Ishirahamwe FFB riramutswa inzego nshasha mu Burundi

Inyandiko gusa
Umukenguzamateka Rverien Ndikuriyo agiye kubandanya arongoye FFB

Ahavuye isanamu, FFB

Insiguro y'isanamu, Umukenguzamateka Reverien Ndikuriyo agiye kubandanya arongoye FFB
Yatangajwe

Umukenguzamateka Reverien Ndikuriyo ni we yaraye atorewe gusubira kurongora ishirahamwe FFB ku majwi 48 ku 50 inyuma y'aho uwo bari guhangana muri ayo matora Alexandre Muyenge amenyeshereje ko ahevye kwitoza.

Inama yo gushiraho inzego zishasha zo kurongora FFB yabereye mu ntara ya Gitega hagati mu gihugu.

Icegera ciwe ca mbere ni Habimana Aimable batazira Marandura, ica kabiri akaba ari Sabumugabo Moustapha.

Haratowe kandi n'abandi bazomufasha muri ayo mabanga, aho nk'igisata c'umupira w'amaguru mu bapfasoni kirongowe na Kabura Eugenie, mu rwaruka Sylvestre Ndayizeye, hanyuma uwo ku musenyi na wo akaba ari Djuma Msoma.

Igisata c'abahagarikizi kirongowe na Niyongabo Jean Claude.

Inama yo gutora inzego nshasha za FFB yabereye i Gitega hagati mu gihugu

Ahavuye isanamu, FFB

Insiguro y'isanamu, Inama yo gutora inzego nshasha za FFB yabereye i Gitega hagati mu gihugu