கடலில் தாக்கப்பட்ட டேங்கர் கப்பல் மீட்கப்பட்ட 23 இந்தியர்கள்
அக்டொபர் 6ம் தேதி செவ்வாய்க்கிழமை மாலை, தெற்கு ரஷ்யக் கடற்கரைக்கு அப்பால் ஒரு எண்ணெய் கப்பல் தாக்கப்பட்டது. லைபீரிய கொடியுடன் கூடிய 'அஃப்ராமாக்ஸ் ரியோ' என்ற எண்ணெய்க் கப்பல் ஆளில்லா கப்பலால் தாக்கப்பட்டதாகவும், "கருங்கடல் நீரில் கச்சா எண்ணெய் வெளிப்படையாக எரிந்து கொண்டிருந்ததாகவும்" ரஷ்யாவின் போக்குவரத்து அமைச்சகம் தெரிவித்தது.
கப்பலில் இருந்த 23 பேர் கொண்ட இந்தியக் குழுவினர் அனைவரும் மீட்கப்பட்டதாகவும் யாருக்கும் எந்த பாதிப்பும் ஏற்படவில்லை எனவும் ரஷ்யாவின் போக்குவரத்து அமைச்சகம் தெரிவித்துள்ளது.
அஃப்ராமேக்ஸ் ரியோ கப்பலில் இருந்த 23 ஊழியர்களும் இந்தியக் குடிமக்கள் என்றும், அவர்கள் அனைவரும் பாதுகாப்பாக மீட்கப்பட்டதாகவும் இந்திய வெளியுறவு அமைச்சகம் தெரிவித்துள்ளது.
வணிகக் கப்பல்கள் மீது தொடர்ந்து நடத்தப்பட்டு வரும் தாக்குதல்கள் இந்தியாவுக்கு மிகுந்த கவலை அளிப்பதாகவும் இந்திய வெளியுறவு அமைச்சகம் தெரிவித்துள்ளது.
- இது பிபிசிக்காக கலெக்டிவ் நியூஸ்ரூம் வெளியீடு
