Emyr Lewis yn ennill Cadair Eisteddfod y Garreg Las - prif seremoni'r dydd.
Cadeirydd Pwyllgor Gwaith Eisteddfod y Garreg Las yn dweud y byddai'n edrych yn ôl ar eu gwaith "gyda gwên lydan".
Joe Allen, Aleighcia Scott a Heledd Cynwal ymhlith y rhai gafodd eu hurddo i Orsedd y Beirdd fore Gwener.
Prif Weithredwr yr Eisteddfod yn dweud bod angen i'r brifwyl 'esblygu' i ddelio ag AI.
Ymarfer Byw gan Dafydd Owain yn dod i'r brig yng nghystadleuaeth Albwm Cymraeg y Flwyddyn
Elain Gwynedd yw'r person ieuengaf erioed i gael ei hethol i Fwrdd yr Orsedd.
Cafodd ei hurddo i'r Orsedd y llynedd, cyn cael ei hethol i fod yn aelod o Fwrdd yr Orsedd.
Mae Elain hefyd yn rhan o dîm darlledu Radio Cymru yn yr Eisteddfod, ac wedi bod yn cystadlu gyda Chôr Taflais yn ystod yr wythnos.
Gwrandewch ar ei sgwrs gyda Ffion Emyr ar y maes ddoe.
Mae'n brysur wrth Gylch yr Orsedd wrth i gynulleidfa gyrraedd ar gyfer seremoni urddo aelodau newydd Gorsedd Cymru.
Bydd y seremoni'n dechrau am 10:00.
Mae rhestr o'r aelodau newydd yma.
BBC Radio Cymru
Dywedodd John Davies, Cadeirydd Pwyllgor Gwaith Eisteddfod Y Garreg Las, ei fod wedi mwynhau'r profiad yn fawr.
"Mae wedi bod yn wythnos o gynnyrch arbennig iawn, mae wedi bod yn gynhyrchiol iawn," meddai ar Dros Frecwast.
"Ni wedi bod yn edrych ymlaen mor hir am yr wythnos hon, a byddai yn edrych yn ôl gyda gwên lydan ar ran fy nghydweithwyr.
"Rwy' wedi bod mor ffodus i gyd-gerdded y daith hon gyda phobol da y dair sir ac mae nhw wedi haeddu llwyddiant.
"Maen nhw wedi ei weld e ac wedi ei gyffwrdd e. Y gyfrinach yw bod pawb wedi cyd-dynnu yn dda gyda'i gilydd."
Ffynhonnell y llun, Eisteddfod GenedlaetholFe fydd enillydd cadair Eisteddfod y Garreg Las yn cael ei gyhoeddi y prynhawn 'ma, os bydd teilyngdod.
Beirniaid y gystadleuaeth eleni yw Idris Reynolds, Mererid Hopwood a Carwyn Eckley - enillydd y gadair yn Eisteddfod Genedlaethol Rhondda Cynon Taf.
Roedd gofyn i ymgeiswyr gyfansoddi awdl neu gasgliad o gerddi mewn cynghanedd gyflawn ar fwy nag un o'r mesurau traddodiadol - hyd at 250 o linellau ar y testun Llinell/Llinellau.
Mae'r gadair yn rhoddedig eleni gan Awdurdod Parc Cenedlaethol Arfordir Penfro a'r wobr o £750 yn rhoddedig gan Geraint a Siân James, Siop Awen Teifi, Aberteifi.
Heb deithio i'r Maes eto? Neu'n bwriadu gwneud y daith dros y penwythnos?
Mae'r holl wybodaeth sydd ei angen arnoch chi yma ar wefan ac ap Cymru Fyw.
Boed chi'n bwriadu teithio mewn car, ar fws neu ar drên - gallai'r erthygl yma eich rhoi ar ben ffordd.
Croeso i'n llif byw ar ddydd Gwener yr Eisteddfod Genedlaethol - diwrnod y Cadeirio.
Mae gohebwyr Cymru Fyw allan yn crwydro'r maes unwaith eto er mwyn dod â'r newyddion diweddaraf i chi.
Mae'n braf cael eich cwmni!
Ffynhonnell y llun, Eisteddfod Genedlaethol