پاکستان کے صوبہ پنجاب کے ضلع رحیم یار خان میں ایک مسافر ٹرین میں آگ لگنے سے کم از کم 74 افراد ہلاک ہوگئے ہیں اور لاشوں کی شناخت کے لیے ڈی این اے ٹیسٹ کیے جائیں گے۔
عماد خالق, حسن بلال زیدی and کومل فاروق
،تصویر کا ذریعہGetty Images
ڈپٹی کمشنر رحیم یار خان جمیل احمد جمیل نے بی بی سی کو بتایا ہے کہ واقعے میں 65 افراد ہلاک ہوئے ہیں جبکہ 39 زخمیوں میں سے چھ کی حالت تشویش ناک ہے۔
ان کے مطابق زیادہ تر مرنے والوں کی لاشیں جھلسنے کی وجہ سے ’ناقابل شناخت‘ ہیں۔ زخمی افراد رحیم یار خان کے شیخ زید ہسپتال کے برن سینٹر میں زیر علاج ہیں۔
حکام کا کہنا ہے کہ ریسکیو آپریشن مکمل ہونے کے بعد لاشوں کی شناخت کے لیے ڈی این اے کا سلسلہ شروع کیا جائے گا۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
وزیر ریلوے شیخ رشید کے مطابق تیز گام ایکسپریس لیاقت پور کے مقام پر حادثے کا شکار ہوئی اور اس کی تین بوگیاں ’سلنڈر اور چولہے‘ پھٹنے سے جل گئیں۔
اس سے قبل انھوں نے بی بی سی کو بتایا تھا کہ متاثرین میں تبلیغی جماعت کا ایک وفد بھی شامل تھا جو لاہور میں ہونے والے اجتماع کے لیے سفر کر رہا تھا۔
،تصویر کا ذریعہASIM TANVIR
پاکستان کے صوبہ پنجاب کے ضلع رحیم یار خان میں ایک مسافر ٹرین میں آگ لگنے سے حکام کے مطابق کم از کم 65 افراد ہلاک ہوگئے ہیں۔ یہ آگ جمعرات کی صبح کراچی سے راولپنڈی جانے والی تیزگام ایکسپریس کی تین بوگیوں میں لگی۔
