காணொளி: 3 கிலோ எடையுள்ள சிறுநீரகக் கல் - இலங்கையில் வெற்றிகரமான அறுவை சிகிச்சை

உலகிலேயே மிகப் பெரியது என நம்பப்படும் 3 கிலோ 100 கிராம் எடை கொண்ட சிறுநீரகக் கல் ஒன்று, அறுவை சிகிச்சை மூலம் வெற்றிகரமாக அகற்றப்பட்டுள்ளது.

இலங்கையின் கிழக்கு மாகாணத்தில் அமைந்துள்ள திருகோணமலை பகுதியைச் சேர்ந்த 55 வயது நபர் ஒருவரின் வயிற்றிலிருந்து, 3 கிலோ 100 கிராம் எடையும், 19 சென்டிமீட்டர் நீளமும் கொண்ட கல் திருகோணமலை பொது மருத்துவமனையின் சிறுநீரக மருத்துவர் பாலகிருஷ்ணன் பிரகலாதன் தலைமையிலான குழுவினரால் அகற்றப்பட்டுள்ளது.

சம்பந்தப்பட்ட நபர் பக்கவாதம் ஏற்பட்ட நிலையில் சிகிச்சைக்காக திருகோணமலை பொது மருத்துவமனையில் அனுமதிக்கப்பட்டார். அப்போது அவரது வயிற்றில் கட்டி ஒன்று உள்ளதைக் கண்டறிந்த மருத்துவர்கள், ஸ்கேன் பரிசோதனைகள் மூலம் சிறுநீரகப் பையில் மிகப்பெரிய கல் இருப்பதை உறுதிப்படுத்தினர்.

- இது, பிபிசிக்காக கலெக்டிவ் நியூஸ்ரூம் வெளியீடு