ဘီဘီစီမြန်မာပိုင်း ညနေခင်းသတင်းအစီအစဉ်, စစ်တပ် ဂျက်ဖိုက်တာ ကစ္ဆပနဒီတံတားနားက အိန္ဒိယဈေးကို လေကြောင်း ကနေ ၂ ကြိမ် ဗုံးကြဲတိုက်ခိုက်ခဲ့လို့ လူ ၃၃ ယောက်သေဆုံး

- ယူကရိန်း ကီးယက်ဗ်မြို့လယ်မှာ ရှိတဲ့ နာမည်ကျော် သုတေသနနဲ့ သိပ္ပံဆိုင်ရာ အဆောက်အအုံ National Academy of Science ရုရှားဒရုန်းနဲ့တိုက်ခိုက်ခံရ။ - အီရန်ဟာ အင်္ဂလန် တောင်ပိုင်းက လေတပ်အခြေစိုက်စခန်းတစ်ခုမှာ သံသယရှိစရာ ဗုံးဖောက်ခွဲရေး အစီအစဉ်နဲ့ပတ်သက်တဲ့ စွပ်စွဲချက်ကို ငြင်းဆိုလိုက်ပါတယ်။ - အစ္စရေးဝန်ကြီးချုပ် မနေ့ တနင်္ဂနွေနေ့က အာရပ်စော်ဘွားများပြည်ထောင်စု သမ္မတ မိုဟာမက် ဘင် ဇာရစ်နဲ့ တွေ့ဆုံဖို့ UAE ကို လျှို့ဝှက်သွားရောက်ခဲ့တယ်လို့ အစ္စရေး မီဒီယာတွေမှာ ဖော်ပြ။ - တူရကီမှာ နိုင်ငံရေး သရော်စာတွေကြောင့် လူသိများတဲ့ မစ္စတာ ဂိုတက်စ်ဟာ သူ့ရဲ့ “Dead Sea” အမည်ရတဲ့ ဖျော်ဖြေမှုကို YouTube ကနေ ထုတ်လွှင့်ခဲ့ပြီး တစ်ပတ်အကြာ ဇူလိုင်လမှာ ဟာသဖျော်ဖြေမှုတစ်ခုအတွင်း သမ္မတ Recep Tayyip Erdogan ကို စော်ကားခဲ့တယ် ဆိုပြီး စွပ်စွဲ ဖမ်းဆီးခံခဲ့ရ။ - အိန္ဒိယနိုင်ငံ အနောက်မြောက်ပိုင်း ပန်ဂျပ်ပြည်နယ်ရှိ “Lovely Professional University” တက္ကသိုလ်ဝင်းထဲက စီမံခန့်ခွဲရေး အဆောင်တစ်ခုမှာ ကျောင်းသူတစ်ဦး မုဒိမ်းကျင့်ခံခဲ့တဲ့သတင်း လူမှုမီဒီယာပေါ်တွင် ပျံ့နှံ့လာပြီးနောက် ဆန္ဒပြမှုတွေ ဖြစ်ပွားခဲ့လို့ ရဲတပ်ဖွဲ့ဝင် ၂,၀၀၀ ကျော် ချထား ထိန်းချုပ်ခဲ့ရ။ - ပြင်သစ်ကနေ အင်္ဂလိပ်ရေလက်ကြားကို လှေနဲ့ ဖြတ်ဖို့ ကြိုးစားတဲ့ ရွှေ့ပြောင်းနေထိုင်သူ သုံးယောက် သေဆုံးသွားပြီး အဲဒီအထဲ ၁၀ နှစ်အရွယ် ကလေးတစ်ယောက် ပါဝင်တဲ့အကြောင်း အပါအဝင်မြန်မာနဲ့ နိုင်ငံတကာ ထိပ်တန်း သတင်း ဘီဘီစီရဲ့ ရေဒီယိုအစီအစဉ်

တွေကို အင်တာနက် ဝက်ဘ်ဆိုက်နဲ့ ပေါ့ဒ်ကတ်စ်တွေကနေလည်း နားဆင် နိုင်ပါတယ်။ အသံလွှင့်နေစဉ် တိုက်ရိုက်နားဆင်ရန် - https://bbc.in/36EzLXM ----- ညပိုင်း ထုတ်လွှင့်မှု နားဆင်ရန် - https://bbc.in/2TSNLYZ ----- ညပိုင်းအစီအစဉ် ပေါ့ဒ်ကတ် နားဆင်ရန် - https://bbc.in/36H8bsY #ဘီဘီစီမြန်မာပိုင်း #ရေဒီယို