संयुक्त राष्ट्रांच्या सभेत रशियाच्या विरुद्ध ठराव मंजूर, भारत मतदानाला अनुपस्थित

लाईव्ह कव्हरेज

अमृता दुर्वे

1. 3 मार्च 2022युक्रेन-रशिया संघर्षामध्ये आता पुढे काय होणार?

   युक्रेन सध्या रशियाच्या आक्रमणाचा सामना करत आहे. सोबतच युक्रेनची स्वत:च्या अस्तित्वासाठीची लढाईसुद्धा सुरू आहे.

   युक्रेनवर रशियानं हल्ला करून आता दोन-तीन दिवस उलटले आहेत. रशियाचं सैन्य आता राजधानी कीव्हपर्यंत पोहोचलं आहे. पण, आता पुढे काय होणार हा मोठा प्रश्न आहे.

   युक्रेनची राजधानी कीव्हमध्ये सध्याही संघर्ष सुरू आहे.

   युक्रेनवर कब्जा करण्याच्या डिफेन्स चीफ यांच्या योजनेचा रशियाचे राष्ट्राध्यक्ष व्लादिमीर पुतिन यांनी अनेक महिने अभ्यास केला.

   

   फोटो स्रोत, Getty Images

   या योजनेनुसार, युक्रेनवर उत्तर, पूर्व आणि दक्षिण अशा तिन्ही बाजूंनी हल्ला केला जातो. बाँब तसंच मिसाईल हल्ला करून विरोधाचा जोर कमी केला जातो. त्यानंतर पायदळ आणि टँक युद्धभूमीवर उतरवले जातात.

   युक्रेनच्या झेलेन्स्की सरकारनं लवकरात लवकर आत्मसमर्पण करावं आणि तिथं रशियाच्या बाजूचं सरकार स्थापन करावं, असं पुतिन यांना वाटतं. देशातील राष्ट्रीय विरोधाच्या दीर्घकालीन मोहिमेला गती देण्यापासून रोखणं, हाही यामागचा उद्देश आहे.

   इंटरनॅशनल इन्स्टिट्यूट ऑफ स्ट्रॅटेजिक स्टडीजचे ब्रिगेडियर बेन बैरी यांच्या मते, रशियानं कीव्हवर यशस्वीपणे कब्जा मिळवला तर ते रशियासाठी लष्करी आणि राजकीय यश असेल.

   पूर्ण बातमी वाचण्यासाठी येथे क्लिक करा- युक्रेन-रशिया संघर्षामध्ये आता पुढे काय होणार?

2. 3 मार्च 2022विद्यार्थ्यांना सोडवण्यासाठी ‘हे’ पाऊल उचला- युक्रेनचा भारताला सल्ला

   X पोस्टवरून पुढे जा

   परवानगी (सोशल मीडिया साईट) मजकूर?

   या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

   मान्य करा आणि पुढे जा

   सावधान: अन्य वेबसाईट्सवरील मजकुरासाठी बीबीसी जबाबदार नाही.

   X पोस्ट समाप्त

   खारकीव्ह आणि सुमीमधील हल्ले थांबले तर परदेशी विद्यार्थ्यांना बाहेर काढता येईल असं युक्रेनच्या परराष्ट्र मंत्रालयाने ट्वीट केले आहे.

   भारत, पाकिस्तान, चीन आणि इतर देशांनी रशियाकडे याची मागणी करावी असं युक्रेन सरकारने म्हटले आहे.

   युक्रेनचे परराष्ट्र मंत्रालय आपल्या ट्वीटमध्ये म्हणतं, आम्ही भारत, पाकिस्तान, चीन आणि इतर देशांच्या सरकारांना आवाहन करतो की आपल्या विद्यार्थ्यांसाठी त्यांनी रशियाकडून मानवी कॉरिडॉरची मागणी करावी, रशियाच्या हल्ल्यामुळे हे विद्यार्थी खारकिव्ह आणि सुमीमध्ये अडकले आहेत.

3. 3 मार्च 2022जेव्हा केंद्रीय मंत्री स्मृती इराणींनी युक्रेनहून परत आलेल्या विद्यार्थ्यांचं 4 भाषांमध्ये स्वागत केलं...

   X पोस्टवरून पुढे जा

   परवानगी (सोशल मीडिया साईट) मजकूर?

   या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

   मान्य करा आणि पुढे जा

   सावधान: अन्य वेबसाईट्सवरील मजकुरासाठी बीबीसी जबाबदार नाही.

   X पोस्ट समाप्त

4. 3 मार्च 2022खारकीव्ह शहराजवळ हल्ला, 2 लहान मुलांसह 8 मृत्युमुखी

   

   फोटो स्रोत, Unian

   रशियाच्या युक्रेन आक्रमणाचा आजचा आठवा दिवस आहे. रशिया आपल्या रहिवासी भागांवर हल्ले करत असल्याचा दावा युक्रेनने केला आहे.

   राजधानी कीव्हबरोबर खारकीव्हवरही मोठ्या प्रमाणात हल्ले होत आहेत.

   खारकीव्हपासून एक-दोन तासांच्या अंतरावर असणाऱ्या इजियम शहरात 2 मुलांसह 8 जणांचा मृत्यू झाल्याची माहिती मिळत आहे.

   रशियाच्या हल्ल्यात सिटी सेंटरचं मोठं नुकसान झालं आहे. आणखी एका सरकारी इमारतीला या हल्ल्याचा तडाखा बसल्याचं आणि अनेक पोलीस जखमी झाल्याचं या शहराचे उपमहापौर वोलोदिमीर मात्सोकिन यांनी सांगितले.

5. 3 मार्च 2022पुतीन यांच्या रशियावर कोणकोणते निर्बंध लादण्यात आले आहेत?

6. 3 मार्च 2022ब्रेकिंग, 100 भारतीय विद्यार्थ्यांना मारहाण- बेलारुसचा दावा

   

   फोटो स्रोत, Getty Images

   पोलंड सीमेवर सुरक्षारक्षकांनी 100 भारतीय विद्यार्थ्यांना मारहाण करुन पुन्हा युक्रेनमध्ये पाठवले असा दावा बेलारुसने केला आहे.

   या मुलांना रुमानियातील एका आश्रयछावणीत जागा देण्यात आली होती असा दावा करण्यात आला आहे.

   संयुक्त राष्ट्र महासभेत बोलताना बेलारुसचे राजदूत व्हॅलेन्टाइन रयबाकोव्ह यांनी वरील माहिती दिली.

   रयबाकोव्ह म्हणाले, “पोलंडच्या सीमेवर सुरक्षारक्षकांनी 26 फेब्रुवारीला जवळपास 100 भारतीय विद्यार्थ्यांना मारहाण केली आणि परत युक्रेनला पाठवलं. त्या मुलांना रुमानियामध्ये आश्रयछावणीत ठेवण्यात आलं आहे.”

   रशियाच्या हल्ल्यात एका भारतीय विद्यार्थ्याचा मृत्यू आणि चीनचा एक नागरिक जखमी झाल्याचं युक्रेनचे संयुक्त राष्ट्रामधील राजदूत सर्गेई किस्लिट्स्या यांनी सांगितलं.

7. 3 मार्च 2022सरकारनं युक्रेनमधून भारतीयांना आणायला उशीर केलाय का?

   YouTube पोस्टवरून पुढे जा

   परवानगी (सोशल मीडिया साईट) मजकूर?

   या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

   मान्य करा आणि पुढे जा

   सावधान: अन्य वेबसाईट्सवरील मजकुरासाठी बीबीसी जबाबदार नाही. YouTube मजुकरात जाहिरातींचा समावेश असू शकतो.

   YouTube पोस्ट समाप्त

8. 3 मार्च 2022व्लादिमीर पुतिन 'न्युक्लिअर बटन' दाबतील का?

   2005 साली पुतिन यांचा क्षेपणास्त्र प्रक्षेपणाचं निरीक्षण करतानाचा फोटो प्रसिद्ध झाला होता. आता जर युक्रेन संघर्षाची परिणती आपल्या मनाप्रमाणे होत नाहीये, हे लक्षात आलं तर पुतिन उतावीळपणे पुढचं पाऊल उचलू शकतात.

   2018 साली प्रदर्शित झालेल्या एका माहितीपटात राष्ट्राध्यक्ष पुतिन यांनी म्हटलं होतं, "जर कोणी रशियाला नष्ट करण्याचा प्रयत्न केला, तर आम्हालाही त्यांना प्रत्युत्तर देण्याचा कायदेशीर अधिकार आहे. ही गोष्ट मानवतेला आणि जगासाठीही विनाशकारक असेल, हे निश्चित. पण मी रशियाचा नागरिक आणि देशाचा प्रमुख आहे. रशिया नसेल तर जगाचीही गरज काय?"

   आता आपण 2022 मध्ये येऊया. पुतिन यांनी युक्रेनविरोधात पूर्ण क्षमतेनं युद्ध पुकारलं आहे, पण युक्रेनच्या लष्कराकडून मोठ्या प्रमाणावर विरोध होत आहे. क्रेमलिनला धक्का देणारी अजून एक गोष्ट म्हणजे पाश्चिमात्य देशही रशियावर आर्थिक आणि वित्तीय निर्बंध लादण्यासाठी एकत्र आले. पुतिन यांच्या अधिपत्याखालील व्यवस्थेवरच आता प्रश्नचिन्ह निर्माण होण्याची वेळ आली.

   पूर्ण बातमी वाचण्यासाठी क्लिक करा-व्लादिमीर पुतिन 'न्युक्लिअर बटन' दाबतील का?

9. 3 मार्च 2022युक्रेनमध्ये अडकलेल्या विद्यार्थ्यांना बाहेर कसं पडता येईल?

   

   फोटो स्रोत, twitter/@Gen_VKSingh

   भारतीय वायू दलाच्या सी-17 विमानांमधून युक्रेनमध्ये अडकलेल्या भारतीय विद्यार्थ्यांना बाहेर काढण्याचे प्रयत्न सुरू आहेत. त्याचप्रमाणे चार केंद्रीय मंत्र्यांना वेगवेगळ्या देशात पाठवून हे विद्यार्थी भारतात यावेत यासाठी केंद्र सरकारने पूर्ण ताकद पणाला लावली आहे.

   मात्र अजूनही युक्रेनमधील विविध शहरांत अडकून पडलेल्या विद्यार्थ्यांना तातडीची मदत गरज मिळणं गरजेचं आहे.

   त्यामुळे युक्रेनच्या शेजारी देशांमध्ये केंद्रीय मंत्र्यांना पाठवून हे काम खरंच सोपं होईल का यावर प्रश्नचिन्ह उपस्थित होत आहे.

   भारत सरकारने आपल्या नागरिकांची युद्धभूमीतून यापूर्वीही सुटका करण्याच्या मोहिमा पूर्ण केल्या आहेत. 1990 साली कुवैतमधून, 2003 साली इराक, 2015मध्ये येमेनमधून अशी सुटका करण्यात आली.

   X पोस्टवरून पुढे जा

   परवानगी (सोशल मीडिया साईट) मजकूर?

   या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

   मान्य करा आणि पुढे जा

   सावधान: अन्य वेबसाईट्सवरील मजकुरासाठी बीबीसी जबाबदार नाही.

   X पोस्ट समाप्त

   1990 साली तत्कालीन परराष्ट्रमंत्री इंद्रकुमार गुजराल यांनी आतापर्यंतची सर्वात मोठी सुटकेची मोहीम राबवून कुवेतमधील 1.70 लाखांहून अधिक भारतीयांची सुटका केली होती.

   ही जगातली सर्वात मोठी एअरलिफ्ट मोहीम होती.

   2015मध्ये येमेनमध्ये युद्ध सुरू झालं तेव्हा भारताचे माजी लष्करप्रमुख जनरल व्ही. के. सिंह यांनी तेथे अडकलेल्या भारतीयांना बाहेर काढण्यात महत्त्वाची भूमिका बजावली होती.

   पूर्ण बातमी वाचण्यासाठी येथे क्लिक करा- युक्रेनमध्ये अडकलेल्या विद्यार्थ्यांना बाहेर कसं पडता येईल?

10. 3 मार्च 2022आक्रमण करणाऱ्यांना चोख प्रत्युत्तर मिळेल- वोलोदिमीर झेलेन्स्की

    युक्रेनचे राष्ट्राध्यक्ष वोलोदिमीर झेलेन्स्की यांनी रशियाला युक्रेनियन लोक चोख प्रत्युत्तर देतील असं आपल्या भाषणात म्हटलं आहे. आक्रमण करणाऱ्यांना आपलं प्रत्युत्तर कायम लक्षात राहिल असंही म्हटलंय.

11. 3 मार्च 2022ऑपरेशन गंगाद्वारे भारतीयांना सोडवण्याच प्रयत्न

    X पोस्टवरून पुढे जा

    परवानगी (सोशल मीडिया साईट) मजकूर?

    या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

    मान्य करा आणि पुढे जा

    सावधान: अन्य वेबसाईट्सवरील मजकुरासाठी बीबीसी जबाबदार नाही.

    X पोस्ट समाप्त

    ऑपरेशन गंगाद्वारे युक्रेनमधून त्याच्या शेजारील देशात पोहोचलेल्या भारतीयांना मायदेशात आणण्याचा प्रयत्न सुरू आहे. पोलंडमधून 437 भारतीय आणि एका बांगलादेशी व्यक्तीस भारतात पाठवले गेले. यावेळेस केंद्रीय मंत्री मेजर जनरल निवृत्त व्ही. के. सिंह उपस्थित होते.

12. 3 मार्च 2022ब्रेकिंग, स्विफ्ट बँकिंगमधून रशियाच्या 7 बँकांना वगळलं

    

    फोटो स्रोत, Getty Images

    रशियाच्या 7 बँकांना आपल्या जागतिक नेटवर्कमधून वगळल्याचं स्विफ्ट बँकिंग प्रणालीनं स्पष्ट केलं आहे. ही कारवाई 12 मार्च रोजी पूर्ण होईल.

    रशियाच्या युक्रेनवरील आक्रमणानंतर हा निर्णय घेण्यात आला आहे. त्यामुळे या आठवड्याच्या सुरुवातीलाच अमेरिका, युरोपिय महासंघ, ब्रिटन आणि त्यांच्या अनेक सहकारी देशांनी रशियाच्या बँकांना स्विफ्टमधून बाहेर काढम्याचा निर्णय घेतला होता.

    जगभरात हजारो वित्तसंस्था स्विफ्ट प्रमालीचा वापर करतात. रशियाही तेल आणि वायू निर्यातीसाठी मोठ्या प्रमाणावर या प्रणालीचा वापर करतो.

    युक्रेनन आक्रमणानंतर रशियावर घातलेला हा मोठा निर्बंध मानला जात आहे. रशियापूर्वी एकदा इराणला या प्रणालीतून बाहेर काढण्यात आलं होतं.

13. 3 मार्च 2022रशिया युक्रेन युद्धात अडकण्याला जबाबदार कोण?

    YouTube पोस्टवरून पुढे जा

    परवानगी (सोशल मीडिया साईट) मजकूर?

    या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

    मान्य करा आणि पुढे जा

    सावधान: अन्य वेबसाईट्सवरील मजकुरासाठी बीबीसी जबाबदार नाही. YouTube मजुकरात जाहिरातींचा समावेश असू शकतो.

    YouTube पोस्ट समाप्त

14. 3 मार्च 2022मराठी-युक्रेनी कुटुंब युद्‌धभूमीतून कसं बाहेर पडलं?

    YouTube पोस्टवरून पुढे जा

    परवानगी (सोशल मीडिया साईट) मजकूर?

    या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

    मान्य करा आणि पुढे जा

    सावधान: अन्य वेबसाईट्सवरील मजकुरासाठी बीबीसी जबाबदार नाही. YouTube मजुकरात जाहिरातींचा समावेश असू शकतो.

    YouTube पोस्ट समाप्त

    "मी माझ्या दोन्ही मुलांसोबत बाहेर खेळत होतो. तेवढ्यात मोठा स्फोट झाला," मूळचे वसईचे असलेले टोनी कर्वालो युक्रेनमधल्या युद्धाचा आपला अनुभव सांगतात.

    आपली युक्रेनी पत्नी ओलेना आणि दोन मुलांसह टोनी ओदेसा शहरात राहात होते. पण रशियानं युक्रेनवर हल्ला केल्यावर त्यांना घर सोडावं लागलं.

    मजल दरमजल करत हे कुटुंब रोमानियापर्यंत कसं पोहोचलं? त्यांना वाटेत काय दिसलं? टोनी आणि ओलेनानं आपले अनुभव बीबीसी मराठीला कथन केले आहेत.

    वसईतले टोनी युक्रेनला कसे पोहोचले?

    41 वर्षांचे टोनी पेशानं आयटी मॅनेजर आणि एक खलाशी आहेत. ते रॉयल कॅरिबियन कंपनीच्या जहाजांवर काम करतात.

    जहाजावरच त्यांची ओळख युक्रेनच्या ओलेना इव्हानविना स्टेफाक यांच्याशी झाली. दोघांनी 2014 साली लग्न केलं. टोनी आणि ओलेना यांना दोन मुलंही आहेत.

    सविस्तर बातमी वाचण्यासाठी क्लिक करा- मराठी-युक्रेनी कुटुंब युद्‌धभूमीतून कसं बाहेर पडलं?

15. 3 मार्च 2022युद्धाच्या बातम्यांमुळे लोक निवडणुका विसरले काय?

    

16. 3 मार्च 2022पुतीन यांच्या राजवटीत त्यांचे काही 'खास दोस्त' श्रीमंत झाले कारण.....

17. 2 मार्च 2022रशियाचा युक्रेनवर हल्ला : आज दिवसभरात काय-काय घडलं?

    नमस्कार, मी अमृता दुर्वेरशियाने युक्रेनवर केलेल्या हल्ल्याचा आज सातवा दिवस. या हल्ल्याचे लाईव्ह अपडेट्स, फोटो, बातम्या, व्हिडिओ आणि विश्लेषण या लाईव्ह पेजवरून आम्ही तुमच्या पर्यंत पोहोचवलं.

    युक्रेनची राजधानी कीव्ह आणि इतर शहरांमध्ये दिवस मावळलाय. भारताने खारकीव्हमध्ये असणाऱ्या भारतीय नागरिकांना कोणत्याही परिस्थितीत खारकीव्हमधून निघून संध्याकाळी 6 वाजेपर्यंत (स्थानिक वेळेनुसार) इतर 3 ठिकाणी पोहोचायला सांगितलं होतं. ती वेळही उलटून गेलीय.

    रशियाने युक्रेन केलेल्या हल्ल्याच्या आजच्या सातव्या दिवशी काय काय घडलं?

    हा थोडक्यात आढावा :

    • रशियाने युक्रेनवर केलेल्या हल्ल्याचा युनायटेड नेशन्सने निषेध करत रशियाने सैन्य मागे घ्यावं अशी मागणी केली. याबाबतच्या ठरावावर संयुक्त राष्ट्रांच्या आणीबाणीच्या सभेत मतदान करण्यात आलं. भारत या ठरावावरील मतदानाला अनुपस्थित होता. यामध्ये एकूण 193 सदस्यांपैकी 141 सदस्यांनी ठरावाच्या बाजूने मतदान केलं.

    • आठवडाभरापूर्वी सुरू झालेल्या संघर्षामध्ये युक्रेनमधील जवळपास 2000 पेक्षा अधिक सामान्य नागरिक मारले गेले असल्याचं युक्रेनमधील प्रशासनानं म्हटलं आहे.

    • युक्रेनवर करण्यात आलेल्या हल्ल्यात आतापर्यंत आतापर्यंत 498 रशियन सैनिक मारले गेले असून 1,597 जखमी झाल्याचं रशियन मीडियाने म्हटलंय.

    • खारकीव्हमधून तातडीने बाहेर पडा असे आदेश भारतीय दूतावासाने भारतीयांना दिलेत. वाहन मिळालं नाही तर पायी निघा, असं सांगण्यात आलंय.

    • पेसोचिन, बाबाई आणि बेझ्लेयुदिव्काकडे शक्य तितक्या लवकर जावं, युक्रेनी वेळेनुसार संध्याकाळी 6 वाजेपर्यंत पोहोचणं गरजेचं असल्याचं भारतीय दूतावासाने म्हटलंय.

    • आतापर्यंत 17 हजार भारतीय नागरिक युक्रेनमधून बाहेर पडले असल्याचा अंदाज असल्याचं भारत सरकारने म्हटलंय.

    • तर गेल्या गुरुवारी (24 फेब्रुवारी) रशियाने युक्रेनवर हल्ला केल्यापासून आतापर्यंत सुमारे 9 लाख लोकांनी युक्रेन सोडल्याचं युनायटेड नेशन्सने म्हटलंय. यातले निम्म्यापेक्षा अधिक लोक पोलंडला गेले आहेत.

    • रशियानं युक्रेनमधील महत्त्वाच्या शहरांवर हल्ला अधिक तीव्र केला आहे. खारकीव्ह, मारिओपोल शहरांवर मोठे हल्ले करण्यात आले आहेत.

    • युक्रेनमधलं बंदर असणारं खर्सन शहर आपण ताब्यात घेतल्याचा दावा रशियाने केला आहे. पण युक्रेनने हा दावा फेटाळलाय.

18. 2 मार्च 2022

    

    फोटो स्रोत, Getty Images

    आशा उद्याच्या डोळ्यांत माझ्या

    फुलतील कोमेजल्यावाचुनी

    माझ्या मनीचे गुज घ्या जाणुनी

    या वाहणाऱ्या गाण्यांतुनी

    लहरेन मी, बहरेन मी

    शिशिरांतुनी उगवेन मी....

    कवी : सुधीर मोघे

    कीव्हमधल्या मॅटर्निटी हॉस्पिटलच्या तळघरात उभारण्यात आलेल्या शेल्टरमध्ये जन्मलेलं हे बाळ.

19. 2 मार्च 2022ब्रेकिंग, संयुक्त राष्ट्रांच्या सभेत रशियाच्या निषेधाचा ठराव मंजूर, भारत मतदानाला अनुपस्थित

    

    फोटो स्रोत, Getty Images

    रशियाने युक्रेनवर केलेल्या हल्ल्याचा युनायटेड नेशन्सने निषेध करत रशियाने सैन्य मागे घ्यावं अशी मागणी केलीय.

    याबाबतच्या ठरावावर संयुक्त राष्ट्रांच्या आणीबाणीच्या सभेत मतदान करण्यात आलं.

    यामध्ये एकूण 193 सदस्यांपैकी 141 सदस्यांनी ठरावाच्या बाजूने मतदान केलं. 5 सदस्यांनी ठरावाच्या विरोधात मतदान केलं, तर 35 सदस्यांनी मतदान केलं नाही.

    भारत या ठरावावरील मतदानाला अनुपस्थित होता. यापूर्वीही रशियाच्या विरोधातल्या प्रस्तावावरच्या मतदानावेळी भारत अनुपस्थित होता.

    युक्रेनच्या अस्तित्त्वाचा अधिकार रशियाने हिरावून घेऊ नये, असं आवाहन या मतदानाच्या आधी युक्रेनचे राजदूत सर्गेई काईस्लित्सिया यांनी केलं होतं.

    तर रशियाला पूर्व युक्रेनमधला फुटीरतावादी संघर्ष संपवायचा असल्याचं रशियाचे राजदूत वासिली नेबेंझिया यांनी म्हटलं.

    1997 नंतर पहिल्यांदाच संयुक्त राष्ट्रांची अशी आणीबाणीची बैठक झाली.

20. 2 मार्च 2022ब्रेकिंग, आतापर्यंत 498 रशियन सैनिक मारले गेले, रशिया प्रथमच सांगितली आकडेवारी

    युक्रेनवर करण्यात आलेल्या हल्ल्यात आतापर्यंत किती रशियन सैनिक मारले गेले याची माहिती पहिल्यांदाच रशियाच्या संरक्षण खात्याने दिली आहे.

    आतापर्यंत 498 रशियन सैनिक मारले गेले असून 1,597 जखमी झाल्याचं रशियन मीडियाने म्हटलंय.

    रशियाचे किती सैनिक मारले गेले याबद्दल युक्रेनने केलेल्या दाव्यांपेक्षा ही आकडेवारी बरीच कमी आहे.

    आतापर्यंत 2,870 युक्रेनियन सैनिक मारले गेले आणि सुमारे 3,700 जखमी झाल्याचा दावा रशियाने केलाय. युक्रेनने याबद्दलची आकडेवारी दिलेली नाही.

    रशिया किंवा युक्रेन दोन्ही देशांनी केलेल्या दाव्यांची बीबीसीने स्वतंत्रपणे पडताळणी केलेली नाही. पण रशियाचं या हल्ल्यात मोठं नुकसान झालं असावं, असा युकेच्या संरक्षण खात्याचा अंदाज आहे.

    आतापर्यंत 2,000 सामान्य नागरिक आणि 10 आपत्कालीन सेवा कर्मचारी मारले गेल्याचं युक्रेनने म्हटलं आहे.