ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

 ወዲ 25 ዓመት ኬንያዊ ተጻዋታይ ቼስ ስታንሊ ኦሞንዲ፡ ከም ጓል ኣንስተይቲ መሰሊ ኣብ ውድድር ደቂ ኣንስትዮ 2023 ኬንያ ተሳቲፉ።

ጓል ኣንስተይቲ መሲሉ ኣብ ውድድር ቼስ ዝተሳተፈ ኬንያዊ

ተንታኒ ኵዕሶ እግሪ ቢቢሲ ዝዀነ ክሪስ ስቶንስ፡ ነቲ ኣብዚ ሰሙን ዝካየድ ጸወታታት ፕረሚየር ሊግ እንግሊዝ ኣመልኪቱ ካብ ዝሃቦ ግምታት፡ ማንቸስተር ዩናይትድ ማዕረ፣ ቸልሲ ድማ ኣብ ሜዳኣ ክትሰዓር እያ ዝብል ገምጋም ሂቡሉ'ሎ።

ዩናይትድ ማዕረ፡ ቸልሲ ኸኣ ክትሰዓር ይግመት

ሓንቲ ስጳኛዊት ሕልፍቲ ኣትለት፡ ን500 መዓልታት ብዘይ ዝዀነ ርክብ ሰብ ኣብ በዓቲ ድሕሪ ምጽናሕ ወጺኣ፤ እዚ ድማ ክብረወሰን ዓለም ክኸውን ከም ዝኽእል ይንገር ኣሎ።

ን500 መዓልታት ኣብ በዓቲ ንበይና ዝጸንሐት ኣትለት ወጺኣ

ባየር ሙኒክ፡ ኣብ መፋርቕ እዚ ሰሙን ኣብ ቻምፕዮንስ ሊግ ብማንቸስተር ሲቲ ኣብ ዝተሳዕረትሉ ጸወታ ሳድዮ ማኔ ምስ ሌሮይ ሳን ብዘርኣዮ ምትህልላኽ ካብ ጸወታ ከም ዝኣገደቶ ኣፍሊጣ።

ኣጥቃዓይ ባየር ሙኒክ ሳድዮ ማኔ ካብ ጸወታ ተኣጊዱ

ፖሊስ ስጳኛ፡ 'ንደቅኹም ከዋኽብቲ ተጻወትቲ ኩዕሶ እግሪ ከነብቅዖኦም ኢና እናበሉ ቃል ብምእታው ንብዙሓት ብራዚላውያን ስድራቤታት የታልሉ ነይሮም' ዝበሎም ክልተ ዝተፈላለዩ ጉጅለ ገበነኛታት ከም ዘቃልዐ ገሊጹ።

'ከዋኽብቲ ኩዕሶ እግሪ ከነብቅዖም ኢና' ዝብሉ መደናገርቲ ተቓሊዖም

ኣጥቃዓይ እንግሊዛዊት ክለብ ማንቸስተር ሲቲ ኖርወጃዊ ኣርሊን ሃላንድ፡ ጋንታኡ ትማሊ ኣብ ልዕሊ ባየር ሙኒኽ 3 ን 0 ኣብ ዝሰዓረትሉ ጸወታ ሓዲሽ ክብረ ወሰን ኣመዝጊቡ።

ኤርሊን ሃላንድ ኣብ ቻምፕዮንስ ሊግ ሓድሽ ክብረ ወሰን ኣመዝጊቡ

ኣርሰናል፡ ትማሊ ናብቲ ካብ 2012 ጀሚራ ዓወት ኣመዝጊባትሉ ዘይትፈልጥ፣ ኣሰልጣኒኣ ሚከል ኣርቴታ 'ጫካ' ክብል ዝገለጾ ሜዳ ኣንፊልድ ከይዳ፡ ምስ ሊቨርፑል ማዕረ ክልተ ብኽልተ ድሕሪ ምፍልላያ፡ ዋንጫ ናይ ምውሳድ ዕድላ ኣብ ሓደጋ ከም ዝኣተወ ብዙሓት ተንተንቲ ይገልጽዎ ኣለዉ።

ኣርሰናል፡ ምስ ሊቨርፑል ማዕረ ተፈላልያ መሪሕነታ ኣብ ሓደጋ ኣእትያ

 ተንታኒ ስፖርት ቢቢሲ ክሪስ ስቶን ነዚ ሎምን  ጽባሕን ዝካየድ ጸወታታት ፕሪሜርሊግ ግምታቱ ሂብሉ ኣሎ፡ 
ሊቨርፑል ነታ ኣብ ቅድሚት ብምዃን ንጸወታታት ፕሪሜርሊግ ትቅልስ ዘላ ኣርሴናል ዓዲማ ተካይደ ጸወታ እቲ ዝያዳ ኣቓልቦ ስሒቡ ዘሎ ጸወታ ኮይኑ፡ ክሪስ ስቶን ነዚ’ውን ግምቱ ሂብሉ ኣሎ።
ንቐደም በሉ።

ግምት ጸወታታት ፕሪሚየር ሊግ ሎምን ጽባሕን 

ኣብ ታሪኽ ኣትለቲክስ ኤርትራ፡ ውድድር ማራቶን ምስ ዝልዓል፡ ኦሎምፒካዊ ኣትለት ግርማይ ገብረስላሰ’ዩ ኣብ ቅድሚት ዝመጽእ። ቅድሚኡ ንኤርትራ ወኪሎም ኣብ ማራቶን ዝተሳተፉ ከም ዩናስ ክፍለ፡ ተስፋሃንስ መስፍንን ካልኦትን’ኳ እንተሃለዉ፡ ክንዲ ግርማይ ሰዓት ዘመዝገበ፤ ሽም ‘ታ ሃገር ዘጸወዐን መዳልያታት ዝተሸለመን ግን ዛጊት የለን። እዚ ኣትለት ግን፡ ዘይከም ኣጀማምራኡ ኣብ ዓለማዊ መድረኻት እናሃሰሰ እዩ ክመጽእ ጸኒሑ፤ ጠንቂ እዚ ግን እንታይ እዩ? ቢቢሲ ነቲ ኣትለት ኣዘራሪቡ፡ ጉዳዩ ብስፍሓት ዳህሲስዎ’ሎ።

ኣትለት ግርማይ፡ ስለምንታይ’ዩ ካብ ዓለማዊ መድረኻት ሃሲሱ? ብቕዓት ‘ዶ ካልእ ጉዳይ?

ቸልሲ፡ ፍራንክ ላምፓርድ ክሳብ መወዳእታ ዓመተ ስፖርት ኣሰልጣኒ ክኸውን ሸይማ። 

ቸልሲ፡ ፍራንክ ላምፓርድ ግዝያዊ ኣሰልጣኒ ኰይኑ ተመሊሱ

ዶክተር እታ ጋንታ ኦርቲውን ሻፈር ኣብ መርበብ ሓበሬታ እታ ጋንታ ኣብ ዝሃቦ መግለጺ፡ ቢንያም ግርማይ ትማሊ ካብ ሆስፒታል ከምዝተፋነወ ክገልጽ እንከሎ ታኮ’ውን ብተመሳሳሊ ካብ ሆስፒታል ተፋንዩ ኣሎ እንተዀነ ክልቲኦም ንዝያዳ ውሕስነት ንንውሕ ዝበለ መዓልታት ብሽክለታ ካብ ምዝዋር ክቦኽሩ ምዃኖም ሓቢሩ።

ቢንያም ግርማይ ኣብ ድሓን ኵነታት ከምዘሎ ጋንታኡ ኣፍሊጣ

ኣሰልጠናኒ ቸልሲ ግርሃም ፓተርን ኣሰልጠንቲ ሌስተር ሲቲ ብሬንዳን ሮጀርስን ኣብ ሓደ መዓልቲ ካብ ስርሖም ተሰጒጎም

ቸልስን ሌስተር ሲትን ኣሰልጠንተን ኣባሪረን

ኣሰልጠንቲ ሊቨርፑልን ቸልሲን ናይ ትማሊ ውጽኢት ስዒቡ ኣብ ትሕቲ ጸቕቲ ኣትዮም ይርከቡ።

ስዕረት ሊቨርፑልን ቸልስን ኣብ ልዕሊ ኣሰልጠንተን ጸቕጢ ፈጢሩ

ሃገራዊት ጋንታ ኩዕሶ እግሪ ኢትዮጵያን ናብ ዋንጫ ኣፍሪቃ ናይ ምሕላፍ ተስፋኣን

ቢ-ቦይንግ ወይ ቢ-ገርሊንግ ተባሂሉ’ውን ዝጽዋዕ ብሬክዳንስ ወይ ብሬኪንግ ንመጀመርታ ግዜ ኣካል ፓሪስ ኦሎምፒክስ 2024 ክኸውን እዩ። እዚ ውድድር ሳዕስዒት መበገሲኡ ኣብ ሰብዓታት ኣብ ከተማ ኒውዮርክ እዩ።

'ብሬክዳንስ' ብኸመይ ኣካል ውድድር ኦሎምፒክ ክኸውን ክኢሉ?

እንግሊዛዊት ክለብ ቶተንሃም፡ ነቲ ን 16 ኣዋርሕ ከሰልጥና ዝጸንሐ ኢጣልያዊ ኣሰልጣኒ ኣንቶንዮ ኮንተ ብክልተኣዊ ስምምዕ ከምዘሰናበተቶ ብወግዒ ኣፍሊጣ። 

ቶተንሃም ንኣሰልጣኒኣ ኣንቶንዮ ኮንተ ኣሰናቢታ

ኣብ ዋንጫ ፕሪምየር ሊግ እንግሊዝ ዋንጫ ናብ ኣርሰናል’ዶ ናብ ማን ሲቲ ተምርሕ ዝብል ናይ ኩሉ ሰብ ሕቶ ኰይኑ ኣሎ።

ዋንጫ ፕሪምየር ሊግ መን ትዕወት? ኣርሰናል’ዶ ማን ሲቲ? 

እቲ ባንዴራ ትግራት ሒዙ ናብ ሜዳ ዝኣተወ መንእሰይን ካልኦትን ኣብ ከባቢ እቲ ጸወታ ዝካየደሉ ዝነበረ ሜዳ ሃይዋርድ ብምዃን ዓለም ብዛዕባ እቲ ኣብ ትግራይ ዝካየድ ዝነበረ ኵናት ንኽፈልጥ ሰልፊ የካይዱ ነይሮም።
ዓወት ናይ ጉዳፍ ጸጋይ ኣብ ኣሜሪካ’ዩ ነይሩ፡ እቲ ኵናት ከኣ ኣብ ኣፍደገ መዳሕንቲ ጉዳፍ ዝተቐበረሉ ቤት’ዩ ዝካየድ ነይሩ።

ጉዳፍ ጻጋይ፡ ኣብ እዋን ኵናት ሓድሕድ ሃገራ ቻምፕዮን ዓለም ዝኾነት ኣትሌት

ፖርቱጋል ኣንጻር ሊክተንስተይን 4ብ0 ኣብ ዝረትዓትሉ ጸወታ ክልተ ሸቶታት ክርስትያኖ ሮናልዶ ክብረወሰን ዓለም ኣመዝጊቡ።

ሮናልዶ ክልተ ሸቶታት ኣብ ዘቝጸረሉ ጸወታ ሓድሽ ክብረወሰን ኣመዝጊቡ

ማሕበር ኩዕሶ እግሪ ግብጺ ኣብ ዘውጽኦ መግለጺ፡ ኣብ መጀመርታ ናይዚ ወርሒ ንማርክ ክላተንበርግ ተኪኡ ሓላፊ ኮሚተ ዳያኑ ግብጺ ዝኾነ ቪቶር ፐረራ፡ መላእ ስታፍ ዳያኑ ን"ዘይተወሰነ ግዜ" ክእገዱ ከምዝወሰነ ሓቢሩ’ሎ።

ብሞባይል ተዓዛቢ ብዝተቐድሐ ቪድዮ ሸቶ ዝሰረዘ ዳኛ ካብ ጸወታ ተኣጊዱ

ካልእ ኣጥቃዓይ ሊቨርፑል ብራዚላዊ ሮበርቶ ፊርሚኖ ዋላ'ኳ ምስታ ጋንታ ዝነበሮ ውዕል ናብ ምዝዛሙ እንተበፅሐ፡ ኣብ ኤውሮጳ ክጸንሕ ከምዝደሊ ፉትቦል ኢንሳይደር ይሕብር።

መሓመድ ሳላሕ ካብ ሊቨርፑል ክሰናበት’ዶ ይኸውን? ካልኦት ዝውውራትከ?

ካብ ዝዀነ ንጥፈታት ኩዕሶ እግሪ ንኽልተ ዓመት ተኣጊዱ ዝጸንሐ ፕረዚደንት ኮንፈደረሽን ኩዕሶ እግሪ ኣፍሪቃ ነበር ማዳጋስካራዊ ኣሕመድ ኣሕመድ፡ "ንኣፍሪቃ ዝቈጻጸራ ፊፋ እዩ" ክብል ተሰሚዑ። ድሕሪ ምእጋዱ ዝተመልሰ ኣሕመድ፡ ዓለማዊ ትካል ኩዕሶ እግሪ ፊፋ፡ ንኣፍሪቃ ዝደልየሉ፡ ንስትራተጂ ምዃኑ ይገልጽ።

'መግዛእቲ ፊፋ ከብቅዕ ይግባእ' - ስለምንታይ ከ ፊፋ ንኣፍሪቃ ክቈጻጸር ይደሊ?

ትማሊ ቀዳም ብዘይ ኣቕራቢ ኣብ ዝተፈነወ ምድላው ‘ማች ኦፍ ዘ ደይ’፤ ብዘይተንተንቲ ስፖርት ዝቐረበ ኮይኑ፤ ኣለን ሺረንን ኢያን ራይትን እውን ኣይተረኸቡን። ቲም ዳቪ እቲ መዓልቲ ንቢቢሲ “ከቢድ” ከምዝነበረ ብምእማን “ፍታሕ ንምምፃእ ብዕቱብ ንሰርሕ ኣለና” ኢሉ።

ሓላፊ ቢቢሲ ምስ ጉዳይ ጋሪ ሊንከር ብዝተሓሓዝ ፈነወ ብምቁራፁ ይቕሬታ ሓቲቱ 

ጋሪ ነቪል ናይ ቀደም ጋንታኡ ማንቸስተር ዩናይትድ ትማሊ ሰንበት ብዘይእመን ኵነታት ብሊቨርፑል 7 ብ 0 ድሕሪ ምስዓራ ኣብ ዝሃቦ ርእይቶ፡ ‘ዘሕፍር’ ክብል ገሊጹ። 