బంటీగారి యోగా, సైజు కాదు పోజు ముఖ్యం అంటున్న ఉడుత... జంతువుల సరదా పోజులు 10 ఫోటోల్లో చూడండి
ఫొటో సోర్స్, Scott Suriano/ Nikon Comedy Wildlife Awards
ఫొటో క్యాప్షన్, బంటీ ఒంటికి కూడా యోగా మంచిదేగా : ఉదయాన్నే అలా కాస్త కాలు చేయి సాగదీస్తే ఆ కిక్కే వేరప్పా అన్నట్టున్నఈ గోధుమరంగు ఆడ ఎలుగుబంటి అమెరికాలోని అలస్కాలోని లేక్ క్లార్క్ వద్ద కనిపించింది. వచ్చే వేసవికి రెడీ అవుతున్నా అన్నట్టుగా మార్నింగ్ ఎక్సర్‌సైజులు చేస్తున్నట్టుగా దర్శనమిచ్చింది. దీని విన్యాసాల్లో సైకిల్ కిక్స్ కూడా ఉన్నాయండోయ్..కథనం
రచయిత, ఇసాబెల్ గెరెట్సెన్, మార్తా హెండ్రిక్స్, జోసెలిన్ టింపర్లీ.
ఫొటో క్యాప్షన్, సైజు చూసి కొన్ని కొన్ని నమ్మేయాలి డూడ్ అనే పంచ్ డైలాగ్‌కు కాలం చెల్లిందంటోంది ఈ ఎర్ర ఉడుత. మన సైజు ఇంత... మనకు దొరికిన ఫుడ్డు కొండంత అన్నట్టు ఫోజిచ్చిన దీనిని జర్మనీలో క్లిక్ మనిపించారు.
ఫొటో సోర్స్, Tapani Linnanmäki/ Nikon Comedy Wildlife Awards
ఫొటో క్యాప్షన్, నో ప్రాబ్లం ఫోటో తీసుకో బ్రో అన్నట్టు ఫోజు ఇచ్చిన ఈ తెల్లతోక ఈగిల్‌ను తన కెమెరాలో బంధించింది ఫోటోగ్రాఫర్ తపానీ లిన్నాన్మీకి. ఫిన్లాండ్ పశ్చిమ తీరంలో సముద్రపు మంచునీటిలో అలా కాలుమోపుతుంటే ఇలా ఫోటో తీసేశారు. ఈయన చాలా ఏళ్లుగా ఇక్కడ ఫోటోలు తీస్తున్నారు. ఈయనకు 2024 కాంపీటీషన్స్ పీపుల్స్ చాయిస్ అవార్డు తెచ్చిపెట్టిన పక్షి రాజం ఇదేననే సందేహం కూడా ఉంది... బ్రో మనలో మనమాట... మనకు తెలిసినా కూడా చెప్పం కదా అన్నట్టుంది కదా ఆ పక్షి తీరు.
ఫొటో సోర్స్, Diego Perez/ Nikon Comedy Wildlife Award
ఫొటో క్యాప్షన్, వచ్చిందండి వయ్యారి... ఈ గొల్లభామ వయ్యారితనం చూశారా... అసలే పచ్చపచ్చగా ఉన్న ఈ గొల్లభామ నులివెచ్చని సూర్యస్నానం (సన్‌బాత్) చేస్తోందా లేక ఫోటోకు పోజు ఇస్తోందా అన్నట్టు ఉంది కదా.కానీ ఇందులో ఓ దృశ్యభ్రాంతి ఉంది... అదేనండి విజువల్ ట్రిక్... ఈ ప్రేయింగ్ మాంటిస్ వెనుక కాళ్లు ఆకు వెనుక భాగంలో ఉన్నాయి. ఈ చిత్రాన్ని పెరూలోని 'కుస్కో' లో ఉన్న 'బోస్క్యూస్ డెల్ అరాజా ప్రాంతీయ పరిరక్షణ ప్రాంతం' లో తీశారు.
ఫొటో సోర్స్, Ka Chun Jacky/ Nikon Comedy Wildlife Awards
ఫొటో క్యాప్షన్, చూడూ నా వైపే చూడు అని సీరియస్ లుక్‌ఇచ్చిన ఈ గుడ్లగూబ చైనాలోని నాన్‌లింగ్ నేషనల్ పార్కులో వాలినప్పుడు తీసిన ఫోటో ఇది. పార్కును చూడటానికి వచ్చిన సందర్శకుల ముందు ఈ నిశాచరి హఠాత్తుగా వాలింది. జనం ఫోటోలు తీస్తుంటే... ఓకే క్యారీ ఆన్ అన్నట్టుగా చూసింది.
ఫొటో క్యాప్షన్, నా నీడ ఇంత పెద్దది ఎలా అయిపోయిందబ్బా? అని ఒక్క క్షణం ఆ స్పేడ్ ఫిష్ భయంతో వణికిపోతున్నట్టుగా కనిపించినప్పుడు ఫోటోగ్రాఫర్ క్యోచెన్ తన కెమెరా షట్టర్ ఓపెన్ చేశారు. ఫిలిప్పీన్స్‌లోని డుమగెటే సముద్ర జలాల్లో స్పేడ్‌ఫిష్ చేపల సమూహాన్ని గమనిస్తున్న వేళ అకస్మాత్తుగా ఒక భారీ సొరచేప ఆకారం కనిపించింది. వెంటనే కెమెరా క్లిక్ చేస్తే... ఇదిగో ఇలా భయంతో వణుకుతున్నట్టు కనిపిస్తున్న స్పేడ్ ఫిస్ క్యూట్ మూమెంట్ కెమెరాలో బందీ అయిపోయింది.
ఫొటో సోర్స్, Kevin Lohman/ Nikon Comedy Wildlife Awards
ఫొటో క్యాప్షన్, రాంగ్ జంప్: ఏదో లాంగ్ జంప్ చేద్దామనుకున్నా కానీ... ఇది రాంగ్ జంప్ అయ్యేలా ఉందే... అనుకుంటూనే ఆ ఉడుత వచ్చి ఏకంగా గుడ్లగూబమీద పడింది. తరువాత ఆ రెండు కిందనున్న గడ్డిపై పడ్డాయి. అయినా ఉడుత మరో రెండుసార్లు ‘తగ్గేదేలే’ అంటూ ఈ విన్యాసాన్ని రిపీట్ చేసింది. ఈ దృశ్యం కాలిఫోర్నియాలోని నేచురల్ బ్రిడ్జెస్ స్టేట్ బీచ్‌లో గ్రేట్ హార్న్డ్ గుడ్లగూబను ఫొటో తీస్తుండగా కెమెరాలో బందీ అయింది.
ఫొటో క్యాప్షన్, డోంట్ వర్రీ బ్రో... నువ్వు అందంగానే ఉన్నావు ... ఈ మూడు మీర్కాట్లు ఫ్యామిలీ ఫోటో దిగాలనుకున్నట్టున్నాయి... ఇంతలో చిన్న మీర్కాట్‌కు నేను అందంగా లేనా అనే డౌట్ వస్తే... పక్కనున్న మరో మీర్కాట్ యూ ఆర్ సో బ్యూటీఫుల్ అని చెబుతున్నట్టుంది కదూ... ఈ ఫోటో నమీబియాలో తీశారు.
ఫొటో క్యాప్షన్, నాతో పెట్టుకుంటే అంతే.... అని మధ్యవేలు చూపుతూ ఈ ఒరంగుటాన్ ఇలా కెమెరా కంటికి చిక్కింది. ఈ ఫోటోను బోర్నియోలో తీశారు. అన్నట్టు ఈ జాతి అంతరించిపోయే ప్రమాదాన్ని ఎదుర్కొంటున్నాయి. ఒరంగుటాన్ నివసించే అడవులు వేగంగా నాశనం అవుతున్నాయి.
ఫొటో సోర్స్, Charles Janson/ Nikon Comedy Wildlife Awards
ఫొటో క్యాప్షన్, నువ్వు ఎన్నైనా చెప్పు... నేను చెప్పిందే నిజం... ఇక వాదన అనవసరం... అన్నట్టుగా ఉన్న ఈ రెండు ఎలుగుబంట్లను చార్లెస్ జాన్సన్ ఫోటో తీశారు
ఈ ఫోటోలు నికాన్ కామెడీ వైల్డ్‌లైఫ్ అవార్డ్స్ 2026 ఫైనల్‌కు చేరిన వాటిల్లో కొన్ని.
