You’re viewing a text-only version of this website that uses less data. View the main version of the website including all images and videos.
Dadaallada samatabbixinta ayaa galay maalintii shanaad ee Nepal iyo Tibet ka dib markii daadad xooggan ay baabi'iyeen aag xuduudeed Arbacadii
Nafaqooyinka cuntada ayaa door ka ciyaara sida jirkaagu u soo saaro kiimikooyinka dareenka wanaagsan sida serotonin iyo dopamine.
Dopamine, waxay xakameysaa dhiirigelinta iyo dareenka, waxay naga caawisaa inaan dhaqaaqno, waxayna bixisaa farxad.
Tusaale ahaan, dareenka ku qanacsanaanta ee aad la kulanto marka aad buuxiso walxaha liiskaaga wax-qabadka ku qoran waxaa qayb ahaan sabab u ah kororka dopamine.
Yuusuf Pezeshkian, oo ah wiilka Madaxweynaha Iran Masoud Pezeshkian, ayaa sheegay in nolosha dadka Iran aysan ku xirnayn kobcinta uranium-ka, isagoo yiri: “Haddii aynaan arrintan samayn, ma dhimanayno.”
Qoraal uu ku daabacay boggiisa Instagram, Yuusuf wuxuu ku sheegay inuusan ka soo horjeedin kobcinta uranium-ka, isla markaana uu ixtiraamayo go’aannada Golaha Sare ee Amniga Qaranka Iran iyo hoggaanka dalka.
Si kastaba, wuxuu sheegay in ka hor inta aan go’aan la gaarin ay muhiim tahay in si buuxda loo fahmo faa’iidooyinka iyo khasaaraha ka dhalan kara.
Wuxuu intaas ku daray in tamarta nukliyeerka Iran aysan gebi ahaanba ku tiirsanayn kobcinta uranium-ka, isagoo tilmaamay in shidaalka loo isticmaalo warshadda tamarta nukliyeerka ee Bushehr weli laga keeno Ruushka, halkii gudaha Iran laga soo saari lahaa.
Yuusuf Pezeshkian ayaa sidoo kale sheegay inay jiraan teknoolojiyado kale oo muhiim u ah amniga iyo maamulka dalka, balse aan la siin mudnaanta iyo dadaalka ku filan, isagoo sheegay in Iran aysan muujin dadaal la mid ah oo ay ku horumarinayso dhinacyadaas.
Sheekooyinka kale sii akhri:
Wasiir ku-xigeenka Arrimaha Dibadda Iran, Kazem Gharibabadi, ayaa sheegay in inkastoo Tehran iyo Cumaan ay heshiis ka gaareen samaynta marin ku-meelgaar ah oo maraakiibta looga gudbiyo Marinka Hormuz, haddana Iran aysan dib u furi doonin marinka ilaa uu Mareykanku ka soo baxo waajibaadkiisa.
Gharibabadi ayaa carrabka ku adkeeyay in Marinka Hormuz weli xiran yahay, isla markaana markab kasta oo isku dayaya inuu maro uu u baahan yahay oggolaanshaha Iran.
Dhanka kale, Imaaraadka Carabta ayaa sheegay inuu baaritaan ku sameynayo laamaha Banque Misr ee ku yaalla Imaaraadka, kadib tallaabadii Mareykanka uu bangiga uga jaray xiriirka nidaamka maaliyadeed ee Mareykanka, taas oo qayb ka ah dadaallada lagu kordhinayo cadaadiska dhaqaale ee Iran.
Sheekooyinka kale sii akhri:
Boqor dhaqameed ka tirsanaa Uganda, oo loo aqoonsanaa boqorka ugu da'da yar dunida, ayaa geeriyooday isagoo 34 jir ah, sida qoyska boqortooyadu ay baahiyeen..
Oyo Nyimba Kabamba Iguru Rukidi IV wuxuu noqday boqorka Tooro ee galbeedka Uganda isagoo saddex jir ah sanadkii 1995, kadib geeridii aabbihii.
Boqortooyada Tooro ma aysan shaacin sababta geeridiisa, balse wasiir ka tirsan dowladda Uganda ayaa warbaahinta maxalliga ah u sheegay in Boqor Oyo uu muddo xanuunsanaa, isla markaana uu daaweyn u aaday Mareykanka.
Warbaahinta Israa’iil ayaa sheegtay in hay’adda amniga gudaha dalkaas ee Shin Bet ay xaqiijisay waxa ay ku tilmaantay hanjabaad culus oo ka dhan ah Yair Netanyahu, oo ah wiilka Ra’iisul Wasaaraha Israa’iil Benjamin Netanyahu.
Sida ay wararku sheegayaan, qiimeyn dhinaca amniga ah kadib ayaa lagu go’aamiyay in Yair Netanyahu iyo kooxdiisa ilaalada ah laga soo raro Mareykanka loona soo celiyo Israa’iil.
Arrintan ayaa timid kadib markii la soo sheegay in Yair uu si degdeg ah uga soo safray Florida kuna laabtay Israa’iil. Shin Bet faahfaahin dheeraad ah kama bixin nooca hanjabaadda ama cidda looga shakisan yahay.
Dhowaan, Benjamin Netanyahu ayaa sheegay in Iran ay isku dayday inay disho mid ka mid ah wiilashiisa, inkastoo uusan xilligaas sheegin magaca wiilka. Wararka hadda soo baxaya ayaa tilmaamaya inuu ula jeeday Yair Netanyahu.
Dhanka kale, Iran ayaa marar badan beenisay eedeymaha la xiriira inay ku lug leedahay qorshayaal lagu dilayo madax ama siyaasiyiin Mareykan iyo Israa’iiliyiin ah.
Ilaa hadda, Tehran ma aysan soo saarin bayaan rasmi ah oo ku saabsan xogta ay baahiyeen warbaahinta Israa’iil.
Laga soo billaabo burburkii dowladdii dhexe, waxay Soomaaliya gabbaad u noqotay dadka baxsadka ah ee dunida oo dhan laga baadi-gooobayo. Waxaa ku jira qaar lagu eedeyay in weerarro ay ku qaadeen safaarado ay Maraykanku leeyihiin.
Maanta waxaan idiin soo gudbineynaa shan ka tirsa dadka u dhuumaaleysi tagay Soomaaliya, kaddib markii ay galeen liiska dadka la baadi-goobayo ee sirdoonnada caalamka.
Yousef Pezzekian, oo ah wiilka uu dhalay Madaxweynaha Iran Masoud Pezzekian, ayaa qoraal uu soo dhigay qaybta 'Stories'-ka ee Instagram-ka ku yiri: "Nolosheennu kuma xirna hawsha tayeynta [uranium-ka]. Haddii aynaan samayn hawsha tayeynta, ma dhimanayno." Bilowgii qoraalkiisa ayuu ku caddeeyay inuusan ka soo horjeedin hawsha tayeynta, isla markaana uu u hoggaansan yahay go'aan kasta oo ay gaaraan Golaha Sare ee Amniga Qaranka iyo hoggaanka dalka, balse wuxuu intaas ku daray: "Ujeeddada kaliya ee aan ka leeyahay ayaa ah inaynu ogaanno baaxadda iyo saameynta go'aankeenna, aynaannu gaarno go'aanno ku dhisan aqoon iyo faham. Qofka caqliga leh wuxuu miisaamaa faa'iidooyinka iyo khasaaraha wax, ka dibna wuxuu qaataa go'aan."
Wiilka Masoud Pezzekian ayaa yiri: "Tamarteenna nukliyeerka kuma xirna habka hodminta. Xitaa maanta, shidaalka laga isticmaalo xarunta korontada ee Bushehr ma aha wax aan annagu soo saarno, balse waxaa laga soo waaridaa Ruushka." Wuxuuna intaas ku daray: "Waxaan haynaa teknoolojiyado ka muhiimsan kuwaas, kuwaas oo haddii aan la helin ay khatar geli doonaan amnigeenna iyo hab-maamulkeenna, balse ma lihin wax qorshe ah oo ku saabsan. Aad uma aannu xiisaynayno arrimahaas."
Sheekooyinka kale ee aad sii akhrin karto:
Ku dhawaad 20,000 oo ka tirsan ciidamada amniga ayaa loo daabulay hawlgallada gurmadka.
Sidaan dhawaan soo sheegnay, hay'adda maareynta masiibooyinka ee Nepal ayaa sheegtay in tirada dadka dhintay ay gaartay 734, taas oo ka badan 675-kii shalay la shaaciyay.
Saacaddii ugu dambeysay, booliiska Nepal ayaa sidoo kale xaqiijiyay in la helay meydadka 734 qof.
Waxay sidoo kale soo bandhigeen xogtan soo socota:
Dadka la la'yahay: 2,498
Dadka la badbaadiyay: 8,186
Dadka dhaawacmay: 242 (waxaa ku jira qaar la fasaxay)
Ciidamada amniga ee la daabulay: 19,895
Sheekooyinka kale ee aad sii akhrin karto:
Muddo dheer, diyaaradda Mareykanka ee F-16 ayaa ahayd diyaaraddii ugu dheereysa ee kuwa dagaalka. F-16A waxay duulimaadkeedii ugu horreeyay sameysay sanadkii 1976-kii, waxayna adeegga Ciidanka Cirka ee Mareykanka (USAF) ku biirtay sanadkii 1979-kii.
Diyaaradda dagaalka ee F-16 ayaa horumar sameysay intii lagu jiray 50-kii sano ee ay adeegga ku jirtay, taas oo ka caawisay inay sii ahaato diyaarad muhiim u ah dagaallada casriga ah.
Inkastoo asal ahaan loo naqshadeeyay inay noqoto diyaarad fudud, hal matoor leh, oo kharashkeedu hooseeyo, haddana waxay caddeysay inay leedahay awood sare, iyadoo ka qaybqaadata dagaallada cirka, hawlgallada duqeynta, iyo difaaca hawada.
In kasta oo F-16 ay isticmaashay matooro kala duwan intii ay shaqeyneysay, haddana xawaaraha ugu sarreeya ee ay sheegtay USAF ma uusan isbeddelin. Tirada rasmiga ah ee xawaaraha F-16 waa Mach 2.0 ama 1,500 oo mayl saacaddii.
Waa kuwee diyaaradaha dagaalka ee ugu dheereeya xilligan? Aan eegno shan diyaaradood oo ka xawaare sarreeya F-16.
Xulka qaranka wiilasha ee Iiraan ee ciyaarta kubbadda Laliska (volleyball) ee da'doodu ka hoosayso 17-ka sano ayaa ku guuleystay horyaalka adduunka ka dib markii ay ciyaartii kama dambaysta ahayd kaga badiyeen Faransiiska 3-1.
Tani waxay ahayd guushii toddobaad oo xiriir ah oo ay gaareen wiilasha da'da yarka ee reer Iran magaalada Doxa.
Kooxda wiilasha da'da yar ee Iiraan ayaa ka adkaatay Aljeeriya, Shiinaha Taipei (laba kulan), Baakistaan (laba kulan) iyo Argentine lixdii kulan ee ka horreeyay, iyadoo sidaas u kala horreeyay, ka hor inta aysan Faransiiska kula ciyaarin kulanka kama dambaysta ah.
Ardayda Arash Sadeghiani ayaa Sabtidii Faransiiska kaga badiyay natiijo cad oo ah 3-1, waxayna noqdeen horyaalka adduunka.
Sheekooyinka kale ee aad sii akhrin karto:
Ninka lagu eedeeyay inuu qorsheeyay weerarkii 11-kii Sebtembar 2001 ee ka dhacay Maraykanka, Khaalid Sheekh Maxamed, ayaa maxkamad la horgeyn doonaa bisha Juun 2028, in ka badan 25 sano kaddib weerarkii ay dowladda Maraykanku ku tilmaantay "weerarkii argagixiso ee ugu xumaa ee abid ka dhaca gudaha dalka."
Garsooraha maxkamadda ciidamada milatariga ayaa go'aamiyay in dacwaddu bilaabato labo sano gudahood, isagoo sheegay in codsiga xeer-ilaalintu ku doonaysay in maxkamaddu bilaabato 2027 uu ahaa mid xilli hore ah.
Khaalid ayaa dalbaday in la gaaro heshiis u oggolaanaya inuu qirto dambiyada lagu soo oogay, iyadoo loo ballanqaadayo in aan lagu xukumin dil. Hase yeeshee, maxkamad federaali ah oo racfaan qaadda ayaa diidday codsigaas. Waxaa la qabtay sanadkii 2003, waxaana lagu hayaa xabsiga Guantanamo Bay tan iyo Sebtembar 2006.
Khaalid Sheekh Maxamed ayaa hore u qirtay inuu isagu qorsheeyay weerarkii 11-kii Sebtembar 2001, laga bilaabo billowgiisii ilaa dhammaadkiisii.
Senator-ka xisbiga Dimuqraadiga Elizabeth Warren ayaa ku tilmaantay Donald Trump "madaxweynihii ugu musuqmaasuqa badnaa taariikhda Mareykanka," waxayna sheegtay in shirkadaha waaweyn ee saliidda ee xulafada la ah ay faa'iidooyin aad u badan ka heleen dagaalka lagula jiro Iran.
"Su'aashu waxay tahay, maxaan arrintan ka yeelnaa? Marka Donald Trump uu dagaal la bilaabo Iran, saaxiibbadiisana dhanka shidaalka ee ugu deeqay malaayiin dollar ololihiisa, ay macaash badan ka helayaan dagaalkan, waa waajib saaran inaan arrintaas soo bandhigno oo aan ka hortagno. Taasi waa waxa aan hadda wadno," ayay tiri Warren iyadoo ka hadlaysa isu-soo-bax lagu taageerayo senatar ka tirsan xisbiga Dimuqraadiga oo laga soo doortay gobolka Massachusetts.
Iyadoo aan la magacaabin shirkado gaar ah, Warren waxay sheegtay in shirkadaha waaweyn ee saliidda ay heleen faa'iidooyin "aad u badan" tan iyo markii uu billowday dagaalka Iran. Isla mar ahaantaana, kororka qiimaha saliidda iyo faa'iidooyinka lama-filaanka ah ee laga helay qaybaha tamarta iyo gaadiidka ayaa soo jiitay dareenka falanqeeyayaasha bilihii ugu dambeeyay, inkastoo arrintani keligeed aysan caddaynayn sheegashada Senator Warren ee ku saabsan xiriirka tooska ah ee kala dhexeeya deeqaha ololaha doorashada.
Donald Trump ayaa horay u dhaliilay kororka qiimaha saliidda, wuxuuna ugu baaqay soo-saareyaasha inay kordhiyaan wax-soo-saarkooda si looga hortago in qiimuhu uu sii kordho.
Sheekooyinka kale ee aad sii akhrin karto:
Warbaahinta dowladda Kuuriyada Waqooyi ayaa ku warantay in hoggaamiye Kim Jong Un uu shaqada ka eryay wasiirka difaaca isla markaana uu beddelay dhowr sarkaal oo sare oo militariga ah taasoo qayb ka ah isbadal ballaaran oo lagu sameeyay taliska militariga.
Wakaaladda rasmiga ah ee wararka Kuuriyada Waqooyi (KCNA) ayaa Axadda ku dhawaaqday in go'aannadan lagu gaaray kulan Sabtidii dhacay oo uu guddoominayay Kim Jong Un, isla markaana qayb ka ahaa "qorshayaasha dib-u-habaynta qaab-dhismeedka" ciidamada qalabka sida.
Sida lagu sheegay warbixinta, Noh Kwang-chul ayaa laga qaaday xilkii Wasiirka Difaaca, waxaana sidoo kale darajadiisa hoos loo dhigay oo loo magacaabay ku-xigeenka koowaad ee madaxa hay’adda warshadaha hubka iyo rasaasta ee ku dhex taal qaab-dhismeedka hoggaanka xisbiga talada haya.
Kim Song-gi, oo ah madaxa Waaxda Siyaasadda ee Ciidamada Kuuriya, ayaa loo magacaabay wasiirka cusub ee gaashaandhigga.
Sida ay sheegayaan wararkani, Pak Jong-chun, oo ah lataliyaha gaashaandhigga ee Kim Jong-un, ayaa sidoo kale loo magacaabay guddoomiye-xigeenka Guddiga Dhexe ee Militariga, wuxuuna noqday xubin ka tirsan Guddiga Siyaasadda ee Xisbiga Shaqaalaha Kuuriya.
Warbaahinta dowladda Kuuriyada Waqooyi ayaan sharraxaad ka bixin sababta ka dambeysa isbeddeladan. Hase yeeshee, tallaabooyinkan ayaa ku soo beegmay xilli Pyongyang ay bilihii u dambeeyay xoogga saaraysay horumarinta awooddeeda milatari iyo iskaashiga dhanka difaaca ee ay la leedahay Ruushka, iyadoo ay weli taagan tahay xiisad sare oo ka jirta Jasiiradda Kuuriya.
Sheekooyinka kale ee aad sii akhrin karto:
Dadaallada samatabbixinta ayaa galay maalintii shanaad ee Nepal iyo Tibet ka dib markii daadad xooggan ay baabi'iyeen dhul xuduudeed Arbacadii.
Hay'adda Sahanka Juqraafiga ee Mareykanka iyo mas'uuliyiinta maxalliga ah ayaa aaminsan in daadadkii xoogganaa, dhoobadii iyo dhagxaantii ay wadeeen ay sababeen baraf burburay oo dabadeed masiibada dhaliyey.
Nepal, ugu yaraan 675 qof ayaa ku dhintay, sida laga soo xigtay hay'adda ka jawaabista masiibooyinka ee dalka.
Waxay intaa raacisay in in ka badan 2,400 oo qof la la'yahay, in ka badan 18,700 oo samatabbixiye ahna la geeyay agaagaas.
Tibet, tirada rasmiga ah ee dhimashada waa toddobo, iyadoo 554 la sheegay in la la'yahay, sida laga soo xigtay warbaahinta dowladda Shiinaha.