د طالبانو حکومت: داعش د اړیکو، تمویل او فکري انحراف لپاره له ټیلیګرام او ټیک‌ټاک ګټه اخلي

د ویډیو تشریح، د طالبانو حکومت: داعش د اړیکو، تمویل او فکري انحراف لپاره له ټیلیګرام او ټیک‌ټاک ګټه اخلي
د طالبانو حکومت: داعش د اړیکو، تمویل او فکري انحراف لپاره له ټیلیګرام او ټیک‌ټاک ګټه اخلي
د خپرېدو وخت

د طالبانو د استخباراتو مشر عبدالحق وثیق، چې په دې غونډه کې یې د طالبانو د حکومت په استازیتوب ګډون کړی و، وویل: "د مصنوعي ځیرکتیا په اوسني پېر کې موږ اندېښنه لرو چې د امنیت ضد عناصر، په ځانګړي ډول داعش چې د ټولې نړۍ لپاره یو ګواښ دی، له دې ټکنالوژۍ څخه په استفادې د زهري موادو او د ځینو مرګ‌ژونکو وسلو د اجزاوو د جوړولو لارې چارې زده کړي او داسې اقدامات ترسره کړي چې د مصنوعي ځیرکتیا د کارونې په برخه کې لګول شوي محدودیتونه پرې وګرځوي."

هغه زیاته کړه: "د افغانستان اسلامي امارت، چې د خپلې عقیدې او فکر له مخې اوس مهال د داعش پر وړاندې د مبارزې په لومړۍ کرښه کې قرار لري، د داعش په څېر د یوه نړیوال دښمن د تخنیکي امکاناتو د له منځه وړلو په برخه کې له سختو محدودیتونو سره مخ دی."

طالبان خپل حکومت "اسلامي امارت" بولي.

نوموړي د ټیلیګرام، ټیک‌ټاک او نورو ټکنالوژیکو شرکتونو د نه همکارۍ په اړه په نیوکې سره ادعا وکړه:

"داعش د دغو شرکتونو له محصولاتو څخه د اړیکو، تمویل او فکري انحراف لپاره ګټه اخلي، خو دغه شرکتونه له افغانستان سره هېڅ ډول همکاري نه کوي."

د داعش خراسان څانګه په افغانستان کې فعالیت کوي او د روان میلادي کال په ترڅ کې یې لږ تر لږه د درېیو بریدونو مسؤلیت منلی دی.

د طالبانو حکومت وايي چې داعش یې په کلکه ځپلی دی.