Mae 'na giw i fynd mewn i’r prif gylch ble mae Paul Hannam ar fin dechrau gwneud campau ar ei feic cwad.

Am y tro cyntaf ar y maes mi fydd yna bentref defaid newydd sbon - o'r enw Cynefin - i ddathlu rôl hanfodol ffermio defaid yng Nghymru.

Mae ar safle hen Bafiliwn yr NSA os oes awydd gyda chi i fynd yno ac mi fydd amrywiaeth o weithgareddau ac arddangosfeydd yn cael eu cynnal.

Yn mwynhau gyda'i thad Ross, mae Elin o Ben-y-bont ar Ogwr wedi cael hufen iâ mefys a bubblegum. Maen nhw ar y ffordd i weld y beiciau cwad nesa'!

Gyda'r tymheredd yn uchel ar faes y Sioe, dyma gyngor y gwasanaeth ambiwlans ar sut i ymdopi.

Mae'n bwysig cael saib o'r haul, ac mae ambell i fannau â chysgod naturiol o gwmpas y maes.

Yn ogystal â'r cystadlaethau traddodiadol, mae 'na amrywiaeth eang gyda'r rhai yma'n ceisio dringo coed mor sydyn â phosib.

Matthäus o'r Weriniaeth Tsiec sydd yn arwain y ffordd...

Dim ond y beirniaid sy'n cael bod yn yr adran ar gyfer cystadleuaeth goginio ar hyn o bryd.

Mae rhai o ohebwyr Cymru Fyw ar y maes eisiau secondiad...

Tra bod rhai yn treulio diwrnod yn ymlacio o gwmpas y maes, i eraill mae'n ddiwrnod egnïol iawn...

Mae’r Ceidwadwyr Cymreig yn dweud bod cynllun gwario hirdymor Llywodraeth Cymru ar gyfer amaethyddiaeth yn "doriad mewn termau real" a fydd yn "dinistrio'r sector".

Cyhoeddwyd heddiw bod cynlluniau cymhorthdaliadau ffermydd am dderbyn £340m y flwyddyn – yr un swm ag y mae ffermydd wedi'i dderbyn ers 2012.

Mae Gweinidog Amaethyddiaeth y Cabinet Cysgodol, Andrew RT Davies, yn dweud bod hyn yn cynrychioli "toriad sylweddol mewn termau real" pan mae chwyddiant yn cael ei ystyried.

Dywedodd bod grwpiau amaethyddol ac amgylcheddol wedi rhybuddio bod angen £500m y flwyddyn – ac ychwanegodd bod y cytundeb ymhell o fodloni'r hyn mae ffermwyr wedi dweud sy'n angenrheidiol.

Fel rhan o ddathliadau'r mudiad yn 90 oed, mae aelodau Mudiad Clybiau Ffermwyr Ifanc wedi recordio fersiwn newydd o gân Bwncath, 'Fel Hyn 'Da Ni Fod'.

Maen nhw'n cynnal cyfres o ddigwyddiadau drwy gydol y flwyddyn i nodi'r garreg filltir ond dyma un o'r pethau y maen nhw fwyaf balch ohono medden nhw.

Cyfansoddwyr: Llywelyn Elidyr Glyn; Twm Ellis; Robin Llwyd Jones ac Alun Williams

Trefniant: Lisa Angharad

Cynhyrchwyr y gân: Lisa Angharad ac Ifan Emlyn Jones

Camera: Gareth Vaughan Jones a Steve Kingston

Cyfarwyddo: Terwyn Davies

Golygydd fideo: David L Rees

Cynhyrchiad Telesgop ar gyfer BBC Radio Cymru

Mae digon o drafod am addasu a moderneiddio o fewn y diwydiant amaeth, ond ydi hwn gam yn rhy bell?!

Ewch draw i stondin Prifysgol Aberystwyth i gael golwg pellach.

Mae digon o adloniant o bob math ar draws y maes, gan gynnwys Côr Meibion Llanfair-ym-Muallt yn perfformio ar stondin Trafnidiaeth Cymru.

Gydag wythnos hir o gystadlu i ddod mae'n bwysig bachu ar unrhyw gyfle i gael cwsg bach.

Mae Elian, o Gorwen, yn mwynhau gweld y geifr ond yn edrych ymlaen fwyaf at y gystadleuaeth torri coed.

Mae e hefyd, wrth gwrs, yn edrych ymlaen at weld yr holl dractors.

Gyda phedwar diwrnod o gystadlu brwd rhwng heddiw a dydd Iau bydd rhywbeth at ddant pawb gyda rhai wedi teithio o bell i gystadlu a gwylio. Ac ymhlith prif atyniadau'r wythnos mae:

• Sioe styntiau beic cwad Paul Hannam
• Grand National y Merlod Shetland
• Tîm arddangos parasiwtio milwrol, yr RAF Falcons
• Sioe gan Hawkeye Falconry UK
• Arddangosfa Meirion Owen a'i Gŵn Defaid
• Gyrru Cerbydau Tristar
• Pentref y Ceffylau Trwm

Ond cofiwch - mae'r holl fanylion ar gael ar ap y Sioe Frenhinol.

Mae Zoe (chwith) ac Efa yn y Sioe am yr wythnos i gyd ac yn dangos defaid mynydd Cymreig.