Mae lle amlwg i'r diweddar Brifardd ac Archdderwydd Dic Jones yn y Brifwyl eleni wrth i'r Eisteddfod nodi hanner can mlynedd ers ysgrifennu awdl Y Gwanwyn - ond awdl na enillodd y gadair gan nad oedd hawl gan Dic Jones, fel aelod o'r pwyllgor llenyddiaeth, i gystadlu.

Yn ddiweddar bu Twm Morys yn olrhain hanes Cadair 1976 mewn rhaglen arbennig o Llwyfan.

Yn lwcus iawn, roedd y beirniaid oll yn gytûn bod dwy awdl gwbl deilwng o'r gadair ac fe'i cynigiwyd hi i Alan Lloyd Roberts sy'n fwy adnabyddus fel Alan Llwyd.

Ffynhonnell y llun, Eisteddfod Genedlaethol Cymru

Mae 41 wedi cystadlu am Goron Eisteddfod Genedlaethol y Garreg Las, a brynhawn Llun yn y pafiliwn byddwn yn cael gwybod a oes teilyngdod.

Y dasg eleni oedd cyfansoddi cerdd neu gasgliad o gerddi hyd at 250 o linellau ar y testun 'Adnabod'.

Damian Walford Davies fydd yn traddodi'r feirniadaeth ar ran ei gyd-feirniaid Gwynfor Dafydd a Nia Powell.

Ffynhonnell y llun, Eisteddfod Genedlaethol

Am y tro cyntaf eleni mae Y Tebot Hud ar Faes yr Eisteddfod fel hafan i'r rhai sy'n chwilio am seibiant o'r bwrlwm.

Bydd y lleoliad yn cynnig rhaglen o gerddoriaeth, sgyrsiau a gweithgareddau llesiant mewn awyrgylch hamddenol a chroesawgar.

Bydd y strwythur unigryw, gyda’i ffenestri mawr crwn a’i simdde uchel, yn cynnig man lle bydd ymwelwyr yn gallu mwynhau paned, ymlacio a chymryd rhan mewn sesiynau cerddorol anffurfiol drwy gydol yr wythnos.

Y delynores Catrin Finch a’r gomedïwraig Carys Eleri fydd yn arwain arlwy’r Tebot Hud gan groesawu Eisteddfodwyr a chyflwyno rhaglen arbennig fydd yn hyrwyddo llesiant ac yn cynnig cyfle i ymlacio yng nghanol prysurdeb yr ŵyl.

Dywedodd Cyfarwyddwr Artistig yr Eisteddfod, Elen Elis, fod dod â'r Tebot Hud i'r Maes yn rhan o'r ymdrech i greu gofod lle gall pobl ymlacio a chysylltu ag eraill.

Ffynhonnell y llun, Eisteddfod Genedlaethol

Terry, Eric a Dic ar eu ffordd i Lwyfan y Maes i berfformio gyda Chôr Meibion Clwb Rygbi Aberteifi.

Maen nhw ar hyn o bryd yn cyflwyno set o ganeuon hwyliog adnabyddus.

Heno ar Lwyfan y Maes y Welsh whisperer, Cowbois Rhos Botwnnog, Steve Eaves a Welsh of the West End X Band Mawr.

Yn 1976 roedd tîm rygbi Cymru yn eu hanterth wedi iddyn nhw ennill y Gamp Lawn.

Y flwyddyn honno hefyd fe gafodd un o'r chwaraewyr ei urddo i'r Orsedd.

• Gareth Edwards mewn lluniau

Mae'r glaw wedi cyrraedd Maes Llantwd. Os ydych am ddod i'r Maes brynhawn Llun, dewch yma yn eich cotiau glaw ac am nawr, byddwch yn barod i fochel o dan eich ymbarél.

Mae'n gyfnod prysur i Dan Edwards-Phillips, Rheolwr Gwasanaethau Cerdd Ceredigion a Chadeirydd Cerdd yr Eisteddfod Genedlaethol.

Yn ogystal â threfnu cyngerdd y tair sir ar y dydd Sadwrn olaf fe hefyd sydd yn arwain Côr yr Eisteddfod.

Mae'r côr yn perfformio yn sioe Sefyll ar y Sgwâr - y perfformiad olaf heno - ac fe fuon nhw yn perfformio yn y Gymanfa neithiwr.

Gan gyfeirio at ieuenctid y sir meddai: "Mae talent uchel iawn gennym ni yn y tair sir a fi'n edrych 'mlaen yn arw i allu dangos hyn i Gymru gyfan."

Ffynhonnell y llun, Llun cyfrannydd

Mae'r cerddor yn briod â'r soprano Gwawr Edwards, sydd hefyd yn weithgar iawn yn ystod yr ŵyl.

"Es i drwy'r amserlen gyda Gwawr a rhwng y ddau ohonom ni mae agos at 60 o ddigwyddiadau gwahanol yn ystod yr wythnos," meddai.

"Felly fe fyddwn ni'n brysur iawn, ond ni wedi bod yn edrych mlaen i bob eiliad o Eisteddfod y Garreg Las."

Mae Gruffydd ac Osian o Gaerdydd wrthi'n brysur yn heidio'r maes yn hel 'freebies'.

Gofynnodd Cymru Fyw iddynt beth yw eu 'freebie' delfrydol?

Atebodd Gruffydd heb unrhyw oedi: "Losin yw'r un gorau."

Gan obeithio bod digon o losin am ddim ar y maes i Gruffydd a'i ddant melys...

Mae'r Babell Lên yn fangre hynod boblogaidd.

Yn gynharach fe heidiodd nifer i'r Babell Lên i sgwrs podlediad Yr Hen Iaith gyda Dr Jerry Hunter a'r Athro Richard Wyn Jones.

Ar hyn o bryd cyflwyno enillwyr cystadlaethau'r Brifwyl sy'n digwydd yno a heno mae cryn edrych ymlaen at sioe Cabarela AberTŷFi.

Martha efo’i rhieni, Kelly a Iwan.

Mae Martha newydd berfformio gyda Chôr Ysgol Cerdd Ceredigion ar Lwyfan y Maes - mae'n bendant haeddu ei bocs bwyd!

Mae Rhodri, Owain a Mali y ci o'r Tymbl yn treulio'r diwrnod yn crwydro'r maes. Mae Mali ychydig yn nerfus am ei hymweliad cyntaf â'r Eisteddfod.

"Mae lot o bobl' ma a smo hi'n gwybod beth i'w wneud," meddai Rhodri.

Ffynhonnell y llun, Rhinedd Willaims

Eisteddfod y Garreg Las yw Eisteddfod gyntaf Rhinedd Williams fel Arolygydd Gwisgoedd yr Orsedd.

Ond mae hi wedi bod wrthi ers misoedd lawer yn paratoi'r holl wisgoedd ar gyfer y seremonïau ac mae ganddi ambell i ffrind sydd yn dda gyda'r haearn smwddio sy'n ei helpu.

"Dwi'n gyfrifol am holl wisgoedd yr Orsedd a'r regalia hefyd - y tlysau a'r pethau chi'n gweld, popeth sydd ar y llwyfan gyda'r Orsedd yn y seremonïau," meddai.

"Yn syth wedi'r Eisteddfod diwetha' bydd y gwisgoedd, ychydig dros 500, yn mynd i'w glanhau.

"Wedi iddynt ddychwelyd i'r stordy yn Llanybydder ymhen rhai wythnosau, byddaf i a'r tîm yn mynd i'w hail-osod yn nhrefn meintiau, fesul lliw'r wisg, a watsio bod pob llinyn a phob botwm dal yn ei le.

Ffynhonnell y llun, Rhinedd Williams

"Dwi'n agosáu at oed ymddeol ac roedd ymgeisio am y swydd yn rhyw fath o baratoi i lenwi'r bwlch erbyn daw'r amser," ychwanegodd.

"Mae'r gwaith yn mynd â fi i ardaloedd gwahanol a newydd ar hyd y wlad a thu hwnt, ac mae'n braf cael cyfarfod â phobl wahanol yn sgîl eu cyfrifoldebau yn yr Orsedd, o Eisteddfod i Eisteddfod.

"Drwy hyn, dwi wedi gwneud cysylltiadau newydd a ffrindiau newydd, ac mae hynny'n braf. Mae fy nghyd-aelodau yn yr Orsedd hefyd wedi bod yn arbennig o gefnogol ac mae'n braf cael cydweithio gyda hwy oll bob amser.

"Wrth gwrs, swydd wirfoddol yw hi. Does neb o'r Orsedd yn cael eu cyflogi; mae'r cyfrifoldebau i gyd yn llafur cariad ac mae'n bwysig bod pobl yn sylweddoli hynny."

Yr Arglwydd Rhys oedd yn llenwi'r cae ddydd Sadwrn ond heddiw mae Mistar Urdd yma ac mae Mari, 8 oed, o Lanelltyd ger Machynlleth, wrth ei bodd yn cael cyfarfod â’i harwr.

Flwyddyn nesaf bydd yr Eisteddfod - Eisteddfod Maldwyn Meirion - yn ymyl ei chartref.

Cantorion Pentalar gefn llwyfan...

ac ymlaen i'r llwyfan...

Does dim dianc rhag Eleri Siôn ar ôl cystadlu...

Edrych ar safon y côr sydd ar y llwyfan o'u blaen mae rhai aelodau o gôr Bytholwyrdd.

Mae Cadi, Cai a Leusa o Landeilo yn joio ar y Maes - ac ydy mae'n ddiwrnod braf.

Bydd côr Ysgol Gynradd Eglwyswrw yn perfformio yn y Tŷ Gwerin brynhawn Llun er mwyn talu teyrnged bro'r Garreg Las i un o blant Y Frenni Fawr, y Parchedig W Rhys Nicholas.