అక్రమాస్తుల కేసులో జగన్‌కు, సీబీఐకి సుప్రీం కోర్టు నోటీసులు

ఈ కేసులో విచారణలో ఆలస్యానికి కారణాలను తెలియజేస్తూ, విచారణ మరో రాష్ట్రానికి ఎందుకు బదిలీ చేయకూడదో తమ వాదన తెలపాలంటూ సీబీఐకి సుప్రీంకోర్టు నోటీసులు జారీ చేసింది.

లైవ్ కవరేజీ

  1. ప్రవళికను బస్సులోంచి తోసేసిన నిందితురాలు ఎవరు?

    ప్రయాణికురాలు తోయడంతో బస్సు కిందపడి, ఆస్పత్రిలో చికిత్స పొందుతూ మృతి చెందిన ప్రవళిక
    ఫొటో క్యాప్షన్, ప్రయాణికురాలు తోయడంతో బస్సు కిందపడి, ఆస్పత్రిలో చికిత్స పొందుతూ మృతి చెందిన ప్రవళిక

    అక్టోబర్ 25న ఓ ప్రయాణికురాలి దాడిలో బస్సు నుంచి పడిపోయిన ప్రవళిక చికిత్స పొందుతూ నవంబర్ 3న మరణించారని ఆమె తల్లి విజయలక్ష్మి తెలిపారు. ప్రవళిక తండ్రి కూడా ఆర్టీసీ ఉద్యోగి. దాదాపు మూడేళ్ల క్రితం ఆయన ఉద్యోగంలో ఉండగానే మరణించారు అసలు బస్సులో ఏం జరిగింది ప్రవళిక ఆస్పత్రిలో ఉండగా తన తల్లికి వివరించారు. మరింత కథనాన్ని చదవండి.

  2. బస్సులో ‘చిల్లర గొడవ’ గురించి కండక్టర్ ప్రవళిక తన తల్లికి ఏం చెప్పారు, ప్రవళికను బస్సులోంచి తోసేసిన నిందితురాలు ఎవరు?

  3. ‘సీన్’ మూవీ రివ్యూ: మాస్ హీరో ఇమేజ్‌‌ను తగ్గించుకుని సూర్య నటించిన ఈ సినిమా ఎలా ఉంది?

  4. మెట్రో-ఆర్టీసీ కంబైన్డ్ ట్రావెల్ పాస్ ధరలు తగ్గింపు

    ponnam prabhakar
    ఫొటో క్యాప్షన్, పొన్నం ప్రభాకర్

    హైదరాబాద్‌లో మెట్రో రైలు, ఆర్టీసీ బస్సుల కంబైన్డ్ ట్రావెల్ పాస్‌ల ధరలు తగ్గిస్తున్నట్లు తెలంగాణ రవాణా శాఖ మంత్రి పొన్నం ప్రభాకర్ ప్రకటించారు.

    రోజువారీ కంబైన్డ్ పాస్ ధర రూ. 400 నుంచి రూ. 275కి, మంత్లీ పాస్ ధర రూ. 8,500 నుంచి రూ. 4,000కు తగ్గించినట్లు ఆయన చెప్పారు.

    తగ్గించిన ధరలతో పాస్‌లు నవంబర్ 8 నుంచి అందుబాటులోకి వస్తాయని తెలిపారు.

    ప్రయాణికులపై భారం మరింత తగ్గించేందుకు, ప్రజా రవాణా సేవలను మరింత వినియోగించుకునేలా చేసేందుకు ఈ చర్యలు చేపడుతున్నట్లు మంత్రి పొన్నం ప్రభాకర్ చెప్పారు.

    రోజువారీ పాస్‌లో రూ.200 మెట్రోలో, రూ.75 ఆర్టీసీలో వినియోగించుకోవచ్చు. రోజుకు నాలుగు సింగిల్ జర్నీలకు అనుమతి ఉంటుంది.

    నెలవారీ పాస్‌లో మెట్రోకు రూ.3,000, ఆర్టీసీకి రూ.1,000 కేటాయింపు ఉంటుంది.

    నెలలో గరిష్ఠంగా 50 మెట్రో సింగిల్ ట్రిప్‌లకు అనుమతి ఉంటుంది. ఆర్టీసీ బస్సుల్లో ప్రయాణించడానికి ఎలాంటి పరిమితి లేదు.

  5. వెరికోస్ వెయిన్స్‌: కాళ్లలో నరాలు ఉబ్బుతున్నాయా? నిర్లక్ష్యం చేస్తే ప్రమాదమే..

  6. శాఫ్ ఛాంపియన్ షిప్: పాకిస్తాన్‌పై భారత్ ఘన విజయం

    భారత్, పాకిస్తాన్, ఫుట్‌బాల్
    ఫొటో క్యాప్షన్, భారత్ తరఫున సుహైల్ అహ్మద్ భట్ రెండు గోల్స్ చేశారు. (ఫైల్ ఫొటో)

    ఢాకాలోని నేషనల్ స్టేడియంలో సౌత్ ఏషియన్ ఫుట్‌బాల్ ఫెడరేషన్ ఛాంపియన్‌షిప్ 2026లో భాగంగా డిఫెండింగ్ ఛాంపియన్‌ భారత్ పాకిస్తాన్‌ మధ్య జరిగిన మ్యాచ్‌లో భారత్ 3-2తో గెలిచింది.

    భారత్ తరఫున సుహైల్ అహ్మద్ భట్ రెండు గోల్స్ చేసి జట్టుకు ఆధిక్యాన్ని అందించినట్టు ఈఎస్‌పీఎన్ కథనం పేర్కొంది.

    తర్వాత మాంగ్లెంతాంగ్ కిప్‌గెన్ మరో గోల్ చేయడంతో భారత్ ఆధిక్యం 3-0కు చేరింది. తొలి అర్ధభాగంలో భారత జట్టు మెరుగైన ఆటతీరు కనబరిచింది.

    రెండో అర్ధభాగంలో మ్యాచ్ ముగిసే ముందు అదనపు సమయంలో పాకిస్తాన్ రెండు గోల్స్ చేసింది.

    నజీబుల్లా హెడర్ ద్వారా తొలి గోల్ చేయగా, ఆలంగీర్ గాజీ అద్భుతమైన షాట్‌తో రెండో గోల్ సాధించారు.

    కానీ పాకిస్తాన్ చివర్లో చేసిన పోరాటం ఫలించలేదు. భారత్ 3-2తో విజయం సాధించింది.

  7. పోర్చుగల్ ఫుట్‌బాల్‌ ముఖచిత్రంగా మారిన క్రిస్టియానో రోనాల్డో రిటైర్మెంట్ నిర్ణయం వెనుక కారణాలేంటి?

  8. ఇజ్రాయెల్‌లో ప్రభుత్వ ఏర్పాటుకు ఏ పార్టీ అరబ్ పార్టీల మద్దతు ఎందుకు తీసుకోవడం లేదు?

  9. జార్ఖండ్‌: బొగ్గుకుప్ప కూలి ముగ్గురు మహిళలు మృతి

    బొగ్గు గని ప్రమాదం

    జార్ఖండ్‌లోని బొకారో జిల్లా కతారా కూలియరీలో ఓ భారీ బొగ్గు కుప్ప కూలిన ప్రమాదంలో ముగ్గురు మహిళలు ప్రాణాలు కోల్పోయారు.

    ఈ ఘటనను బెర్మో ఎస్‌డీపీఓ రవీంద్ర సింగ్ ధృవీకరించారు.

    ఆయన తెలిపిన వివరాల మేరకు ప్రమాదం జరిగిన ప్రాంతంలో సీసీఎల్‌కు చెందిన బొగ్గు నిల్వలు ఉన్నాయి. స్థానిక మహిళలు కొంతమంది ఉదయం 5గంటల ప్రాంతంలో బొగ్గు ఏరుకోవడానికి అక్కడకు వచ్చారు. బొగ్గు కుప్ప నుంచి చేతులతో బొగ్గు లాగుతుండగా, ఒక్కసారిగా బొగ్గుకుప్ప కూలిపోయింది. దీంతో దానికింద చిక్కుకున్న వారిలో ముగ్గురు మహిళలు మరణించారు. వీరితోపాటు వచ్చిన మరో నలుగురు సురక్షితంగానే ఉన్నారు. వారిని ఇళ్లకు పంపించాం’ అని రవీంద్ర సింగ్ చెప్పారు.

    మృతి చెందిన ముగ్గురు మహిళలు స్థానిక బాంధ్ బస్తీకి చెందినవారని స్థానికులు తెలిపారు.

  10. రిటైర్మెంట్ ప్రకటించిన ఫుట్‌బాల్ దిగ్గజ క్రీడాకారుడు క్రిస్టియానో రోనాల్డో

    క్రిస్టియానో రొనాల్డో
    ఫొటో క్యాప్షన్, పోర్చుగల్ జట్టు తరఫున 234 మ్యాచ్‌లు ఆడి 146 గోల్స్ చేశారు క్రిస్టియానో రొనాల్డో. ఈ రెండు కూడా ప్రపంచ రికార్డులే.

    పోర్చుగల్ దిగ్గజ ఫుట్‌బాల్ ఆటగాడు క్రిస్టియానో రొనాల్డో అంతర్జాతీయ ఫుట్‌బాల్‌కు వీడ్కోలు పలుకుతున్నట్లు ప్రకటించాడు.

    41 ఏళ్ల రొనాల్డో 2003లో అంతర్జాతీయ ఫుట్‌బాల్‌లో అడుగుపెట్టాడు. పోర్చుగల్ జట్టు తరఫున 234 మ్యాచ్‌లు ఆడి 146 గోల్స్ చేశాడు. ఈ రెండు ప్రపంచ రికార్డులే.

    గత నెలలో డెన్మార్క్‌తో జరిగే నేషన్స్ లీగ్ మ్యాచ్‌లో తుది జట్టులో చోటు దక్కదని తెలియడంతో పోర్చుగల్ జట్టు శిబిరం నుంచి రొనాల్డో వెళ్లిపోయాడు.

    తాజాగా ఇన్‌స్టాగ్రామ్‌లో ఓ వీడియో పోస్ట్ చేశారు క్రిస్టియానో.

    "పోర్చుగల్ ప్రజలారా.. నా జాతీయ జట్టు ఏడో నంబర్ జెర్సీని తిరిగి అప్పగించే సమయం వచ్చింది.ఈ జెర్సీ నాది మాత్రమే అని నేను ఎప్పుడూ అనుకోలేదు. కానీ 23 ఏళ్ల పాటు ఈ జెర్సీ ధరించడం, దేశం తరఫున ఆడటం నాకు ఎంతో గౌరవంగా, బాధ్యతగా భావించాను. ఇప్పుడు ఈ జెర్సీని తర్వాతి తరానికి అప్పగించే సమయం వచ్చింది. ఈ నిర్ణయం తీసుకోవడం అంత సులభం కాదు. ఎందుకంటే కొన్ని నిర్ణయాలు మనసుతో కూడా తీసుకోవాల్సి ఉంటుంది. 2003 ఆగస్టులో మొదలైన ఈ ప్రయాణం నా జీవితాన్ని పూర్తిగా మార్చేసింది. ఇప్పుడు ఆ ప్రయాణం ముగిసింది" అని ఆ వీడియోలో వెల్లడించాడు రొనాల్డో.

  11. రామాయణం మూవీ రివ్యూ : రావణుడి కోణం నుంచి చెప్పిన ఈ సినిమా మెప్పించిందా?

  12. పేడ నుంచి సీఎన్‌జీ.. ఆ జిల్లాలో కార్లు, ట్రాక్టర్లు, లారీలకు అది ఇంధనం

  13. చెరువులో చిక్కుకున్నవారిని కాపాడేందుకు వెళ్లిన ఎస్‌డీఆర్ఎఫ్ సిబ్బంది గల్లంతు, అయిదుగురు సురక్షితంగా ఒడ్డుకు..

  14. రాణించిన కోహ్లీ, న్యూజీలాండ్‌ను ఓడించిన భారత్

    ఇండియా న్యూజీలాండ్ తొలి వన్డే
    ఫొటో క్యాప్షన్, ఇండియా న్యూజీలాండ్ తొలి వన్డే

    తొలి వన్డేలో డక్‌వర్త్-లూయిస్ పద్ధతి ప్రకారం భారత జట్టు న్యూజీలాండ్‌ను ఐదు వికెట్ల తేడాతో ఓడించింది. వర్షం కారణంగా అంతరాయం కలిగిన ఈ మ్యాచ్‌లో భారత్‌కు 143 పరుగుల సవరించిన లక్ష్యాన్ని నిర్దేశించారు.

    మొదట బ్యాటింగ్ చేసిన న్యూజీలాండ్ 185 పరుగులకే ఆలౌట్ అయింది. టిమ్ సీఫెర్ట్ 38 పరుగులతో టాప్ స్కోరర్‌గా నిలిచాడు. భారత బౌలర్లలో అర్ష్‌దీప్ సింగ్ 70 పరుగులకు నాలుగు వికెట్లు పడగొట్టాడు.

    లక్ష్య ఛేదనలో విరాట్ కోహ్లీ 74 పరుగులు చేయగా, కెప్టెన్ శుభ్‌మన్ గిల్ 37 పరుగులు చేశాడు. భారత్ విజయంలో ఈ రెండు ఇన్నింగ్స్‌లు కీలక పాత్ర పోషించాయి.

    ఈ మ్యాచ్‌లో రోహిత్ శర్మ ఖాతా తెరవలేకపోయాడు. న్యూజీలాండ్ జట్టులో జాకబ్ డఫీ 49 పరుగులు ఇచ్చి 3 వికెట్లు పడగొట్టాడు.

  15. ఏపీలో కూటమి హవాను తట్టుకుని గెలిచిన నలుగురు వైసీపీ నేతలు ఎవరు?

  16. న్యూజీలాండ్- భారత్ వన్డే మ్యాచ్ పునఃప్రారంభం, టీమిండియా లక్ష్యం 167 పరుగులు

    న్యూజీలాండ్- భారత్ వన్డే మ్యాచ్
    ఫొటో క్యాప్షన్, న్యూజీలాండ్- భారత్ వన్డే మ్యాచ్ పునఃప్రారంభం

    ఆక్లాండ్‌లో న్యూజీలాండ్, భారత్ మద్య జరుగుతున్న తొలి వన్డే మ్యాచ్‌ వర్షం తరువాత మళ్లీ మొదలైంది.

    వర్షం కారణంగా మ్యాచ్‌కు అంతరాయం కలగడంతో ఓవర్లను కుదించారు. దీంతో భారత్ టార్గెట్‌ను కూడా తగ్గించారు.

    పది ఓవర్లు దాటిన తర్వాత భారత్ 54 పరుగుల వద్ద ఉన్నప్పుడు వర్షం పడి మ్యాచ్‌కు అంతరాయం ఏర్పడింది. కాసేపటి తర్వాత వర్షం ఆగిపోవడం, మైదానంలో పరిస్థితులు ఆటకు అనుకూలంగా ఉండటంతో ఓవర్లు తగ్గించి మ్యాచ్‌ను కొనసాగిస్తున్నారు.

    అయితే అంతరాయం తర్వాత మ్యాచ్ ప్రారంభమైనందున డక్‌వర్త్‌లూయీస్ పద్ధతి ప్రకారం మ్యాచ్‌ ఓవర్లను కుదించారు. 40 ఓవర్లకే మ్యాచ్‌ను పరిమితం చేశారు. అటు లక్ష్యాన్ని కూడా 167కు తగ్గించారు.

  17. విశాఖ మేయర్‌గా ఎన్నికైన ముక్కా శ్రావణి ఎవరు?

  18. న్యూజీలాండ్‌తో మొదటి వన్డేలో భారత్ టార్గెట్ 186 పరుగులు

    న్యూజీలాండ్‌,భారత్
    ఫొటో క్యాప్షన్, న్యూజీలాండ్‌తో మొదటి వన్డేలో భారత్ టార్గెట్ 186 పరుగులు

    ఆక్లాండ్‌లో జరుగుతున్న మొదటి మ్యాచ్‌లో భారత్‌ ముందు 186 పరుగుల లక్ష్యాన్ని న్యూజీలాండ్ ఉంచింది.

    భారత్ కట్టుదిట్టమైన బౌలింగ్ చేయడంతో న్యూజీలాండ్ కేవలం 40.2 ఓవర్లలోనే 185 పరుగులకు ఆలౌటైంది.

    ఈ మ్యాచ్‌లో టాస్ గెలిచిన శుభమన్ గిల్ బౌలింగ్ ఎంచుకున్నారు. దీంతో బ్యాటింగ్‌కు దిగిన న్యూజీలాండ్‌పై మొదటి బంతి నుంచే టీమిండియా పట్టుసాధించింది. భారత బౌలర్ల ఒత్తిడికి కివీస్ బ్యాటర్లు పెద్ద పెద్ద భాగస్వామ్యాలు నెలకొల్పడంలో విఫలమయ్యారు.

    ఓపెనర్ విల్ యంగ్ 9 పరుగులకే అవుట్ కాగా, హెన్రీ నికోల్స్ కూడా 9 పరుగులు మాత్రమే చేయగలిగాడు. టిమ్ సీఫర్డ్ 38 పరుగులు చేసి టాప్‌స్కోరర్‌గా నిలిచాడు. డారిల్ మిచెల్ 28 పరుగులు చేసినా జట్టును ఆదుకోలేకపోయాడు.

    మిడిల్ ఆర్డర్‌లో గ్లెన్ ఫిలిప్స్ 30 పరుగులతో పోరాడగా, కెప్టెన్ మిచెల్ సాంట్నర్ నాలుగు పరుగులకే వెనుదిరిగాడు. చివర్లో బ్లెయిర్ టిక్నర్ 23 బంతుల్లో 34 పరుగులు చేసి కొంత మెరుగైన స్కోరు అందించాడు. జాకబ్ డఫీ 15 పరుగులతో నాటౌట్‌గా నిలిచాడు.

    భారత్ బౌలర్లలో అర్ష్‌దీప్ సింగ్ అద్భుతంగా బౌలింగ్‌ చేసి 10 ఓవర్లలో 70 పరుగులు ఇచ్చి నాలుగు వికెట్లు తీశాడు. గుర్నూర్ బ్రార్ 3వికెట్లు పడగొట్టాడు. అన్షుల్ కాంబోజ్‌కు రెండు వికెట్లు దక్కాయి.

    ఒక దశలో 73/2గా నిలిచిన న్యూజీలాండ్ తర్వాత వరుసగా వికెట్లు కోల్పోయి 146/9 స్థితికి చేరింది. చివర్లో టిక్నర్ కొంత ప్రతిఘటన చూపినప్పటికీ జట్టు స్కోరును 200 పరుగులు దాటించలేకపోయాడు.

  19. హైదరాబాద్‌లో ‘7 కోట్ల రూపాయల’ ఫేక్ కరెన్సీ స్వాధీనం

    హైదరాబాద్, తెలంగాణ
    ఫొటో క్యాప్షన్, నకిలీ నోట్లు

    హైదరాబాద్ శివారు ప్రాంతంలో నకిలీ కరెన్సీ ముఠాను పోలీసులు పట్టుకున్నారు. వారి నుంచి ‘7 కోట్ల రూపాయల’ ఫేక్ నోట్లను స్వాధీనం చేసుకున్నారు.

    అబ్దుల్లాపూర్‌మెట్ పోలీసులు, షాద్‌నగర్ ఎస్‌ఓటి కలిసి ఈ రాకెట్‌ను పట్టుకున్నాయి.

    పోలీసులు నలుగురు నిందితులను అరెస్టు చేసి, మొత్తం రూ. 6.78 కోట్ల నకిలీ రూ. 500 కరెన్సీ నోట్లు స్వాధీనం చేసుకున్నారు.

    జాతీయ రహదారి -65పై పోలీసులు నవంబర్ 1న తనిఖీలు చేపట్టారు. ఒక కారును ఆపి తనిఖీలు చేస్తే అసలు గుట్టు బయటపడింది. మడుపోజు కరుణాకర్, చిన్నొల్ల మాణిక్య రెడ్డి, చెరుకుపెల్లి రత్నాకర్ రెడ్డి, కరణం అజయ్ కుమార్‌ను అరెస్టు చేశారు.

    ఈ రాకెట్‌లో ప్రమేయం ఉన్న ఇతర వ్యక్తులను గుర్తించేందుకు తదుపరి దర్యాప్తు కొనసాగుతోందని పోలీస్ కమిషనర్ డాక్టర్ తరుణ్ జోషి చెప్పారు.

  20. వంగవీటి రాధా: పాతికేళ్లకే ఎమ్మెల్యే.. ఇప్పుడు విజయవాడ మేయర్‌