Ole Gunnar Solskjaer ya ce har yanzu Man Utd ta fi karfin Man City
Asalin hoton, Getty Images
Ole Gunnar Solskjaer ya yi imanin cewa har yanzu Manchester United ta fi karfin Manchester City.
Karo na bakwai kenan a jere da City ke za kasance saman abokiyar gabarta a Manchester, wanda bai taba faruwa ba tun 1930.
City ta lashe kofin Premier League sau uku tun wanda United ta lashe karo na 20 a 2013.
Kafin fafatawar da za a yi ranar asabar tsakanin kungiyoyin biyu na Manchester, an tambayi Solskjaer ko yana ganin har yanzu United ta fi karfin City sai ya ce: "Eh."
Ya kuma ce duk da suna fuskantar kalubale amma United ba za ta kariya ba.
Idan dai aka yi la'akari da yawan kofi, za a dauki lokaci kafin City ta kamo United amma kuma batun kudi City na iya ja da United.
Tun ritayar Sir Alex Ferguson a 2013, City ta doke United sau bakwai yayin da United ta yi nasara sau uku.
City kuma yanzu ta ba United tazarar maki 11 a tebur, amma Solskjaer ya ce burinsu shi ne datse yawan makin.
