You’re viewing a text-only version of this website that uses less data. View the main version of the website including all images and videos.
रशिया आणि युक्रेन या दोन देशांमध्ये युद्ध संघर्ष सुरू आहे. ताज्या अपडेट्साठी हे पेज फॉलो करत राहा.
अमृता दुर्वे
युक्रेनच्या समुद्रकिनारी एका स्फोटानंतर मालवाहू जहाज बुडाल्याची घटना घडलीय.
एस्टोनियास्थित व्हिस्टा शिपिंग एजन्सी या जहाजाची मालक आहे. एस्टोनिया बाल्टिक देश असून, नेटाचा सदस्य सुद्धा आहे. या देशाची सीमा रशियाला लागून आहे.
किनाऱ्यावर स्फोट झाल्यानंतर जहाज समुद्रात बुडालं. मात्र, हा स्फोट कशामुळे झाला, हे अद्याप स्पष्ट झालं नाहीय.
या जहाजावरील चालक पथकातील दोन सदस्य आणि इतर चार जणांना युक्रेनस्थित बचाव पथकानं वाचवलं.
युक्रेनमधील आपत्कालीन सेवेनं अणूऊर्जा प्रकल्पातील आग विझवण्यात यश मिळवलंय.
झोपोरिजझिया अणूऊर्जा प्रकल्पातील आग विझवण्यात यश आलं असून, या घटनेत कुठलीही जीवितहानी झाली नाही, अशी माहिती युक्रेनकडून देण्यात आलीय.
अमेरिकेच्या ऊर्जा सचिव जेनिफर ग्रॅनहोम यांनी युक्रेनच्या ऊर्जामंत्र्यांशी झोपोरिजझिया प्रकल्पातील आगीबाबत चर्चा केली आणि अमेरिकेच्या न्यूक्लिअर इन्सिडन्ट रिस्पॉन्स टीमला कार्यन्वित केलं जाणार असल्याची माहिती दिली.
“अणूऊर्जा प्रकल्पाशी लष्करी कारवाई म्हणजे हलगर्जीपणा असून, हे थांबवलं पाहिजे,” असं ग्रॅनहोम म्हणाल्या.
“प्रकल्पाच्या अणूभट्ट्या कंटेन्मेंट स्ट्रक्चर्सच्या मार्फत संरक्षित आहेत आणि अणूभट्ट्या सुरक्षितपणे बंद केल्या जात आहेत,” असंही त्यांनी सांगितलं.
युक्रेनमध्ये जवळपास 18 हजार भारतीय विद्यार्थी शिक्षण घेत असल्याचं अनेक मीडिया रिपोर्ट्समधून समोर आलं आहे.
रशियाने युक्रेनवर आक्रमण केल्यानंतर शेकडो विद्यार्थी युक्रनेच्या विविध राज्यांमध्ये संकटात आले.
एवढ्या मोठ्या संख्येने विद्यार्थी युक्रेनमध्ये शिक्षणासाठी जातात हे समोर आल्यानंतर यानिमित्तानं अनेक मुद्यांवर सध्या चर्चा सुरू आहे.
भारतात एमबीबीएस शिक्षणासाठी खरंच कोट्यवधी रुपयांचा खर्च होतो का? महाराष्ट्रात खासगी महाविद्यालयांची फी किती आहे? आणि शिक्षणासाठी कोट्यवधी रुपयांच्या खर्चामुळे भारतीय विद्यार्थ्यांना विदेशात शिक्षणासाठी जावं लागतं का? असे अनेक प्रश्न उपस्थित केले जात आहेत.
सविस्तर वाचण्यासाठी येथे क्लिक करा- 'MBBS साठी कोट्यवधी रुपयांच्या डोनेशनकडे नेत्यांनी लक्ष द्या'
झेलेन्स्कींनी फेसबुकवर शेअर केलेला अणूऊर्जा प्रकल्पावरील हल्ल्याचा व्हीडिओ :
युरोपमधील सर्वात मोठ्या अणूऊर्जा प्रकल्पातील सहा रिअॅक्टर्सजवळ आग लागल्याची घटना घडलीय. युक्रेनचे राष्ट्राध्यक्ष वोलोदिमीर झेलेन्स्कींनी फेसबुकवर या घटनेचा व्हीडिओ शेअर केला आहे.
हा अणूऊर्जा प्रकल्प दक्षिण-पूर्व युक्रेनमध्ये आहे. रशियाकडून होणाऱ्या गोळीबारामुळे आग विझवण्यात अडथळे येत असल्याचा दावा युक्रेनकडून करण्यात येतोय.
झेलेन्स्कींनी फेसबुकवर शेअर केलेला अणूऊर्जा प्रकल्पावरील हल्ल्याचा व्हीडिओ :
युरोपमधील सर्वात मोठ्या अणूऊर्जा प्रकल्पावर रशियानं केलेल्या हल्ल्याबाबत जगानं ‘तातडीनं कारवाई’ करावी, असं आवाहन युक्रेनचे राष्ट्राध्यक्ष वोलोदिमीर झेलेन्स्की यांनी केलंय.
“युरोपातील सर्वात मोठ्या अणूऊर्जा प्रकल्पाला आग लागली आहे,” अशी माहिती देणारा व्हीडिओ झेलेन्स्कींनी सोशल मीडियावर पोस्ट केला आहे.
रशियन सैन्य सातत्यानं झोपोरिजझिया अणूऊर्जा प्रकल्पातील सहा रिअॅक्टर्सवर गोळीबार करत असल्याचा आरोप झेलेन्स्कींनी केलाय.
“युरोपवासियांना, कृपया, जागे व्हा. युक्रेनमधील अणूऊर्जा प्रकल्पावर रशिया हल्ले करत असल्याचं तुमच्या राजकीय नेतृत्वांना सांगा,” अशी कळकळीची विनंती झेलेन्स्कींनी केलीय.
अमेरिका, ब्रिटन, युरोपियन कमिशन, जर्मनी आणि पोलंडसह अणूऊर्जा यंत्रणेशी आपण संपर्कात असल्याचंही झेलेन्स्कींनी सांगितलं.
युक्रेन आणि रशियामध्ये गेल्या आठ दिवसांपासून संघर्ष सुरू आहे. या आठ दिवसात 10 लाखांहून अधिक लोकांनी युक्रेन सोडल्याची माहिती संयुक्त राष्ट्रानं दिलीय.
युक्रेनमधून बाहेर पडलेले शराणार्थी पोलंड, हंगेरी, रोमानिया आणि मोल्दोवासारख्या शेजारील देशांच्या दिशेनं जात आहेत.
युद्धामुळे देश सोडणाऱ्या युक्रेनच्या शरणार्थींना तीन वर्षांपर्यंत अस्थायी रहिवासी परमिट देण्याचं युरोपियन कमिशननं ठरवलंय. तसंच, या शरणार्थींना शिक्षण आणि आरोग्य सुविधाही पुरवल्या जातील.
ब्रझेल्समध्ये गुरुवारी झालेल्या बैठकीत युरोपियन कमिशनमधील गृहमंत्र्यांनी या योजनेला मंजुरी दिली. युरोपियन कमिशनमध्ये याआधी अशा प्रकारची सुविधा देण्यात आली नव्हती.
झोपोरिजझिया प्रदेश प्रशासनाच्या प्रमुख अधिकाऱ्यांच्या माहितीनुसार, झोपोरिजझिया अणूऊर्जा प्रकल्प ‘सुरक्षित’ आहे.
अलेक्झांडर स्टारुख यांनी फेसबुकवर पोस्ट शेअर करत म्हटलंय की, झोपोरिजझिया प्रकल्पाच्या संचालकांशी आताच बोलणं झालं. त्यांनी प्रकल्पाच्या सुरक्षेची खात्री दिली.
दुसरीकडे, आंतरराष्ट्रीय अणूऊर्जा यंत्रणेनं (IAEA)याबाबत युक्रेनच्या नेतृत्वाशी चर्चा केली. प्रकल्पातील ‘महत्वाची’ साधनं अजूनही कार्यरत आहेत, असं युक्रेनकडून IAEA ला सांगण्यात आलं.
संयुक्त राष्ट्राच्या आकडेवारीनुसार, आतापर्यंत 10 लाख लोक युक्रेन सोडून शेजारील देशांमध्ये स्थलांतरित झाली आहेत.
शनिवारी (26 फेब्रुवारी) युक्रेन सरकारने अधिकृत ट्विटर अकाऊंटवरुन एक संदेश पोस्ट केला."युक्रेनच्या नागरिकांना साथ द्या. आता आम्ही क्रिप्टो करन्सीच्या माध्यमातूनही देणगी स्वीकारत आहोत. बिटकॉईन, इथीरियम आणि अमेरिकन डॉलरच्या माध्यमातून दान द्या."
सरकारने क्रिप्टो वॉलेटचा पत्ता पोस्ट केल्यानंतर 54 लाख डॉलर एवढी देणगी जमा झाली आहे.8 तासांच्या आतच बिटकॉईन, इथिरियम आणि इतर क्रिप्टो करन्सीद्वारे युक्रेनला देणगी जमा झाली.
युक्रेनला युद्धात मदत करण्यासाठी ही रक्कम वापरली जाईल, असं युक्रेनच्या डिजिटल मंत्रालयाने सांगितलं. परंतु हे पैसे कसे वापरले जाणार हे मात्र मंत्रालयाकडून स्पष्ट करण्यात आलेलं नाही.
इलिप्टिकचे संस्थापक टॉम रॉबिन्सन यांनी बीबीसीशी बोलताना सांगितलं, "काही समूहदान माध्यमं आणि पेमेंट कंपन्यांनी युक्रेनचं समर्थन करणाऱ्या काही गटांसाठी पैसे जमा करण्याची प्रक्रिया थांबवली आहे. त्यामुळे अशा परिस्थितीत बिटकॉईन आणि इतर क्रिप्टोकरंसीच्या माध्यमातून पैसे जमवले जात आहेत."
सविस्तर वाचण्यासाठी येथे क्लिक करा-युक्रेनला युद्धासाठी अशी मिळत आहेत कोट्यवधींची मदत
युक्रेनवर रशियाने केलेल्या हल्ल्याचा आज नववा दिवस आहे. युक्रेनवरील हल्ले वाढल्यानंतर लाखो लोक युक्रेन सोडून पलायन करत आहेत. युद्धाच्या पार्श्वभूमीवर अनेक गोष्टी घडत आहेत. त्याची इत्यंभूत माहिती आम्ही तुमच्यापर्यंत या लाइव्ह पेजच्या माध्यमातून पोहोचवत आहोत. तत्पूर्वी काय घडले हे आपण पाहू.
रशियाने युक्रेन केलेल्या हल्ल्याच्या कालच्या आठव्या दिवशी काय काय घडलं?
कालचे अपडेट्स जाणून घेण्यासाठीबीबीसी मराठीच्या या पेजलाभेट द्या.