आता चीन काय करणार?
रशियन राष्ट्रपती व्लादिमीर पुतीन यांनी युक्रेनच्या पूर्व भागात सैनिकी कारवाईची घोषणा करण्याच्या काहीच तास आधी अमेरिकेने रशिया व चीन यांच्यावर आरोप केला होता की, 'हे दोन देश मिळून अत्यंत अनुदार जागतिक व्यवस्था निर्माण करू पाहत आहेत.
युक्रेन-रशिया यांच्यातील युद्धामुळे चीनला अनेक आघाड्यांवर एका मोठ्या आव्हानाला सामोरं जावं लागतं आहे.
चीनमध्ये नुकत्याच पार पडलेल्या 'हिवाळी ऑलम्पिक क्रीडास्पर्धां'साठी बीजिंगमध्ये उपस्थित राहिलेल्या मोजक्याच जागतिक नेत्यांमध्ये पुतीन यांचा समावेश होता. यावरून रशिया व चीन यांच्या घनिष्ठ राजनैतिक संबंधांची चुणूक मिळाली होती.
विशेष म्हणजे युक्रेनमधील दोन फुटीरतावादी प्रदेशांना मान्यता देण्यासाठी आणि तिथे रशियन लष्कर पाठवण्यासाठी पुतीन यांनी 'हिवाळी ऑलम्पिक' संपण्याची वाट पाहिली.
युक्रेनमधील तणाव कमी होण्यासाठी सर्व बाजूंनी प्रयत्न करावेत, असं आवाहन चिनी सरकारने या संदर्भात केलेल्या जाहीर निवेदनामध्ये केलं आहे.
सविस्तर वाचण्यासाठी क्लिक करा- युक्रेनमधील संकट हे चीनसमोरचं मोठं आव्हान
