావం మున్సిపల్ ఎన్నికల కౌంటింగ్‌పై కనిపించింది. రెండు జిల్లాల్లో లెక్కింపు ఆలస్యం కానుందని అధికారులు ప్రకటించారు.

    ప్రకాశం, బాపట్ల జిల్లాల్లో మున్సిపల్ ఎన్నికల ఓట్ల లెక్కింపు సమయం మార్పులు చేశారు.

    ఈ రెండు జిల్లాల్లో ఉదయం 8 గంటలకు ప్రారంభం కావాల్సిన కౌంటింగ్ 11.30 గంటలకు వాయిదా వేసినట్లు స్టేట్ ఎలక్షన్ కమిషనర్ అనిల్ చంద్ర పునేఠా తెలిపారు. మిగిలిన జిల్లాల్లో కౌంటింగ్ యథావిధిగా సాగుతుందన్నారు.

    భారీ వర్షాలు, ఈదురుగాలులతో రాకపోకలకు అంతరాయం ఏర్పడటంతో అధికారులు ఈ నిర్ణయం తీసుకున్నారు.

    కౌంటింగ్ సిబ్బంది, ఏజెంట్లు కేంద్రాలకు చేరుకోవడంలో ఇబ్బందులు ఎదురవుతున్నాయని గ్రహించిన ఎన్నికల అధికారులు అందుకు తగట్టుగా చర్యలు తీసుకున్నారు.

    అందుకే ఉదయం 10.30 గంటలకు మరోసారి పరిస్థితి సమీక్షించనుంది. వర్షాలు తగ్గకపోతే తదుపరి నిర్ణయం తీసుకుంటామని ప్రకటించింది.

    ఈ నిర్ణయం కేవలం ప్రకాశం, బాపట్ల జిల్లాలకే పరిమితమని ఎలక్షన్ కమిషన్ స్పష్టం చేసింది. మిగతా జిల్లాల్లో ఉదయం 8 గంటలకే కౌంటింగ్ ప్రారంభమైందని కూడా వెల్లడించింది. పటిష్టమైన భద్రత మధ్య కౌంటింగ్ నిర్వహించాలని కలెక్టర్లకు ఆదేశించింది.

  11. ఆంధ్రప్రదేశ్‌లోని మున్సిపాలిటీ ఎన్నికల ఓట్ల లెక్కింపు ప్రారంభం, గరికిపాటి ఉమాకాంత్, బీబీసీ కోసం

    ఆంధ్రప్రదేశ్‌,  మున్సిపాలిటీ ఎన్నికలు
    ఫొటో క్యాప్షన్, ఆంధ్రప్రదేశ్‌లోని మున్సిపాలిటీ ఎన్నికల ఓట్ల లెక్కింపు ప్రారంభం (ప్రతీకాత్మక చిత్రం)

    ఆంధ్రప్రదేశ్‌లో పట్టణ స్థానిక సంస్థల ఎన్నికల ఓట్ల లెక్కింపు ప్రారంభమైంది. ముందుగా పోస్టల్ బ్యాలట్లు లెక్కిస్తున్నారు.

    ప్రకాశం, బాపట్ల జిల్లాల్లో కౌంటింగ్ ప్రక్రియ ఆలస్యంగా ప్రారంభించనున్నారు.

    జిల్లాల నుంచి వచ్చిన అభ్యర్థన మేరకు ఈ నిర్ణయం తీసుకున్నట్టు ఎస్ఈసీ అనిల్ చంద్ర పునేఠా పేర్కొన్నారు. మిగిలిన జిల్లాల్లో యథావిధిగా లెక్కింపు ప్రారంభించామన్నారు.

    మున్సిపల్ ఎన్నికల కౌంటింగ్‌పై తుపాను ప్రభావం ఉంది.

    విజయవాడలో రాత్రి నుంచి ఎడతెరపి లేని వర్షం కారణంగా కొన్నిచోట్ల కౌంటింగ్ కేంద్రాలకు సిబ్బంది పూర్తిగా చేరుకోలేదని అధికారులు చెప్పారు. కొందరికి ఆర్డర్‌ కాపీలు కూడా అందడంలోనూ ఆలస్యమైందని చెబుతున్నారు.

  12. ఒంగోలు సమీపంలో తీరం దాటిన మురసు తుపాను

    ఒంగోలుకు సమీపంలో తీరం దాటిన మురసు తుపాను
    ఫొటో క్యాప్షన్, ఒంగోలుకు సమీపంలో తీరం దాటిన మురసు తుపాను

    తీవ్ర తుపాను మురసు బంగాళాఖాతంలో ఉత్తర-వాయవ్య దిశగా పయనించి ఒంగోలు సమీపంలో తీరం దాటింది.

    మంగళవారం ఉదయం 3.30 నుంచి 5.30 గంటల మధ్య నెల్లూరు- నర్సాపురం మధ్య ఒంగోలు సమీపంలో తీరాన్ని దాటిందని ఐఎండీ ప్రకటించింది.

    ఈ సమయంలో గాలి వేగం గంటకు 100–110 కిలోమీటర్లుగా ఉందని, గాలి తీవ్రత ఒక్కసారిగా పెరిగినప్పుడు గంటకు 120 కిలోమీటర్ల వేగంతో వీచిందని వెల్లడించింది.

  13. విశాఖ హెచ్‌పీసీఎల్‌లో అగ్ని ప్రమాదం, భారీ ఎత్తున ఎగసిన మంటలు, లక్కోజు శ్రీనివాస్, బీబీసీ కోసం

    విశాఖపట్నం, హిందుస్థాన్ పెట్రోలియం కార్పొరేషన్ లిమిటెడ్‌
    ఫొటో క్యాప్షన్, హెచ్‌పీసీఎల్ గాజువాక నడిబొడ్డున ఉంటుంది. దీని చుట్టూ వేలాది నివాసాలు ఉంటాయి.

    విశాఖపట్నంలోని హిందుస్థాన్ పెట్రోలియం కార్పొరేషన్ లిమిటెడ్‌ రిఫైనరీలో సోమవారం భారీ అగ్నిప్రమాదం చోటుచేసుకుంది. మల్కాపురం, శ్రీహరిపురం పారిశ్రామిక ప్రాంతాల పరిసరాల్లో ఈ ఘటనతో ఆందోళన నెలకొంది.

    రిఫైనరీలో రఫ్ పిచ్ ఆయిల్‌ (తారు) నిల్వ ఉన్న ట్యాంకు సమీపంలో మంటలు భారీ ఎత్తున ఎగిసిపడటంతో పక్కనే ఉన్న రహదారులపై ప్రయాణిస్తున్నవారు వాటిని గమనించారు. పలువురు తమ సెల్‌ఫోన్లలో వీడియోలు తీసి సోషల్ మీడియాలో పోస్ట్ చేయడంతో అవి వైరల్‌గా మారాయి.

    దీంతో పరిసర ప్రాంతాల ప్రజలు ఆందోళన చెందారు. కొందరు మంటలు వ్యాప్తిని చూసి ఇళ్ల నుంచి పరుగులు పెట్టారు. హెచ్పీసీఎల్ గాజువాక నడిబొడ్డున ఉంటుంది. దీని చుట్టూ వేలాది నివాసాలు ఉంటాయి.

    విశాఖపట్నం, హిందుస్థాన్ పెట్రోలియం కార్పొరేషన్ లిమిటెడ్‌
    ఫొటో క్యాప్షన్, హెచ్పీసీఎల్ ప్రమాద దృశ్యాలను అటుగా వెళ్తున్నవారంతా సెల్‌ఫోన్లలో వీడియోలు తీసి సోషల్ మీడియాలో పోస్ట్ చేయడంతో వైరల్‌గా మారాయి

    ప్రమాదానికి కారణాలపై ఆరా

    హెచ్‌పీసీఎల్‌ వర్గాల ప్రాథమిక సమాచారం ప్రకారం... ఈ ఘటనలో ఎలాంటి గాయాలు లేదా ప్రాణనష్టం జరగలేదు. అగ్నిప్రమాదానికి గల ఖచ్చితమైన కారణాలు ఇంకా తెలియాల్సి ఉంది.

    ఆయిల్‌ ట్యాంకు పేలిపోయిందంటూ పారిశ్రామిక ప్రాంతంలో వదంతులు వ్యాపించాయి.

    ఇందులో వాస్తవం లేదని చెప్పారు.

    ప్రమాదానికి దారితీసిన పరిస్థితులపై అధికారులు పరిశీలన చేపట్టారు.

    విశాఖ హెచ్పీసీఎల్‌లో అగ్ని ప్రమాదం, భారీ ఎత్తున ఎగసిన మంటలు
    ఫొటో క్యాప్షన్, విశాఖ హెచ్పీసీఎల్‌లో అగ్ని ప్రమాదం, భారీ ఎత్తున ఎగసిన మంటలు

    రఫ్ పిచ్ ఆయిల్ అంటే ఏమిటి?

    రఫ్ పిచ్ ఆయిల్ అనేది బిటుమెన్‌ (తారు) తయారీలో ఉపయోగించే మధ్యంతర ఉత్పత్తి.

    తారు ముడి చమురు శుద్ధి ప్రక్రియలో లభించే లేదా సహజంగా లభించే నల్లటి, చిక్కటి, జిగటగా ఉండే హైడ్రోకార్బన్‌ పదార్థం.

    దీనిని వేడి చేసినప్పుడు మెత్తబడి, ప్రవహించే స్వభావం పెరుగుతుంది. అలాగే మండేటప్పుడు వెలువడే ఆవిరి, ఉష్ణోగ్రతను బట్టి అగ్ని ప్రమాద తీవ్రత ఆధారపడి ఉంటుంది.

    దీనిని రోడ్ల నిర్మాణం, వాటర్‌ప్రూఫింగ్‌, రూఫింగ్‌ వంటి పనులకు ఉపయోగిస్తారు.

    విశాఖపట్నం, హిందుస్థాన్ పెట్రోలియం కార్పొరేషన్ లిమిటెడ్‌
    ఫొటో క్యాప్షన్, హెచ్‌పీసీఎల్‌ వర్గాల ప్రాథమిక సమాచారం ప్రకారం ఈ ఘటనలో ఎలాంటి గాయాలు లేదా ప్రాణనష్టం జరగలేదు.

    స్థానిక పోలీసులు ఏమన్నారంటే...

    ఈ ప్రమాదంతో గాజువాక పారిశ్రామిక ప్రాంతం కావడంతో అందరిలోనూ అందోళన నెలకొంది.

    సోషల్ మీడియాలో వైరల్ అయిన దృశ్యాలతో పెద్ద ప్రమాదాన్ని తలపించాయి. దీనిపై మల్కాపురం సీఐ నర్సింహరావు మీడియాకు ప్రకటన విడుదల చేశారు.

    “పెట్రోల్ తయారు చేసే క్రమంలో ఉత్పత్తయ్యే వ్యర్థ ఉత్పత్తిని నిల్వ చేసే ట్యాంకర్‌లో మంటలు వ్యాపించాయి.

    ఈ మంటలను హెచ్పీసీఎల్ ఫైర్ ట్యాంకులు అదుపు చేస్తున్నాయి. ఈ ప్రమాదంలో ఎటువంటి ప్రాణనష్టం జరగలేదు.” అని సీఐ నర్సింగరావు తెలిపారు.

    విశాఖ
    ఫొటో క్యాప్షన్, విశాఖ పశ్చిమ నియోజకవర్గం ఎమ్మెల్యే పీజీవీఆర్ నాయుడు HPCL యాజమాన్యంతో మాట్లాడినట్లు ‘ఎక్స్’ లో పేర్కొన్నారు.

    ఆందోళన అవసరం లేదు: ఎమ్మెల్యే గణబాబు

    విశాఖ పశ్చిమ నియోజకవర్గం ఎమ్మెల్యే పీజీవీఆర్ నాయుడు(గణబాబు) HPCL యాజమాన్యంతో మాట్లాడినట్లు ‘ఎక్స్’ లో పేర్కొన్నారు.

    “హెచ్పీసీఎల్ అందించిన ప్రాథమిక సమాచారం ప్రకారం…”సల్ఫర్ ప్లాంట్‌లో ట్రయల్ రన్ సమయంలో భారీగా మంటలు బయటకు రావడం జరిగింది. ఈ ఘటనలో ఎలాంటి ప్రాణనష్టం జరగలేదు. మంటలను అదుపు చేసేందుకు చుట్టుపక్కల పరిశ్రమల సహాయం తీసుకున్నారు. గత రెండు గంటలుగా పలువురు పరిశ్రమల యాజమాన్యంతో పాటు అగ్నిమాపక, పోలీసు శాఖల అధికారులతో మాట్లాడడం జరిగింది. ప్రజలు ఎవరూ కూడా భయపడాల్సిన అవసరం లేదు.” అని పోస్ట్ చేశారు.

  14. మురసు: ఒంగోలు, మచిలీపట్నం మధ్య తీరం దాటుతున్న తీవ్ర తుపాను

    ఒంగోలు, మచిలీపట్నానికి మధ్య తీరం దాటుతున్న మురసు తుపాను
    ఫొటో క్యాప్షన్, ఒంగోలు, మచిలీపట్నానికి మధ్య తీరం దాటుతున్న మురసు తుపాను

    బంగాళాఖాతంలో ఏర్పడిన తీవ్ర తుపాను మురసు ఆంధ్రప్రదేశ్‌లో తీరం దాటుతోంది. తీవ్ర తుపానుగా మారిన తరువాత ఇది మంగళవారం తెల్లవారుజాము నుంచి ఒంగోలు, మచిలీపట్నం మధ్య తీరాన్ని తాకి, దాటుతోందని భారత వాతాావరణ శాఖ(ఐఎండీ) నవంబరు 3న ఉదయం 5 గంటలకు జారీ చేసిన బులెటిన్‌లో వెల్లడించింది.

    ఈ ప్రక్రియ పూర్తయ్యేందుకు మరో రెండు గంటల సమయం పడుతుందని వెల్లడించింది.

    తుపాను ముందుభాగంలోని ప్రధానమైన వాల్ క్లౌడ్ ఎక్కువ భాగం భూభాగంలోకి ప్రవేశించిందని తెలిపింది. సైక్లోన్ ఐ మాత్రం ఇంకా తీర ప్రాంతంలోకి ప్రవేశించే ప్రక్రియ కొనసాగుతున్నట్టు వెల్లడించింది.

    మురసు తుపాను గ‌డ‌చిన 6 గంట‌ల్లో గంట‌కు 9 కిలోమీటర్ల వేగంతో క‌దిలింది.

    తీవ్ర తుపాను నేపథ్యంలో ఆంధ్రప్రదేశ్ కోస్తా జిల్లాల్లో ప్రజలు అప్రమత్తంగా ఉండాలని ఆంధ్రప్రదేశ్ విపత్తుల నిర్వహణ శాఖ హెచ్చరించింది.

  15. మురసు: అర్ధరాత్రి దాటాక ఒంగోలు సమీపంలో తీరం దాటే అవకాశం- వెల్లడించిన ఏపీ డిజాస్టర్ మేనేజ్‌మెంట్ అథారిటీ

  16. ఛప్పనియా కరువు: మహిళలు సిగ్గు, మర్యాద వదిలేశారని చరిత్రకారులు ఎందుకన్నారు? కుక్కల దగ్గర్నుంచి మనుషులు ఆహారాన్ని లాక్కునేంత కరువు గురించి చరిత్రలో ఏం రాశారు?

  17. ఝార్ఖండ్: పోలీస్ స్టేషన్‌లో మహిళపై అత్యాచార యత్నం ఆరోపణలు, ముగ్గురు పోలీసుల అరెస్టు

    అత్యాచారం, పోలీస్ స్టేషన్, జార్ఖండ్
    ఫొటో క్యాప్షన్, ఈ కేసులో మొత్తం 15 మంది నిందితులుగా ఉన్నారని జిల్లా పోలీస్ సూపరింటెండెంట్ మనోజ్ స్వర్గియారి తెలిపారు.

    ఝార్ఖండ్‌లోని సరాయ్‌కేలా జిల్లా గమ్హరియా పోలీస్ స్టేషన్ ఆవరణలో ఒక మహిళపై అత్యాచారం కేసులో ప్రధాన నిందితుడైన వైర్‌లెస్ ఆపరేటర్‌తో సహా ముగ్గురు పోలీసులను అరెస్టు చేసి జైలుకు పంపారు.

    జిల్లా ఎస్పీ మనోజ్ స్వర్గియారి దీన్ని ధృవీకరించారు. ఈ కేసులో మొత్తం 15 మంది నిందితులు ఉన్నారని ఆయన బీబీసీతో చెప్పారు.

    “నిర్లక్ష్యం, అజాగ్రత్త, క్రమశిక్షణారాహిత్యంపై చర్యల్లో భాగంగా 12 మంది పోలీసులను సస్పెండ్ చేశాం” అని ఆయన తెలిపారు.

    భర్తతో గొడవ జరిగిన తర్వాత స్థానిక గమ్హరియా పోలీస్ స్టేషన్‌ను ఆశ్రయించినట్లు బాధిత మహిళ చెప్పారు. ఆమెను నిర్బంధించిన గదిలో వైర్‌లెస్ ఆపరేటర్ ఆమెపై అత్యాచారం చేశారని ఆరోపణలు వచ్చాయి.

    “ఈ కేసు కోసం ఏర్పాటు చేసిన సిట్ ప్రతి అంశాన్ని క్షుణ్ణంగా దర్యాప్తు చేస్తోంది. నివేదిక వచ్చిన తర్వాత నిందితులపై చర్యలు తీసుకుంటాం” అని ఎస్పీ అన్నారు.

    అత్యాచారం జరిగినట్లు వైద్య నివేదిక నిర్ధరించిందా అని పోలీస్ సూపరింటెండెంట్‌ను అడగ్గా “వైద్య పరీక్ష జరిగింది. రిపోర్ట్ ఇంకా రాలేదు. మేము దాని కోసం ఎదురుచూస్తున్నాం" అని ఎస్పీ చెప్పారు.

  18. నెల్లూరు: సముద్రంలో చిక్కుకున్న ఏడుగురు మత్స్యకారులను రక్షించిన అధికారులు

    నెల్లూరు, కావలి, ఆంధ్రప్రదేశ్
    ఫొటో క్యాప్షన్, సముద్రంలో చిక్కుకున్న ఏడుగురు మత్స్యకారులను రక్షించిన అధికారులు

    నెల్లూరు జిల్లా కావలి నియోజకవర్గం జువ్వలదిన్నె సమీప సముద్రంలో చేపల వేటకు వెళ్లి బోటు ఇంజన్ చెడిపోవడంతో ప్రమాదంలో చిక్కుకున్నారు ఏడుగురు మత్స్యకారులు.

    వారిని సురక్షితంగా ఒడ్డుకు చేర్చినట్లు జిల్లా కలెక్టర్ హిమాన్షు శుక్ల తెలిపారు.

    మత్స్యశాఖ అధికారులు, మెరైన్ పోలీసులు, స్థానిక మత్స్యకారులు సమన్వయంతో రక్షణ చర్యలు చేపట్టినట్లు చెప్పారు.

    ‘వీళ్లంతా జువ్వలదిన్నె ఫిషింగ్ హార్బర్ నుంచి చేపల వేటకు వెళ్లారు. నెల్లూరు సముద్ర తీరానికి చేరుకునేసరికి వాతావరణ మార్పులు గమనించి తిరిగి వచ్చేందుకు యత్నించారు. ఈ క్రమంలో వారి బోటు ఇంజన్ పాడైపోయింది. దీంతో హార్బర్ మౌత్ పాయింట్‌కు సుమారు అర కిలోమీటరు దూరంలోనే ఉండేపోవాల్సి వచ్చింది.

    వారిని గుర్తించిన సర్వైలెన్స్ సిబ్బంది విషయాన్ని సంబంధిత అధికారులకు చేరవేసి రక్షణ చర్యలు ప్రారంభించారు. అలల ఎగసిపడుతుండటంతో తొలుత బోటు వద్దకు చేరుకోవడం కష్టతరంగా మారింది. లంగరు తెగిపోవడంతో ఆ బోటు పాతకడపాలెం గ్రామం వైపు కొట్టుకుపోయింది. ఆ బోటును అధికారులు అనుసరిస్తూ రక్షణ చర్యలు కొనసాగించారు. చివరకు బోటును పాతకడపాలెం తీరానికి సురక్షితంగా చేర్చి అందులో ఉన్న ఏడుగురిని బయటకు తీసుకొచ్చారు’ అని కలెక్టర్ చెప్పారు.

  19. నెల్లూరులో కనిపిస్తున్న మురసు తుపాను ప్రభావం- ఎగసిపడుతున్న అలలు, బలంగా వీస్తున్న గాలులు

    నెల్లూరు, ఆంధ్రప్రదేశ్, మురసు తుపాను, నర్సాపురం,
    ఫొటో క్యాప్షన్, నెల్లూరులో కనిపిస్తున్న మురసు తుపాను ప్రభావం

    పశ్చిమ మధ్య బంగాళాఖాతంలో ఏర్పడిన మురసు తుపాను ప్రభావం నెల్లూరు జిల్లాపై కనిపిస్తోంది. దీనికి సంబంధించిన వివరాలను ఏఎన్ఐరిపోర్ట్ చేసింది.

    తుపాను కారణంగా నెల్లూరులో బలమైన గాలులు వీస్తున్నాయని తెలిపింది సముద్ర కూడా పోటుమీద ఉందని, అలలు భారీగా ఎగసిపడుతున్నట్టు పేర్కొంది.

    నెల్లూరు- నర్సాపురం మధ్యే అర్థరాత్రి తీరం దాటుతుందని వాతావరణ శాఖాధికారులు చెబుతున్నారు. అందుకే ఆ ప్రాంతాల ప్రజలు అప్రమత్తంగా ఉండాలని సూచిస్తన్నారు.

  20. ఏపీ నుంచి బయల్దేరే విమానాలపై మురసు ప్రభావం- గన్నవరంలో పది సర్వీసులు రద్దు

    మేఘాలలోంచి వెళ్తున్న విమానం
    ఫొటో క్యాప్షన్, మేఘాలలోంచి వెళ్తున్న విమానం(ప్రతీకాత్మక చిత్రం)

    పశ్చిమ మధ్యబంగాళాఖాతంలో ఏర్పడిన మురసు తుపాను ప్రభావం విమాన సర్వీసులపై పడింది. గన్నవరం, భోగాపురం, రాజమండ్రి, తిరుపతి విమానాశ్రయాల నుంచి బయల్దేరే సర్వీసులపై తుపాను ప్రభావం ఉంటుందని ఇండింగోసంస్థ ప్రకటించింది.

    తుపాను కారణంగా గన్నవరం ఎయిర్ పోర్టు నుంచి బయల్దేరాల్సిన పది సర్వీస్‌లు రద్దు చేసినట్టు విజయవాడ విమానాశ్రయ అధికారులు పేర్కొన్నారు.

    విమానాశ్రయ అధికారులు చెప్పినట్టు ఏఎన్ఐ వార్తాసంస్థ కూడా ఒక పోస్టు సోషల్ మీడియాలో పెట్టింది. మురసు ప్రభావంతో గన్నవరం నుంచి బయల్దేరాల్సిన సర్వీస్‌లను రద్దు చేసినట్టు తెలిపింది.

    విమానాశ్రయానికి చేరుకోక ముందే ప్రయాణికులు తమ విమానాల స్టేటస్ తెలుసుకోవాలని అధికారులు సూచిస్తున్నారు.

    తుపాను ముప్పు, ప్రతికూల వాతావరణ పరిస్థితుల దృష్ట్యా విమానయాన సంస్థ ముందుజాగ్రత్త చర్యలు తీసుకుంటోంది విమానాశ్రయ అధికారులు వెల్లడించినట్టు వివరించింది.

    ప్రతికూల వాతావరణ పరిస్థితుల కారణంగా విజయవాడ, విశాఖపట్నం, రాజమండ్రి, తిరుపతిలో విమాన కార్యకలాపాలకు అంతరాయం ఏర్పడిందని ఇండిగో సంస్థప్రకటించింది.

    టేకాఫ్, ల్యాండింగ్‌కు ఎక్కువ సమయం తీసుకోవచ్చని, కొన్ని రద్దు కూడా కావచ్చని వెల్లడించింది. దీని వల్ల ప్రయాణికులకు అసౌకర్యం కలగవచ్చని తెలిపింది.

    విజయవాడ, ఆంధ్రప్రదేశ్, గన్నవరం, మురసు
    ఫొటో క్యాప్షన్, గన్నవరంలో పది సర్వీసులు రద్దు