ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

ኒውካስል፡ ኣንጻር ፉልሃም ኣብ ዘካደቶ መበል 19 ግጥም ጸወታታት ፕረሚየርሊግ ተቐይሩ ዝኣተወ ኤርትራዊ-ሽወደናዊ ኣሌክሳንደር ኢሳቕ፡ ኣብ መበል 89 ደቂቕ ብዘመዝገባ ሸቶ ሰለስተ ነጥቢ ከሲባ፣ ብ38 ነጥቢ ንማንቸስተር ዩናይትድ ብጸብለልታ ሸቶ በሊጻ ሳልሳይ ደረጃኣ ዓቒባ።

ኣሌክሳንደር ኢሳቕ ኣብ ውዱእ ሰዓት ብዘመዝገባ ሸቶ ኒውካስል ሳልሳይ ደረጃኣ ዓቂባ

ካብ ግምት ብዙሓት ወጻኢ ድማ ዩናይትድ ንሲቲ 2 ብ 1 ስዒራ፡ እቶም ‘ቀያሕቲ ሰይጣውንቲ’ ማንቸስተራውያን ንሲቲ 'ቀይሕ' ኣምሲሎሞም።

‘ቀያሕቲ ሰይጣውንቲ ንሲቲ ቀይሕ ኣምሲሎማ’

መጻምድታ ነበር ጀራርድ ፒከ ኣብ ልዕሊኣ ከም ዝዘሞተ ዝገልጽ ዝገልጽ ደርፊ ሻኪራ ክብረወሰናት ዩትዩብ ሰቢሩ።

ጸርፊ ዝመልኦ ሓድሽ ደርፊ ሻኪራ ኣብ ዩትዩብ ክብረወሰን ሰቢሩ

ኮኾብ ኩዕሶ እግሪ ሮናልዶ: ኣብ ናይ መጀመርታ ጋዜጣዊ መግለጺ፡ ስም ናይታ ሓዳስ ኣአንጋዲት ሃገሩ ብዘሕፍር መንገዲ ብጌጋ ደቡብ ኣፍሪቃ ክብል ከም ዝጸውዐ ተገሊጹ።

ስም ስዑዲ ዓረብን ደቡብ ኣፍሪቃን ዝሓዋወሰ ሮናልዶ ዓለም የዛርብ ኣሎ

ምስ ስዑዳዊት ክለብ ኣልነስር ብኣዝዩ ክቡር ገንዘብ ክጽንበር ዝፈረመ ፖርቱጓላዊ ክሪስትያኖ ሮናልዶ፡ ቅድሚ ምስታ ክለብ ምፍራሙ ካብ ብዙሓት ጋንታታት ጠለብ ቀሪብሉ ምንባሩ ገሊጹ።

ሮናልዶ፡ ናይ ኣውሮጳ ዕማመይ ዛዚመ'የ መጺአ

ኣብቲ ንዓመታት ዝተጻወተሉ ካብ ከተማ ሳው ፓውሎ ውጽእ ኢሉ ዝርከብ ሜዳ ክለቡ ነበር ሳንቶስ ዝተኻየደ ወግዓዊ ስነስርዓት ቀብሪ፡ መራሕቲን ፍሉጣት ተጻወትን ንፔለ ዘለዎም ኣድናቘትን ክብርን ክገልጹ ተሰሚዖም።

ንጉስ ኩዕሶ እግሪ ዓለም ፔለ ናይ መወዳእታ ፋንዋ ተገይሩሉ

ዌስትሃም ንብሬንትፎርድ ከተአንግድ ከላ ሊቨርፑል ድማ ኣንፃር ሌስተር ክገጥም እያ።። ተንታኒ ኩዕሶ እግሪ ቢቢሲ ክሪስ ሱቶን ንመበል 17 ሰሙን ግጥማት ኩዕሶ እግሪ ፕሪምየርሊግ እንግሊስ ዘቐመጦም ቅድመ-ግምታት ዝስዕብ ይመስሉ።

ሊቨርፑል ምስ ሌስተር፡ ብራይተን ምስ ኣርሰናል. . . ግምታት ተንታኒ ስፖርት ሱቶን

እቲ ኣብ ታሪኽ ኩዕሶ እግሪ፡ ታሪኹ ብወርቂ ቀለም ዘጽሓፈ ፔለ ዓሪፉ፡ እንተዀነ ዛንትኡ ንዘልኣለም ክዝከር ክነብር’ዩ፤ ብፍላይ ከኣ ብብራዚላውያን። 

ፔለ፡ እቲ ንሃገሩ ኣብ ሓደ ዘስመረ ተጻዋታይ

ዛንታ ፔለ ኣይጽገብን'ዩ። ብዛዕብኡ መጻሕፍቲ፡ ፊልምታት፡ ብኣሽሓት ዝቝጸሩ ሓጸርቲ ዛንታታት፡ ማእለያ ዘይብሎም ኣሳእል ቀሪቦም ክነሶም ጌና ኣብ ፈቐድኡ ዘይረወየ ጽምኣት ኣሎ።

ተሰሚዑ ዘይጽገብ ዛንታ ኮኾብ ተጻወታይ ኵዕሶ እግሪ ፔለ

ጸወታታት ብሪሜርሊግ ብምኽንያት ጸወታታት ዋንጫ ዓለም ን40 መዓልታት ተቋሪጹ ድሕሪ ምጽንሑ ትማሊ ኣብ ዝጀመረሉ፡ ንፕሪሜርሎግ ክትቅልሲ ዝጸንሐት ኣርሴናል ድሙቕ ዓወት ኣመዝጊባ።
ትማሊ ኣርሴናል ኣብ ልዕሊ ዌስትሃም 3 ን 1 ዝተዓወተቶ ሓዊስካ ሸውዓተ ጸወታታት’ዩ ተኻይዱ፡ ኣብ ሸውዓቲኡ ጸወታታት ከኣ ብሓፈሻ 25 ሸቶታት ክምዝገብ ክኢሉ።

ጸወታታት ፕሪሚየር ሊግ ድሕሪ 40 መዓልታት ኣብ ዝተጀመረሉ ኣርሴናል መሪሕነታ ኣደልዲላ

ንዝሓለፈ ሓደ ወርሒ ኣቶክሮ ዓለም ናብቲ ኣብ ቐጠር ተኻይዱ ብዓወት ኣርጀንቲና ዝተዛዘም ዋንጫ ዓለም’ዩ ኮይኑ ወሪሑ።
ጸወታታት ፕሪሜርሊግ ንሽዱሽተ ሳምንታት ተቋጺሩ ድሕሪ ምጽናሕ ሎሚ፡ ጽባሕን ድሕሪ ጽባሕን ‘ጸወታታት ቦክሲንግ’ ከካይድ’ዩ።

ግምት ክሪስ ሱቶን፡ ኣርሴናል ማዕረ ሊቨርፑል ክትስዓር’ያ ይብል

ፊፋ፡ ኣብ ፍፃመ ፀዋታ ናይቲ ኣብ ቀጠር ዝተኻየደ ዋንጫ ዓለም፡ እቲ ‘ሳልት ቤይ’ ብዝብል ዝፍለጥ ስሙይ ከሻኒ (ሼፍ)ን ካልኦት ብርክት ዝበሉ ሰባትን ብኸመይ ናብ ሜዳ "ዘይግቡእ መእተዊ" ከምዝረኸቡ ከፃርይ ምጅማሩ ኣፍሊጡ። ሶልት ቤይ ብዝብል ዝፍለጥ ቱርካዊ ሼፍ ኑስረት ጎክቸ፡ ተጻወትቲ ኣርጀንቲና ድሕሪ'ቲ ኣብ ልዕሊ ፈረንሳ ዘመዝገብዎ ዓወት ኣብ ዝጽንብልሉ እዋን፡ ንዋንጫ ዓለም ሒዙን ክስዕምን ተሳኢሉ’ሎ።

ፊፋ ‘ሳልት ቤይ’ ናብ ሜዳ ኣትዩ ንዋንጫ ዓለም ዝሓዘሉ ኣጋጣሚ ይምርምር ኣሎ

ኣፍሪቃውያን ጋዜጠኛ ማግዲ ዓብደልሃዲ፡ ኩዕሶ እግሪ ብዛዕባ መንነት ሞሮኮ ከመይ ገይሩሩ ቅርሕንቲ ከም ዘጓሃሃረ ይገልጽ።

ቅልውላው መንነት ሞሮኮ፡ ዓረባዊት'ዶ ኣፍሪቃዊት ወይ ኣማዚግ?

ተኣጊዳ ዝነበረት ኣጥቃዒት ባርባራ ባንዳ ኣብ ዝመጽእ ዓመት ኣብ ዝካየድ ዋንጫ ዓለም ደቂ ኣንስትዮ ከም ትሳተፍ ተገሊጹ። 

ዋንጫ ዓለም ደቂ ኣንስትዮ 2023፡ 'ብጾታዊ መዐቀኒ' ተኣጊዳ ዝነበረት ዛምቢያዊት ክትሳተፍ ተፈቒዱላ

ተስፋን ሕልምን ኣርጀንቲና ኣብ እንግድዓ ሊዮነል መሲ እዩ ዘሎ። እዚ ወዲ 35 ዓመት ተጻዋታይ ናይ ኵሉ ግዜ ዝበለጸ ተጻዋታይ ምዃኑ ዘየማትእ ኰይኑ፡ ንሃገሩ ንመወዳእታ ግዜ ኣብ ዝስለፈሉ ዘሎ እዋን፡ ዋንጫ ዓለምን ወርቂ መዳልያ ዓቲሩ ፍሉይ ዘውዲ ክደፍእ ይትስፎ።

'ሕልምን ተስፋን ኣርጀንቲና ካብ መሲ እዩ' - ፈረንሳ ኸ?

ኣብ ሞሮኮ፣ ኣውሮጳን ኳታርን ተኣኪቦም ነቲ ጸወታ ዝከታተሉ ዝነበሩ ደገፍቲ፡ ነቶም ባዕዳውያን ገዛእቶም ዝነበሩ ክስዕሩዎም ተስፋ ገይሮም ነይሮም።

ብሓዘንን ሓበንን ካብ ዋንጫ ዓለም ዝተሰናበተት ሞሮኮ

ክልቲኦም ዕውታት ባላንዶር’ዮም፡ ክልቲኦም ማልያ ቁጽሪ 10’ዮም ዝለብሱ፡ ክልቲኦም ናብ ፍጻመ ዋንጫ ዓለም በጺሖም ተሳዒሮም’ዮም፡ ሕጂ ሓዲኦም ናብ ፍጻመ ክሓልፉ’ዩ፡ ኣርጀንቲና ዶ ክርኤሽያ? ሜሲ ዶ ሞድሪች ሎሚ ይደምቁ ሰዓት ዓሰርተ ምሸት ዝጅምር ጸወታ ክምልሶ’ዩ።


ዋንጫ ዓለም 2022፡ ኣርጀንቲና ዶ ክርኤሽያ? ሜሲ ዶ ሞድሪች ሎሚ ይደምቁ?

እዚ ክዛዘም መዓልታት ተሪፍዎ ዘሎ ዋንጫ ዓለም፡ ካብተን 32 ሃገራት ነተን 28 ሃገራት ነናብ ሃገረን ኣፍንዩ ኣርባዕተ ሃገራት ሒዙ ተሪፉ’ሎ፡ ክሳብ ሕጂ ካብ ዝተኻየደ ጸወታታት ከኣ ከም ደገፍቲ ሃገራውያን ጋንታታት ሞሮኮን ኣርጀንቲናን ገይሩ ዝጨደረ የለን፡ እንተኾነ እዘን ሃገራት ንክርኤሽያን ፈረንሳን ሰዒረን ናብ ፍጻመ ይሰግራዶ ይኾና ዝብል ሕቶ ኣብ ፊትና ደው ኢሉ’ሎ።

ዋንጫ ዓለም 2022፡ ግምት ክሪስ ስቶን ንጸወታታት ፍርቂ ፍጻመ 

ሞሮኮ ኣብቲ ኣብ ቐጠር ዝካየድ ዘሎ ዋንጫ ዓለም 2022፡ ንፖርቱጋል ረቲዓ ናብ ፍርቂ ፍጻመ ዝሓለፈት ፈላመይቲ ኣፍሪቃዊት ሃገር ኰይና።

ሞሮኮ፡ ናብ ፍርቂ ፍጻመ ዋንጫ ዓለም ዝሓለፈት ፈላመይቲ ኣፍሪቃዊት ሃገር ኰይና

ፍሉጥ ኣሜሪካዊ ጋዜጠኛ ኩዕሶ እግሪ ግራንት ዋል ኣብ ቐጠር ዝካየድ ዋንጫ ዓለም ኣብ ዝጽብጽበሉ እዋን ከምዝዓረፈ ተገሊጹ።

ዋንጫ ዓለም 2022፡ ኣሜሪካዊ ጋዜጠኛ ስፖርት ግራንት ዋል ኣብ ቐጠር ዓሪፉ

ኣፍሪቃ ብሰንኪ መግዛእቲን ሕጽረት ተሳትፎን ክሳብ ሕጂ ዋንጫ ዓለም ክትዓትር ኣይከኣለትን።

ኣፍሪቃ ስለምንታይ'ያ ክሳብ ሕጂ ዋንጫ ዓለም ክትዓትር ዘይክኣለት? 

ሎሚ ዓርቢ፡ ክሮሽያ ኣንጻር ብራዚል [ሰዓት ሽዱሽተ ድሕሪ ቀትሪ] ሆላንድ ኣንጻር ኣርጀንቲና [ሰዓት ዓሰርተ ምሸት] ፡ ጸወታ ርብዒ ፍጻመ ብምክያድ ክልተ ክሰራሰራ’የን ክልተ ከኣ ርእሰን ከድንና'የን።

ዋንጫ ዓለም 2022፡ ክሮሽያ ኣንጻር ብራዚል፡ ሆላንድ ኣንጻር ኣርጀንቲና ድሙቕ ዝኾነ ዓርቢ’ዩ

ቢቢሲ ብዛዕባ እቲ ኣብ ውድድራት ኩዕሶ እግሪ ዓለም ዝነገሰ ፈረንሳዊ ምባፐ ሸውዓተ ብልጫታቱ ክነግረኩም’ዩ። 

ምባፐ፡ ብሉጽ ብሉጻት ዘበልዎ 7 ነገራት እንታይ'ዮም?

ኮኸብ ኩዕሶ እግሪ ዓለም ኣርጀንቲናዊ ሊዮነል መሲ፡ ክልተ ግዜ ተዓዋቲት ዋንጫ ዓለም ንዝዀነት ሃገሩ ንኣውስትራልያ ረቲዓ ናብ ርብዒ ፍጻመ ክትሓልፍ እንከላ ንዕኡ ድማ መበል ሓደ ሽሕ ጸወታኡ’ዩ ነይሩ። 