ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

ኣብ ዝሓለፈ ወርሒ ሰነ ንካልኣይ እብረ ክወዳደር ጀሚሩ ዝነበረ ፕረዚደንት ጆ ባይደን ዕዉት ብዘይምንባሩን ናይ ዕድመ ብድሆታት ከምዘለዎ ርዱእ ድሕሪ ምዃኑ፡ ሰልፊ ሰሞክራሲ ኣብ ልዕሊኡ ጸቕጢ ብምፍጣር ካብ ሜዳ ውድድር ክወጽእ ተገዲዱ'ዩ።

መረጻ ኣመሪካ፡ ሎሚ ምሸት ዝግበር ፈላሚ ምጉት ካማላ ሃሪስን ትራምፕን

ምክትል ፕረዚደንት ነበር ሪፓብሊካን፡ ንካማላ ሃሪስ ከምዝመርፅ ኣፍሊጡ

ሂላሪ ክሊንተን ኣብ መደረኣ፡ ንሳ ንፕረዚደንትነት ኣብ እትውዳደረሉ ዝነበረት እዋን ቀዳመይቲ ጓል ኣንስትይቲ ፕረዚደንት ንምዃን ተቓሪባ ምንባራ ብምዝካር፡ እቲ ሽዕኡ ዝነቐዐ ሓጹር ሕጂ ካማላ ሃሪስ ዓነውነው ከተብሎ ከምእትኽእል ገሊጻ።
“እቲ ሓጹር ንገሌና ምስ ፈረሰልና፡ እቲ መንገዲ ንኹልና ጣጢሕልና’ዩ” ብምባል ምስቲ ቅድሚ ሸሞንተ ዓመት ኣብ እዋን ጎስጓስ ትዛረቦ ዝነበረት ሓረጋት ደጊማቶ።


ኣመሪካ፡ ሂላሪ ክሊንተን ‘ካማላ ሃሪስ ነቲ ሓጹር ተፍርሰሉ እዋን ሕጂ’ዩ’ ኢላ

ፕረዚደንት ኣመሪካ ጆ ባይደን፡ ኣብ ውሽጢ ሰልፊ ዲሞክራት ብዛዕባ ዳግም ኣብ መረጻ ኣመሪካ ሕጹይ ኰይኑ ምቕራቡ ዝምልከት ዝለዓል ዝነበረ ውጥጥ ኣብ ልዕሊ እቲ ሰልፊ “ምዝንባል” ንከይፈጥር ብምስጋእ ካብቲ መረጻ ከም ዘንስሓበ ገሊጹ።

ባይደን፡ ካብ ዳግመ መረጻ ኣመሪካ ዘንሰሓበሉ ምኽንያት ተዛሪቡ

ካማላ ሃሪስ “ንዶናልድ ትራምፕ ክካትዖ ብሃንቀውታ ይጽበ ኣለኹ። ኣብ መወዳእታ ንሱ’ውን ድልው ከምዝኾነ ሰሚዐ፤ ብሃንቀውታ ድማ ይጽበዮ ኣለኹ” ኢላ።

ትራምፕን ሃሪስን ገጽ ንገጽ ዝፋጠጡሉ ፈላማይ ክትዕ ቈጸራ ተታሒዙሉ

እዞም ጽምዲ መብዛሕትኡ ግዜ ኣብ መሰል ምንጻል ጥንሲን ድሕነት ካብ ብረት ዝፍጸም ዓመጽን ሓዊሱ ተሓለቕቲ ውልቃዊ ናጽነታት ኮይኖም እዮም ዝቐርቡ።
ዋልዝ፡ ኣብ ጉዳይ ተበጻሕነት ምንጻል ጥንሲ ንሪፓብሊካን “ሰስራሕኩም ስርሑ” ብዝብል ንጹር ቃላት፡ ኣብ ዝጎጠየሉ፡ ካብ ዲሞክራትስ ናእዳ ክረክብ እንከሎ ናይቶም ኣብ ተምፕል ዩኒቨርስቲ ዝነበሩ ልዕሊ 10 ሽሕ ድሙቕ ጭብጨባ እውን ተሰንዩ።
ሃሪስን ዋልዝን ኣብ ወሰንቲ ናይ ግዝኣታት ናይ ሓሙሽተ መዓልታት ዑደት ጀሚሮም ኣለዉ።


መረጻ ኣመሪካ፡ ሃሪስን ዋልዝን ሓቢሮም ጕዕዞ ጀሚሮም

ምምሕዳር ፕረዚደንት ጆ ባይደን፡ ኣብ ቀረባ እዋን ናብ ኣሜሪካ ዝግበር ዘይሕጋዊ ስደት ንምምካት ናይ ዝተወሰዱ ስጉምትታት ውጽኢት ምዃኑ ይገልጽ።

ብዝሒ ዶብ ኣመሪካ ዝሰግሩ ስደተኛታት ንሓምሻይ ወርሒ ብተኸታታሊ ነክዩ

ዶናልድ ትራምፕ ንጸለምቲ ጋዜጠኛታት ኣብ ዝተኻየደ ዋዕላ ዓሌታዊ መንነት ካማላ ሃሪስ ብዝምልከት ሕቶ ኣልዒሉ።



‘ጸላም ድያ ህንዲ? እንድዒ’ - ትራምፕ ኣብ ዓሌት ካማላ ሃሪስ ኣባጭዩ

ትማሊ፡ ባይደን ንህዝቢ ሃገሩ መልእኽቲ ቅድሚ ምሕላፉ ሒደት ሰዓታት፡ ዶናልድ ትራምፕ ኣብ ኖርዝ ካሮላይና ኣብ ዝነበሮ መድረኽ ጐስጓስ፡ ባይደን ብኸቢድ ይስዓር ስለ ዝነበረ’ዩ ኣንሳሒቡ ክብል ተዛሪቡ።

ባይደን፡ ካብ መረጻ ድሕሪ ምስሓቡ ኣብ ዝሃቦ ፈላማይ መብርሂ ዘይመለሶም ሓቅታት 

ኲናት ቓዛ ደው ንኽብል ካብ እስራኤላውያንን ምምሕዳር ኣመሪካን ጸቕጢ ዘጋጠሞ ቀዳማይ ሚኒስተር እስራኤል በንጃሚን ነታንያሁ ብዛዕባ ቀጻሊ መሻርኽቲ ኣብ ኣመሪካ ምብጻሕ ከካይድ’ዩ። እቲ ኣብ ዋሽንግተን ዝረአ ዘሎ ፖለቲካዊ ዕግርግር ንምብጻሕ ኔታንያሁን መጻኢ ዝምድና እተን ሃገራትን ብኸመይ ክጸልዎ ይኽእል?


ነታንያሁ፡ ባይደን ድሕሪ ምስሓቡ ምስ መን ክመክር ይኽእል?

ፕረዚደንት ባይደን፡ እታ ጸጥታን ድሕነትን ኣብ ስልጣን ዘለው፡ ፕረዝደንታት ነበርን ካልኦት ሰበ ስልጣንን ዝከታተል ትካል ክትመርሕ ዝጸንሐት ኪም ቺትል ኣብ 2022’ዩ ዳይረክተር ገይሩ ሸይሙዋ።

ዳይረክተር ጸጥታ ኣመሪካ፡ ብጉዳይ ፈተነ ቅትለት ትራምፕ ስልጣን ለቒቓ

ማዕከን ዜና ኣመሪካ ሲቢኤስ፡ ኣሶሸይትድ ፕረስ ንዝሰርሖ ሓደ መጽናዕቲ ጠቒሱ ኣብ ዝዘርግሖ ጸብጻብ፡ ሃሪስ ኣብ ፈላማይ ዙርያ መረጻ ልዕሊ 1976 ድጋፍ ወከልቲ ሰልፊ ዲሞክራትስ ከም ዝረኸበት ሓቢሩ።

ካማላ ሃሪስ፡ ሕጽይቲ ዲሞክራት ንምዃን ዘኽእላ እዅል ድምጺ ረኺባ

ፕረዚደንት ጆ ባይደን፡ ካብ ውድድር ዳግመ-መረጻ ንኽእለ ንሰሙናት ክቐርበሉ ዝጸንሐ ጻውዒታት ክነጽግ ድሕሪ ምጽናሕ ብሰንበት ንኣመሪካውያን መረጽቲ ብፍላይ ሃንደበታዊ ብዝዀነ ውሳነ ካብ ውድድር ፕረዚደንትነት ከምዝተኣለየ ወግዓዊ ገይሩ’ሎ። ስዒቡ ክመጽእ ዝኽእል ምዕባለታት እንታይ ይመስል?

ባይደን ድሕሪ ዝወሰዶ ሃንደበታዊ ውሳነ ዝስዕብ እንታይ እዩ?

ካማላ ሃሪስ ብ2021 ፈላሚት ጸላም፡ ፈላሚት ኤስያዊት-ኣመሪካዊትን ፈላሚት ጓልኣንስተይቲን ምክትል ፕረዚደንት ብምዃን ታሪኽ ምስርሓ ይዝከር። ጆ ባይደን ካብ ውድድር ፕረዚደንታዊ መረጻ ከምዘንሰሓባ ድሕሪ ምግላጹ ድማ፡ ፕረዚደንት እታ ዓባይ ሃገር ንኽትከውን ብዙሓት ዓይኖም ኣውዲቘምላ ኣለዉ። ድሕረባይታኣ ኸ እንታይ ይመስል?

መረጻ ኣመሪካ 2024፡ብዙሕ ዝመንነታ ፈላመይቲ ጓል-ኣንስተይቲ ምኽትል ፕረዚደንት ካማላ ሃሪስ መን'ያ?

ኣብዚ ብኣሽሓት ዝቑጸሩ ሰባት ዝተሳተፍሉ ጐስጓስ መረጻ፡ ትራምፕ ምስ ምክትሉ ኰይኑ ክወዳደር ዝሓጸዮ ጄዲ ቫንስ ዝገበሮ ናይ መጀመርታ ጐስጓስ'ዩ። 

ትራምፕ፡ 'ንስለ ዲሞክራሲ'የ ብጥይት ተሃሪመ' 

ዶናልድ ትራምፕ፡ ሰልፊ ሪፐብሊካን ወኪሉ ንፕሬዝደንትነት ንክወዳር ዝተዋህቦ ሕጹይነት ምቕባሉ ኣመልኪቱ ዘስምዖ መደረ፡ ዳርጋ ኣብ ውሽጢ 50 ዓመታት ክበሃል ዝክኣል እቲ ኣዝዩ ነዊሕ መደረ’ዩ ተባሂሉ ኣሎ። እዚ ዘረባ ንልዕሊ ሓደ ሰዓትን 30 ደቒቕን ክዘልቕ እንከሎ፡ ካብ ሕጹይ ፕሬዝደንት ብቴሌቪዥን ዝቐረበ እቲ ዝነውሐ መደረ ምዃኑ ጸብጻባት የመልክቱ።


ትራምፕ፡ ‘ኣብ ታሪኽ እቲ ዝዓበየ ምጥራዝ ስደተኛታት ክህሉ’ዩ’ ኢሉ

ኣብ ሰልፊ ዲሞክራትስ ሓደ ካብቶም ኣዝዮም ፍሉጣትን ጸለውትን ዝዀነ ኣዳም ቺፍ፡ ጆ ባይደን እታ ሽግ ናብ ካልእ ምስ ትራምፕ ክወዳደር ዝኽእል ሰብ ከረክባ ጸዊዑ። ነዚ እናሓየለ ዝመጽእ ዘሎ መጸዋዕታትት ባይደን እንታይ ግብራዊ ምላሽ ይህበሉ ዶ ይኸውን?

ባይደን ካብ ውድድር ክእለ ብጸለውቲ ፖለቲከኛታት ዝቐርብ ጻውዒት ሓዪሉ 

መስርሕ ጐስጓስ ትራምፕ፡ ካብ ኢራን ዝነቅል ስግኣት ከም ዘሎ ከም ዝተሓበረን ብሰንኪ እዚ ድማ ጸጥታ ከምዝወሰኸን ሓደ በዓል ስልጣን ሃገራዊ ድሕነት ኣመሪካ ገሊጹ።

ኢራን፡ ኣብ ፈተነ ቅትለት ትራምፕ ስማ ይለዓል ኣሎ 

እቲ ፕረዚደንት፡ ኣብ ጐስጓስ ፕረዚደንታዊ መረጻ፡ ትራምፕ ንኻልኣይ እብረ እንተተመሪጹ ክስዕብ ብዛዕባ ዝኽእል ሓደጋ ብንጹር ናይ ምሕባር ግዴታ ከምዘለዎ ተዛሪቡ።

ባይደን ‘ትራምፕ ሓደጋ’ዩ’ ዝበሎ ቅኑዕ ምዃኑ ኣስሚሩሉ 

እቲ ሕሱም ነቓፊ ትራምፕ ዝነበረ ጀይዲ ቫንስ፡ ትራምፕ ምክትሉ ኰይኑ ክወዳደር ከምዝሓረዮ ብወግዒ ምስ ፈለጠ፡ ምስ ፎክስ ኒውስ ኣብ ዝገበሮ ቃለ መሕተት ድሮ ንጆ ባይደን ዝነቅፍ ዘረባታት ክፍኑ ተሰሚዑ። ብዛዕባ'ዚ ምግልባጥ መርገጺ'ውን ዝበሎ ኣሎ፤

ኣመሪካ፡ ጀይዲ ቫነስ ምክትል ትራምፕ ኰይኑ ክወዳደር ተሓርዩ

ፕረዚደንት ኣሜሪካ ነበር ዶናልድ ትራምፕ፡ ኣብቲ ትማሊ ሰንበት ምሸት ኣብ ፐንሲልቫንያ ኣብ ዝተኻየደ ሰልፊ ዝተፈጸመ ፈተነ ቅትለት ፈተነ "ክመውት" ዝግብኦ’ኳ እንተነበረ፡ "ብዕድል ወይ ብኣምላኽ" ግን ከምዝደሓነ ገሊጹ።

'ብሳላ ዕድል ወይ ኣምላኽ ድሒነ ኣለኹ' - ዶናልድ ትራምፕ 

መርመርቲ፡ ትራምፕ ኣብ በትለር ንዝተኣከቡ ደገፍቱ ዘረባ ኣብ ዘስምዓሉ ዝነበረ እዋን፡ ክሩክስ ኤኣር-15 ዝተባህለ ጠመንጃ ሒዙ ከም ዝነበረን ክልተ ሰባት ክቘስሉ እንከለው ምኽንያት ሞት ሓደ ሰብ ከም ዝዀነ ኣመልኪቱ።

ቶማስ ክሩክስ፡ ብዛዕባ’ቲ ብፈተነ ቅትለት ትራምፕ ዝተጠርጠረ ሰብ እንታይ ንፈልጥ?

ዶናልድ ትራምፕ ኣብ ባትለር ፐንሲልቫንያ ኣብ ዝተኻየደ ሰልፊ፡ ካብ ሓደ ዕጡቕ ዝተፈጸሞ መጥቃዕቲ ስዒቡ መኮንናት ኣገልግሎት ጸጥታ ኣጓይዮም ኣውፂኦምዎ። እቲ ፍጻመ ዘርእዩ ኣሳእል ነዞም ዝስዕቡ ይመስሉ።

ፈተነ ቅትለት ዶናልድ ትራምፕ ብስእሊ

ኣብ ልዕሊ ፕረዚደንት ኣመሪካ ነበር ዶናልድ ትራምፕ፡ ኣብ ፔንስልቬንያ ኣብ ዝተኻየደ ሰልፊ፡ ፈተነ ቅትለት ተፈጺሙ። ኣብቲ ፍጻመ ብዙሕ  ተኸታታሊ ተዅሲ ዝተሰምዐ ኰይኑ፡ ትራምፕ ብኣገልግሎት ጸጥታ ተዓጂቡ ትጽበዮ ናብ ዝነበረት መኪና ክውሰድ ኣብ ተንቀሳቓሲ ምስሊ ተራእዩ።
